7:50 مساءً 17 فبراير، 2019

اغتصاب بطريقة شرعية ولكنه فرصة ثانية , في حاره قديمه من حواري القاهرة العشوائية

روايه اغتصاب بطريقه شرعيه و لكنه فرصه ثانيه قصه اغتصاب

احيانا  يبدو ما يحدث لنا انه انتهت الحياه لهذا الحد

ولكن ما يحدث ان الله يعطينا فرصه تانيه لنبدا حياه جديده تعوضنا عن القديمه

اغتصاب بطريقه شرعيه و لكنه فرصه ثانيه

 

الحلقه الاولي

فى حاره قديمه من حوارى القاهره العشوائيه

منزل قديم لعائله

الدور الارضى محلات يوجد محل خالد لتصليح اللابات و الكمبيوتارات و هو احد ابناء العائله

الدور الاول يوجد محسن و زوجته و ابنته سحر و ابنه خميس

الدور التانى يوجد اخو محسن و هو طلعت و يعيش مع زوجته و ابنيه خالد و سعيد

وفوقهم  يبنى كل واحد لابناءه

محسن و زوجته كباقى الاسر البسيطه الغير متعلمين و الذين لا يعلمون من دينهم الا القليل

وابنتهم سحر دبلوم فهى متبرجه طرحه تظهر من شعرها اكثر ما تخفي

ولبس ضيق جدا و تعمل في بوتيك من الصباح حتى العاشره او الحاديه عشر مساءا

خميس دبلوم و مسافر الخليخ

اما طلعت و زوجته مثل اخوه و لكن يغلب عليهم الالتزام بعض الشيء

خالد الكبير انسان في بدايه التزامه لحيه خفيفه بعض الشيء و قصيره معهد كمبيوتر و يكمل حاسبات و معلومات

سعيد  مثله مثل عمه و ابناءه دبلوم و يعمل صنايعى في و رشه و مقضيها

نبدا قصتنا بالصلاه على النبي

بعد هذا التعريف بالابطال

…………………………..

سحر تعود من العمل متاخره كل يوم حتى ال10 او 11 مساءا

خالد فاتح المحل عندما يراها يستشيط غضبا

خالد:انتى ايه اللى يرجعك  متاخر كده كل يوم في بنت في سنك تمشى في الوقت ده انتى مش بتراعى سمعتنا في الحته

سحر:اخرس حد يقدر يكلم عليا نص كلمه دا انا كنت قطعتهوله

وانت ما لك انت اش احشرك ارجع حتى واحده ليك عندى ايه اما بلاوى صحيح

خالد:استغفر الله العظيم ربنا يهدي

ويغلق المحل و هى تطلع يقابلها سعيد

سعيد:ايه القمر بتاعنا مكشر كده ليه هو انت بتحلو كل يوم و لا انا مش و اخد بالي

سحر:اسكت ياسعيد لحسن اخوك ده فور دمى انا عارفه مستحملينه ازاي

سعيد:عشان تحسى بالمعاناه اللى انا فيها و تقدري

اصله عملنا فيها عم الشيخ بقي

ماتجيب حاجه على الماشى كده ياقمر

سحر ايدك جاك قطع ايدك

ف الحلال ياخويا

سعيد:طب ما تيجى نروح الخميس السيما و الدنياضلمه وينهاار بوس يانهاار بوس

سحر نعم ياخويا فشرر

انا ممكن اجى بس تقعد مؤدب

لحسن ما في غير الشبشب انسله على نفوخك

اااه انت فاكيرنى من البنات اياهم و لا كده و لا كده

سعيد:دا انت ابو كده و ام كده يامعلم

ويطلع خالد على السلم

خالد:انتى ايه اللى لبساه ده مش حاسه بنفسك

الهدوم هتتفرتك عليكى بالشكل ده

سحر:وانت ما ل اهلك اما غتاته صحيح و انت بتشوفنى ازاى و انت باصص في الارض

سعيد:اصله ما شى يبص على الكوارع اللئيم

خالد:احترم نفسك ياسعيد

ربنا يهديكم

سعيد:لا مؤاخذه ياعم الشيخ

…………………….

يذهب سعيد الى صحبته السيئه حيث الحشيش و ما الى ذلك و تدخل سحر بيتها و خالد بيته

خالد: يا و الدي

كنت اريد التحدث معك في امر هام

طلعت:خير يابني

خالد:بصراحه ياوالدى مش عاجبنى طريقه تربيه عمى لبنته

انت شايف لبسها و ترجع متاخره

ودا كله في و شنا لما الواحد يسمع عنها اي شيء بيتحرق دمى الصراحه

طلعت:يابنى احنا ما لنا خلينا في حالنا

مرات عمك لسانها سليط و لو اكلمنا هتفضحنا

هى من الناس الجهله الى مفكره كل ما تعرى جسم بنتها و تضيق لبسها يجلها خطاب كتير

خالد:يعنى ما فيش فايده

طلعت:خلينا في حالنا ياخالد ما تعملناش مشاكل مع عمك

خالد:خلاص يابا انا ما يخلصنيش ازعلك مع اخوك

ربنا يهدى الجميع

 

 

 

الحلقه الثانيه

ذهبت سحر كعادتها شغلها و اثناء عودتها من البوتيك ليلا و في شارع مظلم شخصان

الاول:ايه الموزه الجامده دي

دى طيرت ام الحجرين اللى في نفوخي

هجمو عليها كما يهجم الذئاب على فريستهم

واغتضبوها كاى حيوان في الشارع

فكانت كالبهيمه المذبوحه لم يستجديهم استرجاؤها

انها كاخت لهم او ما شابه ورموها و سط الطريق غارقه في دماؤها مغشى عليها بلا حراك جثه هامده

فراها عم محمد رجل كبير في السن بتاكسى و معه راكب فتوقف بسرعه

عم محمد:لا حول و لا قوه الا بالله هو الدنيا ما بقاش فيها امان  خالص

شيل معايا يااستاذ انقلها لاقرب مستشفي

وفعلا نقلاها مسرعين الى اقرب مشفى و وجدو بطاقتها بها عنوانها فسجلت المشفى كل شيء و استدعو اهلها و عندما علمت امها  اخذت تصوت و جاءتها سلفتها و علمت بما حدث و اخبرت زوجها و اولادها و ذهب الكل الى المشفي

محسن و زوجته:ياربى نعمل ايه في المصيبه اللى احنا فيها دي

يارب نجينا يارب

وسحر في حاله انهيار تام

وبعد فتره عادت الى بيتها لاتريد ان ترى شيء و لا تفعل شيء غير ان تحبس نفسها في حجرتها و تتشح بالسواد و ترتدى نقابها لا تدينا منها و لكن عله يحجبها عما حولها فلا ترى منه احد و لا احد يراها

…………..

فى منزل طلعت

خالد:احنا هنسيب عمى و بنت عمى في الورطه دى و كلام الناس ما بيرحمش و بنهشوه في الراحه و الجايه

طلعت:واحنا بايدنا ايه نعمله يعني

 

خالد:انت مش كنت بتحبها ياسعيد انا كنت شايف ان بينكو لغه و حوار ما تجوزها و تسترها

سعيد: اجوز مين ياعم واحده معيوبه انت عاوز الناس تاكل و شى دى بت شمال انا ما ل امى بالشبكه السودا دى  ماتجوزها انت

خالد:خلاص انا اولى بستر بنت عمى و هنزل اخطبهامن عمي

ام خالد:انت بتقول ايه يابنى وايه يجبرك على كده دا انت كليه و هى دبلوم و كمان استغفر الله العظيم ربنا حليم ستار

خالد انا قررت و خلاص و مش عاوز نقاش و لا هغير قراري

طلعت:انت حر يابنى اسكتى ياام خالد

خالد عمل عين العقل ربنا يحميك يابنى و يباركلك

……………..

فى شقه محسن

خالد:انا جاى اخطب سحر ياعمي

محسن بكسره:وانت ايه يجبرك على كده يابني

خالد:ماحدش جبرنى ياعمى دى لحمى و انا اولى بيه

بس ممكن تناديلها

محسن:ياام خميس نادى لسحر

ام خميس:قومى يابت خالد بن عمك هنا و ابوكى عاوزك معرفش ليه

سحر:مش عاوزه اشوف حد و لا اكلم حد سيبونى في حالي

ام خميس معلش هى نفسيتها تعبانه و مش عاوزه تقابل حد

خالد طب ممكن توصلينى لاوضتها و خليكى معانا

ام خميس:افتحى يابت خالد عاوز يكلمك

سحر مش عاوزه اشوف حد

خالد:افتحى ياسحر بدل ما اكسر الباب

سحر ودا ايه المجنون ده كمان انا ناقصه هبل امه

سحر تفتح بنقابها افندم عاوز ايه جاى تدينى الموشح بتاع كل مره و انا السبب عشان لبسى و ارفى انا مش نقصاك ارحمونى و سيبونى باللى انا فيه

خالد:طب ممكن تشيلى النقاب لان دى رؤيه شرعيه سحر:يعنى ايه البتاعه دي

خالد:لما واحد بيتقدم لواحده لازم يشوفهامش هجوزك من غير ما اشوفك ما فيش عريس بيجوز عمياني

فزرغطط امها بفرح اخيرا حد هيستر بنتها

سحر اسكتى ياحاجه بتزرغطى على ايه انا مش عاوزه اجوز و لا طايقه اشوف صنف راجل

ام خميس:اخرسى يابت و اتلمي

خالد:لا يا مرات عمى دا جواز و دا حقها و انا مش هضغط عليكى و مش عاوز الرؤيه انهارده انا هسيبك تفكرى و اجيلك تانى و ساعتها تخرجى من غير النقاب

……………

تتصل سحر بسعيد

سحر:قابلنى فوق السطح

سعيد:فى ايه

سحر:اخوك جاى يتقدملي

سعيد:ما انا عارف

سحر:وانت ازاى تسيبه يتقدملى ما تقدمتش انت ليه

سعيد:طب هو و اد عبيط يشربك هو انما انا ادبس ليه انا لما اجوز تبقى بت زى البرلنت زى الجنيه الذهب تضربه في الارض يرن مش لا مؤاخذه

سحر:بقى هو عبيط عشان هيتقدملى اخس عليك و اطى دا خالد انضف منك و برقابتك

سعيد:اشربيه اشبعى بيه

ونزلت مكسوره اكتر من كسرتها

وتفكر يعنى الضحيه و المجنى عليها هى اللى بيبصولها كده ليه ذنبى ايه هو انا اللى قلتلهم يغتصبونى و لما بن عمى يقول كده امال الغرب يقولو ايه و اصبح لا ملجا لها الا ان توافق على خالد علها تحمى نفسها و اهلها من القيل و القال و لكنها تكرهه كرها شديدا و كيف لها ان تعيش مع هذا الشخص و لا يوجد روح بينهما و لكنها مضطره فهو بالنسبه لها اغتصاب و لكن بطريقه شرعيه

 

 

الحلقه الثالثه

ياتى الموعد المحدد لخالد مع سحر للرؤيه الشرعيه و تدخل دون نقاب كما قال

فلا ملجا للخروج من هذه المشكله الا هذا الحل فقد سدت كل الطرق

تدخل سحر سامو عليكو

خالد:مين سامو الى داخله عليا بيه ده اولا اسمها

سحر تتمتم هنبتديها غباوه بقي

خالد:سمعتك على فكره و هفوتها بمزاجي

سحر ماهو انت الى داخل حامى عليا اوى من اولها

انت مش شوفتنى يلا بقى قال يعنى مش في و شك بقالى 20 سنه

خالد:فى واحده تقول للى هيبقى جوزها انت مش شفتنى يلا روح بقي

سحر:جوزها اهو كله اغتصاب بس بطريقه شرعيه

خالد ايه الجمله العظيمه اللى قولتيها دى جبتيها منين

ثم انا لا هغتصبك و لا عاوز منك حاجه ياسيتى اطمني

سحر: اهو كلام

وانت مفكر انت اللى متعلم و بتقول كلام ما نا معايا دبلوم انا كمان

خالد:اه طبعا معلم و منك بنتعلم صراحه

انما اش وصلنا لك احنا حياالله كليه

سحر:انت بتتريق احنا في مصيبه و انت بتتريق

خالد:مصيبه ايه يابنتى انا جاى اجوزك مش اعتقتلك

سحر تايه ياخويا تعتقلنى ازاى يعني

خالد:لا ما تركزيش و فوتى اللى ما تفهمهوش عشان ما تتعبنيش معاكي

سحر:ماهو تخلى البساط احمدى طالما هنعيش سوا بلاش النحوى بتاعك ده اللى ما يتفهمش و اكلم زى البنى ادمين

خالد:هو انا بكلم هيروغليفى معاكي

ماعلينا

المهم انتى جاهزه امتى نجوز

سحر شوف ابويا و امي

وفعلا اتفق خالد مع عمه على العفش و لوازم الفرح

وتزوجا و دخلا شقتيهما لاتعلم ماذا سيحدث و لكنها لم تكن تتوقع ما حدث

 

وعندما دخلا قال لها خالد ان تتوضا

سحر:ايه ياختى ده هو هيعملنا حلقه ذكر و لا ايه اما نشوف اخرتها

وتوضات فعلا

خالد:يلا عشان تصلى ركعتين خلفي

سحر:طب معلش ياخويا في دا السؤال

هو حد ما ت

خالد:لا ليه

سحر:امال احنا بنصلى ليه

خالد:دول ركعتين بيصليهم الزوج و خلفه زوجته  عشان ربنا يباركلهم في زيجتهم

سحر:طب ياخويا ما شى اتكل على الله

وفعلا صلى بها الركعتين و دخلا حجرتيهما

وارتدت قميصها مضطره فقد حذرتها امها و لا احد يعلم ما بها و لا يحس احد بها فاقتراب اي شخص منها يدمرها و لكنها مستسلمه لقدرها

وتدثرت بغطاءها الى ان ياتى ثم جاء من الطرف الاخر للسرير و اعطاها ظهره لينام

 

سحر:خالد مش انهارده ليله الدخله و لا انا غلطانه

خالد:لا ياسحر مش غلطانه

نامى و ما تفكريش كتير

سحر:خالد انت فيك حاجه ياخويا صارحنى انا اختك ستر و غطا عليك

خالد:ياسيتى انا زى الفل و ما فياش حاحه تحبى تجربي

فاتخضت سحر:لا يا خويا صادق

خالد:وايه اخوات و اخويا انا جوزك جاك خوت يشقلبك

نامى بقى و ما تعفرتنيش خلى الليله تعدى على خير

فنامت و هى تفكر في واحد قدامه واحده عامله البدع في نفسها و لابسه اشى و شفتشى و يسبها وينام اكيد في ان

او مصدق كلام الناس عليا و اجوزنى عشان يذلنى من اللى عملته فيه

ولكنها استسلمت للنوم و لا تعلم ماذا سيحدث

 

 

 

الحلقه الرابعه

ف الصباح سحر لم تستوعب ما يحدث و قررت ان تتحدث مع خالد

سحر انت اجوزتنى عشان تذلنى صح

عشان في الراحه و الجايه كنت بهزاك

خالد: انا بردو يابنت عمى تظنى فيا كده انتى لسه ما تعرفنيش كويس لماتعرفينى هتفهمي

بدا الشك يساورها مره اخري

سحر:امال لا قربتلى و لا جيت جمبي

ليه بقى مش فهماها الحته دي

خالد:اولا انا مش حيوان بجرى و را غريزته بس

وانا مقدر حالتك النفسيه و الظروف اللى مريتى بيها عشان كده سايبك لما تحسى بالاولفه معايا

فهمتي

سحر:اعدمك لو فهمت حاجه

خالد:هههههه انتى عاوزه تعدمينى في الصباحيه دا انتى مشكله

سحر:طب براحه عليا كده و واحده واحده فهمنى و بلاش الكلام المجعلص ده ما حبوش و لا افهموش

خالد:وعملالى دبلوم بس و بنقول كلام كبير

سحر:الله يسمحك انت بتتمسخر عليا عشان علامى على ادي

خالد:ياسيتى حاشا لله مش قصدى و الله انا بس بفك التنشنه اللى انتى فيها دي

ولا على ايه هنقعد في شرح التنشنه دى اسبوعين

سحر:لا ياخويا فهماها انت فاكرنى حماره كنا بنقولها لبعض ما تنشنيش معايا انا و البنات اصحايي

خالد:طب الحمد لله

المهم انا اقصد انى مش هاجى جمبك الا اما الاقيكى انتى اللى جايه في حضنى و عوزاني

سحر عشم ابليس في الجنه

يبقى هتستنى كتير

انت لو عاوز حاجه خدها

خالد:ياسيتى انا صابر و محتسب و اجرى على الله

ومش هياس منك

وحتى لو ما حبتنيش و ما رتحتيش معايا و حبيتى اطلقك انا ما عنديش ما نع

سحر:بس انا بردو مش مرتحالك ما هو ما فيش واحد معاه مراته بت لونه و نغشه كده و هيسبها في حالها

خالد:يابت اهمدى بقى ما تكبريهاش في دماغي

دا ايه البت دي

ياسيتى انا عارف انك ما بتطقنيش و مش ممكن هخدك غصب ابدا لو هموت عليكى يبقى فرق ايه بينى و بين اللى اغتصبوكي

سحر:انك جوزي

خالد:انا بقى مش عاوزها الا بالتراضي

سحر يعنى هتصبر و مش هتنخ

خالد:انخ دا انتى مصيبه في تعبريتاك بتجيبى الكلام المنقرض من زمن ده ازاي

سحر:اهو بسمع امي

خالد:على راسى ياسيتى انتى و الست الوالده

سحر:تسلم و تعيش ياخويا

خالد:بس رجاء بلاش اخويا عشان بتحرق دمي

سحر ماشى ياخويا

يوووه معلش بقي

خالد:انا ما شى اشوف اكل عيشى احسن

سحر:هتنزل في الصباحيه

دى الناس تاكل و شي

اصبر يومين حتى و ابقى افتح

 

خالد:طب انا نازل اشوف الجماعه تحت

سحر:ماشى سلملى عليهم

…………….

خالد:يسلم على امه و يقبل يدها

ازيك ياست الحبايب وحشتيني

ام خالد:تسلم ياحبيبى من كل شر

عامل ايه يابني

خالد:الحمد لله ياامي

سحر بنت حلال و غلبانه اوي

ام خالد:ربنا يسعدك يابنى و يجازيك خير

خالد:دا و اجبى ياامى انا مش بعمل فيهاجميله دى عرضى و لحمى لو ما سترتوش مين يستره

واللى بعمله حالا هيقعدلى في اولادى ان شاء الله

ام خالد:ربنا يصلحلك الحال ياحبيبى و يديك على اد نيتك

………………….

ثم يطلع الى سحر

خالد:الجميل عاملنا ايه انهارده

سحر:لا دا انا استاذه في الطبخ لو دوقت طبيخى مش هتسلاه بس عندنا الاكل كتير بتاع العشا زى ما هو لمانخلص ابقى ادوقك

خالد:اعتبر ده و عد

سحر طبعا و انا و رايا ايه غير الطبيخ

ياخذ خالد مصحفه و يرتل و رده بصوت جميل

سحر:الله صوتك حلو يابن الايه في القران

بس انا عاوزه منك حاجه و مكسوفه اتقل عليك

خالد:اؤمريني

سحر:انا القران تقيل عليا اوى في القرايه

ونفسى احفظه و عامل زى الطلاسم اقرا و لا افهم حاجه

خالد:بس كده كل اما اجى بليل نقعد اقريكى و احفظك كام ايه بكام ايه و افهمك اللى مش فهماه

ونبدا بليل ان شاء الله على ما الناس اللى هتيجى تهنى تمشي

سحر:ان شاالله خليك يارب

بس انت طيب معايا كده ليه

دانا كنت مبهدلاك في الرايحه و الجايه

خالد:يظهر انى باجى على البهدله

سحر:ههههه يوه جاتك ايه ياخالد ضحكنتني

وينتظر خالد و سحر من سياتى للتهناه

 

 

الحلقه الخامسه

جاء المهناين و الكل يدعو لخالد و انه ستر هذه البنت المسكينه و هى  تتالم و لا احد يحس بها هل المجنى عليها اصبحت الجاني

وبعد خروجهم انطلقت لغرفتها تبكى على حالها فلا احد يحس بها حتى اقرب الناس لها

وتبعها خالد

خالد:بتعيطى ليه دلوقتي

سحر: مش شابف كلام الناس و اكن انا السبب و ما حدش حاسس بيا ان انا المجنى عليها كلهم بيدعولك انك سترتنى مع انه مش ذنبى يحاكموهم هم اللى عملو فيا كده

يحتضنها و تبكى بحرقه و هو الوحيد الذى يحس بها

خالد:طب مش كفايه انا حاسس بيكى و لا ما يهمكيش

سحر:انت طيب اوى ياخالد

ربنا يخليك ليا ياخويا

خالد هاااا تانى اخويا هزعل منك و الله

سحر:انا اسفه

خالد:يلا بقى ضربتلنا الليله مش كنا هنبتدى نقرا شويه قران

سحر:اه صحيح

خالد:طب اتوضى و حصليني

بداء خالد يتلو و هى و راه و يفسر لها ما تريد و عند ايه

(فانكحوا ما طاب لكم من النساء مثنى و ثلاث و رباع)

اخذ يفسرها لها يعنى الواحد لو مراته مش مريحاه و لا في فرق في السرعات يعنى مش مكفياه او مريضه او لا تنجب ممكن يجوز تانيه و تالته و رابعه بس بعدها بيقول فان خفتم الا تعدلوا فواحده يعنى شرط يبقى عادل بينهم يعنى يجيب لدى زى دى زى دى او يبيت عند كل واحده زى التانيه و هكذا كل حاجه يعملها لواحده يعملها مع التانيه و الا ما يبقاش عادل و ياتى يوم القيامه و شقه معوج

سحر:يعنى انت ممكن تتجوز عليا ياخالد

خالد:يعنى ده اللى طلعتى بيه من كل الى قلته

مافيش فايده في الستات

الست هى الست في اي وقت المهم جوزها هيجوز عليها و لا لاء

سحر لا بجد اصل دى مش جوازه اصلا دانت  لسه ما جوزتش لحد دوقتي

خالد:لا ياستى انا مش هجوز و مبسوط معاكى كده

تنظر له نظره فيها ريبه و شك

خالد:بت انا مبحبش البصه دى بدل ما تهور عليكى و انتى اللى هتعيطي

سحر:مش قصدى حاجه و الله

خالد:عليا انا مش معايا الحركات دى دا انا مربيكى على ايدي

يلا بقى انتى سهرتيني

سحر:لا و النبى ياخالد خلينا شويه

خالد:اولا و النبى بتاعتك دى حرام لانه شرك بالله

سحر:دا سيدنا النبى انت هتكفر ياجدع

خالد:ياسيتى سيدنا النبى على راسى و على عينى و حبيبى يارسول الله بس هو في الاخر بشر ما توسلش اليه التوسل لله و حده ما قولش و النبى اقول بالله عليكي

سحر:ولو انى مش فاهمه حاجه بس خلاص مش هقولها تانى انتى ادري

خالد:شاطره بحبك و انتى بتسمعى الكلام

تنظر سحر بخجل في الارض

خالد:هنام بقى و لا لسه حرام يعنى اذا كان حبيبك عسل ما تلحسوش كله عندى شغل كتير متركن في المحل

سحر:طب يلا

ويدخلان كل على طرف

سحر بس انت متاكد انك كويس

ينقلب اليها و تكاد راسه فوقها

خالد:ماتنرفزنيش ياسحر و عدى الليله

فتتلاقى العيون و تحس بالخجل و يحس بخلها

سحر بصوت هادي:خلاص خلاص اسفه و تلف نفسها

فيقوم يتمتم:الواحد مصلب نفسه و ما سك نفسه بالعافيه عنها و دى مش هتهمد الا اما تحصل مصيبه

ويخرج من الغرفه

فتقول له رايح فين

خالد:طالع الصاله عندك ما نع

سحر:انت مش قلت و راك الشغل بدري

خالد:مش رايح الشغل ياسحر انبسطى اهمدى و نامى بقى و عدى الليله

سحر:خلاص انت حر انا عامله عليك

 

 

 

الحلقه السادسه

ياتى خالد من العمل ليلا و يتعشى مع سحر و تبدا جلستهم اليوميه تدخل تتوضا سريعاويلاحظ لهفتها على هذه الجلسه

ويبدا يقرا و هى و راءه و كالعاده يشرح ما لا تفهمه و جاء عند الايه

و اذ قالت الملائكه يامريم ان الله يبشرك بكلمه منه اسمه المسيح عيسى بن مريم …….)

خالد:اظن انتى عارفه ان السيده مريم كانت عذراء يعنى بنت ما تجوزتش  وخلفت السيد المسيح دون جماع برجل

سحر:ياااراجل و في واحده تخلف من غير راجل

سبحان الله دا القران ده مليان حاجات كتير الواحد ما يعرفهاش

واخذت تسرح

ياسلام لو كل الستات تخلف من غير رجاله

خالد:ياسلااام و احنا تعدمونا بقى ملناش لازمه

سحر:اهو بدل الارف اللى بيعملوه ما شوفتش ام ابراهيم جوزها الله يجحمه مطرح ما راح كان بينزل في نص الحاره يشبشبلها على نفوخها و لا ام اسماعيل  اللى كانت ترقع بالصوت الحياني

ههههه دا احنا مره طلعنا لقينا جوزها الله احرقه دالق عليها ما يه سخنه و الست تفرفر زى الفرخه لماننتف ريشها

خالد: ايه اذاعه رويتر الحاره اللى انا  قاعد فيها دى احنا في السيده مريم العذراء ايه دخلنا بام براهيم و ام اسماعيل

سحر:مش بقولك على اللى الرجاله بتعمله مع مرتاتهم امال انا بكرهم من شويه

خالد:ياشيخه اتقى الله ما نا جوزك اهو و لا عملت فيكى حاجه و انتى اللى مطلعه عيني

 

سحر:لا هو في زيك انا بقصد الرجاله هو انت راجل

خالد:بت انتى اتهبلتى و لا ايه

سحر:يقطعنى ياخالد و الله ما اقصد دانت سيد الرجاله كلها انا اقصد انك ملاك ما فيش راجل زيك دا انقرض النوع بتاعك ده

خالد:طب قومى بقى كفايه كده فورتى دمي

سحر لا و النب… اقصد بالله عليك احكيلي

خالد: هو انا قاعد على القهوه بحكى حكاوى القهاوي

بس عشان بالله عليك دى هنكمل

طب انتى عارفه الايه دى ويكلم الناس في المهد و كهلا……)

 

انتى تعرفى ان السيد المسيح كان بيتكلم و هو رضيع

سحر:قديمه عرفاها دى كان بيكلم  وهو نونه

خالد:نونه السيد المسيح نونه

قومى ياسحر اعمليلى شاى انا صدعت منك

سحر:طب اوعى  تقوم هعمله و اجى فريره

تمشى سحر و خالد يضرب كف على كف

قال نونه قال و لا انا ما لى بام ابراهيم و ام اسماعيل و عاوزه تموت الرجاله كلها دخلتنا في مشكله قوميه

ربنا يهديكى ياسحر

وتعود  سحر بالشاى يلا كمل

خالد:اكمل ايه تانى ارحمى امى العيانه انا مش حملك دانا اعمل موضوع تشعبهولى مؤتمر قومي

داانتى دوختينى زى بنى اسرائيل لما دوخت سيدنا موسى عشان  يدبحو بقره

سحر ليه ما كانوش عارفين ييدبحوها كانو جابوهالى ادبحالهم

خالد:ياواد ياجامد

سحر خشى نامى  بدل ما ابعتك لبنى اسرائيل و اخلص منك

سجر:لا احكيهالى ياخالد

خالد:لا بقى دى فيها سنتين

نخش ننام عشان اعرف اصلى الفجر حاضر في الجامع مش تسهرينى و يفوت عليا

 

 

الحلقه السابعه

جاء خالد فدخلت تحضر العشاء مسرعه

خالد:انتى مستعجله كده ليه و راكى حاجه و لا راحه في حته

سحر لا عشان تحكيلى على الاسرائيليين ولاد الكلب و اللى عملوه مع سيدنا موسى عشان خاطر بقره

خالد:انتى لسه فاكره

داانتى نوياها بقي

سحر طبعا

وحضرت العشا بسرعه و راحت تتوضا

خالد:طب مش هتتعشى معايا

سحر:اتعشيت

خالد:طب مش هتقعدى معايا تفتحى نفسي

سحر:يوووه يا خالد  اهو

خالد:لا بالشكل ده هنسد النفس فين الابتسامه اللى قدام جوزك

سحر:اهوو

خالد:لا كده اعلان معجون اسنان

سحر:ماتخلص بقى و لا اقولك كفايه عليك كده

عشان ما تتخنش

قوم اغسل ايدك

خالد:ياست انا شقيان و شغال طول النهار

سحر:ماانت بتدلع

خالد:طب ما بلاش انهارده انا تعبان

سحر:ياسلاام بعد دا كله قوم بلاش دلع و تزقه يغسل يده و يتوضا ليذهب لمكان الجلسه و في هذه الاثناء تعمل الشاي

وتاتى به لخالد

سحر:وادى الشاى اهو عشان ما تقومنيش و تقول مصدع مني

خالد:جاهز انت و مخلص

سحر امال طبعا اخلص بقى و احكي

خالد ماشى ياستي

كان في واحد اتقتل و مش عارفين القاتل من انهى عيله من عيلتين و كانت هتحصل مشكله فالمفروض يدبحوا بقره معينه بمواصفات معينه و يضربوا الميت بعظم البقره دى فيصحى و يشاور على القاتل

سحر:ياسلاام نضرب الميت بعظمه فيقوم يقول على اللى قتله دى حاجه و لا في الاحلام

خالد:ماهى فعلا معجزه من معجزات الله سبحانه و تعالى مذكوره بالقران

سحر:وبتوع اسرائيل دول بقى ما دبحوهاش ليه مش عارفين يدبحوها

خالد:اهو قعدو يماطلو و يسالو كل شويه ماهي)

ما لونها كل شويه سؤال و هو يجاوب لحد اما دبحوها على مضض

سحر:ايه المضض اللى دبحوها عليه ده

خالد:لا دا مش ترابيزه مثلا معناها كارهين للموضوع دبحوها بالعافيه

سحر:طب ما تقول بالعافيه لازم تتفلسف عليا

خالد:انا اسف الصراحه معرفش ان مضض دخلت في الفلسفه ما ادونيش خبر

سحر:كمل كمل

خالد:اكمل ايه ما هى خلصت ما دبحوها و خلاص مستنيه الشوربه

سحر هههههه هى كده و خلاص

سحر:بس انا عاوزه اسالك سؤال انا كنت بحس انك بتكرهنى اوي

ايه اللى خلاك تجوزنى و كمان طيب معايا جدا و مستحملنى غيرك كان فرتكنى و اتعامل معاياوحش

خالد اولا انا عمرى ما كرهتك

سحر:ازاى دا انت هريتنى في الطالعه و النازله لبسك لبسك لبسك و تهزا فيا

خالد:مش معنى انى انتقد لبسك ابقى بكرهك انا كنت عاوزك تبقى احسن مش عاوز حد يكلم

عليكى كلمه وحشه

ثانيا بقى انا بتعامل معاكى كويس عشان رسولنا الكريم اوصانا بالنساء و قال استوصوا بالنساء خيرا

وكمان قال رفقا بالقوارير و انتى القاروره بتاعتى و لازم ابقى رقيق معاكي

سحر:مش القاروره دى الازازه بقى انا ازازه

خالد:ماهو عشان النساء اقل زعل بيكسرهم زى الازاز شبههم بالقاروره

سحر:يااه دا الرسول ده كان جميل اوي

امال ليه الرجاله ما بيعملوش كده دا ام….

فيكتم فمها بيده

خالد:ارجوكى مش طالبه معايا ام اسماعيل و ام ابراهيم يامفتريه انتى تنامى طول النهار و انا شقيان و اجى كمان اشوف ام ابراهيم حرام الضرب في الميت حرام

سحر طب خلاص هعتقك انهارده

يلا خش نام على ما اشطب المطبخ و اجي

خالد:تصبحى على خير لانى فيصت منك

ع الاخر و يذهب للنوم

………………..

ثم يذهب لصلاه الفجر في المسجد يمر على اخيه و شلته الفاسده

خالد:سلام عليكم

الجميع:وعليكم السلام

يكمل احمد للجامع المجاور

ويتحدث الجميع

احدهم:مش ده اخوك هو اجوز بنت عمك باين البت الشمال دي

سعيد:ماتلم نفسك يلا دى بقت مرات اخويا

شخص اخر مستمع للحديث ثم يستاذن

………………..

سحر كانت تصلى الفجر فتستمع خبط شديد

سحر هو احمد نسى مفتاحه و لا ايه

تذهب تفتح مسرعه فاذا بهذا الشخص يهجم على سحر و تستجير و لا احد يستمع فهى في الدور الاخير و تحتها شقق فاضيه

ولكن في هذه الاثناء  تكون عوده خالد من الصلاه

فيستمع على السلم لصريخها فيطوى السلالم معا ليذهب لها و يجد هذا المجرم فيحمله وينهال عليه ضربا قبل ان يفعل بها شيئا

الشخص:يعنى شمال و عامله علينا عفيفه و يرميه خالد للخارج و هى تحتضن خالدوتبكى و هو يحتضنها بشده و يتاسف لها عما حدث

 

.

الحلقه الثامنه

ظلت سحر متمسكه بخالد و هو يحتضنها و هى تبكى و هو يعتذرلها عما حدث

خالد:اوعدك انه عمره ما هيحصل و انتى ما تفتحيش الباب لاى حد

سحر و هى تبكى انا فكرتك نسيت المفتاح طلعت من الصلاه افتحتلك لقيته هجم عليا

ونامت و هى تمسك بيديها في قميصه و تحتضنه كما تمسك الهره باظافرها ملابس صاحبها

وظلا هكذا فهى لم تحس بالامان الا هكذا فاصبخ هو امانها و دنيتها و في منتصف الليل تعب خالد و عاوز يتقلب فوجدها متمسكه و لا تريده ان يتحرك

خالد طب انا جمبى وجعنى و عاوز اتقلب

سحر:لا ما تسبنيش ياخالد بالله عليك

خالد:وانا مقدرش اسيبك بعد بالله عليك دى طب تعالى نقلب سوا و فعلا شالها على صدره و قلبها للجهه الاخرى و هى متمسكه به بشده لا تفلته حتى الصباح

واستيقظا و حاول خالد ان يتخلص من قبضتها و لكنها تتمسك به اكثر فاكثر

خالد:طب مش هنشوف اشغالنا و لا ايه

سحر:انا خايفه ياخالد

خالد:تخافى و انا موجود

سحر:ربنا يخليك ليا و لا يحرمنيش منك لولاك كان الحيوان ده عمل عملته

خالد:والله ما هسيبه

وهنزل  لسعيد اقوله على اللى عمله صاحبه و هبلغ عنه

سحر:  لا ياخالد مش عاوزين فضايح

خالد:فاكره لما قلتلك انك هتيجى في حضني

وقلتى عشم ابليس في الجنه

اهو ده بقى عشم خالد في ربه

سحر: بخجل و حاولت ان تفك قبضتها عن خالد بتردد

خالد:ياسيتى ما تخفيش

سحر تنظر  اليه نظرتها المعتاده

خالد:هااا بلاش البصه دى بدل ما استغل الموقف و انتى اللى متشعلقه فيا اهو فتخجل و تقوم

خالد:يلا نفطر بقى عشان اروح الشغل

يفطران سويا  ويمشى خالد و لكن هذه المره تفكر فيه و لا تستطيع ان تبعده عن تقكيرها ثانيه واحده فقد ملا كل تفكيرها و دنيتها و تتذكر حواراته معها و كلامه و هزاره معقول احببته بعد كل هذا البغض بيننا فقد كنت لا اطيق رؤيته و لا سماع صوته

فالان لا تستطيع الا ان تفكر فيه

ظلت في حيرتها و تحس بمشاعر متناقضه

فهى لا تستطيع ان تصدق  انها تحبه فعلا

وياتى خالد ليلا للعشاء

ويتعشيان سويا و يبدان جلستهما و لكن هذه المره لا تتحاور فهى سارحه شارده الذهن

خالد:مالك ياسحر انتى لسه الموضوع ما ثر معاكي

حاولى تنسى و الحمد لله ما فيش حاجه حصلت

هو يحسن بمدى تضارب مشاعرها لا يريد الضغط عليها حتى تتخذ قرارها بارادتها

سحر:مش عارفه متاخده و مش عارفه ما لي

 

 

الحلقه التاسعه و الاخيره

ناما الزوجان و كانت هى شارده و هو يحس بشرودها هذا

ثم استيقظ ليذهب لصلاه الفجر في الجامع

وكان هذا الوغد ينتظره و يريد ان ينكل به فغرز السكين في بطن خالد و هرب و جرى بعض الناس و راءه و بعضهم حملو خالد للمستشفي

وهناك دخل عمليات فورا

…….

وفى هذه الاثناء يجن جنون سحر فخالد لم يعد الى الان لا يتاخر هكذا في الجامع

فتنزل مسرعه لتعلم الخبر و ترتدى نقابها و تذهب للمشفى لتجده خرج من العمليات فتجرى على حجرته و تنزل على الارض بجانب سريره الملقى عليه و تقبل يده و هى تبكى بحرقه

سحر: ما تسبنيش ياخالد انا ما صدقت لقيتك

انا بحبك ياخالد و ما قدرش اعيش من غيرك

يستقيق خالد و يسمع لها

وبصوت هاديء رقيق:اخيرا  نطقتى دا انا خلصت عليكى قصص الانبياء كلها

سحرتفرح لسماع صوت خالد

سحر:الحمد لله ياحبيبى ان ربنا نجاك

ربنا يخليك ليا و لا يحرمنيش منك ياجوزى ياحبيبي

ويذهب الكل و هى لا تريد ان تغادر

سحر هفضل هنا تحت رجله لحد اما يطلع بالسلامه

خالد انتى مجنونه هتفضلى في الارض

سحر:ايوه انا مش منقوله من هنا لحد اما اخدك معايا البيت

خالد:طب تعالى جمبى في مكان بدل ما نزلك ما نا مش هسيبك على الارض

سحر تذهب في الفراغ المجاور لخالد و تنام بجواره على صدره

خالد:يعنى جايه في حضنى دلوقتى في المستشفى و انا بطنى مفتوحه

مانا قدامك بقالى سنه

سحر:انا اسفه كنت هبله و عبيطه و حماره

بس لما تطلع هعوضك و مش هبعدك عن حضنى ابدا

وبعد فتره خرج خالد  من المشفى و ذهب منزله و هو مستند على زوجته و هى تحتضنه من و سطه و لا تريد ان تفلته

وتذهب به للسرير ليستلقى عليه و تنام بجواره على صدره

سحر:انا استغربتك لما قلتلى انا هاجى في حضنك بمزاجي

خالد:وانتى جايه و انا مفتوح بطنى كده  مانا كنت بحايلك

سحر تنظر له نفس النظره

خالد:لا ما تبوصيش كده طب و الله ما هسيبك حتى لو اتفتحت الغرز و يبقى ذنبى في رقبتك

سحر:طب خلاص ياخالد

خالد:مافيش خالد هى كبرت في دماغي

ويبدا الزوجان دنيا جديده بنفس منهجهم الذى انتهجاه من اول زواجهما يعينها و يساعدها

خالد:احنا بقى ما قضيناش شهر عسل و لا حاجه انا هخدك اسبوع اسكندريه احنا الاتنين بس انا و انتى و لا حد يزعجنا و لا حاجه

وفعلا يذهب الزوجين لتمضيه اسبوع عسل

خالد:انتى فاكره لما كنتى بتقولى انى كنت بكرهك

انا عمرى ما كرهتك انا بحبك طول عمرى و كنت بدعى ربنا يرزقنى حبك و الحمد لله استجاب  دعائي

سحر:امال كنت هارينى في الطالعه و النازله تهزيء

ماجتش تقولى بحبك ليه

خالد:يعنى كنتى هتحبينى لو قلتلك

سحر:الصراحه لا انا ما كنتش بطيقك

خالد:عشان كده كنت بحاول اغيرك يمكن كان اسلوبى فظ شويه و كان ممكن انصحك باللين بس معلش

سحر:مين بقى فظ ده

خالد:دا المكوجى اللى جمبينا قومى نامى ياسحر قفلتى الليله

سحر:طب خلاص خلاص انت ما بتسدق تخلع و لا ايه

خالد انا بخلع اما خليتك تستجيري

سحر:مين بقى تستجير ده

خالد:شكلك هتطلقى في ليلتك اللى مش فايته دى ياسحر

وهكذا يخلق الله من رحم المحنه منحه

بالصور اغتصاب بطريقة شرعية ولكنه فرصة ثانية , في حاره قديمه من حواري القاهرة العشوائية unnamed file 4 300x293 1 300x293 1 300x293 بالصور اغتصاب بطريقة شرعية ولكنه فرصة ثانية , في حاره قديمه من حواري القاهرة العشوائية unnamed file 11 211x300


 

  • قصه اغتصاب بطريقه شرعيه كامله
  • روايه اغتصاب بطريقه شرعيه ولكن
  • ( اغتصاب بطريقه شرعيه و
  • اغتصاب بطريقه شرعيه ولكن الحلقه التانيه خالد
  • رواية اغتصاب بطريقة شرعية ولكن بقلم فيري
  • رواية اغتصاب بطريقه شرعيه ولكن
  • قصة اغتصاب بطريقة شرعية
1٬451 views

اغتصاب بطريقة شرعية ولكنه فرصة ثانية , في حاره قديمه من حواري القاهرة العشوائية