12:13 مساءً 10 ديسمبر، 2018

حب البنات لبعضهم

حب البنات لبعضهم

كانت في يوم من الايام بنت اسمها ساره وعمرها ثلاثه عشر سنه وتدرس في السنه اولى اعدادي تعيش في السعوديه

عند دخولها الاعدادي رافقت بنات مايحبون الدراسه وكثيرات الاستهبال والضحك وطبعا ساره صارت مثلهم(من عاشر القوم اربعين يوما صار منهم)

اهملت ساره دراستها .

.

(٢)

حبت بنت اسمها افراح اكبر منها بسنه معاها بالمدرسة قالت ال زميلاتها انها تحب افراح وجلسوا زميلاتها ويقولون كلام وسب فيها هي وزميلاتها وطبعا افراح ماتدري قالت ساره مااقدر اكرهها انا احبها قالتلها زميلتها هاجر حبي وحده غيرها عشان تنسينها..

(٣)

حبت ساره وحده كبرها وبنفس السنه بس بفصل ثاني اسمها شجون وصديقت افراح

وساره كانت تبغى تحبها عشان تنسى افراح بس لا حبتها حب جد وشجون دخلت قلب ساره ومر شهر على علاقتهم وساره ماقالت ال شجون ليش حبتها وشجون بادلت ساره نفس الشعور وسواليف ويطلعون مع بعض وكانهم يعرفون بعض من سنين ماكانهم من شهرين..

(٤)

مرت الايام والشهور وطبعا ساره يوميا تكلم شجون واذا ماكلمت تكلم عليها شجون وبعد تسع اشهور تقريبا بالعطله طفشت شجون من ساره وتغيرت عليها ياحرام ياساره وش هالحظ وماتتصل عليها واذا اتصلت ساره اهل شجون يصرفونها حاولت ساره كل المحاولات تعرف سبب تغير شجون عليها ماقدرت وفي يوم ساره كان عندها التليفون اتصلت على بيت شجون وردت عليها وساره اكيد مشتاقه ال شجون وتجلس تقولها هالكلام الحلو اللي تعرفونه اكيد وشجون ردت عليها عادي وقالتلها نعم قالت شجون انا ساره حبيبتك وصديقتك قالت شجون ساره خلاص انسيني وانسي كل اللي بيننا قالت كيف انساك مااقدر قالت شجون خلاص انا طفشت حاولت ساره ترضيها بس ماقدرت قالت ساره عطيني وقت افكر واذا كلمتك مره ثانية اقولك ردي

قالت شجون ومين قالك بكلمك مره ثانية ويكون ابعلمك انا لو ادري انتي اللي متصلة كان مارديت عليك..

(٥)

وبدت السنه الجديدة وساره للحين ماردت على شجون ونجحت ال ثاني اعدادي وبثاني صارت احداث كثيرة ساره بعد كلام شجون لها قالت مااقدر اعالج الموضوع هذا الوحدي لازم اقول ال زميلاتي وقالت ال زميلاتها ايمان ومرام وهاجر ومانفعوها بشئ ومره سمعت ان زميلتها ايمان تحب حبيبتها الاولى افراح وانقهرت وزعلت عليها بس ماوضحت لهم انها زعلانه جلست تفكر وعرفت انهم سبوا افراح عشان اكرهها وماافرق بينهم..

(٦)

وانتم تعرفون بالمدارس فيها انشطه ومره ساره هي وزميلاتها كانوا بالنشاط ومعلمه النشاط اللي فيه افراح ماحضرت كانت غايبه وافراح حطوها بالنشاط اللي فيه ساره وزميلاتها وجلست افراح عندهم وزميلاتي جلسوا يعلقون على ايمان وايمان استحت وتقطعت من الحيا راحت ساره ال افراح واخذت رقمها

اتصلت عليها وقالتلها القصة انه حبتها وزميلاتها قالو اكرهيها القصة اللي تعرفون ومن بكرا بالمدرسة ساره جالسه مع زميلاتها بفناء المدرسة نادت افراح ساره قدام زميلاتها وزميلات ساره استغربوا وايمان انقهرت راحت ساره مع افراح وجلسوا مع بعض طول الفسحه ولما ارجعت ساره ال زميلاتها عصبوا عليها وزاعلوها وساره طنشتهم قالت ال افراح وش سووا زميلاتها فيها نصحتها افراح وقالتلها روحي بكرا بالمدرسة راضيهم رفضت ساره وقالت انا ماسويت شي عشان اروح اراضيهم وكيفهم انا مااستفدت منهم بشي بس علموني الاستهبال واهمال الدروس..

(٧)

وبعد كم يوم من علاقتهم قالت افراح ال ساره انا مستحيل احب بنت وساره قالت عادي اهم شي تكونين قريبه مني ومر شهر على علاقتهم وافراح قالت ال ساره اني حبيتك استغربت ساره كلام افراح قالت كيف حبتيني وانتي قايله مستحيل احب بنت قالتلها ماادري بس دخلتي قلبي وساره فرحت كثير لان افراح بادلتها نفس الشعور..

(٨)

قالت ساره ال افراح عن سالفتها هي وشجون ولا تنسون ترى افراح زميلتها شجون معاها بنفس الشله)

قالتلها افراح خلاص انسيها وقوليلها نسيتك قالت كيف اكلمها قايلتلي ماراح ارد عليك قالتلها قوليلها بكرا بالمدرسة ومن بكرا بالمدرسة نادت شجون وقالتلها شجون انتي الى الحين ملزمه اني انساك ماردت عليها شجون قالت ساره شجون انا خلاص نسيتك وقامت وتركتها وشجون بنفس اليوم دقت على ساره وقالتلها ساره انا كنت اتغلى عليك وما توقعت تقوليلي انا نسيتك وتكفين خلينا نرجع مثل اول وانسي اللي قلتيها لي اليوم ساره عشان طيبت قلبها وافقت وقالت خلاص انا نسيت اللي قلتيلي اليوم..

(٩)

وبدت العطله الصيفية وساره نجحت ال ثالث وافراح ال اولى ثانوي ومن اول ماسافرت افراح صارت ماتدق على ساره واذا دقت ساره ماترد عليها ولو ردت تصير معصبه رجعت افراح من السفر وتغيرت على ساره ١٠٠درجه عن اول وقالتلها افراح ساره وش رايك تكون علاقتنا صداقه بس ساره قالت عطيني وقت افكر عطتها افراح وقت وبعد كم ساعة اتصلت ساره على افراح وقالتلها انا موافقه وجلسوا شهر ماسمعوا اصوات بعض والمره هاذي ساره اللي طفشت مو افراح وقالتلها ساره خلاص افراح انا ودي انهي العلاقه قالتلها افراح ليش قالت لان انتي صايره ماتدقين علي وتطنشينن قالت افراح لاتنهين العلاقه واوعدك ترجع علاقتنا مثل اول وساره عجزت لازم تنهي العلاقه من اللي شافته وبدت تسبها هي واهلها وانهتها ونفذت اللي تبيه ورافقت ساره بنات ماشاالله عكس زميلاتها الاولات ممتازات ومن الاوائل ومهسترات وارتاحت معهم اكثر من زميلاتها اللي قبل ونجحت ساره ال اولى ثانوي ماشاالله بتقدير ممتاز من الاوائل عكس اللي قبل اول كان تقديرها جيد جدا والحين ممتاز..

(١٠)

بعد سنه ندمت ساره على اللي سوته بافراح وحاولت تتصل عليها ماترد

ومره اتصلت وردت عليها وتغيرت وسوت نفسها غرور وتكبر قالتلها ساره افراح وش فيك تغيرتي كذا ماتوقعتك تردين علي بالاسلوب هذا قالت افراح بعد اللي سويته فيني وشلون تبغين ارد عليك حاولت ساره تراضيها ماقدرت وقفلت السماعه وعاشت ساره بسلامة من دون حب بنات والكل عندها واحد..

وانا نشرتها للي يحبون وابغى كل بنت تحب بنت تخليها صديقتها وقريبه منها بس ماتقولها انتي حبيبتي والمفروض البنت ماتحب بنت تحب ولد لان حب البنت للبنت عذاب صدقوني

قولولي رايكم فيها

اخوكم

خلاص انسيني

 

  • حب البنات لبعضهم
  • قصص بنات مع بعض حب
  • قصص حب بنات لبعضهم
  • حب بنات مع بعض
  • قصص حب البنات لبعضهم
  • قصص حب بنات
  • قصص بنات مع بعض
  • بنات مع بعض حب
  • حب البنات لبعض
  • قصص حب بنات مع بعض
5٬512 views

حب البنات لبعضهم