12:37 مساءً 10 ديسمبر، 2018

رواية جرحني وصار معشوقي كامله بدون تحميل جاهزه للقراءة

روايه جرحني وصار معشوقي كاملة بدون تحميل جاهزة للقراءه

طلعت من المستشفى بعد شهر من العزا دخلت غرفتها

وارتمت على سريرهاوهي تبكي

انفتح باب الغرفه بقووه فزعتها كانت زوجه ابوها تصرخ فيها:

لمييس وصمخ،،،قوومي يالله بلا دلع وسوي الغداء ولا تسوين نفسك تعبانه اوحزينه كان فرغتي اللي فيك في المستشفى،،انا ماعندي دلع دلعك راح مع اهلك يالله قومي.

لميس خايفه:ب..بس انا ما..اعرف

ام هدى بصراخ:نعم نعم كيف ماتعرفين وبخقد)طبعا مارح تعرفي موانتي عايشه في بيت كله خدم وانا ابوكي ماكلف على نفسه وجابلي خدامه

(وبصراخ)قومي يالله بتسوينه غصب عنك فاهمه لانك بتصيري الخدامه اللي ابوكي ماجابها لي وباستهزاء)وبلاش كمان

طلعت من الغرفه بعد مارمت كلامها عليها غمضت عيونها وشهقت” اه يمه ويينك ليش تركتيني اعاني ليش مااخذتيني معك وريحتيني لييش”

دفنت وجهها على المخده وهي تبكي وترتجف وكل شئ صار يمر قدامها…حريق…دخان…جثث…صرااخ…”ااه(حطت ايديها على اذانيها ماتبي تسمع الاصوات اللي تتردد في راسها)”

دخلت عليها هدى بنت زوجه ابوها من زواجها الاول

هدى:

لميس

رفعت لميس راسها وهي تمسح دموعها وتطالعها:نعم

هدى تطالعها بدون نفس:قومي سوي الغداء انا جوعانه.

لميس

اوكيه

هدى من طرف خشمها:يالله بسرعه

لميس تاففت وهي تدخل للحمام ووقفت قدام المغسله وغسلت وجهها طالعت وجهها في المرايه كان وجهها اصفر وعيونهاالزرقاء مورمه من البكى وذبلانه وشعرها مبهذل تجمعت الدموع في عيونها وهي تطالع شكلها المتغيرسمعت صوت زوجه ابوهاتناديهاغسلت وجههاورتبت شعرهاوطلعت.

(لميس بنت جميلة جمالها خيالي

شعرها كستنائي يوصل لكتفهانااعم من نعومته كانه خيوط وعيونها كبار وزرقاء وبشرتهابيضاء وفمها صغير

طبعا ماخذه جمالها من امهاالبريطانيه(جوانا تزوجها ابوها لماكان في بريطانيا وكانت مسلمه اخذها لاهله لكن اهله بحكم عاداتهم رفضوا زوجته وابوه طرده من البيت رجع لبريطانيا لان زوجته كانت حامل وبعد ماولدت وجابت ولد سماه رامي بعده باربع سنوات جابت بنت “لميس”وبعد سنوات رجع للسعودية وترك زوجته وعياله في بريطانيا وحاول يرضي ابوه ولما طلب منه انه يطلقها رفض لانه يحبها وعلشان عياله واضطر انه يوهم ابوه انه طلقها لكن ابوه غصبه انه يتزوج بنت صديقه “سفاجه”وكانت متزوجه قبله وعندها بنت”هدى” .

تزوجها لكن كان مايجلس معاهاكثير لانه كان يحب زوجته البريطانيه ومايبيهاتزعل فكان يسافر لبريطانيا لهاعلى انه مسافر لعمله ويجلس عندها اسابيع ويرجع للسعودية لكن في الاخير انتقل للسعودية هو وزوجته و طبعاابو زوجته الثانية اكتشف زواجه وفض الشراكه بينه وبين ابوه،ابوها حاول يطلق بنته منه لكنهارفضت لانها خافت من كلام الناس بطلاقهاالثاني.

اماابوه غضب عليه وطرده وزوجته الثانية كرهت وحقدت على زوجته الاولى وعيالهالانه يحبهم ويفضلهم عليهابعد ماتوفى بشهرين رامي اخذ امه واخته لبريطانيا وعاشو فيها بعدثلاث سنوات رجعوا للسعودية وفي اخر السنه كانت لميس في المدرسة لمااحترق البيت على امهاواخوهاوارجعت لقت سيارات الشرطة والاسعاف والاطفاء ماليه الشارع وشافت الحريق يطلع من الشبابيك انجنت وحاولت تدخل للبيت علشان امها واخوها لكن الشرطة كانو ماسكينهاحاولت تفلت منهم وهي تصرخ وتسمع صرخات امها واخوهاوهم يحترقون وماتوا ولاقدروا ينقذونهم

دخلت للمستشفى من الصدمه والانهيار اللي اثر فيها بشده ولماطلعت اخذتها زوجه ابوها لان اعمامها ماكانوا يعرفون بوجودهم فاخذتها علشان تنتقم من ابوهاوامها وتذلها)

نزلت لميس للمطبح محتاره ماتدري وش تسوي ماتعرف تطبخ ولاعمرها دخلت للمطبخ كانت خايفه من زوجه ابوها

ارتعبت لماسمعت صوتها خلفها

سفاجه:ليش واقفه يالله سوي الغدا

لميس بخوف:و..الله مااعرف

سفاجه بصراخ وهي تشد شعر لميس

هذا اللي استفدتيه من الخدم والحشم بس انا بربيك من اول وجديد

دفتها علي الفرن واخذت كتاب طبخ ورمته عليها:شوفي الكتاب هذا وتعلمي منه

طلعت من المطبخ وتركت لميس تبكي وهي تسوي الغداء ماتعرف كيف وحاولت تقلد الكتاب لماخلصت كانت ماسكه قلبها خايفه مايعجب سفاجه وتضربها

جلست سفاجه على طاوله الطعام مع بنتها وقدمت لميس الاكل وكان شكله ماياهل يتاكل

طبعا ماعجب سفاجه وبنتها وضربت لميس ولا استجابت لتوسلاتها ودموعها

دخلت لميس غرفتهابعد مااجبرتها سفاجه تنظف المطبخ والبيت

انسدحت على سريرها كانت تحس بتعب وارهاق وجسمها متكسر من الضرب و الشغل بكت لين نامت

في الصاله..

هدى جالسه عندالتلفزيون متابعة مسلسل جلست عندها امهاوقالت:

وين العله.

هدى بدون نفس:

بغرفتها.

ام هدى بحقد:اف منها ومن دلعهاوالله لخليها تنسى الدلع .

هدى بقهر:

يمه ارميهابالشارع مابيهااكرههاواكره جمالها ماودي اشوفها في البيت.

ام هدى:لا مارح ارميها بخليها خدامه في البيت ماتذوق طعم الراحه بعذبها مثل ماعذبني ابوهاعلشان امهاالعقربه.

هدى:ليتها ماتت مع امهاواخوهاوفكتنا.

رن التلفون وردت ام هدى

ام هدى:الو

.:هلا ام هدى شخبارك؟

ام هدى:هلا ام ناصر وشلونك؟

ام ناصر:بخير.شخبار هدى وبنت زوجك امم شسمها ايه لميس.

ام هدى كشرت:اسكتي لاتجيبين طاريها قطيعه تقطعها.

ام ناصر:

هه شفيك شصاير؟

ام هدى:

ذبحتني ياام ناصربدلعهاودي اذبحهالاشفتها تذكرت امها.

ام ناصر:

ايه صح يقولون انهاحلوة على امها.

ام هدى بغيره:وعع من زينها .

ام ناصر:هه عساها تهرج انجليزي.

ام هدى بقرف:لا تهرج عربي احسن مني ومنك بس لازم تجيب لها كلمه من هرج امها.

ام ناصر:

زين اجل.

ام هدى:ا ا خ بس لواذبحها وافتك.

ام ناصر:

هه الله يعينك انا لو منك كان خليتها خدامه عندي.

ام هدى:هذا اللي بيصير.

**

صحت لميس من النوم وتحس راسها مصدع قامت وشافت الساعة ثمان قامت بسرعه وهي خايفه من زوجه ابوها تذبحهالانها مانظفت البيت دخلت للحمام واخذت شورسريع ولبست بيجامه سماويه قطن مريحه وربطت شعرها ذيل حصان ونزلت في الصاله تفاجات لمامالقت احد “شكلهم

طالعين احسن فكه”

دخلت للمطبخ وهي حاسه بجوع فظيع فتحت الثلاجه وصلحت لهاساندويش جبن وجلست على الطاوله تاكل

سمعت صوت الباب وعلطول قامت وشالت اكلها ودخلته في الثلاجه وهي مااكلت منه الاشوي وغسلت وجهها لانها لوشافتها تاكل بتضربها.

ام هدى تفسخ عبايتها:لمييس،،،وصمخ

طلعت لميس بسررعه:نعم

لميس خافت من نظراتها وهي ترمي عليها عباتهاذي غسليهاوغسلي عبايت هدى بعد.

مشت ام هدى للدرج ووقفت ولفت لها:سويتي العشا؟

خافت وارتبكت لانها ماسوته قربت ام هدى منهاوهي تعيد كلامها:سويتي العشا.

لميس بصوت واطي:

لا.

قربت منهاام هدى ومسكت شعرها بقوه وشدته صرخت لميس من الالم وحاولت تفك ايدها منها.

ام هدى وهي شاده شعر لميس:ليش ماسويتي العشا .

.انا كم مره قلت لك اذابغيت العشا القاه جاهز…

لميس تبكي:بس لسى على العشا الساعة ثمانيه ا ا اه

ام هدى تسحبهامن شعرها للمطبخ:

كيفي انا ابغاه اللحين .

رمت لميس على الطاوله وضرب جنبها بقوه عليها وصرخت من الالم وطاحت على الارض

ام هدى تصرخ فيها:اللحيين تسوينه والا قسم بالله لاذبحك

ساامعه.

طلعت ام هدى من المطبخ وتركت لميس على الارض ماسكه جنبها وملتويه على نفسها من الالم وتبكي”ا ا اه يمه ،

،رامي

وينكم”

شهقت لما حست بمويه باارده على راسها رفعت راسها شافت هدى واقفه ومعها كاسه مويه وتطالعها بابتسامه سخريه:يمكن تنشطين وتصحصحين وتعرفين انك هنا خدامه وحقيره وتسوين المطلوب منك بسرعه.

رمت الكاسه على كتف لميس وطلعت تضحك ،

لميس حست بالقهر ودها تقوم تذبحها بايدها بعدين عرفت انها لو تظل تتمنى مارح تقدر تسويها

قامت بصعوبه ورفعت الكاسه واخذت المنشفه مسحت المويه وسوت العشا لما خلصت حطته على الطاوله في الصاله ومشت بتدخل للمطبخ قابلت ام هدى كانت تناظرها بكره:اليوم مالك عشا ولوعرفت انك اكلتي بذبحك ويالله على غرفتك

دفت لميس على الدرج

واذا ناديتك تجين عند رجليني سامعه.

دخلت للصاله ولميس شالت نفسها وسكرت عليها الغرفه وهي حاسه بغصه بحلقها جلست على السريروفتحت درج الكومدينه وطلعت صورة لها مع اهلها نزلت دموعها وضمت الصورة لصدرها كانت محتاجه تضم احد فيهم وتشكي له وتنسى العذاب اللي هي فيه.

نظفت لميس المطبخ وهي حاسه بدوخه لانها جوعانه ودها تاكل شئ بس ماتقدر لان هدى جالسه تراقبها وتتاكد انها مااكلت شئ وترمي عليها من كلماتها الجارحه

لماخلصت لميس من المطبخ وكالعاده هدى قفلت المطبخ وراحت غرفتها

دخلت لميس غرفتها وانسدحت على السرير وحاولت تنام بس ماقدرت كان بطنها يالمها من الجوع تقلبت على السرير لحد مانامت.

العصر:

طلبت ام هدى من لميس تسوي كيك وحلى لان في ضيوف راح يزورونهم لميس حمدت ربها انهاتعرف ولا كان راحت فيها

جهزت كل شئ وطلعت من المطبخ وقابلت هدى نازله على الدرج كانت لابسه تنوره قصيرة مكسره سوداءوبلوزه صفرا نص كم وفاكه شعرها

كتمت لميس ضحكتها لان شعر هدى ماستشورته زين ومنكوش هدى ماكانت حلوة عاديه شعرها اسود وحنطيه ودبدوب شوي وعيونها صغار)

وقفت بغرور

شوي شوي لاتعطيني عين ادري اني حلوة واحلى منك.

لميس “مصدقة عمرها هذي” طالعتها من فوق الى تحت:واضح

تغير لون وجههاوانقهررت

مسكت يد لميس بقهر

هدى بقهر:غصب عننك على الاقل انا احسن منك

تركت يد لميس بقررف وهي تاشر على لميس باصبعها:انتي مجرد خدا ا امه وفقييره وتافهه ووجودك مثل عدمه في الحياة

دفت لميس وراحت

تجمعت الدموع في عيون لميس

وهي حاسه بقهر وذل وصعدت الدرج وقبل تدخل غرفتها سمعت صوت ام هدى:اسمعي الحين يوصلون الناس اناودي اخليكي في الغرفه ولا تورينهم رقعه وجهك بس اكيد بيسالون عنك،البسي بسرعه ولا تتزيين لان ماحد راح يطالع في خشتك

فلا تتميلحين.

دخلت لميس غرفتها وسكرت الباب اخذت شور سريع ولبست تنوره بيج قصيرة وبلوزه بنيه ناعمه باكمام طويله ورفعت شعرها شنيون ونزلت خصل على وجهها مسكت الكحل بتكحل عيونها بس تراجعت”اف اخاف احط تقلع عيوني الحمد لله اني رموشي كثيرة وسود وعيوني حلوة بدون كحل”

نزلت لميس وقابلت هدى عند مدخل الصاله كانت تطالعها بغيره .

سفهتها لميس ودخلت المطبخ

بعد دقايق دخلت عليها ام هدى وقالت لها تدخل تسلم

لما دخلت لميس طاحت نظراتها على حرمه كششخه وحللوه وجنبها وحده خمنت انها في مثل عمرها وحللوه

لميس

صافحتهم بادب وجلست ولما رفعت راسها تفاجات لما شافتهم يطالعونها باعجاب ابتسمت لهم شافت هدى تطالعها بقهر وكانها بتقوم وتذبحها

طالعتهالميس بتقهرها من فووق الى تحت حست انها بتشتعل نار

انتبهت لميس لام هدى تطالعها”يعني ضفي وجهك”

خافت وقامت استئذنت واطلعت

دخلت للمطبخ وحست بيد ماسكه كتفهابقوه وتلفهاع ورى

لقيتها هدى والنار تشتعل من عيونها

هدى وتحاول تخفف صوت صراخها:انتي ياحششره

نظراتك هذي خلييهالك

دخلت ام هدىيير شفيكم

هدى تسوي نفسها تبكي:يمه شوفي تبيني اشيل الشاهي والقهوه بنفسي تقول ان شكلي مثل الخدامه

ام هدى مسكت لميس بكتفها بقوه:نععم لاشكلك نسيتي نفسك ،

،شفتي الناس يطالعونك باعجاب شفتي نفسك لاا ا ا تراكي قبيحه

ولاا ا ا بعد اصبري لين يعرفون ان امك يهوديه وفاجره

ماتحملت لميس كلامها عن امها ودفتها عنها وهي تصصرخ فيها:امي اشررف منك

ومن اشكالك والله اعلم مين اللي مايعرف الدين صح.

صفعتها ام هدى كف

على وجهها خلاها تطيح على الارض وركلتها برجلهاوهي تقول:لا بعد طلع لك لسان يبغاله قص والله لاددبك زين واعلمك كيف ترفعي صوتك ويدك علي يا حقيره

حسابي معك بعدين

طلعت من المطبخ ووراها هدى اللي ضحكت بشماته

حملت لميس نفسها لغرفتها وهي تبكي بالم

رمت نفسهاع السرير وهي تشاهق”ااه يمااه راامي”

تذكرت رامي وهودايما يقول لها:ابغاك دايما قوية وصابره وطيبه ابغا تربيتي لك ماتضيع”اه يارامي كييف اكوون قوية من ويين تجيني القووه وانا ماحد جنبي وانا وحييده من ويين ”

سمعت صووت جوال يرن قامت

بسرعه وفتحت دولابها واخذت جواالهااللي مخبيته عنهم لانهم مايسمحو لها فيه ولافي تلفون البيت شافت المتصل هند صديقتها الوحيده ردت بلهفه:هند

هند بضحكه:ه شوي شوي على عمرك لهدرجه مشتاقه لي ياحظي

لميس:يادبه حرام عليك ليش مادقيتي علي لي اسبووع في بيت زوجه ابوي ولا سالتي عني(وانفجرت تبكي)حرام عليك وانا من لي غيرك اهلي كلهم راحو مابقى لي غيرك

هند بخوف:انا اسفه لميس والله مانسيتك كل يوم بالي عندك وافكر فيك حاولت ادق عليك بس خفت تنكشفين وتدري زوجه ابوك بالجوال كنت متردده بس اليوم حسيت ان فيك شئ ودقيت،،،فيك شئ حبيبتي انتي بخير

لميس تحاول توقف دموعها:انا كل يوم مو بخير ياهند

هند بخوف:وشفيك يا قلبي قولي لي

لميس بتنهيده:ا ا اه ياهند انا كل يوم اذوق كاس الذل والعذاب من سفاجه وبنتها

مخليني خدامه في البيت هذا غير السب والشتم اللي اتصبح واتمسى فيه

هند ماتحملت اللي تسمعه واللي يصير لاعز صديقه لها وبكت لحالها:ياعمري يالميس كلل هذا فيك وانا ماادري الله ينتقم لك منهم على اللي يسوونه فيك

لميس تمسح دموعها:انا اسفه هند بس مالي احد غيرك اشكي له بعد الله الله يخليكي لا تبكين ماقصدت اضايقك

هند بترجي:لميس تعالي عيشي عندي بحطك بعيوني بس ابعدي عنهم

لميس ابتسمت:لا ماقدر ياهند بعدين سفاجه مارح ترضى بتقفل علي هي مانعتني اطلع من البيت حتى الجامعة ماسجلت فيها،،،مشكوره والله ماتقصرين.

سمعت لميس صوت عند الباب وارتبكت:

االو هند مااقدر اطول في احد جاي مع السلامه

وسكرت علطول قبل تسمع ردهاوخبت الجوال ودخلت للحمام

في الصاله

بعد مادخلت سفاجه وبنتها على الضيوف

سفاجه:ياهلا والله بام رعد

ام رعد:هلافيك

ام رعد تكلم هدى اللي دخلت وجلست جنب امها:كيفك يا هدى

هدى بخجل مزيف:الحمد لله بخير

ام رعد:الا وين لميس مااشوفها

سفاجه مجهزه الرد:تعبت وراحت غرفتها

ام رعد:الا هي امها بريطانيه

سفاجه بضيقه:ايه

ام رعد:وشفيك كنك تضايقتي من سوالي

سفاجه بقرف:والله ماحب سيرتها

ام رعد رفعت حواجبها باستغراب:ليش

سفاجه بمكر:استغفر الله سيرتها مو حلوة ابدا هي بريطانيه تدعي الاسلام وخدعت ابو رامي لما كان في بريطانيا وخلته يتزوجها

ام رعد:يعني كيف خلته يتزوجها وانااعرف انه كان يحبها

سفاجه انقهرت لما سمعت ان حب ابورامي لهاالكل يعرفه وصممت تخرب سمعتهاوسمعت لميس:ويين يحبهااصلا هي ساحرته وخلته يتزوجها،،تعرفين اللي مثلها فاجره ولا تخاف ربها اكيد بتسوي اكثر،،،بس الله يستر علينا من بنتها

ام رعد انصدمت من الكلام وصدقته:اعوذ بالله انتو كيف خليتوها عندكم

سفاجه:وش اسوي بنكسب فيها اجر ولانقدر نرميها في الشارع

هدى انبسطت على امها وتذكرت لميس وحاولت تدنس سمعتها اكثر:بصراحه انا كنت اسمع من بنات في المدرسة انهم شافوها مع شباب والله اعلم

رنابنت ام رعد بدلع:انامستحييل اجلس معاها وهي بالشكل هذا لفت على هدى تكمل)هدى انتي مصاحبتها

هدى:مستحييل

ام رعد تغيرالموضوع:وكيف الشغل في المشغل ياام هدى ان شاءالله متحسن

سفاجه:الحمدلله زين

هدى قامت:رنا تعالي نجلس في الحديقه

رنا قامت واخذت شنطتها:اوكيه

في الحديقه

هدى:وشخبار ريم ليش ماجات معك

رنا حطت رجل على رجل ورفعت خصله من شعرها بدلع:مشغوله ماقدرت

هدى:مشغوله بايش

رنا:مسويه حفله وترتبها

هدى:ومتى الحفله

رنا:ماادري ماحددت لانها لازم تعرف ظروف صاحباتها لان الحفله لهم

هدى خاب ظنها لانهاودهاتروح لحفلاتهم تبغى تشوف كيف احتفالاتهم بما انهم اغنياء

رن جوال رنا وردت:هلا رعود كيفك

فز قلب هدى وقعدت تراقب رنا ودها تسمع صوته

رنا:هه اوكيه الا متى ترجع انشاء الله… .



.

.

.

.

.

لاانا موفي البيت طالعه مع امي.

.

.

.

.

.

.ريم ماطلعت معي.

.

.

.

.

.

.هه اوكييه اوريك …باي

سكرت الجوال وحطته قدامهاع الطاوله

هدى بنعومه مصطنعه:هذا رعد

رنا:ايه

هدى:وش اخباره متى راجع

رنا:تمام وبيرجع ان شاءالله بعد شهر

رنا بابتسامه

اميين

(عائلة ابورعد

ابو رعد رجل اعمال كبيير ومعروف صاحب جاه وثرااء

ابنائه

“رعد”وعمره سنه يدرس في امريكا تخصصه ادارة اعمال علشان يمسك اعمال ابوه

“رغد” وعمرها سنه متزوجه من ولد خالتها”عمر”

“فيصل”وعمره سنه يدرس هندسه

“عادل”وعمره سنه يدرس صيدله

“رنا”وعمرها سنه

“ريم”وعمرها سنه

“فهد”وعمره سنوات

في قصر ابو رعد:

ريم جالسه في الصاله مع ام رعد ورنا

ريم:مامي شخبار ام هدى

رنا:ليش تسالين عنهم وانتي تكرهينهم

ريم:فضول

ام رعد:

بخير

ريم بحماس:شفتوا بنت زوجها

رنا تذكرت لميس وجمالها الصارخ وانقهرت

ام رعد:ايه شفناها

ريم بحماس:

حلوه

ام رعد ابتسمت:ايه هذا اللي هامك حلوة والا لا

ريم ضحكت

هه يالله عاد حلوه

ام رعد بصدق:ايه والله تهبل

رنا بقرف:وع

ريم انفجرت ضحك على ملامحها اللي عافستها:ه

اكيد وع موانتي ماتبغين احد احلى منك

رنا بغرور:لان مافيه احد احلى مني

(رناحلوة بس جمالها ولاشئ عند لميس)

ريم:ايش اسمها

ام رعد:

لميس

ريم:وا ا ا ا ا ا ا ا ا ا ا و اسمها يهببل

رنامقهوره من اختها

وع يجيب المرض

ريم:بالعكس حلو ويجنن بعد يا ا ا ا اي ودي اشوفها

..:

ومين اللي ودك تشوفينها ست ريم

دخل فيصل وهو شايل فهد على كتفه

ريم حطت ايدهاع صدرها:بسم الله انت مو توك طالع

فيصل:ورجعت عندك مانع

ام رعد قامت تشيل فهد من على كتف فيصل:يمه ليش شايله على كتفك تراه كبر

ريم مدت بوزها:ايه كبر خايفه على حبيب القلب لا يتكسر

فيصل:ها ها ها يااشيين الغييره

فهد:يمه خليه يشيلني توني صغير

ام رعد:وين صغير وانت عمرك ست سنوات

ريم:عممره مو جسمه

فيصل رمى جسمه على الكنب وكانه تذكر شئ:اييه صح مين اللي ودك تشوفينها ست ريم

ريم:يالقفك مانسيت

فيصل يرفع حواجبه:لاا مانسيت قولي مين

ريم بعناد:ممارح اقول

ام رعد

هذي بنت ام هدى تونا جايين من عندهم انا ورنا

فيصل كشر:لاا يكون هدى وعع وش تبين فيها

رنا عصبت:

وع في عينك هذي صاحبتي ماارضى تقول عنها كذا

فيصل يعاند:وع وع وع وع وع

ريم:ه

رنا عصبت وقامت:وع في عينك.

وطلعت من الصاله

فيصل:ه شفيها هذي عصبت من جد

ريملك منها بس

فيصل:وانتي انتي ووجهك شتبين بهدى تبين تشوفينها مايكفي اختك داقه صداقه معها

ريم شهقت:بسم الله علي منها اصلا انا ماارتاح لها ابدا .

انا اعني بنت زوج امها

فيصل باستغراب:ام هدى عندها بنت زوج

ريم بحماس:ايه وتقول امي تهببل لا بعد اسمها لميس

فيصل رافع حواجبه:وانتي ليش متحمسه كذا

ريم ضحكت:كذا ،

،ايه صح امهابريطانيه

فيصل:بريطانيه

ريم تهز راسها:

yes‏ ‏

فيصل بابتسامه:اذا امها بريطانيه اكيد بتكون قمر

ريم فتحت عيونها بكبرها:عييب

فيصل:ه بسم الله علي عيونك توحش لا تفتحينها كذا

ريم ترمش بعيونها:اصلا عيوني حلوه

فيصل بتريقه:اقول شوي شوي لاتطيح رموشك

فهد:هه

ريم

اصلا انت غيران لان عيوني حلوه

فيصل بغرور:انا احلى منك بمليوون مره صح يمه

(فيصل حلو وابيض عيونه كبيرة وسود مع حواجبهاالسود ورموشه طالعه جنان وخشمه طويل وشعره اسود نازل على رقبته من ورى بس من قدام فرنسي وجسمه رياضي)

ام رعد:صح

ريم بزعل:طبعا مو هو فصولي حبيب القلب

ام رعد

كلكم حلوين وكلكم عيالي

(ريم حلوة عيونها كبار وبشرتها بيضاء وشعرها بني طويل الى نص ظهرها ناعم ونحيفه)

في غرفه لميس:

لميس جالسه على السرير وتكلم هند على الجوال

هند:

ههه الا وين السعلوه وبنتها

لميس:هه حلوة السعلوه،،طالعه مع بنتها ماادري وين

هند:ياعمري ليش مايطلعونك

معهم

لميس بتنهيده من قلب:ا ا اه بس مليت من البيت ودي اطلع واشم هوى ،

،(تكمل بقهر لابعد من النذاله مسكرين باب المدخل علشان مااطلع للحديقه

هند:ياعلهم الماحي

لميش:هه عليكي دعاء ماادري من وين جايبته

هند:

ه الله يخلي لي بدوري من كثر مايسب في اللي عنده في مركز الشرطة صرت مثله

لميس ضحكت:الا كيفه وش عنده يسب فيهم

هند بملل:يقول تعبوه المساجين اللي عنده

لميس:الله يعينه

هند:امي دائما تقوله لايدعي بس مايفهم

لميس:اخوك عصبي،،،المهم هنوده لازم اسكر اللحين عند كوي لازم اخلصه

سكرت منها وراحت للملابس تكويهم

تذكرت رامي اخوها مره كانت جايه من المدرسة معصبه وقابلها رامي في الصاله

رامي:لمووس وشفيك معصبه

رمت لميس شنطتها على الكنب بعصبيه:الاستاذه الله ياخذها هاوشتني

رامي

ليش

لميس:لاني لابسه جزمه ملونه تخيل هاوشتني الصباح والظهر لماطلعت حاطه عينها علي وكلل هذا علشان لابسه جزمه ملونه وش ذاالتخلف ليتينا مارجعنا من بريطانيا ولاشفت وجهها المتخللفه الله ياخذها

رامي ابتسم على عصبيتها وحماسها:لايالميس مو زين تدعين عليها

لميس جلست مبوزه على الكنت تفسخ جزمتها:

هي الغلطانه

مشي رامي وجلس جنبها وحط يده على كتفها بحنان:ولو يالميس لا تدعين على احد حتى لوكان غلطان عليك اصبري بس لاتدعين لان يجي يوم يدعي عليك احد اوعديني انك ماتدعين على احد مره ثانيه

ابتسمت لميس بحب:اوعدك

باس جبينها وضمته لميس وهي تقول:الله يخليك لي ولا يحرمني منك يارامي

“ا ا ا اه يارامي اشتقت احضنك

واشكيلك(نزلت دموعها ا اه اشتقت لحنيتك علي ”

انفتح باب الغرفه ودخلت منه هدى رفعت لميس راسها شافتها تطالعها بخبث فجاه نادت امهاوشكلها ناويه عليها

دخلت ام هدى الغرفه

هدى بمكر وافتراء:يمه شوفي لميس دخلت عليها لقيتها نايمه ومخليه المكوى على ملابسي تبغى تحرقهم

انصدمت لميس وشافت ام هدى تطالعهابعيون كلها شرر خافت لدرجه ماقدرت تتكلم

مسكتها ام هدى بشعرهابقوه وشدته ولميس غمضت عيونها وهي تصرخ فيها:يالخايسه اناوش قلت لك انتي ماتفهمين

الا بالضرب تبغي تحرقي ملابس بنتي حريقه تحرقك وافتك منك

لمس تكلمت بصعوبه:لا،،،كذابه

فتحت سفاجه عيونها:وتكذبين بنتي بعد ،

،،الكذذاب والخبيت هي اممك وانتي مثلها ليتك احترقتي معها وافتكيت

ضربت لميس بقسوه وهي موقادره تفك نفسها

سفاجه صرخت بانفعال وهي تضرب لميس

اكرهك

واكرهك امك اللي سرقت فرحتي والله لاخليك ماتشوفين الفرحه ولا تعرفينها

مسكت المكوى وحطته على ساق لميس صرخت لميس وسحبت رجلها منها وهي تصرخ بالم حست الحراره تشتعل في جسمها كله وقلبها كرهت عمرها وحياتها من العذاب اللي فيها وهي تشوف هدى تطالعها بكره وتضحك بشماته وخبث وهي تقول لامها:ههه ليتك حاطته بوجهها وحرقتيه وافتكينا منه

شافت لميس بين دموعها سفاجه وكان الفكرة عجبتها قامت بسرعه وهي تتالم وركضت لغرفتها دخلت بسرعه وسكرت الباب ودخلت للحمام وقفلت عليها وهي تبكي من رجلها وجسمها اللي تحسه مكسر من الضرب شافت رجلها وحمدت ربها ان الحرق مو كبيرلانهاسحبت رجلها قبل تضغط عليهاالمكوى فتحت المويه الباردة ودخلت رجلها تحتها عضت على شفايفها من الالم وظلت في الحمام ساعة من الخوف ،

لماطلعت جلست على سريرها وفتحت درج الكومدينه واخذت الشنطه الصغيرة وفتحتها جلست تدورفيها عن المرهم ولقيته اخذته ودهنت مكان الحرق

تذكرت رامي لما احترقت ايده لماكان يشوي تذكر انها دهنت يده منه،

غمضت عيونهابقوه لما لاح قدامها وجه رامي وهو يبتسم لهابحنان”ا ا اه يارامي ويينك انا ضاايعه من غيرك ليش رحت وخليتني كنت دائما تقول لي مارح اتركك لماتوفى ابوي” شهقت بحرقه وهي تبكي …..

  • رواية جرحني وصار معشوقي
  • رواية جرحني وصار معشوقي كاملة
  • روايه جرحني وصار معشوقي
  • رواية جرحني وصار معشوقي كامله
  • رواية جرحني وصار معشوقي كامله للقراءه
  • روايات قبيحه للقراءه
2٬612 views

رواية جرحني وصار معشوقي كامله بدون تحميل جاهزه للقراءة