يوم السبت 3:12 صباحًا 7 ديسمبر 2019

رواية رجل وسط النساء ( ديك البرابر )


روايه رجل وسط النساء ( ديك البرابر )

احيانا طيبه الانسان تكون سبب تعاسته لاننا اصبحنا في مجتمع لا يعترف بالطيبين بل يطلق

عليهم هبل وعبط وهم من انقى البشر ولكن في الزمان الخطا

 

روايه (رجل وسط النساء
ديك البرابر )

بقلم: فيروز شبانه

 

سعاد:بت يازبيده قومي يابت هتتاخري علي مدرستك
زبيده:حاضر ياماما هقوم اهو
سعاد:حضرلك الخير ياروح ماما
يلا حبيبتي عشان ماتتاخريش
زبيده :حاضر
فتدخل الحمام وتتوضا وتصلي وتلبس ملابسها المدرسيه فهي ف الصف الثاني الثانوي
وهي جميله جدا جدا عيون زرقاء ذات بشره بيضاء شفافه وشعر اصفر ناعم وجمالها سر نقمتها فيحسدها جميع اصدقاءها ويغارون من جمالها
وكذلك من طيبتها وعفويتها فهي طيبه لدرجه الهبل
وليست كباقي البنات الناصحه او البنات الاخري
زبيده:انا ماشيه ياماما عاوزه حاجه
سعاد:اعوزك طيبه ياعيون ماما خدي بالك من نفسك
زبيده :حاضر ياماما
……………………
ف المدرسه
رنا :يابت الواد صحبي له صاحب عينه هتطلع عليكي
زبيده:عيب كده انا مش بتاعه الكلام ده ولو قلتي كده تاني مش هكلمك
دول عيال مش متربيه وقللات الادب اللي يصاحبو شباب
ولو فضلتي كده مش هكلمك والله
رنا :والله انتي بت خايبه وعبيطه
البنات كلها كده دلوقت وانتي عملالنا خضره الشريفه

مس سلمي :في ايه يابنات صوتكو عالي ليه
مش واخدين بالكو ان الحصه بدات
البنات:سوري يامس
مس سلمي:طب نبدا بقي
وتبدا بالكتابه والشرح ع الصبوره
………..
مس سلمي:انا تعبت والله شايله جداول الاساتذه كلهم اللي ولدت واللي اجوزت انا تعبت مافيش غيري
هاتو مدرسه معايا تساعد
المديره:عملت اعلان وهمشوف بس لازم حد كويس عشان سمعه المدرسه عاوزين المستوي ماينزلش واللي تقدمو مش بنفس كفاءتك
بس هانت
مس سلمي :ربنا يسهل انا جبت اخري الصراحه لحسن هاجز او استقيل واسيبهالكو لو استمر الحال كده
المديره:استحملي شويه ياسلمي

سلمي:عشان خاطرك بس هستحمل واستني

……………
عمر :ادعيلي ياماما هقدم ف مدرسه بنات ثانوي انهارده يارب يقبلو بدل ماشغال ف السناتر ومن هنا لهنا نفسي اتثبت بقي
ام عمر:ربنا يجعل ف وشك جوهره وف حنكك سكره ياعمر يابن بطني يارب
بس خد بالك لحسن البنات بقو زي الذئاب البشريه
البت تنمر ع الواد مايخدش ف ايدها غلوه ماعدش في بنات هبله زي زمان الشباب اللي بقت تاكل علي قفاها ومفكرين هم اللي وقعو البت
وهي اللي جابته علي دور رقبته
دا انا بشوف البنات ع الناصيه كل بت ماسكه ودن الواد وهاتتك باتتك خد بالك يابني مالكش الا سمعتك
عمر:في ايه ياماما محسساني ان انا البت مش الراجل
امه:ياريتك كنت بت ماكنتش خفت عليك كده
دول بقو اسود يابني
عمر:لا حول ولا قوه الا بالله
في ايه ياماما واحنا بقي الحمل الوديع اللي الاسود دول هيفترسوهم
صلي ع النبي ياحاجه وقومي صلي ركعتين وادعيلي وسيبك من البنات المستذابه
الافلام الاجنبي كلت دماغك ولا ايه
انتي بتتفرجي علي اجنبي من ورايا ياحاجه
امه:هو انا بفتحه ياولا الا عشان المسلسلات التركي والهندي
عمر:قلتيلي بقي مانا طالع عيني ف الدروس طول النهار وسايبلك الحبل ع الغارب
والاخر تتفرجي علي تركي وهندي
مش بعيد الاقي اردوغان داخل يطلب ايدك
انا ماشي احسن فينك يا بابا تيجي تشوف مراتك انحرفت من بعدك الله يرحمك
امه:امشي ياقليل الادب هو في زي ابوك الف رحمه ونور عليه قطع بيا وسابنا من زمن دا كان اتخنها شنب يتهزله ف الحته كان ظابط ملو هدومه
وانت طالعله طول بعرض بوسامته ماشاء الله عليك
عمر:الله يرحمه
دعواتك بقي كده هتاخر
امه:ربنا يحبر بخاطرك ويبعد عنك ولاد الحرام

}}}}}}}}}}}}}}}}}}}}

ذهب عمر للمدرسه الثانويه بنات

ودلف من الباب ومشي بعض الخطوات وهو يتحسس خطاه ليستشف كيف سيصل للمدير فهو لا يعلم اين واثناء ذلك يصطدم ب زبيده التي كانت تمسك ساندوتش فول ودمرت قميصه
عمر:ايه ده مش تفتحي ياغبيه حد يعمل كده
زبيده:انا اسفه والله ماكان قصدي
دي البت سميه كانت بتجري ورايا وانا بجري وماخدتش بالي انا اسفه اوي واخرجت منديل من جيبها تمسح له
انا اسفه والله ماكان قصدي
عمر:خلاص انتي هتعيطي هي ناقصه غم
هو يوم باين من اوله
زبيده :ماتزعلش مني

عمر:يابنتي خلاص سد يا ماما سد
اقولك قوليلي المدير فين وانا مش هبقي زعلان
فشاورت له زبيده علي حجره المديره
عمر:الف شكر
روحي البسي ف حد غيري بقي انا كده اكتفيت
…………
زبيده :شايفه عمايلك كده انا مش عاوزه اعرفك ولا اكلمك تاني
سميه:ايه يابت الموز ده
انا علي ماحصلتك كان مشي مالحقتوش
مين ده يابت
زبيده:وانا اش عرفني
سميه:دا اخو بت هنا دا ولا ايه وضعه
زبيده ؛ معرفش وانا مالي كفايه اللي عملته فيه كان هيخنقني
وبسببك قلتلك مش عاوزه اكلمك وماليش ف اصحابك الصبيان واصحابهم دول انا مش بحب كده
سميه:خليكي خايبه كده جاتك خيبه ف هبلك وعبطك
زبيده:اه انا هبله وعبيطه سيبك مني بقي
……………
عمر :انا عمر اللي بعت السي في بتاعي لحضرتك
اللي جاي لطلب الوظيفه
المديره:انا مش عارفه اقولك ايه انت شايف المدرسه كلها بنات حتي الاساتذه ستات بحاول ماادخلش عنصر رجالي عشان المشاكل
عمر:وانا مش بتاع مشاكل وف حالي بدي حصتي وخلاص
المديره :لولا اني محتاجه تخصصك وفي ازمه عندي للاجازات وحالات الوضع والسفر
ف الماده بتاعتك انا ماكنتش هوافق بس
هنجرب مع حضرتك ونشوف والتثبيت بعد 6 اشهر
ودول هيكونو اختبار لك
بس ياريت تهتم بمظهرك ايه ده
عمر:لا ابدا عربيه فول دخلت فيا بعيد عنك
المديره:طب خد بالك يابني بعد كده
انا هبعت لمس سلمي زميلتك وهي اللي هتعرفك بالعمل وهيتقسم الجدول بينكو
عمر:تمام حضرتك يافندم
المديره:ياام حسين نادي علي مس سلمي
ام حسين الفراشه:حاضر يافندم
وتاتي سلمي
تفاجيء بعمر
سلمي:ايوه حضرتك يافندم
المديره:دا مستر عمر زميلك ف الماده اللي هيشيل معاكي وقسمو الجدول
توطي علي المديره راحل يافندم
المديره:هنعمل ايه دا احسن المتقدمين ومع ان خبرته قليله الا انه قوي ف مادته ومتميز والسي في بتاعه كويس ومعاه دورات وكورسات كويسه
سلمي:خلاص اللي تشوفيه

اتفضل مستر عمر معايا علي حجره المدرسين بتاعه الانجلش عشان نظبط الجدول والمواعيد

عمر؛ تفضلي حضرتك
وذهب عمر مع سلمي التي تمشي باستحياء وجميع الطالبات ينظرون من هذا
…………….
سميه :انا ماليش مرار لكده انا هستقصي مين ده
وذهبت لحجره مس سلمي
سميه:ايه ده معاكي حد يامس
انا فكرتك لوحدك خلاص بقي
سلمي:دا مدرس الانجلش الجديد ياسميه عاوزه ايه
سميه:كنت بسال في حصه انهارده ولا ايه
طب مين هيدينا الحصه
سلمي:انا ياسميه فصلك بالذات انا هاخده يلا بالسلامه
سميه:ماشي يامس سلام
داهيه فيكي وف شكلك ليه الموز مايديناش
مكتوب علينا مس سلمي حاجه تارف
زبيده:مالك بتكلمي نفسك ليه
سميه:الموز طلع مدرس انحليزي جديد
زبيده :اييييه يانهار اسود

سميه:ماتخافيش مس سلمي اللي هتدينا

زبيده:الحمد لله
سميه:جاتك خيبه ف عبطك فرحانه كده ليه
زبيده:بعد اللي عملته فيه هيصتقصدني وينقصني ف اعمال السنه كده احسن
لحسن كان مخنوق مني وهياكلني
سميه:جاتك خيبه واحده غيرك كانت استغلت الموقف ووقعته ياهبله ياعبيطه ياام بدوي
زبيده :لا يوقعني ولا اوقعه سيبنالك التوقيع
ماليش فيه انا ف حالي كافيه خيري شري
والمصايب بردو مابتسبنيش وتيجي لحد عندي
سميه:عشان عبيطه ومش عاوزه تعيشي حياتك
زبيده:هي حياتي مااعيشهاش الا باللف مع الشباب
عيب اللي بتعمليه وثقه اهلك فيكي اللي بتخونيها
سميه:ماشي ياست الشيخه سيبنالك الثقه كلها
حلي عني بقي اما امخمخ للاستاذ ده
زبيده:ربنا يهديكي ويستر عليكي ياسميه وتعقلي يارب
……………………
سميه بدلع:هاي
هي مس سلمي مش هنا
عمر:لا اعتقد عندها حصه
سميه:اصل كنت عاوزه اسالها علي حاجه ممكن استناها
عمر:لما تيجي ابقي تعالي اساليها
ماينفعش تستنيها هنا
وهي خارجه اتصدمت بسلمي
سلمي:في ايه ياسميه
سميه:ابدا يامس كنت هسال علي حاجه وافتكرتها خلاص
…….
سلمي:كانت عاوزه ايه البت دي
عمر:ولا حاجه كانت عاوزه تستني تسالك علي حاجه
قلتلها اما تيجي تبقي تيجي تسالك
سلمي :ااااه اوك
هنبتدي ياست زفته بقي

سلمي:اتفضل ساندوتش يا استاذ عمر انا عامله حسابك
ولا المدام مابتنزلكش من غير فطار
عمر:لا متشكر هو الحقيقه امي اللي مايتنزلنيش من غير فطار
سلمي:طب والمدام
عمر:مافيش مدام
سلمي:ليه
عمر:هو ايه اللي ليه
مالقتش صاحبه النصيب واما اتثبت ف وظيفه الاول
سلمي:اااه ربنا يوفقك وتلاقي اللي تستهلك

 

}}}}}}}}}}}}}}}}}}}}

بسنت :السلام عليكم
عمر:وعليكم السلام
بسنت :معلش يااسناذ عمر اصل اوضه العربي خانقه وعندي تحضير للعيال ومش عارفه اركز هناك قلت اجي اقعد معاك
اقصد ف الاوضه بتاعتكو احضر قبل الحصه
عمر:تشرفي انا اصلا عندي حصه
بعد اذنك ودخلت سلمي وهو يلم اشياءه
سلمي:خير يابسنت ايه جابك بتعملي ايه هنا هم نقلو اوضه العربي هنا
بسنت باحراج:لا بس لقيت هنا تراوه وشرحه وبرحه

وطويله وعريضه كده وتنظر لعمر

قلت اجي احضر عندكو ولا هو حلال لكي وحرام لنا
مشي عمر لحصته ولم يعيرهم انتباه
وتركهم يتناحرون
سلمي:انتي بتستهبلي والله اقول للمديره علي حركاتك خليها تشوف شغلها معاكي
بسنت:اه وانتي همك ايه مانتي معاه طول النهار واحنا وشنا ف وش بعض كلنا ستات مافي دكر يفتح النفس
سلمي:والله لو ماتلميتي ماهيحصل طيب
وذهبت كل واحده الي حصتها ورجع عمر لحجره الانجليزي
…………….
جاءت مدرسه التاريخ ابله سهيله
سهيله:الله هي سلمي مش هنا
عمر:ف سره اللهم طولك ياروح انا اتخنقت بجد
علي راي امي انا حاسس اني بمثل فيلم الصياد والفريسه
وطلعت انا فعلا الفريسه
لا والله لسه ماجاتش
سهيله جلست بجانبه
طب حضرتك الخير والبركه وتفي بالغرض
اصل الواد بن اختي كان عاوز حاجه ف الانجلش والصراحه مش عرفاها قلت اسالك تشرحهالي واشرحاله

عمر:تحت امرك عاوزه ايه
سهيله:الباست بارتسبول
الواد سالني ايه ده فكرته دوا ف الاجزخانه اصلي ميح ف الانجلش الصراحه عديت بالعافيه
فقعد يشرحلها
ودخلت سلمي
سلمي:ف سرها وبعدين ف ولاد الارندلي دول
انا هلاحقها منيم ولا منين دي عيشه بقت تقرف احطلهم سم فران ف الشاي واعزمهم عليه وتبقي مذبحه القلعه

خير ياسهيله اي ريح مهببه اقصد منيله يوووه طيبه اتت بك
سهيله:انا كنت جيالك تشرحيلي حاجه اشرحها لابن اختي بس مالقتكيش بس عمر اقصد مستر عمر فيه الخير والبركه شرحهالي
سلمي:انتي عندك اخوات اصلا
سهيله:يووه امال قتلتهم انتي نسيتي ولا ايه
سلمي:مش خلاص شرحلك ياريت تروقونا اقصد تهونا يووه تتفضلي بقي ورانا شغل
سهيله:حاضر سلام
ولا نقول باي بقي يامستر هههههه
غمر:ف سره يخرب بيت اللي حدف المستر هنا
بركاتك يامه ذئاب الجبل اشتغلو
انا بقيت خايف اه والله انا خايف وانا ولد ماليش غير سمعتي
يخرب بيتكو صنف زباله

سهيله:بقول باي يامستر
عمر:باي ورحمه الله وبركاته
سهيله :ههههههه ومشبت
عمر:انا خلصت وماشي عاوزين حاجه ف ام اليوم ده مني تاني ولا اروح
سلمي:لا لازم تستني انتهاء اليوم الدراسي
عمر:قعد حط ايده علي راسه
يادي المصيبه السودا انا عاوز اروح لامي انا ايه اللي جابني هنا

انا حاسس لو قعدت شويه كمان هيغتصبوني مش هيفترسوني بس
لا اله الا انت سبحانك اني كنت من الظالمين
سلمي:انا عندي اشراف هروح دلوقت
عمر:ماشي
وجد من تخبط باستحياء
فنظر ليجدها زبيده فنظر لها فبرقت ووضعت راسها ف الارض

مس سلمي هنا وتفرك ف ايدها

عمر:لا عندها اشراف
زبيده:يوووه طب عن اذنك
عمر:تعالي ياشاطره مش انتي بتاعه ادره الفول اللي دلقتيها علي قميصي اول اما جيت هنا
زبيده:اه بس والله ماكنت اقصد انا كنت بجري من سميه
عمر:وانتي عيله ف ابتداءي عشان تجرو ورا بعض
زبيده:لا والله بس هي اللي زنانه وقلبله الادب وانا مش بحب كلامها عشان كده كنت بجري منها
عمر وهي بقي كانت بتقولك ايه
زبيده:عاوزاني امشي مع شاب اصلها قلبله الادب وبتصاحب وعوزاني زيها بس انا بقولها عيب تخوني ثقه اهلك
عمر:شاطره يا اسمك ايه صحيح
زبيده:زبيده
عمر:ايه الانتيك ده دا عتيق اوي الاسم ده
زبيده :علي اسم تيته
عمر:ماشي يا زبيده كنتي عاوزه ايه
زبيده:عندنا امتحان بكرهوكنت عاوزه مس سلمي تشرحلي حاجات مش فهماها قبل ما الامتحان يجي واسقط
عمر:انتي مايتخديش دروس
زبيده:انا لا طبعا
عمر:اهلك مش معاهم ممكن تيجي السنتر ومش هدفعك
زبيده :لا بابا معاه
بس انا مابنزلش بعد.ماارجع من المدرسه
عمر:ليه
زبيده:الدروس بتتاخر والصبيان بيعاكسوني ويستنو البنات بعد الدرس ويعاكسوهم
عمر:طب ماكل البنات بتتاعكس هتسيب تعليمها عشان كده
زبيده:لا انا مابحبش كده

عمر:طب تعالي اشرحلك بدل ماتسقطي
زبيده:لا مش مهم بقي
عمر:هو ايه الي مش مهم هتفهمي ازاي يعني
يلا هاتي كرسي وهاتي الكتاب اللي معاكي وريني عاوزه ايه
وبدا يشرح لها وتستوعب فهو قوي في مادته عن سلمي بكثير
عمر:فهمتي الجزء ده
زبيده:دا سهل اوي يامستر وفهمته خالص بفرحه
عمر :ضحك عليها طب كويس انك فهمتي عاوزه ايه تاني
ادتله جزء اخر
وجاءت سلمي :هو في ايه بالظبط انا كل ماامشي تلم عليك البنات او المدرسات
حتي انتي يازبيده اللي بنقول عليكي عبيطه
فاحست زبيده بالاحراج وكادت تدمع
عمر: واحس عمربفي ايه يا يامس انا قاعد ف مكاني
ثم دي الطالبه بتاعتك وكانت عوزاكي تشرحيلها عشان امتحان بكره لكن مالقتكيش فقلت اشرحلها بدل ماتسقط
سلمي:كتر خيرك والله فيك الخير خدوم
عمر:انا ماشي عشان ماغلطش ف حد
زبيده:وانا اسغه اني سببت مشاكل والله كنت عوزاكي تشرحيلي لانك عارفه مابخدش دروس
سلمي:طب امشي علي فصلك
عمر:زبيده اي حاجه محتجاها ف الانجليزي
تجيلي فورا دون تردد وهشرحهالك ويبقي حد يكلمك
زبيده:متشكره يا مستر

}}}}}}}}}}}}}}}}}}}}

رجع عمر لبيته وف الطريق وقرب منزله علي ناصيه الشارع وجد الدكتوره مها ففتح زجاج عربته
عمر : اتفضلي يادكتوره مها اوصلك لو مش لاقيه تاكس بدل ماتتاخري عن مواعيدك احنا ولاد حته واحده
مها:ميرسي يااستاذ عمر دلوقت يجي تاكس
عشان مااتعبكش
عمر :لا تعب ولا حاجه
مها:معلش مش هينفع
عمر :براحتك ومشي
……….

وصل عمر الي البيت
ام عمر :في ايه اتاخرت ليه انا شيفاك واقف ع الناصيه كنت واقفه ف البلكونه ولمحت عربيتك
عمر:كنت بعزم علي دكتوره مها اوصلها لقيتها واقفه مستنيه تاكس
امه:يادي مها مشدي البت اللي ف الامتياز اللي طالعه فيها ومتانعره دي ماتنفعكش يابني وهتتبتر عليك
عمر:ليه يعني انا خدت الماجستير
وان شاء الله اخد الدكتوراه
امه:بس مدرس وهتفضل حاسه بالفرق وتقول هي دكتوره وانت حته مدرس ف مدرسه بنات يابني اسمع كلامي ان ادري بمصلحتك
المهم عامل ايه مع الذئاب البشريه اللي عندك
عمر:اسكتي ياامي دا انا ف مرار طافح وفعلا عندك حق دول مش ذئاب دول اسود متوحشه
بس ابنك راجل مايتخافش عليه
لو عاوز افعصهم هفعصهم
وقص عليها ماحدث
البنت غلبانه وعلي نيتها وهبله اوي
تخيلي مابتروحش دروس عشان ماتتعاكسش
ولها صاحبه زباله عاوزه تجرها للرزيله
ام عمر:ياعيني دا مافيش بنات زيها كده اليومين دول دي علي نيتها اوي
ماتسبهاش ليهم ياعمر ودافع عنها دي بت غلبانه
امه:وشكلها ايه دي
عمر: ماخدتش بالي بس حلوه بيضا وعينها زرقا بس مش فاكر ملامحها اوي بس محترمه ف لبسها مش زي باقي البنات اللي لبس ضيق ومكياج لادي هي حلوه طبيعي

خرج عمر بعد الغداء للسنتر الذي يعطي دروس به
فوجد المهندس خالد
عمر:ايه ياخلود بتعمل ايه
خالد:بظبط الشقه عشان ابقي اجوز فيها قلت اعمل ديكورات انت عارف انا لوحدي امي وابويا ماتو وسابوهالي فهوضبها عشان اماالاقي العروسه يبقي باقني العفش
عمر:لسه مالقتش
خالد:انت عارف اني مهندس مع ايقاف التنفيذ مش لاقي شغل لولا النقاشه اللي شغال فيها بتكسب جامد وبجيب كل حاجه من الشغلانه دي لولاها كنت شحت

عمر:ان شاء الله ربنا يرزقك ببنت الحلال اللي تستاهلك وتقدرك وبالشغلانه اللي تناسبك
ماانا حفيت لحد ماحصلت علي الشغلانه دي بعد اللف ف السناتر
خالد:وعامل ايه سالت مامتك عليك قالت مسكت شغل ف مدرسه ثانوي بنات
عامل ايه
عمر:وحوش ياخلود
انا وسط ذئاب بشريه مافيش رحمه
خالد:ههههه لا ياراااجل انت اللي بتقول كده
عمر:واكتر دا بيلقفوني لبعض
انا لو ماكنتش اتثبت كنت طفشت
الحمد لله الست شهور عدو علي خير واتثبت ربنا يستر ونقدر نصمد

……….
وذهب عمر للسنتر وانتظمت الحياه هكذا العمل صباحا مع تغتيت الاساتذه علي عمر ورمي شباكهن عليه او الطالبات وابتعدت زبيده تماما بعد هذا الموقف لان سلمي عنفتها لان الموقف تكرر وشرح لها فجاءت سلمي مستشيطه
سلمي:انت ازاي تشرح لطالبه عندي
زبيده:والله هو اللي صمم يشرحلي لما ماكنتيش موجوده
عمر:والله انا اشرح لاي حد محتاجني مش هستني رايك
سلمي:ماشي حاضر
وذهبت تشتكي الموقف المتكرر للمديره
فاستدعته
المديره:اظن هي طالبه مس سلمي يبقي هي اللي تشرحلها لو احتاجت شيء مش نتخطاها ونبين ان عندها قصور او مش متقنه الماده
عمر:البنت دي مابتاخدش دروس عشان كده لما مابتكونش مس سلمي موجوده فبشرحلها لانها لو مشيت ماحدش هيشرحلها وتسقط ف الماده
المديره:مستر عمر مش عاوزين مشاكل لما تاخد فصلها السنه الجايه ماحدش هيلومك لانها الطالبه بتاعتك لكن حاليا ماينفعش مش عاوزه مشاكل ف مدرستي
عمر:حاضر يافندم
وانقضت السنه بعد هذا الموقف وبدات سنه جديده كانت زبيده ف ثانويه عامه ومسك عمر فصلها

 

}}}}}}}}}}}}}}}}}}}}

عمر دخل حصته
good morrning girls
وردت الطالبات
good morrning Mr
وبدا ف الشرح وبعد ان انتهي
نادي زبيده
عمر:اي حاجه مش فهماها تعالي اشرحهالك اظن دلوقت انا مدرس الفصل والمسؤول عنكو وماحدش له اي كلمه ولا يقدر يكلم
عشان اللي حصل الينه اللي فاتت ومس سلمي وعمايلها
انا بس عشان مابتاخديش دروس ودي ثانويه عامه
فلو عايزه مساعده او جزء مشفهماه تعالي فورا
زبيده بخجل :حاضر متشكره جدا يامستر
بس مش عاوزه اتعبك معايا
عمر:دا واجبي يابنتي
انا مسؤول اني افهمك وبتقاضي اجر علي كده
عشان نحلل اللقمه حتي
وانا احب اشتغل بضمير
جاءت سميه وهي هتفرقع:هو زبيده بس اللي ف الفصل يامستر مااحنا كمان الطالبات بتوعك
وعاوزين نفهم
عمر:وانا اي طالبه محتاجه حاجه تيجي اشرحلهه
بس زبيده حاله خاصه لانها مابتاخدش دروس انتي ممكن لو مافهمتيش معتمدخ ان مدرسك بتاع الدرس هيفهمك لكن هي مافيش غيري استاذ للماده تلجا له فهمتي ياسميه ولا نقول كمان
سميه:ماشي يامستر
……………..
سلمي:انا مش عارفه ادتيله فصل زبيده اقصد ثانويه ليه
المديره:اظن انتي عارفه انه قوي ف مادته عشان كده اديته ثانويه كلها مش فصل وفصل لاء
سلمي:بس دا فصلي معاهم من الاول
المديره:انتي كفايه اولي وتانيه وهو بردو بيساعدك وهو عليه ثانويه عامه مع كام فصل من تانيه
علي ما اللي سافرو يرجعو وبتوع اجازات الوضع خدو سنه بدون مرتب هنعمل ايه
ع السنه الجايه هيخف الحمل عليكو مقدرش اجيب تاني مدرسين واللي هيرجعو هيبقو طاقه زايده
مشو نفسكو كده واهدي شويه ياسلمي
ماكنتيش كده وعصبيتك بقت زايده
سلمي:حاضر
………
وذهبت لحجره المدرسين
وجدته يشرح لزبيده
اللهم طولك ياروح
مااحنا مابقاش ورانا غيرك
عمر:اظن دي الطالبه بتاعتي ومن حقي لو مش فاهمه حاجه اشرحلها
سلمي:حقك
بس دي حجره المدرسين وعاوزه احضر ومش عارفه اركز
عمر:ع العموم احنا خلصنا وورايا حصه اشبعي بيها حجره المدرسين
عاوزك تنتشري فيها وتتنططي
يارب صبرني بدل ماارتكب جريمه
وانتي يازبيده يلا يابنتي علي فصلك واي حاجه شوفي اي حاجه لو تافهه وقفت قدامك تيجي جري
زبيده بابتسامه بخجل حاضر يامستر وهي تضع وجهها ف الارض
سلمي؛ ماشي ياسهنه ياسهتانه
…………………..
ورجعت للفصل
سميه:رجلك خدت علي اوضه الانجليزي اوي اصلها ماشاء الله عليها تفرح
زبيده:تقصدي ايه
سميه:ايوه ايوه اعملي عبيطه
ياما تحت الساهي دواهي
عملالنا عبيطه وانتي ميه من تحت تبن
ووقعتي الموز واقولك علي صاحب صاحبي
تقولي ماليش فيه وانتي راسمه علي تقيل ع الراس الكبيره
زبيده:حرام عليكي انتي تفكيرك زباله كده دايما انا بروح عشان يشرحلي مش اكتر
حرام عليكو بقي انتو عاوزين مني ايه سيبوني ف حالي واخذت تبكي
فدخل عمر لحصته
ووقفو والقي التحيه وحيوه فوجد عيونها الزرقاء شبه حمراء تماما كالطمطمايه
فبعد الحصه
نادي عليها مالك يازبيده بتعيطي ليه حد زعلك
زبيده؛ مافيش حاجه يامستر
طب حصليني علي الاوضه
……….
ذهبت خلفه
والجميع :اش اش
عمر:في ايه وماتكدبيش
عشان هعرف ماحدش عينه هتبقي زي الطماطم كده بدون سبب ولا بتوريلنا العين الحمرا
كانت سميه تتجسس عليهم في هذا الوقت
وتسمع مايقال
زبيده:مافيش يامستر
مش عارفه مالهم ومالي مش سايبيني ف حالي وبيطلعو عليا كلام وتبكي
عمر :زي ايه
ان بيني وبينك حاجه
طالما انتي عارفه انك صح ومابتعمليش حاجه غلط
يبقي ماتحطهمش ف دماغك انت بنت ممتازه وكويسه ماتخلهمش يفقدوكي ثقتك بنفسك وطلع منديل يمسح دموعها خدي امسحي دموعك وانسي اي كلام
فالتقطت سميه صوره بالموبيل وهو يضع والمنديل علي دموعها ويعطيه لها لتمسحها

ودخلت سلمي
الله الله اجيب شجره واتنين لمون
عمر:احترمي نفسك ماهو طول مافي امخاخ قذره كده عمرنا ماهيتصلح حالنا
………………
دخلت زبيده الفصل
سميه:ايه رايك ف الصوره دي
هتبقي ع النت وعند ابوكي وامك لو ماسمعتيش كلامي
زبيده:الصوره دي كان بيديني المنديل عشان بعيط من كلامك انتي ليه كده
سميه:لا بس رومانسيه اوي
شوفي لو ماجتيش تقابلي صاحب صاحبي
هتبقي فضيحتك بجلاجل بس عملالنا خضره الشريفه وانتي بترسمي ع الموز يا قادره
زبيده:حرام عليكي مافيش بينا حاجه خالص دا مجرد استاذ وبيشرحلي ليه كده كل حاجه تحوروها حرام انا تعبت
سميه:هديكي يومين تفكري واستلقي وعدك من امك وابوكي
رجعت زبيده الي بيتها اغلقت بابها واخذت تبكي لا تدري ماذا تفعل اتطاوع سميه وتمشي ف الطريق الخطا ام تتركهم يتهموها بشرفها وسمعتها وهي لاذنب لها فاخذت تبكي حتي غلبها النوم
………………
وذهب عمر ليجد مها فنزل من سيارته
كنت عاوز اتكلم معاكي ف موضوع
مها:اسفه انا متاخره اوي انهارده خليها يوم تاني
عمر :اوك
ومشي ذهب لامه
امه:انت مافيش فايده فيك مصدرالك الطارشه وانت ولا ف دماغها وبردو بتحفي عليها اعمل فيك ايه
عمر:بحبها ياماما
امه:يابني دي ماتعمرش معاك اسمع كلامي انا عرفاها صدقني
عمر:خلاص ياماما اقفلي عشان انا مضايق خلقه
امه:ذئاب الجبل عملولك حاجه شكلك باين عليه
فقص عليها الموضوع
امه:ياكبدي يابنتي

هو الطيب ف الزمن ده بيدهس بالرجلين
ربنا يسترها عليكو

}}}}}}}}}}}}}}}}}}}}

استيقظت زبيده مصدعه بعد.نوم كثير لم تنم مثله من قبل
حتي ان امها قالت لها
ايه يابنتي انتي تعبانه اول مره تنامي كده ولا كلتي حتي
زبيده :حاضر يا ماما هقوم اكل اهو واصلي
وفعلا توضات وصلت واكلت ثم استخارت ربها ماذا تفعل في هذا الامر تنجرف وراء سميه ولا تقف ف وشها
واخذت تدعو ربها يارب ماتسبنيش لوحدي انا مااذينش حد ولا عملت حاجه وحشه ف حد ليه الناس بقت وحشه كده انا محتاره ومش عارفه اعمل ايه لو ماعملتش اللي عوزاه هتفضحني
واللي بتقوله غلط ماقدرش اعمله ساعدني واقف جمبي يارب
ونامت بعد عناء لتجد من يتلو عليها الايه الكريمه
( رب السجن احب الي مما يدعونني اليه والا تصرف عني كيدهن اصب اليهن واكن من الجاهلين)

فقامت من نومها يعني ايه الكلام ده
انا هروح لابله وفاء بتاعه الدين واسالها
وفعلا ارتدت ملابسها وذهب لابله وفاء سيده كبيره وعلي درايه بالدين
زبيده:يعني ايه الايه دي ياابله وقالتها لها
ابله وفاء :بصي يابنتي انتي عارفه قصه سيدنا يوسف اللي اخواته رموه ف البير وخدوه ناس من البير باعوه لعزيز مصر
ولما كبر كان جميل ماشاء الله فحلي ف عنين مرات العزيز وكانت بتراوده عن نفسه وهو مش عاوز يقع ف الغلط والناس بقت تكلم عليها
راحت جمعت الستات دي وادتهم سكينه لكل واحده وخرجته عليهم ومن جماله ماحسوش بنفسهم وهم بيقطعو ايدهم بالسكينه
المهم بقي الايه دي بقي سيدنا يوسف ماكانش راضي ع اللي بيحصل وحاسس انه غلط فدعا ربه ينجيه من كيد النساء دول حتي لو هيدخل السجن بس مايغلطش ويبعدهم عنه لحسن يوقعوه ف الغلط
فهمتي حبيبتي
زبيده:انا متشكره اوي اوي يابله ربنا يخليكي ليا

وعزمت امرها علي ماستفعله
فذهبت الي الفصل
زبيده:سميه انا مش هعمل اللي قلتي عليه حتي لو دخلت السجن
سميه:سجن ايه ياهبله
خلاص استلقي وعدك بقي وماتجيش تعيطي
زبيده:ربنا قادر ينجيني من المكيده بتاعتك
سميه:دا مش كلامك علي فكره
زبيده:دا كلام ربنا
سميه ف نفسها البت دي اتهبلت ولا ايه مالها كلامها مش مفهوم دي شاربه حاجه ولا واخده حبوب الشجاعه ماشي يازبيده بتتحديني اما اشوف انا ولا انتي
وتاني يوم
سميه:انا رحت لابوكي المحل ووريته الصوره ومستحلفلك ليقتلك لماتروحي انهارده هو وامك
زبيده:حرام عليكي ياشيخه ليه كده دت انتي كنتي واقفه وسامعه وشايفه اللي حصل ليه تتبلي عليا انتي اكتر واحده عارفه حصل ايه ليه تشوهي سمعتي
سميه:وانا لسه عملت حاجه دي قرصه ودن بس هو انا لسه نشرت هنا انا بديكي فرصه
وتركت زبيده
وزبيده لا تعلم ماذا تفعل وكيف ستذهب للبيت

وماذا سيفعل والدها بها سيقتلها حقا ولن يستمع لها ولن يصدقها فماذا سافعل يارب حلها من عندك يارب
……..

عمر :انا رايح المدرسه عاوزه حاجه
امه:متاخر ليه
عمر:عندي الحصص الاخيره انهارده
ولو ان المديره بتزعق وعوزانا من بدري بس ماكنتش قادر وجسمي مكسر من الصحيان بدري قلت اريح واللي يحصل يحصل واستحمل زعقتين
امه:طيب حبيبي ماتتاخرخش
عمر:انا لو شوفت مها انهارده وانا راجع عاوز افاتحها
امه:بردو ياعمر مش هنخلص من موال مها يابني مش توبنا وطالعه فيها وعاوزه دكتور ولا مهندس انا وساله امها وعارفه هتهزا نفسك وتقل قيمتك ع الفاضي
عمر:انتي ليه محسساني اني صغير ماانا هبدا الدكتوراه ان شاء الله
امه:بس خريج تربيه ومدرس
في ناس عندهم عقده الدكتور والمهندس عاوزين لقب بس مش بيشترو راجل يصونها
ومها واهلها منهم انا عرفاهم دا عشره عمر
عمر:مايمكن توافق وتقف قدامهم
امه :انت مخك تعبان وانا زعلانه منك اوعي كده ماتكلمنيش
عمر:وانا اقدر علي زعلك ياجميل داانت الحب كله ايكش تولع مها واهلها وفي سره بعد الشر عليها
امه:اه كل بعقلي حلاوه ماهي امك هبله اصلها يلا ياواد روح ثم انت 26 سنه بس وهي 23 ولا 24 كبيره
عمر:ناضجه وفاهمه والواحد يتناقش معاها ويكلم امال اجوز طفله
امه:انت مخك تعبان لما تكبر الستات بتكبر الاول هتبقي عاوزه اللي يشلها وانت اصلا عاوز اللي تشيلك لكن الصغيره تشيلك وتراعيك وانا قلت خدها ف الاعداديه عيله
لا ثانويه اولي كليه علي ماتخلص حالك تكون ف نص الكليه
عمر:انتي اخرتيني وهترفد ولا هاخد مها ولا غيرها
يلا سلام يابتاع التركي والهندي
يابتاع النعناع يامنعنع انت
امه:امشي ياواد بلا مسخره وقله قيمه واد قليل الادب
عمر:ماشي ياحاجه يابتاعه اردوغان انتي
ماتقلقيش لو اتاخرت
امه :مافيش فايده ف دماغه انشف من الظلط زي ابوه

}}}}}}}}}}}}}}}}}}}}

بعد انتهاء اليوم الدراسي
ابله بسنت :معلش لو هتقل عليك يامستر ممكن تاخدني ف سكتك لحسن عندي مشوار ولازم اروح بسرعه والمواصلات صعبه
عمر :انا اسف اوي انا عندي مشوار مهم ومستعجل
بسنت:طب اسفه اوي
عمر:لا ابدا انا اللي اسف مش هقدر اساعدك
………..
اما زبيده فقد انتهي اليوم ولا تدري كيف تذهب لابوها فاقل شيء سيقتلها او يضربها او يمنعها عن المدرسه
فخرجت تقف امام المدرسه ولا تعرف اين تذهب
وجدت عمر خارج ذاهب لعربته فهو يركنها بعيد ف شارع جانبي منعا للزحام
فمشت وراءه دون ان تدري لماذا
حتي توقف وهم بفتح باب السياره فوجد من وراءه من تقول له مستر فاتخض واتنتر
عمر:يخرب بيتك قطعتي خلفي انتي ل قاصده تخضيني مش هتعملي كده انتي جيتي ورايا كده ازاي وعاوزه ايه
فانفجرت ف البكاء
عمر:يادي المصيبه يابنتي هو العياط علامه مميزه لكيمن ساعه ماشوفتك وانتي منكده علي امي عياط عياط انتي كرهتيني ف صنف الحريم وهعتزل النساء بسببك لو تكلهم نكد وغم كده يبقي بناقصهم انا كده ملك
زبيده :انا اسفه اني ضايقتك وهمت بالرحيل
فصعبت عليه
عمر:تعالي يازبيده في ايه ياماما اهدي
بنت سرقت مسطرتك وله قلمك
زبيده :لا
عمر:ماحلتيش ف الامتحان
زبيده :لا
واعطته الموبيل به الصوره فقد بعتتها لها سميه بلوتوث
عمر:ايه ده ان شاء الله انتو بتعملولي كمين
زبيده :انفجرت ف البكاء اكثر فاكثر
عمر:سد ياماما سد خشي ف العربيه هتفضحيني وفهميني فيه ايه
فقصت عليه مافعلت سميه واخبارها لابو زبيده
وانها لا تعرف ماذا تفعل والدها سيقتلها
عمر:يانهار اسود ومنيل عليها بنت ال…. دي
دا انا هوريها مقامها الكلبه دي
بصي انا مصدع كان عندي حصص كتير ف الاخر ومش قادر افكر تعالي لامي وهي تحللنا المشكل ده
زبيده تتخض لا انه مقدرش اروح معاك
عمر:ياسيتي هناديلك امي تطلعلك من البلكونه وتشوفيها وتطمني
فاستسلمت زبيده وفعلا ذهب لينظر لمها التي تقف ولا تعيره اهتمام ونادي علي امه
عمر:ياام عمر
فطلعت في ايه ياواد ماتطلع
نظر لزبيده اطمنتي يلا بقي
فطلع معه
ام عمر : مين دي
عمر:دي زبيده اللي قولتلك عليها
اقعدو سوا بقي احكيلها يازبيده ومخمخو سوا عشان انا هخش اخد دش لاني حاسس اني ملزق
ام عمر :بسم الله ماشاء الله
هو في ايه بالظبط
زبيده:جلست تبكي لام عمر وتحكي لها مافعلته سميه والصوره وكل التفاصيل
في خرجه عمر يمسح راسه بالفوطه ويرتدي ترنجه فاخفضت زبيده راسها حرجا
فالتفت لكلام امه له
ام عمر:ماهو اصله حنين قال يعنر لازم طقم الحنيه ده يافالح اهم صوروك وجايبها هنا بتثبت التهمه عليك
عمر:انا داخل اسرح وجايلك شوفي هتعملي ايه ف مصيبتها دي
ودخل سرح وخرج هي امي راحت فين طفشت
زبيده:لا دخلت جوه
عمر :بتعمل ايه
زبيده باحراج معرفش
فخرجت ام عمر
البس يافالح عشان نوصل البت
عمر:طب ماتروحو انتو والله ماقادر
امه:يلا فز قوم البس اما نشوف هنهبب ايه ف المصيبه دي
عمر :وانا مالي انا هو انا عملت ايه
امه:اخلص وماتكترش يلا بسرعه البت اتاخرت وابوها تلاقيه قالب الدنيا

وفعلا ذهبو لبيت ابوها
وعندما دخلت كاد يرفع يده كنتي فين يابنت ال….
وانا اللي كنت مفكرك طيبه وعلي نياتك وهبله يطلع منك كل ده وهي تبكي
وام عمر تمسك يده
بنتك زي الجنيه الدهب ومافيش منها اللي زيها انقرضو يعني مجيتي لحد باب بيتك مالهاش خاطر عندك
ابوها:انا ام عمر اللي البت الزباله صحبه بنتك صورتهم بالغش وجت تشوه سمعتهم عشان غيراته منها لانه بت زباله بتاعه صبيان وبنتك مالهاش ف العوج
تعالي بس نقعد ونهدي وهفهمك.علي كل حاجه
وجلسو ف الانتريه
ابوها:اعملي شاي ياام زبيده
ام عمر:بص بقي صلي ع النبي
ابو زبيده:عليه افضل الصلاه والسلام
بس ابنك يعمل مع بنتي كده وعوزاني اسكت
عمر:ياعم الحاج اهدي وانا عملت ايه هو ده اخره المعروف انا كنت بساعدها بس عشان مابتاخدش دروس
ابوها:تساعدها ولا تسبلها
عمر:يووووه اللهم طولك ياروح
انه لو كده ماكنتش جبتهالك لحد هنا لما جت تحكيلي ع اللي حصل
ام عمر:اتتو هتقعدو تتخانقو ومش عاوز تفهم الموضوع ولا امشي احسن
ابوها:لا مؤاخذه ياست والله لولا مجيتك كان ليا تصرف تاني
وينظر لعمر
فيختنق عمر يووووه
ام عمر بدات في قص ماحدث من اول دخول عمر المدرسه ومافعلته سميه ببنته
البت الزباله دي كانت عاوزه تجرها لحاجات وحشه لكن بنتك.بسم الله ماشاء الله متربيه وبنت اصول وسلمتها لله ف سميه عشان مفقوعه منها راحت مصوراه وهي بتشتكي لعمر ع اللي قالته عليه وبتعيط وابني حنين طلعلها منديل بيدهولها راحت بنت الحزمه مصوراهم وبتزلها عشان تمشي معاها ف الغلط بنتك بقي جدعه مارضيتش راحت الصايعه جيالك وعملت اللي عملته
وقالت لبنتك اللي ياكبد امها كانت مرعوبه من اللي هتعمله فيها عشان كده جاتني ارجعها وافهمك
ايه الغلط بقي اللي عملوه
ابوها:بس الصوره دي لو نشرتها سمعه بنتي ف التراب كده بدون ذنب وانت ادري بده
عمر:وانا ذنب امي ايه هو انا اللي قلتلها تصورنا
ومحملني كل اللي حصل انا كنت بعمل خدمه
ابوها:عارف يابني واسف لكلامي بس انا اب انت راجل لكن هي بنت والبنت سمعه وانا عارف بنتي كويس علي نيتها جدا ومالهاش ف الغلط عشان كده بقيت هتجنن ازاي ده حصل فكرتك غويتها
عمر:غويت ايه ياعم هتلبسني تهمه
ام.عمر :وانا مقدره اللي انت فيه ياحاج ومايخلصناش
وماحدش هيكلم لو كانت الصوره بين واحد ومراته
يبرق عمر لامه
عمر وابوها :يعني ايه
امه :نكتب الكتاب وتبقي مراته لو حاولت تنشرها
مافيش حرج بين الراجل ومراته
عمر يميل علي امه بتدبسيني
بتلبسيني ف الحيط مش مسامحك ياماما
امه:اخرس ياواد انت مشعارف مصلحتك هي دي اللي هتصونك وتبقي مطمن وانت سايبها ف بيتك
مش البنات البجحه اللي تندب ف عينه رصاصه
يري ابوها هذا الهمس
فيقطعه
انتي فاجاتيني وانا معرفش عنه حاجه
امه:دا عمر ابني الاخلاق والذوق والادب
يميل عليها داانا هوريكو قله الادب اللي علي اصولها بس اصبري عليا
امه:بس يا واد
وعنده شقته اللي انا فيها لانه وحيد وابوه ميت
والشقه واسعه وشرحه وبرحه وهتبقي لهم بعد عمر طويل ليا
ابوها:طبعا ياحاجه انتي الخير والبركه
امه:ومعاه ماجستير وبيحضر دكتوراه
ومدرس وشغال ف سنتر للدروس
وابوه كان ظابط اد الدنيا وله معاش كبير باخده
يعني تخلص السنه دي وسنه اولي وتجوز وتكمل معاه
عمر:لا وجوزتهالي كمان مانخلف بالمره ف القاعده الحلوه دي عشان الحق اسجله ف السجل المدني
امه:اتريق اتريق بكره تدعيلي
ابوها:ماشاء الله حاجه تفرح
عمر ف نفسه:طبعا وانت هتلاقي زيي فين وقعتلك.من السما
ام عمر:خلاص ابعت هات الماذون
ابوها :بسرعه كده
امه : خير البر عاجله وعشان لو نشرتها يبقي ساعتها ف ايدنا قسيمه تقول مراته
عمر:انتي اكيد جرا ف مخك حاجه ايه الهبل اللي بتقولوه ده
امه:اخس عليك دي اخره تربيني انا هبله
عمر:اسف ماقصدش ياماما بس اللي بتعمليه غلط
امه:لما نستر ع البت اللي عاوزين يفضحوها دي
يبقي غلط دانت بتستر علي مسلمه عاوزين يهتكو سترها
عمر:ماقصدش ياامي بس دي عيله انا مابحبهاش
امه:بكره تحبها مش احسن من الدكتوره اللونه اللي ضاربه وشها بويه
دي بت جمال طبيعي
عمر :بس انا مش موافق

 

}}}}}}}}}}}}}}}}}}}}

ام عمر :ان شاء الله عن امك ماوافقت المهم انا موافقه عليها
عمر :خلاص اجوزيها انتي
فقام قفل الباب عليهم لان ابوها خرج يحدث بنته وزوجته ف الموضوع
ام عمر :انت هتعمل ايه ياواد اعقل داانا امك
عمر:في ايه ياامه بلاش فرجه ع التليفزيون كتير
ام عمر:والله لو قليت من قيمتي قدامهم ولا كسرت كلامي ماانا قعدالك ف البيت وهسيبهولك وابقي احفي ودور عليا ماهتلاقيني
عمر:واهون عليكي تسبيني لوحدي
امه:مش انت اللي عاوز تطلع امك عيله ف وسط الناس بعد ماادت للراجل كلمه يقولو ماليش كلمه
عمر:ماعاش ولا كان اللي يكسرلك كلمه ولا يطلعك عيله انتي تعرفي عني كده بس والله ظلمتيني ف القاعده دي
امه:والله لو حفيت علي ايدك ورجلك وزاحف علي بطنك.ماهتلاقي ظفرها دا انا بنقيلك جوهره انقرضت ولا الحفريات من الاف االسنين
مش هتلاقي منها مش زي الذئاب البشريه ولا اللي تنشك ف صدغها سميه بتاعه الصبيان بت ف سنها وشغاله قواده بتوزع علي اصحابها كمان
انما زبيده ياعيني علي زبيده
عمر :والله سكلي هجبلكو شجره واتنين لمون انتي طالبه الماذون ليا ولا ليكي عشان ابقي ف الصوره بس يعني هتجوزهالي ولا تجوزيها انتي وابقي شاهد
امه:بتتريق يااخره صبري علي امك والله ماطمرت فيك تربيتي انا شاكه انهم بدلوك ف المستشفي
فكرني اعمل ابصر ايه ده التحليل بتاع النسب
عمر:كمان اتبريتي مني ف القاعده الهباب دي
دا اخرتها ماكنتي بتقولي فيا شعر قدامه دلوقت
امه:بحلي بضاعه عشان يوافق
عمر:نعم ياختي ليه هو يطول ببنته الهبله النكديه دي
دي هتدمر حياتي وتخلي عشتي هباب ونكد ف نكد
دي عاوزه سكيته ولا بزازه كل ماحد يكلمها تعيط
الواحد يبقي يدوس علي رجلها عشان تسكت ولا تصقف
امه:انت واد ناقص في حد يتريق علي مراته كده
اللي يقو علي مراته عوره الناس تلعب بيها الكوره
عمر:انتي خلاص خلتيها مراتي مايمكن بعد المباحثات دي مايوافقوش وتبقي جت منهم
امه:وهم هيلاقو زيك فين
عمر:امسك اهو وقعتي بلسانك يعني انا لقطه وعريس امله بالنسبالهم
امه:طبعا مش تربيني
يمسك.يد امه يقبلها
ربنا يخليكي ليا ولا يحرمنيش منك معلشانا اسف سامحيني اني انفعلت عليكي
بس حقيقي انا مضايق ومش فرحان بالجوازه دي انا بس برحيك وحسبنا الله ونعم الوكيل
امه:بتحسبن عليا يا واطي
عمر :ههههه لا والله ع البت اللي عملت الصوره
معلش دخلتو ف بعض ههههه
امه :ماشي ياجزمه هفوتهالك
عمر:قلبك ابيض ياام عمر
هي مباحثات كامب ديفيد اللي جوه دي مش هنعرف اسفرت عن ايه
امه:لا اسفرت ولا اخضرت ولا احمرت
هو مافيش قدامه غير الحل ده هو بس تلاقيه بيقنعها توافق
عمر :كمان بيقنعها هي
لا والله دا كتير عليا ف قاعده واحده
انا هطلع بضغط وسكر من القاعده دي
وعليهم اوبشن شلل رباعي
امه:بعد الشر عليك ان شاء الله عدوينك واللي يكرهوك
……….

اما عند زبيده
قص ابوها ماقالته ام عمر ورغبتها في زواج عمر من زبيده
ام زبيده: والله عين العقل ياحاج
دا اسلم حل
زبيده :دا كده بنثبت التهمه واننا كنا بنعمل حاجه غلط
ابوها :بس لو حد قال كده تبقي مراته وماحدش يقدر يفتح بؤه بكلمه ولا يتنفس واحد ومراته دخلهم ايه هم
وتبقي الصوره اللي معاها تبلها وتشرب مايتها

زبيده:مش عارفه بقي اللي تشوفوه صح اعملوه انتو ادري بمصلحتي
وانا لسه صغيره مش هفهم زيكو
ابوها:ربنا يكملك بعقلك يابنتي ويبعد عنك ولاد الحرام
اروح بقي اقولهم واقلبوها شربات بقي هاتو ساقع وحصليني بيه يازبيده وهتصل بماذون الحته يجي بالشهود والفرح يبقي ف الجواز المهم الناس تعرف وتفقعو الزراغيط

 

}}}}}}}}}}}}}}}}}}}}

وفعلا كلم ابوها الماذون
ابو زبيده :كلمي بنتك وجوزها وعيالها يجي ليزعل ودا قماص هيقول ماحدش قالي اهو يشهد ع العقد
ام زبيده:حاضر ياخويا
وفعلا جاء جمال وزوجته بدريه اخت زبيده
وعيالها طفل رضع والاخر سنتين
وبعد كتب الكتاب كانت امه بالخارج مع الستات وتعرفت ببدريه وامها وزبيده
وف الداخل جمال وابو زبيده وعمر والماذون واحد الشهود وتم العقد وتعالت الزراغيط
وخرج الماذون بعد.ماشرب الساقع مع الشاهد الءب بارك.لهم
ودخلت زبيده وكانت تحمل بن اختها الرضيع واسمه محمد
فقام عمر منتور
والله ماانا
اقسم بالله العظيم مانا
شوفو حد غيري للتهمه دي والله مابشوفها الا ف الفصل هجيبه ف الفسحه مثلا
حرام بقي كده كتير والكل مستغرب في ايه
وعمر يهلل والله ماهو ابني واعملكو D.n.a
جمال:في ايه ياعم عمر
ودخلت امه علي تهليله في ايه ياواد اتهبلت بتهلل كده ليه
دا بن اختها
عمر :لما هو ابنك.مراتي تدخل عليا بيه ليه اكبرله مثلا
جمال:عادي بن اختها وشيلاه ياجدع في ايه
ابوها :في ايه يابني محسسنا اننا ف القسم وعاوزين نلبسك.اي تهمه والسلام
عمر:هدي معلش اصل اعصابي تعبانه
حقيقي اسف
ماهو لما اجي اجبها اوضح الامور واطلع بيها مراتي دا صعب عليا
انا مش كل مااشرح لبنت درسين اجوزها انا كده هجوز نص بنات مصر
امه:اهدي حبيبي
معلش ماهو مش واخد علي انه يجوز كل يوم
الصدمه بس وتاثيرها يومين وهيرجع لطبيعته ويستوعب اللي حصل وهيبقي زي الفل
عمر:اه فعلا هم سنتين تلاته وهبيقي زي الفل
يلا ياامه بدل ماتجبولي الاسعاف يشلوني ف اليوم الطويل ده
ولا تبعتو تندهو العباسيه عشان انا جبت اخري
قال داخلالي بعيل وانا لسه كاتب الكتاب شويه والاقي عيل ف الاعداديه داخل يقولي وحشتني يابابا يلا ياامه من هنا انا تعبت واعصابي تعبت
داانا عاوز شهر ف مستشفي النفسيه والعصبيه اهدي اعصابي عصب عصب اخرجهم قدامي كده واشوفهم بيهدو وارجعهم تاني
حسبنا الله ونعم الوكيل فيكو كلكو
وقام بامه الي بيته
والجميع مذهول من ردود فعل عمر
حتي امه لم يكن يوما هكذا ولكنها الصدمه افقدته توازنه
…………
اما زبيده
بدريه:وقعتي الموز ده ازاي يابت واحنا اللي بنقول عبيطه وهبله وعلي نياتها
اتاريكي طلعتي سهن ومدكنه عليا ولا تقوليش ياجبانه
زبيده:اسكتي ياابله هي دي جوازه دي تدبيسه ماشوفتيش كان زي التور الهايج ازاي مفكر عاوزين ندبسه ف اي حاجه وخلاص وتبكي
بدريه:في ايه يابت حاجه حصلت بينكو
زبيده:لا انتي فهمتي غلط مافيش بينا حاجه خالص بس ولاد الحرام منهم لله ماسابوناش ف حالنا والله كان بيساعدني لوجه الله وهو لو مش مؤدب ومحترم عمري ماكنت قبلت مساعدته
دا بالعكس كان مخنوق مني عشان كل مايشوفني ببقي بعيط وبيقول عليا نكديه
بدريه:عنده حق داانا لو عملت كده مع جمال كان طلقني بالتلاته ورماني ف صفيحه الزباله بعيالي
الراجل مايحبش الخانقه والست النكديه
حبكت كل ماتشوفيه تعيطي
زبيده:والله مابتعمد بتبقي ظروف غصب عني واتحطيت فيها ومش لاقيه حل
بدريه:المهم سيبك انتو اجوزتو بس ازاي لما هو مخنوق من امك كده اجوزك ليه غاوي نكد مثلا
زبيده:هحكيلك كل شيء
وقصت ماحدث منذقدومه العام السابق
بدريه:ياحبيبتي كل ده يحصل معاكي وماتقوليش
كنتي قلتليلي والزفته دي كنت جيت جرستها وفضحت امها ف المدرسه
زبيده؛ ماهي هتنشر الصوره وهي والله بريءه كان بيديني المنديل عشان بعيط
بدريه:وريني كده
ياحنين اه والله بتقول قواله
زبيده؛ حتي انتي ياابله هتصدقي فيا كده
بدريه:انا عرفاكي كويس بس مش عرفاه
زبيده :لا والله انا مش ف دماغه هو انا مابحسش كله يقول هبله وعبيطه بس انا بفهم بردو بس بكبر دماغي واسيب الناس لحالها
بدريه:ربنا يهدهولك ويصلحلك حالك يارب
زبيده :يارب
بدريه:المهم ركزي ف الثانويه كفايه ضياع بقي
زبيده:هو بعد اللي حصل ده بس انجح يارب
بدريه :يارب
عاوزه حاجه مني سبع الرجال بينادي بصوته الجهوري اروح الحقه ليسبني بعيالي اتبهدل ف المواصلات دا جبار ولا بيهمه
زبيده:ربنا يعينك عليه مش عارفه متحملاه ليه
بدريه:بحبه اعمل ايه
قطع الحب وسنينه
بس مانكرش انه بيبقي ساعات حنين
ساعات بل دقائق لكن معظم الوقت مخنوق مني ومن العيال
الله يعينه الشغل والعيشه وهو لوحده بيشتغل والعيشه غاليه
جمال:بدرياااااا همشي واسيبك والله
بدريه:يالهويز يالهويز قلتلك
سلام حبيبتي والف مبروك
زبيده:سلام وربنا معاكي
واخذها جمال
جمال:ايه هتنامي جوه ارتاحتي ف القعده بقالي ساعه بنادي
بدريه:معلش ياخويا كنت بغير البامبرز للواد
جمال:حبكت
بدريه :يعني اسيبه بوساخته
جمال:الواد ده خرب بيتي بالبامبرز ده
شوفيلك حل مالها الكوافيل بتاعه زمان مش اتربينا عليها كلنا
بدريه:قول للزمان ارجع يازمان
بتجيب تسلخات ياجمي
جمال:والله والبامبرز مابيجبش اللي كل شويه هات بيبي زفت اويل للتسلخات
بدريه:تعيش وتجيب ياجمي ويخليك لينا
جمال:اهو ده اللي باخده منك يافالحه خشي خشي نيمي العيال
بدريه :هوا ورجعالك

}}}}}}}}}}}}}}}}}}}}

جمال :تعالي هنا ابت وعفقها من قفاها
بدريه:والله بريء يامعلم وهاقر واعترف من اول قلم
جمال :بتهرجي ياختي ليكي نفس مانتي ايدك ف المايه البارده
بدريه:مالك ياجيمي بس حامل هموم الدنيا ليه
والله لتتعدل واحنا احسن من غيرنا
حمال :الحمد لله والله انتي اللي بتهوني عليا يابت مع اني ساعات ببقي مخنوق منك والشيطان بيصوري ساعات اولع فيكي وف البيت بس بحبك ابت ومقدرش استغني عنك
بدريه ولا انا والله
جمال:العيال نامو
بدريه:من بدري دا قربو يصحو
جمال طب نلحق ف الوقت الضايع
وبعدها
بس ايه الواد حوز اختك ده مجنون ولا مرووش ولا استلقطوه منين ده
بدريه:دا مدرس الانجليزي بتاعها ف المدرسه
جمال:لا والله واختك طلعت سوسه وجابته زحف
بدريه:اسكت دي غلبانه ماهو اللي مايعرفش يقول عدس
وقصت القصه عليه
جمال:يخرب بيت كده
اتاريه ادبس ياعيني وخايف تلبسوه العيل كمان
دا جاله هسهس من اللي عملتوه بقي هوبا استنجلينا خالص دا هيروشهه والبت غلبانه وعلي نينها مش زيك تسلكي ف الحديد
بدريه:من عاشر القوم اتعلمت علي ايدك
جمال:طب نامي ابت بقي وخلي ليلتك تفوت
ورايا شغل ياختي مش زيك هتنامي طول النهار
بدريه: والله ولا بتقدر تيجي تلاقي اكلك وشربك وغسيلك وبيتك نظاف بيتعملو لوحدهم يعني ماهو انا اللي بقوم اعملهم غير العيال وارفهم ولا حمد ولا شكرانيه والاخر بتنامي طول النهار
يخبطها جمال علي راسها غلاباويه وبلسانين وخلاص ماكنتش كلمه داانتي مصيبه نامي يابت لهخنقك
……………
ف الصباح
ذهبت زبيده لتستقبلها سميه
تضحك بسخريه ابوكي ظبطك اكيد عشان تحرمي تلعبي معايا
زبيده بثقه:ماعمليش حاجه
سميه:ليه هو ابوكي لامؤاخذه قرني
زبيده:اخرسي ياقليله الادب ابويا واهلي وانا اشرف منك ومن عشره زيك
سميه:ماشي اما نشوف سمعه مين هتبقي ف التراب لما تتنشر الصوره
زبيده:انشريها براحتك حبيبتي هو في حرج.بين الراجل ومراته
سميه:راجل مين ومراته مين
زبيده:انا وعمر مجوزين
سميه:وابوكي عارف
زبيده :اكيد.طبعا دا هو اللي جوزهولي ومكتوب كتابنا
سميه:يخرب بيتك وقعتيه واجوزتيه يا مفتريه

وانتشر الخبر ف المدرسه كالنار ف الهشيم
وكل المدرسات
يابنت الذين البت الهبله دي توقعه واحنا قاعدين ناس لهه عمر وناس مالهاش بخت
سلمي:داانا 25 ولسهودي 18 واتجوزت اولع ف نفسي ولا اعمل ايه
يابنت المحظوظه

انا عندي حصه واشراف كمان والله لانزلها تلم زباله المدرسه كلها بنت الذين
مش طايقه ياناس هفرقع
داانا كنت معاه ف نفس الاوضه
بسنت :وكنتي محلقه علبه ولا عاوزه حد مننا يهوب ناحيته اهو خده الغراب وطار
سلمي:لا وجواز حته واحده مش خطوبه
واقوله يقولي بيشرحلها
اه يامراري هموووت من الغيظ
اما اروح اطلعه علي جتته
……….
سلمي:مبروك يا مستر
مش كنت تقول كنا قمنا بالواجب
ودا حصل امتي بقي
عمر:معلش جت فجاه ومالحقناش نعزم حد
تتعوض ف الدخله
سلمي:ايه انت ناوي تكمل وتدخل
عمر:هااااا هو انا راكب اتوبيس هنزل ف نص السكه
في ايه يامس
سلمي:ماقصدش بس علي امتي
عمر :كمان سنه كده لما تخلص اولي كليه
سلمي:اولي كليه يامفتريه وانا مخلصه رابعه من 3 سنين وماحدش تف ف وشي
حسبنا الله ونعم الوكيل فيكو
………..
وف الفصل
مبروك يامستر
وزبيده خجلانه
عمر:الله يبارك فيكو عقبالكو
وبعد الانتهاء
عمر يلا يازبيده عشان اوصلك
زبيده :لا مايصحش
عمر:هو ايه اللي يصح ومايصحش اني مراتي ناسيه ولا ايه هسيبك تتبهدلي ف المواصلات
مش بتخافي الشباب يعاكسك اديني هوصلك لبيتكو
وفعلا اخذها علي مراي من الجميع وهي تمشي بجانبه الي السياره
والجميع :يابنت المحظوظه بايضالك ف القفص

 

}}}}}}}}}}}}}}}}}}}}

اخذها عمر بسيارته وظل صامتا الي ان وصل البيت
عمر:يلا اطلعي لا تروحي كده ولا كده
زبيده بخجل وهي خافضه راسها
مش هتطلع معايا
عمر:اطلع معاكي اعمل ايه دلوقت
زبيده:مايصحش تيجي وماتطلعش ودا وقت غدا
اتفضل اتغدا معانا
عمر:ماليش نفس ومتعود اكل مع امي ولا اسيبها يعني لوحدها تاكل
زبيده تنظر له انا ماقصدش ربنا يخليهالك
فلاول مره يري عينيها دون دموع بلونها السماوي الصافي
عمر :خلاص خلاص يلا اطلعي واعملي حسابك هبقؤ افضي نقسي ساعه كل كام يوم واجي اراجعلك انتي مابتاخديش درس والامتحانات قربت
زبيده:مالوش لزوم مش عاوزه اتعبك
عمر:انا مش بخيرك علي فكره انا بقولك عسان تعملي حسابك يلا انزلي ودخلي شعرك اللي طالع من الطرحه ده
زبيده بفزع:والله هو اللي طلع لوحده بتزحلق مني
عمر:طب ابقي خدي بالك بعد كده
وطلعت زبيده وهي تحس باختناق وتتحجر دموعها لمعامله عمر الجافه فهي تحس انه كان مجبر عليها

………..
اما عمر ذهب لبيته
ام عمر :احضرلك الغدا
عمر :ماليش نفس
امه :انت مخاصمني ولا ايه ياواد
وكمان عامل اضراب عن الاكل
عمر:ومش مسامحك ع اللي عملتيه فيا
امه:والله بكره تدعيلي
دي بت زي الجنيه الدهب مالمستهاش ايد من الفترينه عليك عدل
عمر ؛ هو انا بشتري هديه دا جواز واحاسيس ومشاعر وانا مش حاسسها انا عامل زي المتبرمج زي الروبوت بشتغل بالزرار بادي واجبي
مش ده الجواز اللي نفسي فيه
كان نفسي احب واتحب مش اتجبر علي واحده عشان هيشوهو سمعتنا
وانتي عارفه اني بحب مها وكان نفسي اجوزها
امه:يادي زفته مش هنفضها سيره بقي
عمر:لا مش هفضها مش عملتي اللي عوزاه ودبستيني كمان مش عوزاني افضفض
انا مخنوق حاسس اني بموت
تاخذه ف حضنها الف بعد الشر عليك حبيبي
ادي نفسك فرصه امال عملو الطلاق ليه لو ماقدرتش بس صدقني مش هتلاقي زيها وظفرها بعشره من مها واعمل اللي انت عاوزه ياعمر انا خلاص مش هقولك ولا اكلمك تاني لاني تعبت ومش عيشالك العمر كله
يوطي علي ايدها يقبلها بعد الشر عليكي ياامي
خلاص انا اسف ماتزعليش مني يلا بقي انا واقع فين الغدا
امه :افتحلك تونه
عمر :نعم امال ايه طقم الحنيه واحضرلك الغدا ه فتح التونه ده تحضير
امه:انت مش عامل اضراب من امبارح بلت هتكمل اضراب لاخر الشهر واهو توفير
عمر:ايه الام دي
داانا كنت هعيط من شويه والاخر توفري ف الاكل بتاعي
عمر:انا رايح اضرب كشري ارحم
امه :استني ياواد بهزر معاك طلعت واطي زي ابوك كان يبعني ف ثانيه
عمر :بقي ابويا اللي واطي
امه:تقصد ايه يا ولا
عمر:ولا حاجه المهم هتغدينا ايه
امه:عملالك ملوخيه بالانارب هتاكل صوابعك وراها عمايل امك.بقي
عمر:العب
ايوه بقي مش تقوليلي تونه
امه:ماانا قلت مش هتصمد ف الاضراب وهتقع من طولك اعملك حاجه ترم عظمك
عمر:يافقسني انت ومدكن ويزغزها
امه:بس ياواد اتلم يلا ناكل قبل مايبرد
واكلو سويا
……………….
سميه :شوفت السهنه ياعصام اجوزت الاستاذ وخلاص الصوره نبلها ونشرب ميتها
عصام :دا اسماعيل هيتحسر دا انا قلتله فاضل ع الحلو دقه وعشمته
سميه:وكمان بقي جوزها يوصلها لحد بيتها
عصام :يلا مالوش نصيب
سميه:انت بتعمل ايه
عصام :بضربلي خط للمزاج العالي اوي
ماتاخدي خط يابت
سميه:لا بودره ماقدرش ماتسيبك منها
عصام :دا هي دي اللي مصبراني
جربي هتلاقي نفسم طايره فوق من غير جناحات
سميه:لا ياخويا
عصام :يابت التحربه خير دليل جربي هتخسري ايه ولو ماعجبتكيش بلاها
فجربت سميه خط وانتقلو في عالم اخر واخذها علي شقته المفروشه
وعندما استفاقت ليلا
سميه:يالهوي يالهوي وتلطم احنا عملنا ايه
عصام:في ايه يابت ماتهمدي هتطيري الدماغ
سميه:اعمل انا ايه حالا امي زمانها قالبه الدنيا عليا
وهرجع ازاي بالمصيبه اللي عملناها دي
عصام:انتي مكبره الموضوع ليه خليكي هنا يعني هتروحيلها تعملي ايه ولو خايفه اوي هعمل ورقه عرفي واخليها معايا عشان تعرفي غلوتك عندي واني عاوزك يابت وخليكي معايا
فرضخت له وعمل ورقه واحده معه هو فقط وبقيت معع في شقته
فهل هذا فقط عقاب سميه
بل هذا بدايه عقابها الرباني
لانها ارادت هتك.ستر مسلمه وتهديدها وتريعها وجرها الي الرذيله
والايام كفيله باخذ حق زبيده منها
………………….
ذهب عمر ليشرح لزبيده خبط علي الباب
امها :بت يازبيده افتحي الباب
زبيده:تلاقيها بدريه
وفتحت ببجامتها البرموده وشعرها الاصفر المنسدل
وعندما رات عمر انصدمت وجرت الي غرفتها
عمر:ياربي ع الهبل والعبط انا اعصابي تعبت اللي حتي مادخلتني الغبيه
امها خارجه مين يابت
يوه عمر مادخلتش ليه يابني
الهبله دي مش تدخلك عمر:قوليلها ياطنط
امها:لا مؤاخذه يابني بكره تتعلم
عمر في نفسه:موت ياحمار
المهم جت زبيده
امها مش تدخلي جوزك الاول
زبيده:اصلي ماكنتش لابسه طرحه
امها :وايه يعني ماهو جوزك
اقعدي معاه علي مااجيب حاجه تشربوها
عمر:وطلعالي تفتحي كده افرضي كان حد غريب
زبيده:انا اسفه يامستر والله فكرت بدريه اختي
عمر:مستر لا والله كتير عليا
دانا جوزك ياهبله مفكرانا ف فصل
زبيده :امال اقولك ايه
عمر:قوليلي سي عمر
زبيده:حاضر ياسي عمر
عمر :لا والله كتير بجد دي ع الابيض خالص
بصي يابنتي
Ihave one مراره
ومش مستعد اخسرها
هاتي كتبك وخلصيني خليني اروح قبل مااتشل
زبيده:حاضر ياسي عمر اتفضل
عمر:ماتقوليش سي زفت
زبيده:طب اهدي طب اقول ايه
عمر ؛ ماتقوليش حاجه بصي ماتكلمنيش خالص انا مخصمك ماشي هاتي الكتب وقعد يشرح لها
وكل شويه فهمتي
زبيده:اه فهمت
عمر:والله مانتي فاهمه حاجه
علم ف المتبلم
وانتهي الدرس
عمر:بصي ياشاطره انا حاليا جوزك الي ان يحدث الله امرا كان مفعولا
يعني مش لازم ام الطرحه اللي جريتي تلبسيها ولطعاني ع الباب
جوزك يعني اشوفك ببجامه بجلبيه بزفت مافيش مشكله وبشعرك عادي مش تجري وتسبيني ملطوع ع الباب
زبيده:حاضر
عمر:الاهم بقي ماتطلعيش تفتحي اساسا وانتي كده مش تقولي بدريه وفوزيه اهو طلع عمر ياختي افرضي بقي حد غربب يشوف مراتي كده انا راجل دمي حامي مش سوسن
طالما علي زمتي يبقي تنفذي اوامري بالمللي عشان ماتعصبنيش
لما اطلقك بقي ابقي افتحي براحتك
فتنظر اليه بانزعاج
حاضر اي اوامر تانيه
عمر:ياريت تتنفذ عشان نبقي حلوين سوا وماقلبش عليكي
زبيده:حاضر ياسي عمر اوامرك
قاعد ولا مروح
عمر:ايه مش طيقاني للدرجه دي
زبيده:لا بس عشان اريحك مني لان انت اللي مش طايقني وكمان عندي مذاكره
عمر:ماشي يازبيده انا ماشي وكلامي ماتنسهوش

 

}}}}}}}}}}}}}}}}}}}}

اما الحال عند.ام سميه كان ماساويا
امها:ياتري انتي فين بابنتي وتجري ع الاقيام والمستشفيات هي واختها ولا امل ولا حياه لمن تنادي
فترجع يائسه بائسه
وتاني يوم تذهب المدرسه علها ذهبت او احد من زملاءها يعلم مكانها
فدخلت الفصل
ام سميه:ماحدش يابنات شاف سميه لحسن مارجعتش من امبارح لو حد من زمايلها يعرف يطمني عليها ابوس ايديكو
الجميع :والله ياطنط مانعرف وبعد ما خرجت
خرجت وراها زبيده
زبيده:بصي ياطنط.هي كانت تعرف ولد وكانت عوزاني اتعرف بصاحبه وانا رفضت وحذرتها كتير من الموضوع ده والسكه اللي ماشيه فيها
الله اعلم يكون عملها حاجه ولا حصل ايه
امها :ماتعرفيش اسمه
زبيده:كانت دايما تقول عصام لكن بالكامل ايه معرفش والله
ربنا يطمنك عليها
كان عمر يري المشهد
مش في حصه عندك ياهانم
ولا لسه وصله النصح والارشاد دي
زبيده :دي ام ياسي عمر وقبلها متقطع علي بنتها حتي لو عملت فيا ايه امها مش ليها ذنب
عمر:ياحنين ع الوسط.يااستيك
طب يلا ياختي ضيعتي الحصه
ودخلت حصتها ودخل كمل الشرح وبعد انتهاء اليوم اخذها لبيتها كالعاده
عمر:ياريت بلاش طقم الحنيه الزايد ده مش دي اللي عملت فينا كده
زبيده:بس امها مالهاش ذنب
عمر:لا ليها عشان ماربتهاش كويس ماانتي اهو ماعملتيش زيها ليه
زبيده :عشان انا اخلاقي وتربيتي غيرها
عمر:اهو شوفتي الرك ع التربيه
زبيده :التمس لاخيك العذر
عمر ياواد يامؤمن
زبيده :اتريق اتريق
هي مالهاش اب وامها بتجري عليهم وتشقي
ومش عارفه تاخد بالها منها
انما انا احمد ربنا ان ليا اب وام ربوني كويس
عمر:وتعم التربيه بصراحه
زبيده:هتتريق ف دي كمان
عمر:لا والله انا اقدر اكح
زبيده تبتسم وتخفض راسها خجلا
عمر:لا والله عجبتك اوي
يلا ياختي انزلي وصلنا وراجعي اللي ادتهولك
زبيده :حاضر يامستر
عمر :بادي المصيبه والله اجبلك خرزانه معايا وامدك
زبيده:ههههه اسفه
عمر:اسفك معاكي ياختي اخلصي بلاش لكاعه
زبيده:حاضر اهو
عمر؛ ربنا يصبرني ع البلوه اللي اتبليت بيها
دي الماده الخام للعبط وهتودي نفسها ف داهيه بتعاملها المثالي مع الناس
………………
اما عند سميه
عصام:بلا شديلك خط خلي الليله تحلو
واستمر الحال فتره هكذا
مر هكذا
زبيده خلصت الثانويه
اما سميه فادمنت والجديد بقي مطالبات عصام لها
عصام :انا عازم اصاحبي انهارده عاوزك تروقيهم ع الاخر
سميه :ازاي يعني
عصام:يعني البسي حاجه مدلعه كده وترقصيلهم
سميه:وترضاها علي نفسك داانا مراتك
عصام:امال هنجيب الهباب اللي بنشربه ازاي ماهو دول اللي بيجبوه مقابل نشهيصهم
سميه:لا متفقناش علي كده
عصام يمسكها بقوه :بت انتي هتشتغلللي والله لو ماعملتي اللي هقولك عليه لاولع فيكي وف اللي جابوكي
ومش كده بس لو حد عاوزك هتروحي معاه انتي فاهمه والا مافيش المدعوق اللي بتاخديه وانا هصرف عليكي ولا ايه اعملي بلقمتك ياختي
ورماها ع السرير
وفعلا اصبحت هذه حياتها الشم والنوم مع كل من يعطيهم هذا الهباب
نسوا الله فانساهم انفسهم

}}}}}}}}}}}}}}}}}}}}

جابت زبيده مجموع صغير بعد ماعانته ف الثانويه
ودخلت معهد كمبيوتر سنتين
…………….
خالد:انا جاي طالب ايد الدكتوره مها
اظن انت عارفني وعا ف اخلاقي انا مهندس
بس حضرتك عارف احوال البلد انا مقدم ف وظايف وربنا يسهل ونلضم ف حاجه بس شغال نقاش مؤقتا زي مانت عارف ومن الشغلانه دي وضبت شقه ابويا وامي الله يرحمهم وعملت ديكورات جامده هتعجبك اوي وجبت العفش وبقت ولا الفيلا ودا كله من شغلي بقالي سنه ونص ومارضيتش اتقدم الا لما اخلص كل شيء ولو لها طلبات انا سداد.عاوزها بشنطه هدومها
ابو مها:والله يابني احنا عارفينك وعارفين اخلاقك من زمان واهلك كمان الله يرحمهم لا غبار عليهم
بس القول قولها هي اللي هتجوز
استخيرو انتو الاتنين وربنا يوفق
خالد:بس لو موافقين يبقي الجواز بعد شهر بالكتير انتو هتشوفو الشقه مش ناقصهه حاجه
واظن هي خلصت والعمر بيجري مافيش داعي نستني
ابوها :ان شاء الله
ان شاب عصامي مجتهد واللي بيتعب ف القرش بيخاف علي اللي معاه

ومشي خالد من عندهم ليستخيرو
………….
ابوها:ايه رايك يابنتي
مها:هو كشخصيه وشهاده اوك بس نقاش
وانا دكتوره
ابوها :دا مهندس لكن دي مؤقته علي مايتوظف واهو خلص كل حاجته ومش عاوز منك حاجه وجاهز هتلاقي فين كده وجمبنا لا هتروحي هنا ولا هنا شقته ف اخر الشارع وعامل فيها شغل عالي اوي بيقول
استني لما تشوفيهاولو عاوزه تكلميه لوحدكو ماشي
مها:يعني رايك كده
ابوها :والله الواد مايتعيبش لو علي شغلته مش هتلزق طول العمر اكيد هيتوظف ف اي شركه
مها:ماشي يابابا
وفعلا اتصل
وراحو شافو شقته وجابو الشبكه ولبسوها ف الصاغه لان الفرح ف قاعه بعد شهر كما اتفقو

…………………………
اما زبيده دخلت المعهد وكان قريب من المدرسه الثانوي فكان بيعدي عمر عليها ويرجعها

وف يوم وهي طالعه من المعهد صدمت بشخص
زبيده:اي مش تحاسب
اسماعيل :لا مؤاخذه ياقمر
العتب ع النظر
وشك ولا وش القمر
زبيده:انت قلبل الادب وتركته ومشت تتافف
عمر :في ايه بتنفخي ليه
زبيده:مافيش
عمر:امال شايله طاجن ستك كده لوحدك
قولي قولي
زبيده:واحد قليل الادب كان بيعكسني
عمر بشخط وماقلتيش ليه هو فين
زبيده:خلاص مشي ثم انت ماكنتش موجود ساعتها

غمر:طب يلا انزلي
زبيده:انت هتفضل متعصب كده ومكشر
عمر:مالكيش دعوه يلا انزلي
…………..
اسماعيل :اسكت يا عصام
شفتلك البت صاحبه سميه انهارده دخلت معهد كمبيوتر عرفت مكانه
انا هموووت ع البت دي
عصام :غالي والطلب رخيص ياد
بت ياسميه تعالي هنا
سميه:في ايه
عاوزك بكره تلبسي وتتمكيجي وتداري الهباب اللي ف وشك ده هنروح مشوار نجيب عروسه اسماعيل

سميه:هو هيجوز
اسماعيل :واحنا بتوع كده بردو
عارفه البت صحبتك تللي طلعت عينا
سميه:دا بسبب دعاها عليا بقيت ف المخروبه دي معاكو
اسماعيل :عرفتلك هي فين ف معهد كمبيوتر
انتي هتسحبيها لحد العربيه واحنا هنقوم بالباقي
سميه:يانهار اسود هنخطفها دي جريمه
عصام :وانتي مالك هو المسؤل احنا مالنا احنا بنساعد بس وبنادي خدمه للواد الي مش علي بعضه ده
سميه:ربنا يستر

}}}}}}}}}}}}}}}}}}}}

 

}}}}}}}}}}}}}}}}}}}}

اليوم التالي
ذهبت زبيده الي معهد الكمبيوتر
وذهب عمر لمدرسته
واسماعيل وعصام وسميه استعدو لخطتهم

…….
ذهب خالد لعمر المدرسه
خالد:ايه ياعم ولا بنشوفك واجوزت ولا عبرتنا وكل اما اسال مامتك تقول يعينه ربنا من الشغل للسنتر
عمر:والله فعلا مقصر معاك
بس الجوازه جت فجاه انا نفسي ماكنتش اعرف
وقص عليه ماحدث
خالد:ياخبر بس هي كمان مالهاش ذنب
عمر عارف والله
المهم ايه حدفك هنا
خالد:سببين بصلح عربيني جمبك هنا وقلت ابقي انضف منك واعزمك علي فرحي انا مها
عمر:الف مبروك ياحبيبي
خالد:ومالك كده بتقولها زي ماتكون بتعزيني
عمر:لا ياحبيبي والله فرحان لك.انت بن حلال وتستاهل كل خير
طب تعالي بقي اوصلك بعد ماينتهي اليوم وناخد مراتي جمبي هنا ف سكتنا
خالد:طالما المودام معاك خلاص
عمر:ياعم صلي ع النبي احنا اخوات
دي مرات اخوك ياجدع
وفعلا اتفقو علي هذا
………
عند المعهد
خرجت زبيده لتجد سميه واقفه امامها

زبيده تفاجات
سميه انتي كنتي فين دي مامتك قلبت عليكي الدنيا وحالها يصعب ع الكافر
خرام عليكي اللي عملتيه فيها ده
سميه؛ ماانا جيالك عشان كده
تطمنيها عليا بس تعالي ف جمب بعيد عن الزحمه
وذهبت لمكان العربيه التي يقبع بها اسماعيل وعصام
ليخرج ويضع علي انفها منديل يفقدها الوعي
ويدخلاها السياره
ولكن عمر كان قادم هو وخالد فلمحها ولكن لن يستطيع الترجل من السياره فلن يلحقها هكذا
عمر:دي مراتي اللي خطفوها
وجري وراهم بالسياره ومعه خالد بجانبه
ويسبقهم ويكسر عليهم
فيطلع اسماعيل
فيه ايه يااخينا مش تفتح ايه الغباء ده
فينزل عمر يناوله بوكس فيخرج عصام فينزل خالد يضربه
وعندما تجد سميه هذا تخرج مسرعه ف جيه اتوبيس سياحي انا عارفه يفرتكها ودي نهايه الحرام
فيقف الجميع مذبهل وياخذ عمر زوجته بعد ان وقع اسماعيل وعصام ع الارض ويحملها لسيارته
واسماعيل وعصام يقومان مسرعين يركبا السياره ويجريان منعا لاي تساؤل
وينطلق عمر يوصل خالد
خالد:ياعم هاخد تاكس
عمر:لا والله هوصلك علي ماتفوق اوصلها هوديها ازاي كده الحمد لله ربنا ستر
خالد:ودول مين بقي
عمر:دي البت اللي صورتنا اللي حكتلك عنها وكانت عوزاها تبقي زيها واكيد واحد منهم اللي هربت معاه والتاني صاحبه اللي كان عاوز زبيده
خالد:مراتك بنت حلال مصفي عشان كده ربنا نجاها لو ما كانتش طيبه وصافيه كانت ضاعت ف الرجلين
عمر:الحمد لله قدر الله وماشاء فعل

}}}}}}}}}}}}}}}}}}}}

وصل عمر صديقه واخذ زبيده لمكان هادي وركن الي ان تستيقظ واخذ ينظر اليها
بريئه جده ولا دريانه بالدنيا ولا اللي كتن هيحصلك
طفله عمري ماهشوفك غير طفله
ماتصحي يا زوزا بقي انتي مطبقه ولا ايه
وطلع وقف وسند علي سيارته لحين تستيقظ
وبعد فتره
بدات تستفيق
زبيده :انا فين وايه حصل
دخلها عمر السياره
انتي نجمك.خفيف كده ليه ماصدقتي تاخدي شمه سوقتي فيها
دا كان زمانهم انتحرو جمبك علي مافوقتي
زبيده :انا ايه جابني هنا
عمر:انتي فاقده الذاكره ولا ايه
زبيده :انا اخر حاجه كنت بكلم سميه وماحستش غير بحد ورايا بيحط منديل علي وشي
عمر:طب الحمد لله الذاكره رجعت اهي
وخدوكي ف العربيه لولا شوفتك وكان معايا خالد صحبي جريت وراهم وضربناهم
زبيده:سميه تعمل فيا كده ليه اذيتها ف ايه منهه لله
عمر:اهي اتفرتكت ربنا خدلك حقك جه اتوبيس سياحي فاخر فرتكها
زبيده بصدمه لا حول ولا قوه الا بالله
ربنا يرحمها ويتجاوز عن سيئاتها
عمر:يعني كانت هتضيعك وبتدعيلها
زبيده:ماهي ماتت هدعي عليها وهي بين ايدين ربنا
ماتجوزشعليها الا الرحمه
عمر :طيب ياحنينه اهي طيبتك الزايده دي كانت هتضيعك
يلا بقي ليقولو خطفتك مارضيتش ارجعك كده يقولو حصلها ايه
زبيده :اااه
عمر:مالك حاسه بايه
زبيده :راسي بتوجعني
عمر:من كتر النوم ياخم نوم
ماعندكوش سراير ف بيتكو ولا عربيني نومه عجبك
زبيده :وديني البيت مش قادره
عمر:ماشي يابرنسيسه
وانت متبهدل كده ليه
عمر:يادي المصيبه مش قلتلك طحنتهم
زبيده:هو كده طحنتهم امال لو طحنوك كان بقي شكلك ازاي
عمر:انتي هتهرجي عليا والله يعني دي اخرتها
ماشي انا غلطان
زبيده :مش قصدي والله ماتزعلش مني
عمر :خلاص يلا اوديكي زمانهم قلقانين
زبيده :وهنسيبهم كده ليجو يخطفوني تاني
عمر:هو بعد اللي حصل هيهوبو ناحيتك
بس رحت ف ساعتين النوم عملت محضر اتضح ان العربيه مسروقه ومتبلغ عن ارقامها
فصعب يوصلولهم اكيد هيفكوها ولا يسبوها ف اي داهيه تشيلهم
وانا هرن عليكي تطلعي بعد كده عشان ماتستنيش ف الشارع
وماتكلميش حد لا تعرفيه ولا ماتعرفهوش
دا ربنا نجاكي باعجوبه انهارده لو اتاخرت ثانيه كنتي ضيعتي
زبيده:الحمد لله
متشكره اوي
عمر:انتي عبيطه يابت
داانتي مراتي هسيب حد يلمس شعره منك داانا اقتله
يلا انزلي وخدي بالك من نفسك
زبيده :حاضر
خالد :انهارده فرحي وعاوزك معايا بقي انت عارف احنا اخوات مش اصحاب او جيران بس
عمر :اكيد طبعا واللي تعوزه تحب ازفك ف عربيتي
خالد:لا انا هسوق عربيتي
عمر:يا واد يا جيمس بوند وحركات
ربنا يتملك علي خير حبيبي
خالد:تجيب مراتك بقي الفرح
عمر :هحاول
وفعلا اتصل بزبيده
عمر:فاضيه انهارده
زبيده:في حاجه
عمر:فرح واحد صحبي وجاري وعازمني انا وانتي لو عاوزه تيجي
زبيده:حاضر اجهز امتي
عمر:علي 8 هعدي عليكي
وفعلا وصل ف معاده دخل انتظرها فهلت عليه كملكات الجمال في زيها المحتشم والرقيق
فسرح ثم تدارك نفسه انتي ايه اللي عملاه ف وشك ده
زبيده :والله ماعملت حاجه انا حطيت كحل بس
امال الاحمر اللي ف وشك وبؤك ده ايه
خديجه :والله مفيش حاجه حتي اهو
عمر:يعني هو كده طبيعي
زبيده :اه والله
عمر :جايز فجاءه كده احمريتي
يلا بينا
واخذها الفرح وانتظرو ان ياخذ العريس عروسه من الكوافير
ويسيرو ف الزفه الي القاعه ويكسر عمر عليه اعريس وحركات وزبيده تضحك عليهم
ودخلو القاعه وجلسو بها
وذهب مع زبيده يسلم ع العريس والعروسه
ولكن زبيده كانت تحس بنظرات حزن لا تعلم لماذا رغم تهريجه مع صديقه
وانتهي الحفل واخذ العريس عروسه الي شقتهم ليبداو حياتهم واخذ عمر زبيده ليوصلها
زبيده:ممكن اسالك سؤال
عمر :نعم
زبيده:مالك.
عمر:مالي ماانا زي الفل اهو شيفاني بشد ف شعري
زبيده :اسفه مش قصدي بس حاسه ف عينك بحزن غريب رغم تهريجك
عمر:ياسلام خبيره سيادتك ف لغه العيون
لا ياسيتي انا كويس مافياش حاجه مبسوطه كده
يلا اتفضلي وصلنا
ونزلت لبيتها وهي تعلم انه لا يقول الحقيقه ولكن لاشيء بيدها

 

}}}}}}}}}}}}}}}}}}}}

ظلت الحياه هكذا بين مذاكره زبيده وعمل عمر ف المدرسه والسنتر
الي ان انتهي العام الدراسي ونجحت زبيده وطلعت الاولي ع المعهد
عمر؛ زبيده نجحت وطلعت الاولي
ام عمر :الف مبروك لازم اروح ابارك ووديلها هديه
عمر:ماتجيلك هي تخبطي مشوار لهناك ليه
ام عمر:دي الاصول يابن بطني
عمر:والله مابرتاح لمرواحك هناك بطلعيني بمصيبه
امه:انزل هات هديه حلوه وهلبس ونروح
وفعلا اتصل ابلغ ابوها بقدومه هو وامه للمباركه
وجاب الهديه وراحو

ام عمر:الف مبروك باعروسه ابني وادتها الهديه
زبيده :ميرسي باطنط تاعبه نفسك ليه بس
ام عمر :وانا هتعب لاغلي منك وطنط ايه بقي ان ماما لحسن هزعل
زبيده:والله بعتبرك زي ماما بالظبط
وعمر هيفرقع يامرارتي ياانا اما نشوف اخره السهوكه دي ايه مش مطمن
ام عمر :شوف ياحاج
عمر :ايوه بقي انا مستني الحته دي مش قلتلك مش مستريحلك
ام عمر :احنا كنا هنستني لو هتخش كليه وتخلص تانيه وتجوز لكن المعهد سنتين بس وباقي سنه تقضيها ف بيت جوزها
عمر في نفسه
ياربي ع التدبيسه السودا مش هنخلص من الموال الاغبر ده
ام عمر :العفش خلصان وعند الراجل وعاوزنا ناخده
هنوديه فين نفرش ويخشو بقي بلا خوته
ابوها:واحنا الاجهزه ملو البيت وزحمانا والله
خلاص طالما كل حاجه جاهزه ع البركه شهر يخلصو ويفرشو ونتوكل علي الله
ام عمر :ع البركه
ورجع عمر علي اخره مع امه
عمر :هو انتي مافيش فايده فيكي
ليه التدبيسه دي
امه :هو انتو مش لازم هتجوزو
عمر:ياشيخه داانا لو بنت هتاخدي رايي
مش كل شيء مجبر عليه
خلاص مش عوزاني اجوزها ماشي هجوزها
والله لتشوفو ايام سودا
ام عمر :الواد.ده اجنن رسمي
مش شايف الدكتوره بتاعتك صوتها عالي علي جوزها ازاي وبنسمعها كنت هتتحمل كده
انما دي مابتقولكش غير حاضر وزي العجينه ف ايدك تشكلها
عمر :انا مش عاوز عجين ولا زفت انا عاوز حد يحاورني زي الناس مش حاضر طيب بس
ام عمر :استهدي بالله يابني وروح اتوضي وصلي ركعتين
والله مامقدر اللي ف ايدك الا اما تفقدها وساعتها هتلطم وتعيط بدل الدموع دم
خرج عمر ليقابل خالد الذي خرج من المنزل طفشان هو الاخر
خالد:عمر ايه ياعم واخد ف وشك وماشي ومطنشني ليه
عمر:معلش ماخدتش بالي
خالد:مالك تعالي نقعد ع القهوه هنا
عمر:امي دبستني وحددت معاد الفرح بعد.شهر
خالد :مبروك اعريس نحن السابقون
ودا شكل عريس
عمر:ماانت عارف الفوله
خالد :والله بت زي فلقه القمر ومافيش منها ومطيعه وعلي نيتها
مش زي العسكري الاخضر اللي عندي
كل يوم خناق والموال اللي نعيده نزيده
هتفضل ف النقاشه دي لما يشوفك حد من الدكاتره زمايلي هعمل ايه ولا اقولهم ايه
ومستعريه مني
اقولهه يابنتي وانا بتاع بطاطا ماانا مهندس مافيش فايده ولا لما برجع بلبس الشغل
يابووووي ع الفضايح وهتوسخ الشقه
والله تعبت ولولا انها حامل وقربت تولد مش عاوز ازعلها عشان الطفل مايحصلوش حاجه بس اتخنقت لا حمد ولا شكرانيه
وكل طلباتها مجابه يمكن اصحابها اجوازهم مابيقدروش يوفرولهم كل شيء انا بصرف علي رسالتها والبيت ومكفيها من كله
عمر:معلش يمكن هرمون الحمل زايد حبتين وبعد اما تخلف تهدي وتعقل
خالد:ربك يسترها عشان انا بقيت علي اخري حقيقي وخايف ف يوم اتهور
عمر:اعقل يا خالد انت هتبقي اب
خالد:ماهو ده اللي مسكتني
………….
انقضي الشهر وجاء موعد الزفاف وتم فرش البيت وكله جديد ف جديد
وفي هذا اليوم ذهبت للكوافير هي وبدريه
وخرجت كالملاك بالفستان الابيض ومكياج رقيق فهي مش محتاجه ووجه طفولي بريء
وخرجت بدريه بفستان سواريه
مال جمال عليها
ايه ياعروسه ايه يا وليه اللي مهبباه ف نفسك ده مفكره نفسك عروسه
تميل عليه ماانا عروسه ياراجل
جمال :عروسه بعيالها
بدريه:هههه جاهزه من مجاميعه بوفر عليك اي مجهود
جمال :طب اتلمي بقي لينا بيت نشوف فيه الموصوع ده
بدريه:انا عارفه الفستان ده اخرته سودا

جمال:لما انتي عارفه بتعمليها ليه اتحملي العواقب
بدريه:انا هروح اقلعه عند امي
جمال:ماخلاص شوفته واللي كان كان تقلعيه تلبسيه قضي الامر
واخذ عمر زوجته الي القاعه
وجاء خالد وحده لان الدكتوره رفضت تذهب مع انه قالها دول جم فرحنا ولكنها لم ترضي بالذهاب عندها شغل
زبيده :ايه الحلاوه دي جمال مابيشلش عنيه من عليكي

بدريه:شكلها دخلتنا سوا هههههه
زبيده:انتي فظيعه الله يعينه عليكي
بدريه:ثم انا هاجي حاجه ف الجمال الرباني ده الف مبروك حبيبتي ربنا يتملك علي خير
زبيده:تسلمي حبيبتي
وانتهي الزفاف واخذالعريس عروسه

 

}}}}}}}}}}}}}}}}}}}}

اخذ عمر زوجته
ودخل بها حجرتهم
فجلست علي طرف السرير
خلع الجاكت والكرافات والقي به وجلس بجانبها
عمر:بصي يازبيده انتي بنت حقيقي مافيش زيك وعاوزك تفهميني كويس
احنا جوازتنا جات اجبار لنا احنا الاتنين ماكانش لنا قرار فيها الظروف اللي اتحطينا فيها اجبرتنا
انتي لسه صغيره وانا مش عاوز استعجل الامور خلينا براحتنا
فنظرت اليه وتحجرت الدموع في عينيها وابت ان تخضع وتنزل
واخفضت راسها
فخرج الي الصاله
والقت هي بجسدها علي السرير وانهارت ف البكاء الصامت دون احداث صوت
وعندما خرج احست امه بذلك فخرجت
امه:انت طلعت ليه
عمر:انتي مش نفذتي اللي ف دماغك وجوزتينا
دي بقي مافيهاش غصب
امه:ليه كده يابني
عمر:لاني شتيفها طفله وهبله وعبيطه كمان
انتي عارفه انا كنت بحب مين وعملتي كده عشان تفرقينا
امه:واهي احوزت صحبك ومطينه عيشته وقربت تخلف كمان انت لسه بتفكر فيها
عمر :اكيد لا طبعا دي مرات صحبي
بس انا بقولك انتي عملتي كده عشان تقطعي اي امل اني اجوزها زمان
امه:يابني دي حاجه راحت لحالها وانت اجوزت وهي اجوزت ايه الي فكرك تاني
عمر:لاني ماتجوزتش ماتجوزتش
دا كله اجبار ماخترتهاش اتجبرنا علي كده بسببك وبسبب الظروف اللي اتحطينا فيها
………..

وزبيده تسمع وتبكي اخس عليك ياعمر بقي طفله وهبله وعبيطه كمان
انت كبرتني ضعف عمري ف اللحظه دي ومن انهارده لاهبقي هبله ولا عبيطه بس ياريت تستحمل لما يجي اليوم وتبقي انت اللي ف موقفي ده
وقامت غسلت وجهها وارتدت قميصها وتوضات وارتدت اسدالها وصلت وخلعته وتدثرت بغطاءها وهي تبكي حالها فهي تعلم انه لا يحبها ومع ذلك احبته وقلبها مال له ولكن يجب ان تضع حجرا عليه
وتسكت هذا القلب الذي ينبض وهو بجانبها
….
امه :استهدي بالله يابني واخزي الشيطان وخش اتوضي وصلي
وعيش حياتك بلاش تفضل ف الماضي بدل مايضيعلك الحاضر والمستقبل
وبص للنعمه اللي ف ايدك قبل ماتزول
لم يبالي عمر ودخل خلع ملابسه وارتدي ترنجه وتوضا وصلي
ودخل ينام بجانبها وظن انها نامت ولكنها كانت لا تزال تنزل دموعها في صمت حتي غلبها النوم ونامت
……….
وجاء المهنئين
امها وابوها واختها بعيالها
واخذتها امها واختها لغرفه النوم
بدريه مالت عليها:اسكتي دي كانت ليله ياعمده
زبيده:ربنا يهنيكي حبيبتي
امها :مالك يابت في ايه
زبيده:مافيش حاجه ياماما انا كويسه خالص وعمر كويس معايا
امها:امال شكلك مش مريحني
زبيده:ابدا يمكن عشان مانمتش كويس
بدريه:ايوه بقي
زبيده:هههه والله انتي رايقه دماغ كبيره ياابله

وذهب الجميع
ودخل العروسين مره اخري
عمر:عملتي ايه معاهم امك.قالتلك ايه
زبيده :كانت بتسالني مالك
عمر:وقلتلها ايه
زبيده:هقولها ايه يعني
كويسه وعمر كويس معايا
بس عشان مانمتش كويس
عمر:يعني ده الي قلتيه
زبيده:امال هقول ايه يعني
وهكدب عليك ليه
هخاف من ايه
تصبح علي خير وتدثرت بغطاءها واعطته ظهرها
نظر اليها بتعجب ثم استدار وتدثر ونام هو الاخر
استمر الحال هكذا
الي ان دخلت سنه تانيه
يوديها ويجبها
حتي انها كانت متعثره في بعض الاشياء الخاصه بالكمبيوتر
عمر :مالك في ايه
زبيده:في بعض حاجات مش فهماها
عمر:طب هستل خالد لو يعرف مهندس له ف الكمبيوتر يشرحهالك
……….

عمر:ايه ياخلود فينك

خالد:معلش هلكان ف الشغل قربنا نشطب الشقه اللي شغالين فيها وهنريح.شويه
عمر:طب بما انك.المفروض مهندس قبل النقاشه ماتعرفش حد له ف الكمبيوتر
خالد:عيب ياعمر دا انا برمجيات وجاي تسالني
دا انا واخد كورسات بعدد شعر راسي غير الديكور لاني بظبط بالكمبيوتر شغل الديكور
عمر:حلو اوي
فضيلنا نفسك شويه تراجع للمدام لحسن في حاجات مش فهماها
خالد :عيوني انت تؤمر
بكره هنخلص وافضالها
وتركه ودخل شقته
مها:انت رايح فين كده استني انا ماسحه وحطتله قماشه
اقلع عندك بقي ماتخشش كده تبهدلي الدنيا
ما احنا هنفضل ف الزفته النقاشه دي انا نسيت انك.مهندس اصلا
خالد:اللهم طولك ياروح انتي مابتفصليش اعمل ايه اولع ف نفسي عشان ترتاحي
ومش قالع وهدخل كده جاي هلكان وتعبان ناقص مناهدتك انا بدل ماتريحيني ماتشوفي مرات عمر كل حاجه حاضر كلمه حاضر تريح
مها:وانت هتجيب بتاعه المعهد دي ليا انا
ازاي تقارنها بيا
انت رايح فين ماتشيلش الولد وانت كده تجبله امراض استحمي الاول
يمسكها من ذراعها
شوفي بقي انا اشيل ابني وقت ماانا عاوز
مش هتمنعيني عنه
دي عيشه بقت تارف ورماها ع السرير وذهب للحمام

 

}}}}}}}}}}}}}}}}}}}}

زن الجرس
عمر :اهلا خلود اتفضل معلش تعبينك
خالد:انا جيت ف وقت مش مناسب انت خارج
عمر:اه عندي درس
بس انت غريب يعني وامي هنا اهي اشرحلها علي ماتخلص اكون جيت ان شاء الله
ودخل ينتظرها
وخرج عمر بعد ان ناداها تذهب لخالد بكتبها الصالون
وفعلا اخذت اشياءها
خالد:ايه مضايقك بقي واحنا احطمهولك فورا
زبيده:هو الكتاب ده زي الطلاسم ومش فهماله حاجه
واللي بتشرحه واحده اعتقد هي نفسها مش فهماه
خالد:ههههه ليه جايبنها من ترب الغفير
زبيده تبتسم والله مابكدب ماحدش فاهم منها حاجه
خالد:طب ورينه وهفتتهولك فتفوته فتفوته عشان مايقفش ف زورك
استعنا ع الشقا بالله
وبدا الشرح وهي تستجيب وتتناقش معه
خالد:لا انتي كده تمام
زبيده:دا انا ممكن اشرحه بدالها
خالد:هتقطعي عليها ولا ايه
ربنا مايجعلنا من قطاعين الارزاق
زبيده:يارب
خالد :طب اسيبك تذاكري اللي شرحناه
وهسالك المره الجايه فيه وهجيب خرزانه ماه مش بعد الشرح ده وتغطي هقطعك من الضرب
زبيده :لا ماتخافش انا تلميذه نجيبه وبستوعب بسرعه وهبهرك
خالد:اما نشوف وهنكمل الباقي علي مايخلص الكتاب
ولو في لاب توب ياريت او اجيب بتاعي افهمك عليه عملي
زبيده :متشكره لزوقك اوي
خالد:علي ايه دا عمر اخويا وصاحب عمري
واستاذن ومشي
جه عمر
هو خالد مشي
امه :اه خلص ومشي
ودخل لها :ايه فهمتي كويس
زبيده:كويس جدا وكانت فرحانه
وبذاكره عشان هيسالني ولو ماجاوبنش هيجيب خرزانه معاه
عمر:ياسلاااام

وتكررت اللقاءات بنفس النمط
ويرن الجرس
خالد:هو عمر مش هنا
ام عمر:خش ياواد وانت غريب
يلا يازبيده درسك
ويتم نفس الاسلوب واحيانا تتعالي الضحكات ويدخل عمر
ويسمع الضحك وبعد ان يمشي
عمر:هي كانت حصه كوميدي ولا ايه
ايه الصحك ده انتي تخشي تاخدي درسك زي الالف وتطلعي بلاش مسخره
زبيده:حاضر هو بس بيحب يهرج وهو بيشرح عسان يبسطها واستوعب مش اكتر
عمر:يهرج براحته لكن انتي ما تضحكيش
زبيده :حاضر
وفي سرها الله هو في ايه كله شخط شخط كده
ويذهب خالد اصبح يسرح كثيرا ويطيل التفكير بها وهو كاره لهذا الشعور لانها زوجه صديقه ولكنها في مقارنه داءمه مع زوجته ودائما كفه زبيده الراجحه
حتي ذهب يوما ليدرس لها كعادته
واثناء الشرح
خالد:زبيده انا مش عارف بقولك كده ليه بس انا بقيت افكر فيكي كتير وانا كاره الشعور ده لانك مرات اعز اصحابي بس معرفش حبيتك ازاي
زبيده:شوف ياباشمهندس انت لا بتحبني ولا حاجه انت بتعمل مقارنه بيني وبين زوجتك اللي بتحبها بس عميلها مكرهاك فيها والا ماكنتش استحملتها للان
خالد:انا فعلا بحبها ومش عارف اصلحها هي ليها مميزات بس عيوبها طاغيه عليها
شوف انت مش عاجبك.حالك وبتبص لمرات صاحبك وتتمني زيها وغيرك مس عاجبه اللي عاجبك ويمكن هو كمان بيبص لحد تاني
دي طبيعه الانسان دايما مش عاجبه حاله وباصس للي ف ايد.غيره ومابيحسش باللي معاه الا اما يفقده
خالد:انتي جميله بجميع المقاييس مع صغر سنك.لكن ربنا حباكي بعقل يوزن بلد وطيبه وحنيه تكفي البلد
فعلا جميله خلقا وخلقا ربنا يزيدك من نعمه ويهدي اللي عندي ف البيت
زبيده:اكلم مع عمر واشتكيله
عشان مش هقدر اقوله انك حكتلي وقوله نزوركو نتكلم معاها شويه يمكن ربنا يهديها
خالد:انتي انسانه فوق الراءعه
وجاء عمر
خلود انت هنا لسه
زبيده :عن اذنكو انا كده خلصت
خالد:اتفضلي
وقعد خالد يشتكيله من زوجته مها وافعاله واصبح.مخنوق
عمر:انا مش عارف اعملك ايه بس لو عاوز نجيلكو ومراتي تكلم معاها بالمحسوس عن انك.بتضايق وتعبان من الي بتعمله انا ماعنديش مانع
خالد:ياريت والله لاني تعبت حقيقي
بس مش عاوز اتعبكو واضايقكو بمشاكلي
عمر احنا اخوات ياراجل
طب اليومين دول مضغوط شويه ف الشغل واول اما افضي هجلكو واكلم مراتي نروحلكو
خالد:تمام هنتظرك
………….
ام عمر:واد ياعموره انا مسافره
عمر:جالك عقد عمل ولا هجره ياامه
امه:ياواد خالك باعتلي اعمل عمره رمضان واستني للحج كان نفسي فيها اوي
عمر:وتسبيني لوحدي
امه:انت عيل ماهي مراتك معاك
هو عمل كل حاجه والزياره هات بس التاشيره البسبور عندك من ايام اخر عمره
عمر :ماشي ياست الكل
دخل لزوجته
عمر:امي مسافره ابقي شوفيها عاوزه حاجه تشتريهالها
زبيده:اه عارفه قالتلي تروح وتيجي بالسلامه
حاضر هقولها
عمر:وعاوزين اما تسافر نروح زياره لخالد لحسن مراته مجنناه حاولي تعقليها شويه
زبيده:حاضر
وفعلا جهز امه للسفر ووصلها وودعها
وجاء يوم الزياره لمها وخالد
وذهبت زبيده وعمر لهم
واستقبلهم خالد وجلست زبيده مع مها ف الانتريه وبجانبهم ف الصالون الملاصق خالد وعمر

وبداو بالسلامات والتحيات

زبيده:كان نفسي ازورك من زمان

مها:تشرفي حبيبتي
بس بعتب عليكي ف حاجه دايما صوتك عالي علي جوزك وبيوصلنا ومهما كان الراجل شقيان وتعبان وبيبقي جاي يرتاح ف بيده مش عاوز اللي تزعق وتشخط
مها:انتي ازاي تجرؤي وتتكلمي معايا كده انتي نسيتي نفسك ولا ايه انتي لسه عيله اش فهمك وانتي تفهمي حاجه انتي هتجيبي مستواكي لمستوايا وكمان جايه تديني دروس ف بيتي
فقام عمر بعد سماعه كلام مها لزوجته يلا يا زبيده
احنا اسفين يادكتوره مش قصدنا نتحشر بينكو
واخذ زوجته ومشي
اما خالد :انتي حقيقي انسانه مغروره وعمرك ما هتتغيري انتي طالق

}}}}}}}}}}}}}}}}}}}}

يمسك.بكفيه وجهها ويرفعه لها
انا اسف امي عرضتك للموقف ده
هي ماتستحقش تفكري ف اللي قالته
فانزلت يده حصل خير
وذهبت لتنام فجذبها
في ايه يا زبيده انا بكلمك تنزلي ايدي كده
انتي ناسيه اني جوزك
زبيده:يااااه تصدق نسيت فعلا
عمر :والله ودا من امتي ان شاء الله
انا جوزك غصب عنك وليا حقوق عليكي
زبيده:لا والله ياسي عمر تصدق اتفاجءت
عمر:زبيده ماتنرفزنيش
زبيده:انت مالاحضتش ان زبيده الهبله العبيطه العيله الصغيره كبرت خلاص من ساعه رفضك.ليها
يعني انا مستحمله سنه بحالها
وانت عشان 5 دقايق رفض مني مش مستحمل
انسي ياعمر

عمر:يعني ايه الكلام ده
زبيده:يعني زي مايعني
الي قلته بالظبط انسي زبيده بتاعه زمان
عمر :بس انتي مراتي وكالما كبرتي ياختي كده ولسانك.طول يبقي انا عاوز حقي
فشقت قميصها اتفضل خده ده حقك اللي عاوزه
لو كنت خدته من سنه كان زماني ف قمه السعاده لكن انتي قهرتني ف ليله دخلتي حتي جوزي يقول عليا عبيطه وانهارت ف البكاء
اطبع بره ياعمر مش عاوزه اشوفك انا بكرهك بكرهك
عمر:للدرجه دي مش طيقاني
وخرج ورزع الباب

زبيده:علي اد القهر والعذاب اللي عذبتهولي لازم ادوقك من نفس الكاس ياعمر
وارتدت قميص اخر وخرجت للحمام
فوجدته جالس ف الصاله
زبيده:شوفت الرفض قهر بيوجع ازاي
انا عشته سنه كامله دمعتي علي خدي كل يوم بنام بيها واصحي بيها
لان جوزي مش معتبرني ست بيعتبرني طفله وعبيطه كمان
انت مش متحمل ساعه رفض انا اتحملت سنه بحالها
علي فكره انا هتعين ف المعهد لاني الاولي سنتين
وفي منحه من المعهد اني اكمل هندسه من تانيه وهكمل ان شاء الله يادكتور عمر باعتبار ماسيكون ياللي كنت مستعر مني عشان معاك ماجستير وهتاخد الدكتوراه وانا معهد
عمر:داانتي بتاخدي قرارات من نفسك كده وش
وانا طرطور
زبيده:انا بعرفك.بس لان ده مستقبلي ومش هتنازل عنه
عمر:ولو ماوافقتش

زبيده:يبقي طلقني ياعمر

عمر :دا ف احلامك يااموره اني اطلقك لما تشوفي حلمه ودنك
زبيده :خلينا نحترم بعض احسن من كده لاني ممكن اطول لساني بس اما محترمه
عمر:طب اعمليها كده عشان ماتلاقيش لوشك.ملامح مااحنا هنخيب بقي ع الاخر
والقطه طلعلها ظوافر وبتخربش
اه ياعمر وبتخربش اوي واديك.مااستحملتش خربوش واحد منها حالا
عمر:بت انتي ماطلعيش زرابيني انتي مش قدي ومش حملي
زبيده :لا ادك ونص
عمر بقي كده وحملها الي السرير
زبيده :وسع ياعمر مش طيقاك ومش عوزاك
عمر :بس انا عاوزك ودخل بها لاول مره منذ زواجهما
زبيده:ليه تعمل كده
عمر:انتي مش مراتي ولا نسيني

لازم تفتكري ده كويس واني جوزك ياهانم اللي له القوامه عليكي

والي رايه اللي يمشي

 

}}}}}}}}}}}}}}}}}}}}

مها:وعيناها بها الدموع
بتطلقني ياخالد وقدرت تنطقهاوجرت بابنها للخارج
خالد:مهاااا مهااا
ودخل يضرب الكرسي برجله ويقف يضع اصابعه في شعره لتتخللها
انتي اللي وصلتيني لكده
…….
وذهبت مها لامها ترتمي بحضنها
خالد طلقني
امها:نهار اسود
فلحظه الطلاق ليست هينه علي اي امراءه ان يفرط.فيها زوجها بسهوله حتي وان ارادت ذلك
امها:طب خشي نامي بابنك واما يرجع ابوكي يحلها الحلال
……..
وعندما رجع
امها :بنتك اطلقت
ايوها :بنتي مين
امها:مها ياراجل انت عندك كام بنت
ابوها:ليه ايه اللي حصل
امها:معرفش جات تعيط قلتلها ترتاح وبكره تشوف الموضوع ده
ابوها :انا بكره هكلم خالد واشوف في ايه طالما مش راضيه تتكلم
………..
زبيده :وديني عند ماما
عمر:ليه ان شاء الله
زبيده :عاوزه ازورها
عمر:اه انا بحسب
زبيده :لا ماتحسبش
عمر :لمي الدور ع الصبح
البسي هوصلك ف سكتي وارجع اخدك علي 3
زبيده:هتيجي تتغدي
عمر:لا هرنلك وتنزلي
زبيده:ماما هتزعل
عمر:انتي عارفه ببقي جاي ملزق ومش طايق نفسي وعاوز اخش ع الدش
زبيده:بس ماما عارفه اان مامتك مش هنا هتاكل ازاي
عمر:قوليلها سيباله اكل من امبارح
زبيده :خلاص انت حر بس ماما هتزعل
عمر؛ خلاص هاجي بس هنتغدي ونمشي بسرعه زي الضيف المجنون ياكل ويقوم
وفعلا اوصلها للبيت عند والدتها وراح شغله
………
ابو مها :الو

ايوه ياخالد دي الامانه اللي عندك تطلق البت وترجعها دمعتها علي خدها

خالد:بنتك مابتحترمش جوزها ياعمي وانا طفح بيا الكيل وملعون ابو الحب اللي يزل صحبه انا مش هتحمل اهانات تانيه
واستعجلت اوي مالهاش ف الطيب نصيب
انا جايلي شغل همسك شركه ديكورات هبقي انا المدير بتاعها بس ماكنتش عاوز اقول الا اما امضي العقد ومضيته انهارده
لو كانت صبرت شويه لكن اهانات متكرره ليا ولضيوفي ولا احترمتني وصغرتني قدامهم انا تعبت
ابوها:ماشي ياخالد ارتاحو شويه من بعض ونكلم وهي ماخدتش هدومها ولا الولد
خالد:عندها المفتاح تحت المشايه تروح تاخد اللي عوزاه وقت ماتحب
…………..
ذهبت مها لتاخذ بعض الملابس لها ولابنها
وجاء خالد وجد البيت موارب فدخل وجدها ف حجره النوم
ووجد ابنه الرضيع ع السرير يلعب فداعبه بسلسله المفاتيح لتنظر خلفها فتجده فتهم بالذهاب لحجره اخري فيجذبه من يدها
خالد:انتي اللي اضطرتيني لكده اهانتك المستمره وعد تقديرك ليا وعلو صوتك انا خلاص مابقتش مستحمل
مها وهي تبكي
هونت عليك ياخالد تنطقها
فاخذ براسها علي صدره
خالد:مها انامش مستحمل اسلوبك ده حتي لو بحبك بس مش قادر
مها تبعده عنها براحتك ياخالد
فيجذبها مره اخري انتي مش مضطره تلمي حاجتك فاخذت تبكي ليحتضنها
خلاص بقي انا اسف مش هتتكر
يلا ياام الواد يادكتوره يامجنناني رجعي حاجتك مكانها ونيمي الواد ويغمز لها
مها :انا بحبك اوي ياخالد وتبكي
انا اسفه لو ضايقتك واتعصبت عليك
خالد:ماهو كده مش هستني تنيميه
فتضحك مها
خالد:يلا حبيبتي اغسلي وشك ورجعي حاجتك وانا هتصل بابوكي اطمنه
…………………
ام زبيده:مالك يابت
زبيده:مافيش ياماما وحشتيني قلت اجي ازورك
امها:عمر مزعلك
زبيده :لا ابدا دا حتي هيجي يتغدي عشان ماما ف الحج ونمشي
وفعلا اتي عمر اتغدي ومشيو
وصلو البيت خلع ملابسه واخذ الفوضه ليذهب للحمام
عمر :انتي هتفضلي مصدرالي الوش الخشب ده
زبيده:مالكش دعوه بيا ياعمر
فيقترب منها
زبيده:ااياك تقرب مني ياعمر تاني
عمر:ولو قربت هتعملي ايه يعني
زبيده:هضربك ياعمر
عمر يقهقه ياااجامد ايه ياود الفتونه اللي بقيت فيها دي
يامي يامي تصدقي اترعبت موت ف جلدي
زبيده:ماتتريقش
عمر :يدخل عليها بصدره العريس طب يلا اضربيني
وبشخط ماتيلا مستنيه ايه
فتنكمش زبيده وتغلق عينيها
فيبتسم ويقترب من اذنها
لما انتي مش اد كلمتك بتقوليها ليه
انا داخل اخد دش وجاي
وخرج عمروهي تهاوت علي السرير
تمسك قلبها الذي اوشك علي الخروج من مكانه او التوقف بسبب تسارع ضرباته
يالهوي انا فعلا هبله وعبيطه ومش بقدر استحمل قربه مني بيبقي هيغمي عليا بي لازم اقاوم عشان احسسه بالاذي اللي سببه ليا
ورجع بالبوكسر ويمسح شعره بفوطته ويمشطه
فمت بالخروج من الحجره فجري واغلق الباب
علي فين
زبيده:خارجه بره
عمر يقترب وهي تتراجع للخلف
مش قلتلك عاوزك

فتتراجع لتلتصق بالجدار ليحيطها بكلتا يديه

ايه مش عوزاني زي مانا عاوزك
زبيده:لا مش عوزاك ومش طيقاك ياعمر
عمر :امال انا شايف عكس ده ف عنيكي ليه واني وحشتك اوي كمان
زبيده:لا غلطان
عمر:بحبك
صدقيني انا كنت حمار
اعمي البصر والبصيره كمان عندي ف امي واحساسي اني ماخترتش حاجه من اللي بتحصلي كان مجنني ومش مدي فرصه لنفسي حتي اعرف مشاعري
بس لما لقيت مها بتشخط فيكي حسيت اني عاوز اخنقها كنت هولع فيها
تبتسم زبيده بس بردو انا مش مسمحاك
عمر :احنا مش جبنا عتريس ف الليله الكئيبه بتاعه امبارح نخاويه بعتريسه بقي يمكن يطلعو تؤام
فقبلها قبله تدل علي شغفه بها حقا .حاولت ابعاده ولكن خارت مقاومتها فهي تريده كما يريدها ولكنها تريد ان تتمنع وهي الراغبه حتي تحسسه بمعني الرفض
وبعدها
عمر:والله ياحبيبتي انا كنت حمار دي اقل كلمه
انا فعلا بحبك ومن زمان اوي بس انا اللي ماديتش نفسي فرصه ان المشاعر دي تظهر
زبيده:وانا عمري ماهسمحك ع اللي عملته فيا
وعاوزه اخش هندسه
عمر:بس انا عاوزك بمعهدك ده
زبيده:وانا عاوزه اثبت ذاتي
عمر:يعني ايه
زبيده:معرفش هم بيقولوها كده
عمر:هههههههههه حاضر ياسيتي تعالي بكره نعمل الاوراق اللازمه
زبيده:صحيح ياعمر
عمر:صحيح يازوزتي
طب مافيش علاوه بقي
زبيده :هو انت مابتزهقش ماتفكرش عشان وافقت هسامحك انا بردو زعلانه منك
وهمت بالقيام ليجذبها
احبك وانت متعصب ومظنهر كده
يخربيت حلاوتك
ويفعلها تانيه
وفعلا تاني يوم اخذها المعهد والكليه لعمل الاجراءات اللازمه ودخلت كليه الهندسه رسميا بعد استوفاء الاجراءات من سنه تانيه اي 3 سنوات فقط تانيه وتالته ورابعه
ورجعت ام عمر من الحج واحست بالتغير وفرحت به
حتي ان زبيده كانت حامل
وكانت سعيده ام عمر بذلك وهناءت ابنها
الذي قبل يدها وقال لها انتي صح دايما ياامي
انا اسف سامحيني
امه:راضيه عنك دايما ياعمر وبدعيلك انت ومراتك خد بالك منها
عمر:يحتضن زوجته دي ف عنيا
وخبط الباب
وجاء خالد ومها وابنهم لزياره الحاجه والمباركه لها بالرجوع من الحج
مها اخذت زبيده:انا اسفه يازبيده ع اللي عملته معاكي سمحيني
زبيده:عيب يا مها احنا اخوات مافيش اعتذار بين الاخوات

وعدت سنه تانيه وولدت زبيده وجابت اكرم
وكان عمر طاير بيه طير
……..
عمر:ماتنيمي بن ال……. ده
مش عارف اتلايم عليكي من ساعه ماخلفتي
زبيده :اعمل ايه الولد والكليه والمذاكره وانا مكنه
خد نيمه علي مااخلص الجزء ده مطلوب مني بكره
عمر:كمان انا اللي هنيمه اصلي هرضعه
زبيده:ههههههه وماله اتعلم
عمر:لا والله طب تعالي بقي خليه صاحي يتفرج ويتعلم
زبيده :عمر سيبني بقي عاوزه اخلص اللي ورايا
عمر:والله ما سايبك هي كبرت ف دماغي ابقي خلصيه بعدين
واستمر الحال هكذا حتي انهت دراستهه ولا تزال تدرس بالمعهد
وبدات فيعمل الماجستير حتي تليق بسي عمر الذي اخذ الدكتوراه وقدم في الجامعه ان يتوظف دكتور بالجامعه وبعد معاناه تم قبوله

وانجبت زبيده طفله بعد الماجستير
ولم يثنيهه هذا في عمل الدكتوراه
لتتوظف دكتوره في كليه الهندسه
اما عمر اصبح دكتور ف تربيه
وخالد اصبح شريكا في شركه الديكورات
ومها تعلمت الدرس جيدا وتحترم زوجها وتحافظ علي بيتها وهي ايضا طبيبه فتحت عياده بعد الدكتوراه

 

}}}}}}}}}}}}}}}}}}}}

تمت بحمد الله

 

بقلم: فيروز شبانه

( فيرى عبده )

صورة رواية رجل وسط النساء ( ديك البرابر )

  • حبيبتي والخرزانه
  • انت مش راجل اللى فى بالى
  • تنزيل عونيةعلي اديك العنصب تني
  • صور للناس اللي بتبص في عيشه غيرها
  • صوره نساء شايلة شايلة تقيل
  • قصه نيكي من مدرسي


4٬317 views