12:13 مساءً 10 ديسمبر، 2018

رواية يابنت وش تسوين بمدرستنا بقلمي كاملة

روايه يابنت وش تسوين بمدرستنا بقلمي كاملة

قصة فيها الضحك والهبال والحب والمغامرات والاكشن والحزن روايتي ماهي جريئة ولاتخل بالاداب ابدا اول شيء راح نبدا فيه نعرف بالشخصيات ملاحظه انا نزلت روايتي هذي من قبل بس قفلتها عشان اغير اسمها واضيف شويه تعديلات اتمنى تعجبكم ويهمني رايكم عشان اتابع

عائلة ابو عادل…..

ابو عادل:

اسمه سعود رجال غني مرره يحب عايلته بس هو دايم منشغل عنهم بشركاته ومؤسساته وسفراته كثييره لبرا المملكه وابدا مايستغني عن ولد رائد ومو مقصر عليهم بشيء

ام عادل,,

هي بالاصل فرنسية ومنفصله عن ابو عادل من 15 سنه وهي مسلمه لكن في طرف تدخل بينهم وفرقهم..<<راح تتعرفون عليه لاجا وقته

العمه نوره ,

,

عمرها 38 متزوجه وماعندها عيال زوجها تزوج عليها وتركها معلقه وهي عايشه في بيت

لحالها ونفس الوقت هي اللي تهتم بعيال اخوها وتدبر امورهم وهي ربه منزل ممتازه

عادل,,

عمره 26 تخرج من الجامعة ويشتغل بشركة كبيرة مع ان شركة ابوه موجوده بس يحب يعتمد على نفسه

عادل طوييل مره شعره بني لتحت اذنه عيونه ناعسه عسليه وخشمه حلوو سلت السيف وجسمه معضل البنات يخقوون عليه

ريم,,

عمرها 22 تدرس بالجامعة ومتفوقه مره طموحها تصير دكتوره اطفال ريم طولها حلو نحيفه

عيونها عسليه شعرها طوييل لتحت خصرها وخشمها سلت السيف بشرتها فيها سمار خفيف

رائد,,

عمره 18 يدرس بثاني ثنوي لانه رسب رائد مايحب الدراسه يكرهها كره ومع

ذلك لازم يجيب الشهاده الثانوية رائد طوله ممتاز وجسمه نحيف شعره اسود لتحت اذنه عيونه كبار رماديه بشرته بيضاء

خشمه سلت السيف وعنده غمازات جنان البنات مرره يخقوون لاشافووه هو طالع على امه واخذ منها الصفات الشكليه

غلا,,

عمرها 18 توام رائد تدرس بثاني ثانوي لانها رسبت سنه وهي نفس حال رائد ماتحب الدراسه

ابدا طبعا غلا هي نسخه من رائد الطول ممتاز والجسم نحيف والشعر طوييل لتحت خصرها

وعيونها رماديه وكبار وعندها غمازات يجننون عليها بالذات لاضحكت البنات يغارون من جمالها

الاهم فريق الهلال وبرشلونه تعشقه بجنون هي وخوياتها

عايله ابو فيصل

ابو فيصل,,

رجال حنون يحب عياله وامره الماديه متوسطة مايبخل على عياله بشيء

ام فيصل,,

تشتغل استاذه بمدرسة ابتدائية تحب النظام والترتيب

فيصل,,عمره 25يشتغل بشركة ابو عادل فيصل طوييل مره عيونه سود شعره بني جسمه معضل

خشمه صغيرون بس حلوو

هاجر,,

عمرها 18 رفيقه غلا وهي بعد راسبه وبثاني ثانوي وتحب الفله وماغير هواش مع اللي بالمدرسة

تحب المغامره والاكشن هاجر طولها حلوو شعرها لعند كتفها لونه بندقي عيونها بنيه وساع

جسمها حلو لانحيف ولاسمين

دانه ,

,

عمرها 15 متفوقه وتحب الدراسه وهاديه مره

طولها ممتاز وشعرها اسود لنص ظهرها وعيونها سود وبشرتها بيضاء وجسمها مره حلوو

عبدالعزيز,,

اخر العنقوود عمره 5 سنوات دلووع ومايرفضون له طلب وحييل يحبونه

عايله ابو نواف

ابو نواف,,

رجال غني ويحب عياله كثيير ويحاول يسد النقص اللي سببه وفاه زوجته ام نواف

نواف,,

عمره 26صديق عادل الروح بالروح ويشتغل معه نفس المكان نواف طوله ممتاز وجسمه معضل

خشمه سلت السيف وهو حنطي وشعره اسود طويل شوي عيونه ناعسه سود وساع وسييم مره

امل,,

عمرها 22 وتدرس مع ريم بالجامعة وحلمها تصير دكتوره جراحه امل طويله شعرها طوييل

عيونها عسليه وخشمها صغيرون وجسمها مره حلوو

منار,,

عمرها 18 ضمن شله غلا وتموت بغلا وافكارها الجهنميه بس هي لها طموح تكمل دراستها برا المملكه

منار بيضاء طويله شوي عيونها وساع سود شعرها قصير بني وخشمها حلو وجسمها نحيف

جنى,,

عمرها 5 سنوات دلوعه اهلها وحبوبه مره الكل مايرفض لها طلب

عايله ابو سامي

ابو سامي,,

رجال طلق زوجته وتزوج غيرها ومايدري عن عياله ابدا

ام سامي,,

بعد ماطلقها رجلها تزوجت غيره وهملت عيالها ولاتدري عنهم

سامي,,

عمره 25 صديق فيصل بصغره كانوا امه وابوه يتحاذفونه هو واخوانه بينهم بس لما كبر اخذ له

شقه وسكن فيها مع اخوانه سامي قصير شوي شوي بس شعره طويل وجسمه معضل ولون بشرته حنطي وعيونه وساع عسليه

شهد ووعد,,العمر 22 توام متشابهين بكل شيء الشعر طويل والعيون عسليه والجسم مره حلوو

ريناد,,

عمرها 17 تدرس بثاني ثانوي من شله غلا بس هي خواافه ماتحب مغامرات البنات

ريناد بيضاء البشره عيونها عسليه وحلوة مرره وشعرها طويل لعند خصرها وجسمها حلوو

عايله ابو طلال,,

ابو طلال,,

متوفي من زمان

ام طلال,,مره غنيه وعندها كثيير فلوس وماعندها الا بنت وولد ومدلعتهم مرره

طلال:

عمره 26 ويشتغل مع عادل نفس الشركة جسمه حلوو معضل عيونه سود شعره بني وطوييل

ريماس,,

عمرها 18 ومع شله غلا وتحب الفله والوناسه ريماس بشرتها حنطيه طويله شوي عيونها وساع

لونها بني ونحيفه وشعرها قصير لوسط رقبتها

عايله ابو محمد,,

ابو محمد,,

رجال تهمه عايلته بس المشكلة ان زوجته تحب تمشيه على كيفها وهو غني وعنده خيير كثيير

ام محمد,,

مره تسلطيه وتحب تتامر وبس ولازم يتنفذ كلامها

محمد,,

يدرس بثالث ثانوي وعمره22ماغير يرسب << مو كسلان بس متعمد..محمد وسييم

وجمييل مره جسمه معضل بشره بيضاء وشعره اسود وعيونه ناعسه سود وعنده غمازات

البنات يموتون عليه بس هو مايعطيهم وجهه وعلى مزاجه مغروور بجماله وماله بس قلبه طيب نصراوي مدريدي

مناير,,

اخت محمد وعمرها 16وباول ثانوي طيووبه وحبووبه مرره

باقي الشخصيات

بسام,,

عمره 22 من شله محمد ومايحب المشاكل وهادي بس لاعصب مايعرف من اللي قدامه

طوله ممتاز وشعره قصير اسود عيونه عسليه بشرته حنطيه وجسمه معضل نصراوي ومدريدي

فارس,,

عمره 22 من شله محمد وعادي عنده يتهاوش مع اي احد مغروور بس قلبه طيب مايحب احد

يجادله او يرادده فارس طويل عيونه وساع ناعسه سوود شعره بني بشرته بيضاء وجسمه معضل

ماجد,,عمره 22 هو ومحمد اعداء بقوه وماغير مشاكل بس هو مو مغرور على عكسهم محمد

بشرته حنطيه عيونه ناعسه وساع عسليه وجسمه معضل شعره بندقي وعنده غمازه يمين خده

زياد,,عمره 22 من شله ماجد ونفس الحال مع شله محمد يحب الفله والوناسه زياد اسمر شوي

شعره لتحت اذنه اسود وعيونه عسليه جسمه نحيف طوله ممتاز وحلوو

راشد,,

عمره 22 ومن شله ماجد راشد يحب القراءه وهو مثقف بس ماغير يرسب عناد مو كسل

راشد قصير شوي شعره بني لتحت اذنه عيونه عسليه ناعسه بشرته بيضاء جسمه نحيف ….

وبقى عندنا كثيير شخصيات راح تتعرفون عليهم لاجينا عندهم

حبيت اوضح شيء شله غلا اسمها هيئه الامر بالوناسه والنهي عن الدراسه غلا ماترضى

لاحد يغلط عليها وماعندها مشكلة تدوس في بطن من تسبب عليها هي وخوياتها وباقي البنات نفس الحال

غلا ورائد مايعرفون امهم والعمه نوره هي اللي ربتهم حتى شكلها مايعرفونه وابو عادل كان حريص

ماتكون لها اي صورة بالفيلا عشان عياله قبل كل شيء وهي تركت غلا ورائد وعمرهم 3 سنوات ابو عادل مصر ان غلا ورائد يكملون جامعة مع انهم مايبون وراح نشوف اذا بيكملون او لا

شله محمد ماغير مشاكل وشايفين نفسهم عدا بسام محمد اكره ماعنده اللي يرفع صوته عليه

وبالذات لاكانت بنت وشله ماجد اعداء شله محمد لكن الفرق مافيهم مغرور غلا وريماس محمد وماجد

عليهم صووت بالغناء اووف عليه غصب اللي يمر جنبهم لاسمع صوتهم يوقف يحبوون الطرب والفله

ووبس يلا نبدا

الباارت الاوول

غلا كانت نايمه وفجاه قطع عليها نومها جوالها

غلا:هلا هجور اخبارك

هاجر:

تمام اخبارك انتي

غلا:

كنت نايمه وصحيتيني كيف بكون يعني

هاجر:

هه احسن يلا قومي

غلا:

اه ياكبر القهر فوق هالسنوات اللي درستها بدرس سنه ثانية اووف ولا ادري اذا ابوي بيرضى ما اكمل دراسه بالجامعة ولا الله كريم

هاجر:

اووف وربي منقهره لاني درست ثاني مره ثانية

غلا:

قلعتنا احنا اللي جبناها لنفسنا ورسبنا بس احسن خلينا نججن بهالمعلمات سنه زياده

هاجر:

اي والله قسم ماخليهم بحالهم دام اني ادرس بهبل فيهم

غلا:

هه حيلك فيهم

هاجر:

الله يسهل علينا بس

غلا:

خلصتي مذاكره

هاجر:

اي خلصت ذاكرت اللي ابي واللي مابيه حذفته بمزاجي

غلا:

يعني مثلي طوول عمرك فاهمتني

هاجر:

طبعا ولا كييف حنا ربع من واحنا بالابتدائي

غلا:هه يلا اخليك اللحين بروح لماما << غلا ورائد ينادون عمتهم ماما لانها هي اللي ربتهم

هاجر:

يلا سلام

غلا:

وعليك السلام والرحمه

غلا راحت عند عمتها

غلا:

ماماا

العمه نوره



وش فيك

غلا:

مافيني شيء بس بغيت اقولك لاتنسون حلاوتي لانجحت

العمه نوره



انتي نجحي وبعدين تكلمي

غلا:

المهم انا تعبت درست سنه زياده اووف بس اتخرج من الثانوية بعدها بقعد هنا جنبك اسليك

ريم:

ليه ان شاء الله مو ناويه تكملين جامعة

غلا:

لا مو لازم

عادل:

هذا مستقبلك ياغبيه اصلا ابوي ما راح يخليك بحالك وهو ملزم تدرسين وتتخرجين من الجامعة

غلا:

والله مالغبي غيرك تركنا المستقبل لك ولاختك وبعدين بحاول في بابا واكييد بقنعه

العمه نوره



غلووي ووجع احترمي اخوانك

غلا بتافف:

اووف ماما هم الى يتسببون علي

رائد دخل وسمع غلا تتافف….

رائد:

من مزعل اختي حبيبتي

غلا:

اصلا ماحد يفهمني غير توامي بهالبيت

عادل:

اختك ماتبي تكمل دراستها

رائد:

من جدك انتي

ريم:

ايه تقوول تبي تجلس تونس امي

رائد:

يتكلمون جد هذولا

غلا بابتسامه بريئه



يب يب

رائد:

كفوو والله وانا اخوك

عادل:

رئوود ووجع احنا نبيك تشجعها تدرس وانت تخفقها

رائد:

هذا مستقبلها وكيفها

غلا:

صح لسانك يابعدي

ريم:

اقوول قوموا اذلفوا عن وجهي لاعصب عليكم الحين

رائد:

اقوول ريم الله الله بالنتيجة لانجحت لاتنسين هديتي انا وغلووي طيب

ريم:

تخسون وتعقبون

رائد وغلا:

افا لييه

ريم تاشر بصبعها على راسها:

مزااج

غلا تقلد ريم:

مزااج يامالك للجني اللي يصفقك بلليلة ظلمه

ريم:

اشتغلت الدعاوي حقه غلا

غلا:

هي اشتغلت اشتغلت بس للحين مانزل الراتب

عادل:

هاهاها بايخه استاذه غلا

رائد:

ماعليك منهم حلووه ه

غلا:

بسم الله علي قال استاذه قال استاذه اللي تدوسك وانت نايم

الكل:

هه

عند الشباب(محمد,بسام,فارس .

فارس:بكرا اول اختبار مو ناويين تذاكرون

محمد:

ومن متى حنا نذاكرحنا بنرسب هالسنه بعد

بسام:

من الحين اقول لكم هذي اخر سنه ارسب فيها بعدها بنجح واتخرج

فارس:

وانا مثلك هذي اخر سنه ارسب فيها وانت يامحمد لازم تنجح وتتخرج

محمد:

زين لاتلجون راسي بالحنه خلاص وعد هذي اخر سنه ارسب فيها

بسام:

مادري ليه بس حاس ان السنه الجايه بيصير شيء جديد وحلو الله يستر

محمد:

نشوف وش بيصير

عند الشباب(محمد,راشد,زياد .

ماجد:

شباب بكرا الاختبار تهقون اذاكر

راشد:لاا

زياد:

اقوول اسكتوا لجيتوا راسي تعبت من كثر الكلام عن الامتحانات

ماجد يغني:

اختر الحل الصعب ياتذاكر ياتدج

الكل:

ندج طبعا

ماجد:

بس شباب ترى هذي اخر سنه نرسب فيها لازم نلتفت لمستقبلنا ونرك الطيش عنا

زياد:

وانا اقول كذا بعد

راشد:

الله يسهل علينا اي والله خلاص هذي اخر سنه نرسب فيها

بعد اسبوعين

غلا:

رئوود واخيرا خلصت ونجحت يالله هانت بقى نتحلل بس

رائد:

ههه وانا نجحت بقى لي سنه وفصل واتخرج

غلا:

تستهبل علي ادري اللي بقى لك بقى لي

رائد:

هه لا استعبط

غلا:

هاهاهاها الله يعينك

رائد:

لاتضحكين لا ادوسك

غلا:

طيب هذا انا سكت

رائد:

اي خلك كذا

غلا:

ان شاء الله

رائد:

انا طالع تبين شيء

غلا:

سلامتك

رائد:الله يسلمك يلا مع السلامة

غلا:

سلاموو

عند البنات بالواتس القروب حقهم

غلا:

هلا بنات

ريناد,ريماس,هاجر,منار:

هلا فيك

غلا:

بنات ابي التقي فيكم حددوا بيت نلتقي فيه

ريناد:

تعالوا عندي الشقه فاضيه الاهل مو موجودين

غلا:

اووك انا المغرب عندك

هاجر:

وانا عندك

ريماس:

وانا بعد

منار:

وانا لاتنسوني انا جايه بعد

غلا:

اصلا المكان من دونك ولا شيء

هاجر:

اجل خلاص مو لازم نجي حنا

غلا:

المكان شين من دونكم كلكم ارتحتوا الحين

الكل:

اييه

غلا:

يلا كل وحده تقوم تجهز نفسها بعد صلاه المغرب حنا عند ريناد

عند الشباب …..

محمد:

شباب ترى طفش وش رايكم نروح البر

فارس:

انا مالي خلق للبر

بسام ولا انا لي خلق اطلع بر

محمد:

اووف اجل وش نسوي

فارس:وانا وش دراني حتى انا مثلك طفشان

بسام:خلونا نروح الاستراحه عند الشباب

محمد:

يلا قوموا خلونا نروح

فارس:

بس ترى هناك ماجد وشلته

محمد:

ويعني واذا هم هناك وش اسوي

بسام:

مانبي هواش مثل كل مره

محمد:

هو اللي يتسبب على نفسه وهو اللي يتحمل

فارس:

اقول يلا مشينا وقفلوا عالموضوع

بالاستراحه .

.

محمد:

الكل:

وعليكم السلام والرحمه

فارس:

الاستراحه مليانه اليوم

بسام:

اكيد مليانه وش تظن ترى الاجازة بدت

فارس:

ناظروا هناك شوفوا ماجد كيف يناظر فينا

بسام:اقول اسكت لاتقوم المشكال

فارس:

ان نوا هو على نفسه مشاكل انا فزعه لنفسي ولمحمد

بسام:

يلا قوموا خلونا نطلع ترى الجو حتى هنا طفش

محمد وبصوت عالي:

يلا قوموا جد الجو هنا يجيب المرض

ماجد و بصوت عالي



يابخت من زار وخفف

فارس



قامت الحرب

محمد معصب



وش تقصد بكلامك

ماجد بابتسامه سخريه



اللي قصدته انت بكلامك

محمد:

ثمن كلامك لا احسفك عليه

ماجد:

لا انت ولاعشره مثلك

فارس:

اقصر الشر وابعد احسن ماتشوف شيء مايسرك انت وربعك

بسام يحاول يهدي الوضع:

محمد فارس خلاص خلونا نمشي كفوا الشر وتعالوا معي

زياد:

انت هي من جالس تهدد اذا كنت تقصدنا لا انت ولا اللي مثلك يجيبون راسنا

راشد:

الاحسن انت واياه تبعدون وتقصرون الشر

محمد:والله لا اربيك يالنذل

ماجد:

تخسى لا انت ولا عشره منك

محمد:

الايام بتعلمك من هو محمد ولد ابو محمد

ماجد:

ماتسوى شيء قدام ماجد ولد ابو ماجد

وتضاربوا ومافك بينهم الا خلق الله

عند البنات….

غلا:

بنات طفش وش نسوي

ريماس:

والله مادري حالنا من حالك

هاجر:

يبي لنا مغامره جديدة

منار:

اي والله نبي مغامره

ريناد:

لا وش مغامره خلونا جالسات بالبيت احسن

غلا:

والله انك خوافه فكي هالخوف شوي

ريناد:

لا ياقلبي افكه من جهه واطيح بمصيبه من جهه ثانية

هاجر:

ههه جد والله نبي شيء يونسنا

ريماس:

انا معكم وين ماتقررون

غلا:

وش رايكم نروح المزعه حقتنا اللي بالدمام

منار:

يب نرووح المزرعه

هاجر:

اكلم اهلي وارد لك خبر

ريناد:

اووك انا بروح معك عالمزرعه بس متى

غلا:

الخميس حلو

ريماس:

حلوو

غلا:

حلوو الخميس حنا هناك

البنات



اووك

يوم الاربعاء…عند عايله ابو عادل…..

غلا:

بابا يلا وافق بلييز

ابو عادل:

بس انا مشغوول يابابا

غلا:

مو مشكلة حنا نسبقك ولاخلصت انت الحقنا

ابو عادل:

طيب خلاص انا موافق

غلا:

هييا بس بابا ترى خوياتي واهلهم بكرا كلهم هناك يعني الرجال بقسم والحريم بقسمهم

عادل:

لييه ان شاء الله وش شايفتنا

غلا:

عادل انت من داس لك على طرف انا اكلم بابا مو انت

ابو عادل:

طيب ولايهمك

غلا:

يلا ريووم قومي جهزي اغراضك

ريم:

لافضيت جهزتهم

غلا:

وانت عدوول رئوود ماماتي

العمه نوره



اول مره اشوفك متحمسه كذا

رائد:

اختي الحلوة تموت بشيء اسمه خوياتي وين ماتتحمس وهم بيكونون معها

غلا:

صح عليك رئوود والله انك فاهمني

العمه نوره



يلا قومي انتي جهزي اغراضك

غلا:

طيب

عند ابو فيصل…..

هاجر:

يلا بابا غلااوي عازمتنا والبنات بيروحون كلهم

ابو فيصل:

وانا وش قلت ماقلت شيء روحي

هاجر:

هي جمعه اهل لازم تروحون معي

عبدالعزيز:

انا الوح معك هدوور<< انا اروح معك هجوور

هاجر:

ياحياتي والله عزووز

دانه



جد يبه انا زهقت ابي اطلع يلا وافق

ام فيصل:

خلاص يابو فيصل خلنا نروح

ابو فيصل:

يلا امرنا لله بنروح

هاجر:

وانت فيصل

فيصل:

هاه

هاجر:

هويت في بير

فيصل:

نعم

هاجر:

بتجي معنا

فيصل:

اي

هاجر:

هييا

عند ابو نواف…..الكل جالس بالصاله منار تهمس لامل

منار:

اموول يلا قولي له

امل:

قولي له انتي

نواف:

وش بلاكم؟؟

امل:

منار تبي تكلم ابوي بس مستحيه

نواف:

وش تبي؟

منار:

ابي اقوله ان البنات بكرا بيجتمعون بالمزرعه اللي بالدمام

نواف:

طيب انا بقول

منار:

تسلم لي يا احلى اخ بدنيا<< حق المصلحه هه

نواف:

الله يسلمك

نواف يكلم ابوه:

يبه

ابو نواف:

سم

نواف:

سم الله عدوك بس منار خويتها واهلهم مجتمعين بكرا بمزرعه بالدمام وهم عزمونا

جنى:

تكفى بابا وافق انا ذهقانه ابي اتلع<< تكفى بابا وافق انا زهقانه ابي اطلع

ابو نواف:

وانا ماعندي مانع بكرا نروح الدمام

جنى:

الله وناثه بنلوح المدلعه بكرا<< الله وناسه بنروح المزرعه بكرا

منار قامت وباست راس ابوها:

تسلم لي يا احلى ابو بالدنيا كلها

ابو نواف:

الله يسلمك

عند سامي….

ريناد:

يلا سامي خلنا نروح كلنا

شهد:

اي بالله عليك

وعد:

زهقنا من جلسه البيت

سامي:

طيب خلاص بنروح بكرا الدمام

الكل:

هييا

عند ام طلال

ريماس:

طلال يودينا يمه وهو بيروح معنا

ام طلال:

دام كذا اجل خلاص انا موافقه

ريماس:

الله لايحرمني منك يايمه

طلال:

وانا

ريماس:

هه ولامنك يا اغلى اخ عندي

طلال:

ولامنك بعد ياخيتي

:

(39)::

(39)::

(39):

  • روايات اكشن ومغامرات كامله
  • روايه يابنت وش تسوين في مدرستنا
  • رواية يابنت وش تسوين بمدرستنا
2٬777 views

رواية يابنت وش تسوين بمدرستنا بقلمي كاملة