12:13 مساءً 10 ديسمبر، 2018

رواية ياعيال وصيتي تزوجون مشاري والعنود كامله 2019 من اجمل الروايات

روايه ياعيال وصيتي تزوجون مشاري والعنود كاملة 2019 من اجمل الروايات 2019

كيفكم يا جماعه..

مبسوطين..؟

اكتشفت انه عندي موهبت الكتابه

 

لا ياشيخه احفلي

 

عااد ولمن اكتشفت قلت لااه ما اضيع الموهبه هذي والله وقمت وكتبت روايه

 

وقلت لااه لازم يكون لي مشجعين..وكذا..عاد وانا كنت اقراء روايات فيذا

واشوف التفاعل الى عندكم عاد قلت انزلها هنا

ماتحسوني صايره لق لق..وطولتها..

عاد ادخل بالمهم وبالحين هذي روايتي اقدمها لكم على طبق من حديد

الفضه غااليه هاليومين وانا حدي طفرانه

اقول ترى الاستظراف الزايد موب زين

ليه يجيب فلونزا الخنازير..

^

^

^

اذا بتعطوني وجهه كثير ما بسكت..هع

المهم الروايه جريئة رومنسيه وحلوة وتخبل وتجنن وخاقوقيه بعد والى كاتبتها اخق<<من مدح نفسه..

اقدم لكم او رواياتي

 

..’’..يا عيال وصيتي لكم تزوجون مشاري للعنود..’’..

للكاتبه:

هباال متغلغص:P <<ليه وين انحشر المسكين خل نطلعه..>>اتفاعلت مع اسمي هع..

الجزء الاول

(1)

عبدالرحمن وهو يركض في ممرات المستشفى وهو يلهث من كثر الركض..وصل لاخوه عبدالعزيز

عزووز الحق..

عبدالعزيز وهو متروع:خيير وش فيه؟!

عبدالرحمن وهو يبلع ريقه الى جف:اخوي عبدالله..

عبدالعزيز بستغراب:وش فيه؟

عبدالرحمن:زوجه عبد الله توفت

عبدالعزيز بصدمه:شلون ومنو بيربي العيال وابووهم وامهم ميتين

عبدالرحمن بغباء بما انه لسا صغير ومايفهم في التقاليد:اهل امهم

عبدالعزيز:ما بقى الا هي عيال اخوي يربيهم ذا الاجانب..لا والله ما يصير كذا وراسي يشم الهوى..عيال اخوي يتربون عندي..

عبدالرحمن:بس انت يياخوي متوفيه زوجتك وولدك مشاري مختفي..يعني يكفيك الى فيك…

عبدالعزيز:وكااد اني بربي العنود وسلطان بربيهم والي قدرني اربي مشاري 6سنين سنين من بعد وفات امه يقدرني اربي هالاثنين

واذا على مشاري ان شاء الله الله بيرده لي..واذا مارد لي فهذا مكتوب والله يجازي الى خطفه وهو ولد 6 سنين

عبدالرحمن:الى تشوفه يا خوي

بعد مرور 16 سنه

في استراليا…

في قصر عبدالعزيز…

سلطان فتح باب الغرفه على اخته العنود..ولقى النور مطفي:للحين ما قامت خيشه النوم هاذي..هيين..

وشغل النور..وفتح الستاير..

العنود الى تضايقت وغطت وجها باللحاف..

سلطان وهو يجر اللحاف منها:

العنود يادووبه قوومي بسك نوم يلا وراك جاامعه..

العنود:امم..سلطوون الله يخليك بس دقيقه,,والله مانمت طول الليل

سلطان:ايه محد قالك اسهري طول الليل على النت وانتي وراك جامعه

العنود:تووبه تووبه ما اعيدها بس خلني انووم ربع ساعة الله يخليك

سلطان:الله لا يخليني اذا خليتك تنامين,,وراي محاظره مانيب فاضي لك,يلا قوومي

العنود:انت روح وانا باخذ ليموزين

سلطان:لا اخاف اروح وبعد كذا ما تقومين,,وعاد انا الى تطيح براسي,,ابوي بيعتبرني انا السبب لني ما صحتك

والدكتور بيجي لي يسال عنك,,وحتى صاحباتك يلقوها فرصه عشان يتميلحوون قدامي بحجت يسالون عنك.

العنود من تحت اللحاف:اووف ذليتنا يا اخي انت روح ولا لك دخل ومحاضرتي باقي لها نص ساعة يعني يمديني

انت روح مطمن واوعدك اقوم

سلطان:يعني ملزمه تنومين

العنود:ايه حييل

سلطان:طيب انا بمشي وامري لله,,بس هااه بدق عليك اتاكد

العنود:طيب عسول روح

العنود..’

20 سنه,,

حلوة ودلوعه اخوها سلطان فيها شجاعه وقوية وعنييده مرره

طبعا بما ان امها اجنبية فكان جمالها اجنبي عيونها النيليه لوونهم خطنطر مرره وبشرتها بيضه خدودها وردي طبيعي

وشفتها الورديه وشعرها الحريري البني الفاتح<<عسى ماتكلفتي هع

كان شعرها طوويل لين ركبها,,يعني بختصار بنت خاقوقييه حد دين ام الدعسه

تدرس فنون<<<فنون مو هذيك القناة لا هذي وشيسمونها..مثل الرسم والمسرح وكذا<<<حلفي ما درينا..

تدرس فنون لانها بالاول اول بالاخير بتشتغل في شركة عبد العزيز مع سلطان اخوها في حبت تتسلى شوي..

سلطان..’’24 سنه ,

,انسان خفيف دم حييل وحنون على اخته والبنات بالجامعة كلهم يتمنون لو بس يعطيهم وجه

وطبعا سلطان لا يقل جمالا عن حلا..كانت ملامحه مثل ملامح ابوه عبدالله الله يرحمه

ملامح عربية اصيله برونزي البشره شعره كثييف واسود خشمه سله سييف وعيونه وسااع

اما لونهم فكان غريب اسود ويفتح على رمادي او مثل الاسود على رمادي

ارووح ملح انا وه بص فدييته لبى خشته

$

في الجامعه

وصل سلطان الى كان لابس تي شيرت اخضر فاتح مع برموده جيشي..

وتوه دخل البوابه الرئيسيه وفصخ النظاره الشمسه وحطها في جيبه الامامي بالقرب من صدره الا وفي وجهه المها

صقيقه العنود الصقوقه:ويين العنود؟ماجت معك

وش فيها عسا ميب مرضاانه اوشي

لتكون طايحه او متعوره

ولا صابها مرض معدي؟صاارحني جاوبني ولا تكذب علي..ترى الحين اروح لها

سلطان:وييه انا الى جف حلقي مو انتي شوي شوي على عمرك لا تجيك جلطه بللسان وتموتين علينا

المها:فال الله ولا فالك,,ان شاء الله اعدائي والى يكرهوني,,المهم ماجاوبتني

سلطان:اصلا الناس يقولون بالاول او صباح الخير موب وصار يقلدها بطنازه

وين العنود عساها بخير..عسا ماماتت

المها:سلطيين بتجاوبي ولا لا..؟

سلطان:اولا سلطيين في عينك هو انا اصغر عيالك,,ثانيا لاتخافين على ذا الدوبه انتي جالسه عاله قلبك فيها وهي تلاقيها في سابع نومه.

المها:اشووه طمنتني يلا سلاام>>>وراحت

سلطان:اووف الله يفكني من ذا الثنتين البلشه..اووه صح تاخرت على المحاضره

دخل سلطان القاعه وهو يتحلط الله يعينه على الدكتور هذا مره قاسي واهم شي عده المواعيد لازم مضبوطه

>>>>>>>طبعا الكلام انجليزي بس بكتب الترجمه<<<<<<بس الى يتكلمون عربي مثل ماهم>>>>>

سلطان:احم احم اسف دكتور على التاخير ممكن ادخل كان عندي ظروف

الدكتور:لا يا استاذ سلطان افاا عليك انت الداخل وانا الطالع

سلطان بغباء:صدق وجى بيدخل <<<المسكيين على نياته

الدكتور:اقوول اوقف مكانك واطلع برى وما اشوفك تدخل محاضرتي الا لمن تتعلم وشلون تجي في الموعد..

سلطان:دكتور صدق اسف..سامحني هالمره

وحده من الطلاب تدخلت:صدق دكتور سامحه

وحده ثانيه:اييه دكتور خله يدخل حراام عليك

وحده ثالثه:ايه دكتور انت ماتدري وش ظروفه لا تظلمه

<<<<شوي وتقوم القاعه كلها

الدكتو:خلااص خلااص هدوء .

.تفضل ادخل وما عاد اشوفك تكررها

سلطان:اوعدك ماتتكرر

.شوي والدكتور جالس يلقي المحاضره وكذا تذكر سلطان حلا..وصار يدق دق عليها..مره ثنين ثلاث عشر..اووه واخيرا ردت .

.

سلطان بصوت واطي:الوو حلا الله ينعن بليسك للحين ما صحيتي قوومي قامت عليك القيامه قوومي..

حلا:هااه اووه صح الحين بقووم لا تخاف..

سلطان بنفس الصوت الواطي وكانه مسوي جريمه:يلا بسرعه

حلا:هذاني هذاني قمت..

سلطان سكر الخط:خبله .

.ورفع راسه لقى الى بالقاعه كلهم يناظرون فيه والدكتور بالاخص الشرار يطاير من عيونه..

الدكتور بهدوء:استاذ سلطان..هل انتهيت من مكالمتك المهمه..

عشان نكمل المحاظره..؟

سلطان:ايه اتفضل دكتور..

الدكتور بعصبييه:اتفضل اطلع برى استاذ سلطان ما يكفينا انك حاظر متاخر وفوق هذا كله جالس تكلم جوال

مدري ليه كلفت على نفسك وجيت على المحظره

سلطان ظل مكانه ونزل نفسه من الاحراج الى هو فيه اليوم,,اووف كله منك ياحلا

العنود الى جلست من النوم ولبست بنطلون جينز اسود وفوقه بلوزه طويله فوشيه ولبست ولفت

شعرها وربطتته ولبست حجاب اسود وشنطه فوشيه..وحطت قلوس خفيف مع ماسكره وشويت

خدود ومناكير في صبع فوشي وصبع اسود..<<<متاخره وعندها وقت للشياكه…

الموهييم انها راحت للجامعة ودخلت فتحت باب القاعه ودخلت بكل قوه وشجاعه ومستعده تجاوب على اي شي..

الدكتوره:انسه العنود ممكن افهم ليه التاخير..

العنود بتمسكن ومستعده لاي سوال:حظرت الدكتوره كان ابوي تعاب شوي واضطريت اجلس معه

لين تطمت عليه وجيب(وفي داخلها سم الله عليك بابا بس مضطره)

الدكتوره:اوك تفضلي ادخلي بس اتمنى ما تتكرر

العنود:اوك ما بتتكرر

ودخله وجلست بجنب المها..

المها:يا ويل حالي منك..يممه تخريين تلقين تصريفه لك شي

العنود:قولي لا اله الا الله لاتحسدين

المها:لا اله الا الله محمد رسول الله..ارتحتي

العنود:ايه ارتحت..

في مكان ثاني في استراليا…

كان جالس على المكتب ويفكر..ااخ لو يعرف بس هو ولد منو..ااخ..وتذكر شلون توفى الشخص الى ضفه من الشارع

وكان بحسبت ابوه كان شخص مقطوع من شجره..

.وترك له شريكه كبيره..بينما كان عمره وقتها 17 وقدر

يتعلم على الشغل بسرعه وصار رجل اعمال كبير..ومرت سنين من الوحده عليه

وجا بريطانيا عشان متفق مع شخص

على صفقه جديده…طحى من تفكيره في الماضي الى لايحمل امور واضحه عن ما وراء الماضي..وهو يطلع علبه…..

 

  • رواية مشاري والعنود
  • رواية ياعيال وصيتي لكم تزوجون مشاري والعنود كامله بدون ردود
  • رواية ياعيال وصيتي لكم تزوجون
  • رواية ياعيال وصيتي لكم تزوجون مشاري كامله
  • رواية وصيتي لكم تزوجون مشاري والعنود كامله
  • روايه ياعيال وصيتي تزوجون مشاري والعنود كامله الارشيف
  • رواية ياعيال وصيتي لكم تزوجون مشاري والعنود الارشيف
  • ياعيال وصيتي لكم تزوجون مشاري والعنود كامله
  • رواية ياعيال وصيتي لكم تزوجون مشاري والعنود كامله
  • نهاية الرواية وصيتي،تزوجو مشاري،والعنود
8٬766 views

رواية ياعيال وصيتي تزوجون مشاري والعنود كامله 2019 من اجمل الروايات