قصة بنت عانس لاتفوتكم روعه
قصة بنت عانس لاتفوتكم روعه
محتوى
هذه القصة لوحدة عانس تقول
مازال الامل موجود
قلت هالكلمة و انا اناظر خشتى بالمرايا .
.مازال الامل موجود .
.
يعني لو تنعم ذاالشوشة و الخشم يقصر شوى و البراطم ياليت من يدخل ابرة و ينسمهن و العيون تاسع و تكبر و الخدود يوردن كان اصير ملكة جمال بسم الله علي>>>وش بقي مير
وبينما انا اهوجس بخشتى تدخل على امي و تقول: قومى اكنسى الحوش
قلت: هااه
قالت: اللى سمعتيه
وطلعت و تركتنى احارب هم كنس الحووش .
.حاولت اقنع نفسي و اشجعها للفكرة و قلت كوود يشوفن ولد الجيران و انا اكنس الحوش و يعشقن و يخطبن >> احلام عانس…
نزلت الحووش و كنستة و انا رافعتن قميصى و مطلعتن العصاقيل مير لمحت ولد الجيران فتح الطاقة و قال استخفر الله و صك الطاقه
قلت بقلبي يااى ياربى يستحي
وبعد ما قضيت من كنس الحوش طلعت حجرتى اخذت شاور ثمن نزلت الحوش مرة ثانيه>>>>ناوية تجيب اجل ولد الجيران
واقعد على المرجيحة و عيوني على طاقتهم .
.
شوى و المحة ياربى طلع يشوفني>>>اية هين و كان ما سك الجوال و يتكلم عاد مين يكلم مدرى
بس شكلة يكلم احد>>>لاياشيخه..
المهم و ابدا اتمرجح و بينما انا في هذه الحالة المقرفة فاذا ب امي تطب على
و هذا اللى ما عملت حسابه
اول ما لمحتها طيرت عيوني و قلت: يمااة شوفى ابن الكلب النذل الحقير ولد الجيران قاعد يوايدز علي
وامي تناظرنى و تهوجس: و ش يناظر فيتس ياحسرة و انا جايبتن عاهة مهب بنت ….قومى بس ادخلى بلا فضايح
.
.
بعد هالموقف .
.
اقصد بعد ما صدت ولد الجيران و هو يوايدز على =يبصبص للعرابجة .
.
و انا ما اش مدرى شجانى .
.اول مرة احس اني انثى و فتنة مثلى مثل كل البنات .
.
ومرة من المراريت كنت منسدحة افكر و ش البس
لا جوا الجيران يخطبونن لولدهم
يووة اخاف ابوى يردهم و يقول بنيتى توها صغيرة >>> مير مب مصدق يفتك منتس
وبعد و ش اسوى لا اعرست
اكمل دراستى و الا افضى نفسي لزرجى و عيالي
طيب لا اعرست و عشت بعيد عن اهلى و عزمونى جيراننا على عرس بنتهم و ش البس>>>>>> يبيلها تكفيخ على ذا السؤال..
وبينما انا اهوجس بمستقبلى و مستقبل عيالى اللى بيجيبهم .
.
فاذا بى اسمع صوت امي: ملووسنة ملووسنة و ضربة …
انا: سمى يمااة و رحت لها صارووخ خبركم عاد اللى يبر بوالدينة عيالة يبورن بوة و انا لاخطبن ولد الجيران و اعرست عليه ابي عيالى يبورني>>>>> مصررة انه بيخطبها
قلت: سمى يمة ناديتين؟؟
قالت: اية اخوانتس يلعبون بالحوش..
طلعى راستس من الطاقة و ناديهم يجون يتعشون
قلت: يمة انا تبينى اطلع راسي من الطاقة
بعدين شلون اناديهم عيب يمة ما يصير نسيتى اني بنت و صوتى فتنه
قالت: اهاابس ناديهم و لايكثر هرجتس..
مير اللى يسمع صوتس فتنة عليه مهب صوتس اللى فتنه>>>>ياشين التحطيم
وناديتهم طبعا تتوقعون و ش صار يوم ناديتهم….
كل الهنود اللى بالبقالات تجمعوا قدام بيتنا يحسبونن شغالة و الله مب منى و ش ذنبى اني اشبة التكارنه
.مرة تشجعت و ارسلت له هالرساله:
وربطت الرسالة بحصاة و جدعتها على طاقتهم شوى و الا ترجعلى الرسالة مشققة و مكتوب على و صلة منها استخخفر الله بينى و بينكم تحطمت مشاعرى و انجرحت و قلبي عورنى بس قلت احسن و ش ابي بواحد ما عندة نظر و راسب بالعربي و بالدين بعد اجل استخفر الله
رحت لحجرتى و دخلت و صكيت الباب>>>يقالى بسوى احداث..
و القي اخوى قاعد(ن يحوس باغراضي
قلت: خير و ش عندك بغرفتي
قال: كنت اسلى نفسي الين تجين
قال: اقول اسمعى عاد لا تجلسين تنافخين..
انا جايتس ابي منتس خدمة و ش قلتي؟
قلت: اخلص و ش عندك
وطلع من جيبة صورة بنت مزيونة و قال: شفتي هالبنت
قلت: الله يلعنك منهى ذي؟
قال: و حدة
قلت: احلف على بالى واحد>>>>>ياشين استخفاف الدم
قال: اسمعى بسس هذي بنت ناس اغنيا بس ياحرام توفت قبل شهرين بحادث
قلت: توفت الله يرحمها … انا و ش دخلن؟
قال: اصبرى خلينى اكمل كلامي لا اعطيتس كف .
.
هالحين اهل البنت مررة متاثرين ياحرام و يبون و حدة تشبهلها يربونها و تعيش عندهم
قلت: طيب انا و ش دخلن؟
قال: انتي هالبنت
قلت: اقول بس و خر .
.
هالحين انتم اللى هو انتم اهلى متفشلين منى و ذاك اليوم طحت بالسوق اختي بعدت عنى و قالت ما اعرفاها .
.
تبى الناس يخلونن بنتهم..
قال: صدقيني… فيه شبة كبير بينهم
قلت: لا عاد احلف .
.
يعني انا بمستوي جمالها>>> و دخلت بمرحلة الهواجيس .
.
اعلانات
قال:لاعاد مهب لهالدرجة .
.
صحيح انكم تشبهون بعض .
.
بس هي على احلى و انتي على اشين
قلت: و الله من زين الشرح .
.
دام ما عندك اسلوب و ما تعرف تجامل لا تسولف مع الناس و تجرح مشاعرهم
قال: انتي اللى سالتيني
قلت: حتى لو انا اللى سالتك .
.
ما تعرف تكذب؟؟
قال: طيب انتي حلوة و تهبلين الحين اهل البنت متاثرين و يبون و حدة تشبة بنتهم يربونها و تعيش معهم و ش قلتي؟
قلت: و ش يربونها
؟شايفنى كلب و الا بسة يربونى و اعيش معهم
قال: يعني خلاص ما تبين؟
قلت: شف من ناحية اني اسوى عمل خير ليش لا
بس و ش المقابل يعني كم بيدفعون>>>وين عمل الخير اللى تتكلمين عنه
قال نتفاهم بهالموضوع بكرة مع الجماعه
وطلعتة و صكيت الباب و بللطت قدام دولابي .
.
ناظرت دولابي و خنقتنى العبرة تصدقون ينفع اصورة و انزل الصورة بالجريدة و اكتب تحتها نستقبل تبرعاتكم على العنوان التالي)
مير كل خرقة تقول للثانية و خخرى انا اشين منتس..
و الا الجزم بس!
احلى صندل و رثتة من اختي قبل تتزوج..
بعدين اروح انا و شوشتى و بنت الجيران مستلفتن السشوار منى و شابكتة على 220 و منحرق لكن هيين ابطلع قيمتة من عيونها
وطلعت من غرفتي باتجاة الصالة حيث تقبع عائلتى الكريمة و وقفت بالنص بحيت اقطع الارسال بينهم .
.ناظرت ابوى و قلت: يبة ابي فلوس
قال: ياشين المزح هالحزه
قلت: يبااة من جد اتكلم مسالة حياة او موت
قال: روحى غرفتس و لايكثر هرجتس
ناظرت امي و قلت: يمااة قولى شي
قالت: روحى غسلى الكراث و جيبية
قلت: الشرهة مب عليكم الشرهة عاللى تصير بنتكم>>>> عسي ما تكلفتى بس
ورجعت لحجرتى و انا اجر حبال الخيبة و الخيبة تجر حبالى .
.
و قلت ما لى الا اعتمد على نفسي اببتل و انا تحت رحمة اللى اسمه ابوي و اللى اسمها امي)>>>>>جحدتهم .
وبجيب الفلوس بجيبها لو حتى اسرق!
اسرق!
اية و راة ما اسرق و ابوى الفلوس على قلبة مثل الرز ….
بعدين السالفة لافيها تانيب ضمير و لا شي لانها بالنهاية بعد عمر طويل الله يطول بعمرك يايبة الفلوس يتصير لى يعني لايوجد فرق بين الان و بين بعد عمر(ن طويل>>>>>>يخرب بيتك ياشوشو خربت اخلاق البنت>>>>>والا يعني كانت الاخلاق تمام نسيتى ولد الجيران و العصاقيل
جبت قلم و رسمت الخطة بدفتر الرياضيات حق اخوى من و رى>>>>تسمع بالتوفير… خطة انما ايية متخرش المية >>> اخاف انها تخر دلاخة مش ميه..
الخطة اني انتظر لمين يجى الليل و ينام البيت كله و ابدا بالتنفيذ و ادخال اليد في جيب ثوب ابوى و اخراج المحفظة و فتحها و من ثم اخراج مبلغ و قدرة و من ثم اعادة المحفظة في جيب الثوب و لا انسي اخراج يدى من الجيب>>>>>اخاف من الربشة انساها او يجوز لها الوضع و تبتل بوه
وجاء الليل و نام كل من فالبيت بما فيهم انا>>>>خربت الخطة ….
لكن شوشو صحانى من النوم و قال يالله يالملوسنة حان وقت نتفيذ الخطه..
بينى و بينكم كنت خايفة و ضميرى يدغدغن لكن شوشو شجعنى >>> حتى الشيطان بيتدلع..
بيلبئلوة يؤبر البي
نفذت الخطة بحذافيرها و لطشت لى كم خمس مية و انحشت لغرفتي و نمت و انا ضميرى مستريح>>>الله يخلى شوشو يهون عليك بهالمواقف و يخليك تقدر تنام
من بكرة و انا رازتن نفسي بالسوق و شريت لى احلى بدلة و احلى صندل طبعا كلوو ما ركة حتى البكلة شريتها ما ركة و صرت كلى من فوق لتحت ما ركات..
ورحت للكوافير و سنعت لى خشتى و شوشتى و صرت احلى من مذيعة صادوة 2 بعد عمليات التجميل>>>يعني ما استفدنا شي
وبعد ما رحت لهم و قابلت جدتهم
قالت الجدة ملوسنة هذا الدكتور ما يكل متخصص جراحة و تجميل نبية يصلح خشمتس و براطمتس و كم حتة كذا
قلت: و الله
منزمان و انا و دى اغير خشمي
ودخلونى غرفة و خدرونى و بعد كم ساعة قمت و مدرى و ش جانى كيذا يوم قمت حسيت نفسي بنت>>>العادة تقوم و تحس نفسها عنز..
حسيت اني ناعمة شكلهم بعد غيروا الجلد .
.
ناظرت حولى و بديت اتحكك ياربى اثرة شعري لا تحركت يتحرك معي>>والا العادة تنكسر الرقبة و الشعر توة بمكانه…
صرخت باعلى صوتي: هاتوا مرايا تكفون ما فينى صبر>>>> ياربى حتى صوتى و ش هالنعمومة معقوله حتى الاحبال الصوتية غيروها
وجابولى مرايا و ناظرت فيها و قلت: انا قلت عطونى مرايا مهب صورة عارضة ازياءءءء
قالوا: هذي مرايا
قلت: لا عاد …..
و بديت احرك حواجبي و اعفط خشتى باشوف هي صدق مرايا و الا يلعبون علي
وبعد ما اقتنعت ان هذي انا حسيت بنشوة عارمة و الفرحة سيطرت على كيانى و البسمة احتلت خشتي.
وقلت عرس سوير بنت جيراننا نهاية الاسبوع… قسم لو احضرة كان كل اللى بالعرس يخطبونى و انا عاد اتدلل و اتنقي بلا و لدالجيران بلا بطيخ …
تذكرت ولد الجيران و التفت على الدكتور و قلت له: دختور ما يكل انتم سويتوا شي بظهري؟
قال: مير غيرنا العمود الفقرى كله
قلت: اشوي لان ظهري انكسر من كثر ما اكنس الحوش عشان اشوف ولد الجيران اشوي انكم غيرتوة لان ما بى اي شي يذكرنى بالماضى المرير>>>> شكلهم حتى غيروا المصطلحات اللى بقاموسى اجل مرير اجل
وصرت اعيش عندهم و عطونى جناح كامل و انواع الدلال اول مرة بحياتي اقول كلمة ما مي العادة اقوله يمة و الا يمااع..
بس تدرون و انا هالكلام اقوله عن تجربة .
.كلمة ما مى غير شكل تحس انك شي و انت تقولها..
اول مرة احس اني انتمى لفصيلة البشر..
وان لاصارلى شي لاسمح الله بياقفون معى حقوق الانسان صراحتن مليت و انا احترى جماعة الرفق بالحيوان ينظرون في امرى .
.والا يوم سمعت ان رجل اعمال تبرع بثروتة للكلاب الضالة جلست احترى عند باب بيتنا احترى ياصلنى شي من المساعدات..
طبعا ما نسيت اهلى الصدزيين و بيتي الاولى عاد منيب قليلة خاتمة لهالدرجه..
بس كنت اتعيجز ازورهم و الا اكلمهم …
لكن مرتن من المراريت مسكت علبة كبريت و لقيت مكتوب عليها(قديمك نديمك و الله ثم و الله اني مدرى و ش معنى هالجملة و الا هل هي مثل و الا بيت شعر لكن يوم قريتها خنقتنى العبرة و رحت ازور اهلى و اخذت لهم هدايا و طبعا ما نسيت اميمتى جبت لها كم حزمة كراث معتبر مستورد من ايطاليا و جبت لها كبتشينو كراث و كراث سنبون و كراثييز>>(على وزن كوكيز)..
ورجعت لابوى المبلغ اللى لطشتة منه و فوقها بوسه..
و سددت لاخوى اقساط السيارة و عبيت له بنزين و نويت اعشيهم و قلت كل واحد يقول و ش مشتهى و الا اميمتى تقول: ابي سمك مح شي بكريريث>>>>> مير ياشين القراوي لاتطوروا
وبعد فترة هدت نفسية ام البنت و رجعت لطبيعتها و قالت خلاص ياملوسنة ارجعى لاهلتس و مشكورة على اللحظات السعيدة اللى عيشتينى فيها و هذا حسابك..
عطتنى شيك و صرفتة و بنيت لى عمارة اترزق منها
وعشت حياتي طبيعية حياة بنوتة حلوة و امورة بنوتة سعيدة و العرسان على باب بيتنا طوابير طوابير لدرجة ان مليت من كلمة ملوسنة جاتس خطاطيب
ومرة كنت طالعة اعمل شوبنق و وقفت بالحوش احترى السواق يجيب السيارة و المح ولد الجيران يواديز علي..
ناظرتة و قلت استخخفر الله .
.
و طلعت و صكيت الباب
