2:46 صباحًا 12 ديسمبر، 2018

قصة جنون الصحافه , احيانا نعشق اشياء تبدو لحد الهوس والجنون

قصة جنون الصحافه

خير الامور الوسط

احيانا نعشق اشياء تبدو لحد الهوس والجنون

جنون الصحافه

الحلصورة قصة جنون الصحافه , احيانا نعشق اشياء تبدو لحد الهوس والجنونقه الاولي

في مكتب المقدم فارس

يجلس المقدم فيجد دوشه في الخارج

فارس:يافتاح ياعليم يارزاق ياكريم على الصبح ايه الدوشه دي ونادي على الامين الواقف بره

فارس:ياامين ايه الظيطه اللي عندك دي

فيجد من تدخل عنوه مع الامين فتاة لايبدو لها ملامح من الكاب الذي ترتديه فوق رايها و يداري نصف وجهها وتي شيرت وجينز ومعها مصور

بيري  او بيريهان تعمل صحفيه باسم مستعار للتخفي واسمها المستعار هدي ومعها حسن المصور

هدي:معاك الصحفيه هدي ياباشا ودا حسن المصور

صور الباشا صورتين حلوين ياابو علي

فارس:ايه اللي صور وماتصورش هي وكاله من غير بواب كيف تخشي كده امشو اطلعو بره

هدي:ياباشا بس كلمتين بساط نفسي اعمل سبق صحفي

فارس:يلا يا انسه بالسلامة وخدي الاخ ده معاكي

…………….

خرجت بيري من عنده اتفو  انسان رخم وغتت

حسن:انتي جايه مع اغتت شخصيه في الداخلية وتكلميه

بيري

فين ايام الظابط حسام مايتعوضش والله

حسن:هو في زيه دا كان ناقص يقعدنا علي حجره

بيري:كلهم صنف واحد هو عشان كان محتاجنا  ف قضيته انت مش فاكر لولايا ماكنتش خلصت

حسن

مش هترجعي الجريده

بيري:لا اتكل علي الله انت وانا مجرشه هنا حبتين.

……………..

وجلست بيري تفكر ماذا تفعل لتتحدث معه

فوجدت طريقة وانتظرت حتى ينهي عمله ويخرج

خرج فارس لسيارته فوجد فردتين كاوتش على الارض

فارس

يانهار مش باينله ملامح ايه الارف ده على المسا  بقي

فاتت بيري لا حول ولا قوه الا بالله اولاد الحرام ماخلوش لولاد الحلال حاجة معلش ياباشا تلاقي شويه عيال منهم لله بقي اتفضل وانا واوصلك في سكتي

فارس:انتي توصليني وانتي عندك عربية اصلا دا انتي كبيرك عجله

بيري:ليه بس كده ياباشا الغلط

يوضع سره في اضعف خلقه

فارس:شكرا ياسيتي هاخد تاكس

بيري:ودا هتلاقيه فين في الزحمه دي تعالي تعالي مش هشربك حاجة اصفره

فارس:ههه انتي الى هتشربيني هو الحال اتشقلب

بيري اتفضل اتفضل ماتكسفش زي عربيتك واكتر

فارس

ايه دي عربيتك

بيري:اه عربيتي

فارس:انتي اكيد سرقاها

بيري:سرقاها وجايه لحد االقسم بنفسي ببلغ عن نفسي مثلا والله بتاعتي

فارس:هي الصحافه بتكسب اوي كده

لو كده استقيل وتشوفيلي شغله معاكي

بيري

تعالي وبكره تفهم

وركب فارس معها  وحاولت ان تاخذ منه اي معلومه ولكنه لم يبح باي شيء

ووصلو الى فيلته

بيري:ايه ده دا احنا جيران اانا فيلتنا علي اول الشارع

فارس

نعم بلاش فشر بقي دي فيلا اللواء حمدي

بيري:برافو هي دي

فارس:انتي والدتك بتشتغل عندهم

بيري:يادي الغلط هو في ايه يا باشمهندس

فارس:باشمهندس

بيري:اعملك ايه بس انا بنت اللواء حمدي استريحت اديني كشفتلك عن شخصيتي مع ان ماحدش يعرف لاني بشتغل متخفيه باسم تاني

فارس:

وسياده اللواء سايبك كيف كده

بيري:ايه سايبني كده ماشيه احضن وابوس في الناس ولا بقطع في هدمي واشد في شعري

فارس:ماقصدش بس لغتك  مش بنت لوا خالص

بيري

لا دي قصة طويله

فارس:طب معلش الفضول هيقتلني انا اسمع ان له بنت مدارس اجنبي واكادميه

بيري:ماهو انا بس دخلت صحافه واعلام بعدها لاني مجنونه بالصحافه وممكن اعمل اي شيء  وطبعا داد عمره ماهيوافق على اللي بعمله والخطر اللي بتعرض له فماحدش يعرف خالص غير صاحب الجريده دا صاحب داد وانا وصيته مايقولش لحد عشان كده انا بكتب باسم هدي بنت غلبانه

بس اوعي تشكني مهموز عند سياده اللوا ولا تهلفط معاه بالكلام

فارس

لا بعد مهموز وتهلفط دي لايمكن اصدقك

بيري:يادي النصيبه هفهمك وعد الجمايل بقي حسابك تقل

فارس

معلش اصلي غبي وفهمي علي ادي قولي ياام العريف

بيري:انت فاكر قضية الست اللي بتاجر في الاعضاء البشريه القضية الكبيرة دي اللي عملت ضجه

فارس:اه اللي كان حساام ماسكها

بيري:بالظبط كده مش كانو زارعين صحفيه في وسطيهم ويعتبر هي اللي فنيشت القضيه

فارس:اه كان حسام ساعات بيستشيرني فيها القضية دي

بيري:اهو انا بقي الى قعدت شهرين وسطيهم

عاوز واحده مصاحبه عطيات نفخو وسوكه وطماطم بانجو تبقي لغتها ايه دا نسوني الانجلش والفرينش الى بكلمه بس طبعا  الكلام ده بينا ماحدش يعرفه ولا حد عندي يعرفه

دا انا سا عات  اغلط بكلمه قدام مامي تقولي انتي بتاخدي كورسات في لغه جديدة اقولها اه عبري وايراني

فارس:وازاي قعدتي شهرين ولا حد حس بغيابك

داد في الطبيعي مشغول مابشوفوش ومامي نادي وحفلات فقلتلها هسافر شارم  مع اصحابي  اقضي الصيف وكنت بتصل بيها من اكشاك واقولها موبايلي فصل شحن او كنت بره ونسيته

وعدت

المهم ماتجيب امك وتيجو

فارس

امك

بيري

ااقصد طنط  ااصل انهارده عندنا حفله عيد جواز مام وداد ابقي تعالي مع طنط ونكمل كلامنا

فارس:انا كده اكتفيت كلام من مقابله واحده دا انتي جبتيلي كالو في نفوخي ويخرج ويرزع الباب ايه البت دي

بيري:مستنيااك

 

الحلقه التانيه

في فيلا فارس

والدته:ايه يافارس اتاخرت كده ليه

فارس:خير في حاجه

امه:اصل عندنا حفله انهارده مرات اللوا حمدي اتصلت وعزمانا علي حفله عيد جوازهم

فارس:يادي اللوا حمدي وبنته اللي طلعولي في البخت

معلش روحي انتي انا دماغي هتنفجر لو رحت ممكن يجرالي حاجه

والدته

كده يافارس تسيبني اروح لوحدي ريح شويه وخد حبايه صداع وهتقوم كويس

دا بيقولو اللوا حمدي عنده بنت زي العسل

يمكن تعجبك واخطوبهالك

فارس:ابوس ايدك الا دي دا لو كلبه معديه في الشارع هوافق عليها انما دي لا مانتي ماسمعتيش امك دي

والدته:في ايه انت تعرفها  سمعت عنها حاجه

فارس

افتكر انها استامنته علي سرها

لا لااعرفها ولا شوفتها بس انتي عارفه رايي في الجواز انا مش هجيب واحده تخنقني وماجتش ومارحتش وانا شغلي واخد كل وقتي ومرتاح كده

والدته

يابني نفسي افرح بيك قبل مااموت دا انا ماليش غيرك بعد وفاه والدك البيت فضي علينا نفسي اشوفلك عيال يملوه عليا مستخسر فيا يا فارس الامنيه دي

فارس:ماما ارجوكي مش وقته والله جاي تعبان وهلكان سيبيني بقي اخد شاور عشان ابقي اجي معاكي الحفله ولا بلاش اجي

والدته

لا خلاص روح يلا

……………………

في فيلا حمدي

قدم المحتفلين في حديقه الفيلا يهنؤن حمدي وزوجته عقبال 100 سنه ياسعادة الباشا

وجاء فارس ووالدته

فجاءت فتاة ترتدي فستان ضيق ميني جيب اسود شيك جدا وهي بيضاء جميلة  وشعر اسود نصف الظهر باهره الجمال حقا

بيري:هاي طونط

ام فارس:ازيك حبيبتي عامله ايه امال فين سياده اللوا وحرمه

بيري:علي الترابيزه اللي هناك دي واشارت اليها

فذهبت تسلم عليهم

وفارس عينه تجول في الحفله يبحث عن بيري حتى يتفادها ويختفي عن ناظرها

بيري

احست بذلك في حاجه

فارس

لا ابدا اصل في واحده مش عاوزها تشوفني

بيري:طب تعالي ياباشمهندس وانا اخفيك

فنظر اليها باشمهندس انتي مين

بيري

انا بيري عاوز تستخبي مني ماكنش العشم زي القطط تاكل وتنكر دا انا لسه موصلاك من كام ساعة دي اخرتها اخس  ع الرجاله ياجودعان

فارس:انتي بتقلبي في ثانية كده كيف بعد هاي وطونط والاخر معايا انا ياجودعان

بيري:يعني انا في قعده احكيلك قصة حياتي وانت مش هاين عليك تسريبايه واحده

فارس:انسي ياما دا بعيد عن شنبك

بيري تضع يدها علي شنبها ايه ده هو طلع

 

فارس يضرب كف علي كف انا غلطان اني سمعت كلام ماما وجيت

كله من امك هي اللي عزمتها

بيري:تشير يدها امك لا تمام كده العدوي انتشرت

فارس:اشمعنه انتي تقوليلي امك هي امك احسن من امي

 

من بعيد ام فارس وام بيري

والله زي الكتاكيت لايقين علي بعض الولاد ماصدقو شافو بعض مش مبطالين كلام ويقولي معرفهاش

ام بيري:فعلا بيري اول مره تنسجم وتكلم حد دي بتكره الحفلات ومابتحبش تفضل كتير

ام فاارس:ياريت يبقي ليهم نصيب مع بعض

ام بيري:واحنا نلاقي زي فارس بن اللوا عز الدين الله يرحمه دا كان صديق حمدي الروح بالروح حتى لما اشترو الفلل اشتروها في نفس المكان كانت ايام

مش كده ياحمدي

حمدي:وفارس بيفكرني بعز في شبابه وحماسه انا متابع اخباره دايما دا زي ابني

…………………..

بيري:شوف بقي ماهو انا وراك وراك لحد اما اطلع منك بمعلومه في القضية الجديده

فارس:يبقي هتفضلي كده كتير  عشان انا مابكلمش عن شغلي واخلعيني من نفوخك وحلي عني واياك اشوف وشك بس مريتي على المكتب بتاعي والله احبسك

بيري:تصدق انك زي ماقالو ارخم واغتت ظابط

فارس:ماتحترمي نفسك…

احس ان نبره صوته فيها حده فهدا منها والله لو ماكناش في حفله كنت فرجتك شغلك

بيري:حوش حوش والله كنت فرشتلك الملايه

فارس:هتفرشيلي الملايه والله انا شاكك انك بنت اللوا اساسا

بيري:اه اتعلمتها من سوكه كانت بتقولها للواد بوحه اما يرذل عليها

فارس:سوكه وبوحه

والله لو مالميتي نفسك اروح اقول لابوكي

بيري:فارس خلاص بقي دي اخرتها استامنك علي سري والله انت عيل

فارس:بت انا مش عاوز امد ايدي عليكي

بيري:تصدق ان انا الى مش عاوزه اشوف خلقتك تاني دا حسام كان برقبتك وتمشي

فيجذبها من يدها:والله لولا اننا في حفله كان بقي ليا تصرف  تاني

بيري:يامي يامي اخاف واكش من دا الوش

فارس:سوكه بردو كانت بتقولها لبوحه

بيري:لا دي بانجو كانت بتقولها لتوحه

فارس:يخربيت اصحابك كلهم شهرين ينسوكي لغتك دا انتي كارثة امشي امشي من قدامي مش عاوز اشوفك تاني وانا هدور علي فيلا في المريخ عشان ماشوفش خيالك حتي

بيري:ياسلام مانا كنت ماشيه انا من الاول ولا هي تماحيك بس

يضع يده علي وجهه بعصبيه ويقول خليك بارد انا كده اكتفيت من يوم واحد معاكي انا ماشي وبلغي امي اني مشبت

بيري:ماتروح تبلغها انت وانا كنت السكرتاريه بتاعتك ولا علي رجليك نقش الحنه هه دي بقي بتاعه نفخو

فيمشي مسرعا لوالدته يسلم علي اللواء حمدي وحرمه

حمدي

اي حاجة يافارس محتاجها تكلمني فورا انا متابعك علي فكرة واعتبرني والدك انت عارف كنا اخين انا والمرحوم والدك

فارس اكيد طبعا ياسياده اللوا

حمدي:بيري وينادي عليها

طبعا اتعرفت ببنتي

فارس:اه الحمد لله

وبستاذنك امشي عشان مصدع شويه

امه:دي بيري عسوله خالص

بيري برقه غير معهوده

ميرسي يا طونط

فيستغرب الصوت ده طلع منين وينظر اليها ويميل امك هاا

ويستاذن ويمشي

 

 

الحلقه التالته

ف مدريه الامن

سياده اللوا:ايه يافارس شكلي بقي وحش قدام الوزارة كده  مافيش تقدم خالص في القضية يعني فريده دي مش لاقيلها مدخل احنا عاوزين حد عادي يدخل الفيلا ويزرع اجهزة التسجيل وجايبين اذن النيابه وكل شيء تمام

فارس

ماهو المشكلة في كاميرات لو حد دخل هنتكشف لازم حد يدخل  كزائر يعني

سيب الموضوع ده عليا تقريبا لقيته

…………………………

ف اليوم التالي

تخرج بيري من فيلتها فتجد من يخطفها من يدها تحت شجره

بيري:ايه ده تحت الشجره ياوهيبه استني كده اما اشوف البرتقال  دا حب من اول نظره بقي ولا ايه

وتلاقيك قعدت تعد النجوم نجمه نجمه اوعي تكون نسيت الكواكب

فارس:خلاص بطلتي سخافات

بيري:انا سخيفه يارذل

فارس:هبلعهالك المره دي ماهي الحوجه مره

تعالي ورايا بعربيتك عشان مانلفتش الانظار ونتقابل في مطعم اللؤلؤه

……………….

ف مطعم الؤلؤه

فارس:اسمعي كويس اللي هقوله

تعرفي فريده كاظم

بيري:اكيد طبعا دي اشهر من نار علي علم حد مايعرفهاش

فارس:تماام

انا عوزك تخشي فيلتها وتزرعي اجهزة تصنت فيها

بيري:وادخلها كيف دي

فارس

هقولك

بما انك صحافه هتاخدي معاد وتروحي تعملي ريبورتاج معاها عن الموضه والازياء وكده بما انها اشهر بيوتي ازياء

بيري:رقبتي غالي والطلب رخيص

بس ابجني تجدني

فارس:ايه ده عاوزه فلوس

بيري:لا ياحبيبي ارسي على الدور وتفاصيل القضية واوعدك كله سر في بير لحد ماتنتهي التحقيقات بس يبقي ليا السبق الصحقي

فارس:انتهازيه

بيري:اسم الله ياواد امال انت مش رجعتلي عشان مصلحتك عيش وخلي اللي حواليك يعيشو

فارس:تصدقي اني هعملك DNAعشان اتاكد انك بنت اللوا اكيد جابك من علي باب جامع

بصي ياسيتي في عصابه مخدرات وشاكين ان فريده واخده البيوتي سنتر والازياء ستار لها

ومش عارفين نمسك حاجة عليهم واحنا بعيد فعاوزين نسجلها يمكن نعرف حاجه

بيري:يابنت الايه وانا اقول الغناء الفاحش ده معقول من الازياء والبيوتي سنتر

خلاص انا راشقه في السبوبه دي

فارس:قومي بينا على المعمل احللك انا مش واثق فيكي

بيري:ياعم اقعد بقي خوتني

فارس:المهم في مشكلة انتي حوادث كيف هتبقي في قسم الموضه

بيري:شوف بقي واتعلم

عندي صحبتي في قسم الموضه في مجلة تانيه لان بتاعتنا حوادث وسياسة وكده

هعرف منها ايه الاساله وكده واديها الريبورتاج تنشره عشان لو ماتنشرش هنتفقش

فارس:يابنت الذين ايه الدماغ دي

بيري:ماتلم نفسك ياد ايه بنت اللذين دي وتضرب كتفه

فيضرب كتفها ماتحترمي نفسك ابت ايه ياد دي بلعب معاكي نسيتي نفسك انا المقدم فارس

المهم دلوقت هتعرفي الاساله وتتفقي مع صحبتك وتاخدي معاد منها وتقوليلي هوصلك وخدي السماعات دي تحطيها في ودنك دي حلقه اتصال بينا عشان لو انكشفتي الحقك

بيري:هه شجيع السيما اسم الله انت مفكرني مبتداه داانا قعدت مع العصابه شهرين ولا قدرو يكشفوني

فارس

لهم حق هو باللغه دي حد يكشفك المهم عشان نبقي في الامان دي عصابه محترفه

وايه اللي انتي عملاه ده الكاب اللي مداري نص وشك

بيري:لزوم التنكر امال حد يعرفني ويقول لابويا

فارس

لابويا

انا مش عارف هو ماكشفكيش ازاي

بيري:هو بيشوفني اصلا هو بيجي من هنا وانا افلق من هنا

فارس:والله لننكشف من اول كلمتين

بيري:ماتخافش اعتمد علي الله عدي عليا بس يومها وسيب الباقي عليا بس اشوف صاحبتي واحدد المعاد استبينا

فارس:استبينا وتدارك ماقال

منك لله بوظتي لغتي دا انا اللي مع مجرمين لغتي ماوصلتش للحضيض كده

………….

وفعلا  ذهبت بيري لصديقتها تسالها علي الاساله ووعدتها بنشره كخدمه دون ابداء اسباب الاانها صديقه والدتها وتريد ان تهدي لها هذا الريبورتاج

واتصلت بيري بفريده وحددت معاد في الفيلا

واخبرت بيري فارس بالموعد

 

 

 

الحلقه الرابعه

جاء يوم الريبورتاج انتظرها ليوصلها

طلعت من الفيلا ترتدي جيب قصير ضيق ميني جيب وبادي وعليه جاكت قصير وشعرها سايب حتى لا يلاحظ احد السماعات

ودخلت بجانبه في السيارة فصفر

بيري:مش قلتلك هشرفك انت لسه شوفت حاجه

فارس

انا مش قلقان من كده انا قلقان من الكلام

بيري:طب اسمع بقي واتعلم

فارس:معلم ومنك بنتعلم

واوصلها قبل الفيلا حتى لا يراهم احد وركن بالقرب من الفيلا ليسمع الحديث بينهما

دخلت بيري الفيلا فقدمت الخادمه

تفضلي انسه  ف الصالون وتركتها

بيري وكانها تتفرج علي الفيلا وتزرع الاجهزة في الترابيزات حتى لا تصورها الكاميرات

وعندما قدمت فريده

فريده:ايه الجمال ده كله

بيري:واحنا نيجي في جمال وشياكه واناقه حضرتك حاجة دا احنا بنتعلم من حضرتك

فريده:ميرسي على الكومبيليمو

بيري:لا والله مش كومبيليمو دا حضرتك اشهر فاشونيست في العالم

وبدات تسال عن بدايات فريده ورحلتها لتصبح هكذا

وبعد الانتهاء

بيري:ميرسي لوقت حضرتك

وذهبت من عندها  وبعدت عن الفيلا لتجد فارس فتضرب معه كف دليل تمام العملية بنجاح

فارس:ايه الحلاوه دي ماتجيبي بوسه

بيري:لا لا طقم الحنيه ده ماياكولش معايا احبوش

انا واخده علي رزالتك

فارس

طب يلا اوصلك وهم يسجلو بقي اي حاجة مهمه يبلغوني

………………..

في فيلا فارس

امه:انت ايه حكايتك مع بيري ناس كتير شافوكو سوا لو عاوز اخطوبهالك نخطبها بس ماتحرجنيش مع حمدي  يقول بتتسلي ببنته

فارس:والله مافي حاجة بينا دا شغل ويتوقف فلن يستطيع ان يكشف مابينهم من شغل فهي اسرار عمل

امه:انا مش عاجبني حالك يافارس

………………

في فيلا حمدي

امها

بيري انتي ايه حكايتك مع فارس ناس كتير بتسالني شافوكو سوا ويسالو اتخطبتو وانا بقيت محرجه

بيري:بس احنا مافيش بينا حاجة مجرد صداقه عاديه

امها:انا زهقت منك انتي مش ناويه تجوزي غيرك بقي معاه طفلين وانتي مش عارفه ايه حكايتك وبتعملي ايه وزهقت منك

……………………..

اتصلت بيري بفارس:ايه الاخبار اكتشفتو حاجه

فارس

لا لسه هم بيحاسبو اوي في كل كلمه بس منتظرين اكيد هيقعو

وعملتي ايه في الريبورتاح

بيري:بعته لصحبتي

فارس:مالك صوتك مش مريحني

فتبكي باكي:مافيش مخنوقه شويه

فارس:طب قابليني دلوقت

بيري:مش هينفع

فارس:قلتلك حالا هستناكي في العربية جمب الفيلا

فنزلت باكي اليه

فارس:في ايه مالك اول مره اشوفك كده

بيري:مامي اول مره تتعصب عليا كده

فارس:ليه حصل ايه

بيري:مافيش يافارس بقي ما تضغطش عليا

فارس:وانا مش ماشي الا اما اعرف

بيري:ناس شافونا مع بعض كذا مره ومامي شاكه ان في حاجة بينا انا طبعا مش هقدر اقولها الحقيقة واستحملت الافوره بتاعتها واللي عملته فيا

فارس:نفس اللي حصل معايا بردو ماما قالتلي نفس الكلام

بيري:طب وبعدين كده مش هنقدر نتقابل وانا هتابع كيف انا زهقت من تفكيرهم العقيم ده مافيش في دماغهم الا الحب والجواز

فارس:لو هيريحهم نتخطب علي ماالقضية تخلص ويبقي اتقابلنا او رحنا او جينا ماحدش هيشك في حاجة وبعدها نفسخ الخطوبه

بيري:انت بتقول ايه ماينفعش طبعا

فارس:ياسيتي دي خطوبة انا اصلا رافض فكرة الجواز نهاءي بس عشان الشغل اللي بينا يمكن احتاجك تاني نبقي في الامان

بيري:خلاص لو جت على الخطوبة ماشي عشان ماحدش يكلم معانا تاني وبعد العملية نفشكل

فارس:استبينا

بيري:هه استبينا لا نبيه وبتحفظ بسرعه

فارس:دا انتي بوظتيلي ام اللغه بتاعتي خالص  شهر كمان معاكي وهبقي ولا نفخو نفسها

 

 

الحلقه الخامسه

في الفيلا

فارس:خلاص ياسيني روحي اخطبي بيري

والدته:اخيرا هكلم والدتها حالا

وفعلا اخدت موعد وذهبت مع فارس

…………

فارس:يسعدني ويشرفني ياعمي اني اخطب بيري

حمدي:داانت ابني يافارس وانا هلاقي زيك فين دا انا مربيك وعارف اخلاقك

وفعلا تمت الخطبة في حديقه الفيلا

…………………..

 

استمع فارس للتسجيلات وعلم ان بضاعتهم تاتي عن طريق ميناء البحر الاحمر  وده عن طريق فرعهم في الغردقه

فلابد من مراقبه هذا الفرع لان لم تكشف التسجيلات عن معاد تسلم البضاعه

ولا بد ان يسافر  فارس لهذا الفرع

اتصل ببيري

فارس:ايوه يابيري قابليني في  جنينه الفيلا  حالا

نزلت بيري فورا لتجد فارس

بيري:في ايه خضيتني

فارس:عرفنا ان فرعهم في الغردقه بيستلم البضاعه عن طريق ميناء البحر الاحمر

فطبعا شددنا الحراسه علي مواني البحر الاحمر واي بضاعه داخله لفرع الشركة نعرف بيها ولازم اروح اتابع

بيري:طب وانا رجلي علي رجلك

فارس

انتي بتستهبلي انتي تقعدي هنا واياكي تتحركي  من مكانك علي ماجي

بيري:احنا فينا من النداله دي خدت غرضك وخلعت

فارس:ايه الاوفر ده محسساني عشمتك بالجواز وخلعت

بيري:طب نضرب ورقتين عرفي واطلع معاك

فارس:انتي ضربتي الصحافه جنتك ولحست مخك اخرها اضرب عرفي

استهدي بالله واقعدي وانا هبقي احكيلك

بيري:ماشي يافارس اما وريتك وتركته وذهبت

فامسك بها:يابنت الحلال انامش طالع العب انا ممكن مارجعش اصلا احنا شايلين روحنا علي كفنا انا لوحدي خفيف لكن معاكي هتعوقي حركتي وهتبقي حمل عليا وممكن يهددوني بيكي

عشان خاطري اصبري اما ارجع هتبقي اول واحده اقولها

 

………………………….

وذهب يحضر شنطته ليسافر تاني يوم

وهي جهزت شنطتها وقالت لوالدتها هتطلع يومين شارم مع اصحابها

واخذت شنطتها وركبت سيارتها وانتظرت بعيدا عن فيلته وهي ترتدي نظاره وتتلفع بشال يخفي وجهها

وعندما خرج ومشي بسيارته ادارت المحرك وتبعته حتى وصل الى اوتيل بالغردقه فانتظرت حتى صعد واتت حجزت غرفه لها  وصعدت لغرفتها لتضع ملابسها وتنزل مره اخري لتراقبه اين يتجه

وفعلا ذهبت وراءه وركنت بعيد عنه وهو ركن قريبا من الشركة يشاهد من يخرج ومن يدخل

وهي من بعيد معها منظار تشاهد به حتى لمحت بعض البودي جاردات في جهه يغفل عنها فارس ولا يراها وقد شاهدو سيارته وبدوا في الاتجاه اليه ففتحت باب سيارتها وانطلقته اليه وفتحت باب سبارته وارتمت في حضنه تقبله

بيري:بوسني بسرعه

فشاهد البودي جاردات هذا فرجعو حيث كانو وادرك فارس ماحدث حينما شاهد عودتهم بعد اقترابه فقامت  وجلست بجانبه دور وامشي حالا لانهم لاحظوك ووصلني لعربيتي  ونتقابل في اوضتي رقم 505

وفعلا حدث ذلك وصلها وطلع حجرته وطلعت حجرتها ثم اتصل وصلتي اوضتك

بيري:اه تعالي وخلي بالك يبقي الكوريدور خالي

ماحدش يشوفك

فتحت الباب بعض الشيء حتى يدخل مسرعا

وخرجت وراءه تنظر هناوهناك

فارس:خشي يا كرومبو

انتي ايه اللي جابك ورايا

مش قلتلك تقعدي في بيتكو هو مافيش سمع كلام يعني

بيري:بعد اللي عملتهولك وبتتخانق معايا مش كفايه كنت هتنكشف  ولحقتك

فارس:ياسلام جايب البودي جارد بتاعي بيري هانم تغطيني لو اتكشفت انتي اصلا كيف جيتي هنا وعرفتي منين اني هنا

بيري

مانا جايه وراك من ساعة ماخرجت من الفيلا لحد هنا وخدت اوضه بعد ماانت طلعت

فارس يضرب الحيطه انتي مش ممكن مجنونه مهووسه انا مش جاي ادادي في اطفال هنا دا شغلي ويصيح فيها

بيري تبكي

الحق عليا خوفت تتكشف فعملت كده كان ممكن افضل اراقبك ومش هتحس بيا

احس فارس انه كان قاسي عليها

فمسح دموعها والله انا خايف عليكي دي ناس مابترحمش لو وقعتي في ايديهم مش هيرحموكي

 

 

الحلقه السادسة والاخيره

 

فارس

بصي بقي انتي ترجعي  بيتكو ولا من شاف ولا من دري قبل ما يكتشفونا وانا هتابع معاكي

بيري:انسي انا مش ماشيه من هنا

فارس:ماتنرفزنيش واسمعي الكلام بدل ما اشيلك هيلا بيلا واحطك في عربية وابعت معاكي حارس

بيري:وانت مالك بيا انا جايه اريح اعصابي يومين هنا

فارس:تصدقي انتي خانقه وانا زهقت ومش لاقيلك حل مش عارف اعمل معاكي ايه جننتيني

كده انا مش عارف اركز في شغلي ولا معاكي

بيري:وانت شاغل بالك بيا ليه

فارس:عشان ممكن يعرفو انك خطيبتي ويهددوني بيكي

بيري:ماتخافش وتكبر الموضوع ريح الجمجمه

فارس:يارب ارحمني

…………………….

ف الشركه

البودي جارد:كان في واحد واقف حسيناه بيراقب الشركة وجت واحده باسته فتراجعنا تاني بس صورناهم

فريده:وريني كده

الصورة مش واضحه بس ملامح البنت دي مش غريبة عليا بس مش متذكراها

………………

فارس:فريده هنا حاولي تختفي لو شافتك هتكشفنا

بيري:مانت عارف لما بتنكر بيبقي شكلي غير اللي روحتلها بيه

فارس:انتي مافيش فايده فيكي مش هتجبيها البر االا اماتحصل مصيبه

…………………….

ف الشركه

فريده:البنت دي فيها ملامح  من البنت بتاعه الريبورتاج اللي جاتلي الفيلا

البوص:لو زي مابتقولي يبقي انكشفنا وبيراقبونا

اوعي تكوني اكلمتي في بضاعه او تسليم

فريده:لا الحمد لله هم بس عرفو ان الشركة هنا تبع االموضوع عشان كده بيراقبونا واحنا مافيش حاجة بتيجي الشركة البضاعه بتدخل المخازن وتتشون في يومها

بس انا عاوزه تعرفولي هم نازلين فين

وفعلا تمت مراقبه الاوتيلات حتى يعرفون اين بيري وفارس

…………

نزل فارس فلمح  ناس ينظرون اليه فلاحظ ان هناك من يراقبهم فطلع لبيري

فارس:احنا انكشفنا في ناس بيراقبو الاوتيل

 

فارس:اوعي تنزلي تحت  ارجوكي يابيري اسمعي الكلام مره من نفسك

بيري:وانت هتعمل ايه دلوقت

فارس

انا هحاول اتوهم ونشوف اوتيل تاني

بيري

طب اشحن موبيلك وخلبه مفتوح معاك دايما  ولما تهرب منهم قولي على الاوتيل وانا اجيلك فيه

فارس:ربنا يسهل

وفعلا نزل فارس واستمر متواصل معها بالموبيل ويجري منهم في مطاردات وهي تتابع معه حتى سمعت منه اتتو عاوزين ايه واقتادوه الى مكاان  وهو يضع الموبيل في جيب قميصه مفتوح

فارس:انا فين  انت في بطن الجبل ياروح امك وفصل الخط

اتصلت بيري بوالدها

الحقني ياداد فارس خطفوه وانا في الاوتيل خايفه انزل ليخطفوني لانهم مراقبين الاوتيل

طب هاتي العنوان وانا هكلم المسؤلين واجيلك

وفعلا تحدث مع المسؤلين وشرطة الغردقه وجاء والدها:انتي ايه جابك هنا  يلا دلوقت وحسابك بعدين

بيري

انا مش ماشيه الا اما تلاقو فارس

واستجوبتها الشرطة وقصت ماحدث واخر كلمه بطن الجبل

الظابط:يبفي بيخزنو بضاعتهم في بطن الجبل وخدوه هناك

احنا هنعمل تمشيط للجبل كله وان شاء الله نلاقيه

……………..

فريده:البضاعه وصلت واما تتسلم ابقو خلصو عليه

بدات الشرطة التمشيط حتى اتو علي مكان كالكهف في الجبل فراقبوه فتره وعلم العدد الموجود وداهموه ووجدو البضاعه ولكن فارس كان بحالة يرثي لها من كتر الضرب فنقلوه الى المشفي

بيري:حمد الله على السلامة يافارس

فارس:الله يسلمك البركة في البودي جارد تبعي اللي دايما بيلحقني

بيري:يلا عشان نبتدي القضية اللي بعدها

فارس:اعتقيني بقي ولا شكلك ناويه تطولي في الخطوبه

بيري:بفكر

فارس:عشان خاطري ماتفكريش انا بعد اللي حصلي مانفعش لحاجة خالص وهعتزل المهنه عشان خاطرك

بيري:بقي كده طب انا غلطانه كنت سيبتهم يموتوك

فارس:واهون عليكي امال هتقرفي مين غيري مانتي قدري خلاص

بيري:يبقي تلم نفسك معايا ياد احسن لك

فارس:ياد

اخرتها المقدم فارس بقي ياد

بيري:عاجبك ولا مش عجبك

فارس:عاجبني ياسيتي وانا قلت حاجة انا مدغدغ اهو

بيري:انت اللي عضمك طري

فارس:ياواد ياجامد

بيري:ابويا شكله هينفوخني ومستحلفلي لمانروح

فارس:ماتخافيش انا مايرضنيش وهستر عليكي

بيري:تضربه في كتفه تستر عليا ايه ياد

فارس:اه خلاص يامعلم حرمت

انا هجوز جعفر ابن عمتي دي اخرتها يا فارس

وتزوج فارس من بيري ولم يمنعها زواجها من المتابعة في عملها كصحفيه فهي مجنونه صحافه

 

953 views

قصة جنون الصحافه , احيانا نعشق اشياء تبدو لحد الهوس والجنون