يوم السبت 9:41 مساءً 25 يناير 2020
11

قصة حوار حفيدة مع جدتها سنة 2070 اكثر من رائع بنت تكلم جدتها

قصة نقاش فتاة مع جدتها سنة 2050 اكثر من جميل بنت تكلم جدتها

حوار بين بنت و جدتها سنة 2050

الشخصيات حفيدة في سن المراهقة 12 سنوات تجلس مع جدتها 70 سنة

الحوار:

الحفيدة تيتة ميرو ازيك..بقالي زمان ما قعدتش معاكي

الجدة و هو اني عارفة اتلم عليكى خالص.. دة اني قاعدة زهقانة قوي و مش لاقية حاجة تسليني

الحفيدة و ما بتفتحيش الدش لية يا تيته

الجدة التليفزيون بقي ممل خالص ما فيهوش غير 9700 محطة بس!.وانا كمان ما بعرفش اغير المحطات!

الحفيدة و اية الحلاوة دي حلو البادى اللى انتي لابساة ده..بس دة موضة قديمة قوي ياتيتة

الجدة يا بنتى اني ست دقة قديمة و بالبس زي ما جيلنا الصاعد اتعود و حسب التقاليد القديمة بتاعتنا

الحفيدة ايوة بس مش حاسة انك مخنوقة و انتي لابساه؟

الجدة ابدا دة هو دة اللبس المحتشم اللى مفروض الكل يلبسة و يحافظ عليه..فين ايام زمان لما كنا نلبس البادى اللى مبين البطن و الظهر بس، مع البنطلون الاسترتش الجلد …كانت حاجة احدث روشنه

الحفيدة ياة يا تيته.. دة انتوا كان ليكم تقاليد غريبة خالص

الجدة و هو انتي فاكرة ان ايامكم دى ايام يا بنتى ايامكم دى ما يعلم بيها الا ربنا .. فين ايام سنة 2020، هي الواحدة فينا كانت تستجرى تشرب سيجارة البانجو و لا تسحب لها سطر بودرة قدام ابوها طب دة الدنيا كانت تتقلب ساعتها و ما تتعدلش .. امال اية .. كان فيه حاجة اسمها اخلاق

الحفيدة معقول يا تيته للدرجة الفظيعة دي!!؟

الجدة اومال انتي فاكرة اية .. و بعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر و ربع .. و كانوا الستات يلبسوا فوقيها بلوزة باستمرار ..مش زي دلوقتي حسبى الله و نعم الوكيل!

الحفيدة يا خبر .. و اية كمان ياتيته

الجدة ح اقول لك اية و لا اية يعني خدى عندك مثلا .. زمان كنا نسمع الطرب الاصيل لمطربين حقيقيين زي مصطفى قمر و عمرو دياب و بالتاكيد كانت سيدة الغناء “شاكيرا”، و كانت الاغنية مدتها اكثر من دقيقتين متواصلين من الطرب الاصيل و الموسيقي الهادية الراسية اللى تعمر النافوخ بصحيح كانوا مطربين روشين و احدث طحن، حسبى الله و نعم الوكيل!

الحفيدة هية يا تيته.. و بعدين

الجدة اجمل ايام بقي كانت ايام الدراسة ، الفصل كان على ايامنا رايق و عدد التلاميذ فيه ما يزيدش عن ستين سبعين تلميذة ، و كنا ساعتها بنعرف نفهم الدرس كويس مش زي دلوقتي، و كانت الشوارع ايامها فاضية يعني كانت اشارة المرور تقعد ساعة الا ربع بس لان مصر كلها كان تعدادها 80 مليون مش اكثر، تخيلى بقي الروقان اللى كنا فيه حسبى الله و نعم الوكيل!

الحفيدة 70 مليون بس؟!!

الجدة امال اية .. عشان كدة كانت كل حاجة رخيصة ، يعني مثلا كيلو اللحمة يوم ما يضربة الدم كان يبقي بخمسين جنية او ستين جنيه، و كان اتخن جوز جزمة ب 250 جنيه، و كان الواحد يقدر يشترى شقة تمليك ب 250 الف جنية بس..وكان الدولار بخمسة جنية بس تخيلى بقى؟

الحفيدة ما هو علشان كدة الجواز على ايامكم كان سهل خالص، احنا بقي خلصنا من العقد دي..

الجدة امال اية .. دة احنا الواحدة مننا كانت بمجرد ما توصل سن 17 سنة تبتدى تفكر في الجواز العرفي على طول، و ما كانش عندنا الافكار الغريبة اللى بتعملوها دلوقتي، اني شخصيا شايفة ان دة اوفر شوية ، دة احنا يا بنتى على ايامنا كان لا ممكن البنت تتاخر برة البيت عن الساعة اتنين صباحا، طب دة باباها كان يمكن ساعتها يخاصمها

الحفيدة ياي دة انتوا كنتوا متزمتين خالص ياتيتة !!

الجدة يا بنتى احنا اتربينا على الاخلاق و الفضيلة و العادات و التقاليد . يعني كان اهل الفن محتشمين جدا جدا و كانوا دايما يطلعوا بالمايوهات البيكيني، و المذيعات كانوا يقعدوا جنب الضيف مش على ركبتة زي دلوقتي.. هي ى ى ى ة الله يرحم دى ايام.. فكرتينى بالذى مضي حسبى الله و نعم الوكيل!

(تمسك الجدة بتليفون محمول في حجم علبة الكبريت)

الحفيدة ح تكلمى مين يا تيته

الجدة الحقيقة اني كنت موصية الجزار على اتنين كيلو لحمة و اديتة 600 دولار عربون و عايزة اطلبة اشوف اذا كانت اللحمة و صلت و لا لا ..

الحفيدة تضغط الريموت كنترول لنري شاشة كبار بطول و عرض حائط الغرفة ، و تخرج صوت مذيعة مصحوبا بلقطات للانباء تقول:

المذيعة هاى شلة اليكم عناوين الاخبار

– امريكا ترصد 25 مليار دولار لراس تامر بن محمد بن اسامة بن لادن المتهم الاول في تفجير قصر السفير الامريكي في افغانستان

– و اشنطن تتهم ليبيا بتفجير سفينة فضاء فوق كوكب المريخ

– و زير الاقتصاد د. فريد يوسف بطرس غالى يصرح: اعدام الفقراء هو الحل لخروجنا من عنق الزجاجه

– موافقة مجلس الشعب اخيرا على خصخصة معبدالكرنك

(اخبار عربية

– زهوة ياسر عرفات تطالب بانسحاب اسرائيل حتى حدود عام 2030، و اعلان الدولة الفلسطينية في ما يو المقبل

– سيريلانكا و الفلبين تطرد خمسة الاف خادمة كويتيه

– اسرائيل ترفض الانسحاب من البصرة الا بعد ضمان امن مستوطناتها في بغداد

(اخبار الفن

– زفاف المطربة صباح على حفيد الفنان الراحل راغب علامه

– رئيس قطاع الانتاج لم يستقر بعد على بطلة فوازير رمضان و يعقد اجتماع مع السيدة توتى محمد صفوت الشريف و زيرة الاعلام الحديثة لمناقشة هذه القضيه

– الفنان محمد هنيدى يهاجم نجوم الكوميديا الجدد

المذيعة فينيش باي

الجدة لا بقي حسبى الله و نعم الوكيل فيكم فعلا!

(يغمي عليها)

الحفيدة

تيته..تيتة تيتاا اا ااه!!

منقوول من بريدي

ودمتم في رعاية الله و حفظه:rose::rose::rose:

1٬059 views