7:53 مساءً 17 فبراير، 2019

نسايم حب قصة قطرية في قمة الروعة

نسايم حب قصه قطريه في قمه الروعه

الكاتبه تحفه فنيه -

 

الجزء الاول

اليوم طاف على موت امى عفراء الله يرحمها اسبوع .



هى صدق كانت مشلوله و لا تتحرك من سريرها بس و الله كانت مسويه للبيت حس و الاهم انها كانت كل اهلى و بعد موتها حسيت صدق انى تيتمت يمكن انا اكثر و حده حسيت بفراقها و الايام الجايه بيزيد احساسى بذا الشيء بس لازم ما ابين لحد ضعفى او خوفى من المستقبل و خاصه العيال لازم اتم في عيونهم الجبل اللى ما يقدر شيء يهزه و الحمد لله .



الله قدرنى الى ذا الحين انا مسيطر على الوضع .



و تقريبا كل شيء رجع مثل ما كان خاصه بعد ما سافر حمد جعلنى فداه الامارات حق الكليه العسكريه

و ارجعوا البنات يدومون عفارى في الجامعه و الريم في المدرسه .



مسكينه الريم كان عيد ميلادها من ثلاث ايام و لا احد حتى بارك لها صار لها شهرين و هى تحن تبى تحتفل بالسويت سكستين مثل الاجانب .



الاخت و اجد تشوف افلام اجنبيه صدق انى كنت معترضه على ذا الشيء و لا احب احتفل بذا الاعياد بس و الله اكسرت خاطرى عشان كذا لازم اجيب لها هديه .

سونيا و هى تطق الباب ما ما ما ما فهده

فهده بعد ما صغرت شاشه الورد اللى تكتب فيها مذكراتها و روحت تفتح لها الباب قالت: خير يا طير و ش تبين



تونى طالعه منس

سونيا ما ما شمله في تحت يبى انتى .

فهده من اسمعت ان جمله جات راحت لها ركيض جمله بنت خال فهده و الوحيده من اهل امها اللى في قطر بحكم انها متزوجه قطرى عشان كذا هم كانوا و اجد قراب من بعض

جمله و هى تلم فهده عظم الله اجرس في ام جابر

فهده و هى تلم عليها هى بعد اجرانا و جرس .



الحمد لله على السلامه .



متي رجعتي

جمله و هى تفك فهده و تروح عشان تقعد على الكرسى و يدها في يد فهده تجرها عشان تقعد معها الله يسلمس رجعنا البارح فليل و الله يا فهيده انى ما دريت الا البارح الصبح عن ام جابر و لا كان جيتس و لا خليتس بالحالس في ذا الوقت

فهده و هى تاخذ نفس عميق و تحاول انها تخفى دموعها قالت مسموحه جعلنى قبلس و لفت تشوف باب غرفه ام جابر اللى بابها في و سط الصاله و هى تبكى و قالت البيت كله لها الله يرحمها كنت اقضى طول اليوم معها ذا الحين احس انى ضايقه و لفت تشوف جمله و كملت هذا و هى ما طاف عليها الا اسبوع اجل ما درى و ش بسوى بعد شهر؟

جمله و هى تحاول توسى فهده قالت الله يرحمها ترحمى لها الله ريحها من اللى كانت فيه و لا من كان يصدق ان ام جابر القويه اللى ما كان حد يقدر عليها تطيح ذا الطيحه و تصبر عليها سبع سنين



و يوم شافت فهده ارفعت راسها تشوفها و الدموع تزيد في عينها استلامت فيها و قالت اسمحيلى ما كن قصدى اذكرس بشيء .



الله يرحمهم كلهم

فهده و هى تمسح دموعها اللى ما تسمح لحد يشوفها غير جمله قالت لها ليه من قال لس انى نسيت عشان تذكرينى



ما با احد ينسي اهله و حتى اذا نسيت الدنيا لازم بتذكرنى بهم الى جارت على .

اقطعتها جمله و قالت الله يسامحس ليه تقولين كذا ان شاء الله ما تنضامين و انا موجوده .



و لا انا ما ينشد فينى الظهر

ابتسمت فهده غصب عليها لجمله و قالت جعلنى ما ابكيس ما تقصرين بس انتى تدرين بالحال .



انا ذا الحين صرت بالحالى مسئوله عن البيت و العيال هم يتامي و لا لهم حد غيرى و عمهم خالد الله خير ما فيه خير لعياله و امرته عشان يصير فيه خير لنا غير ما شفناه الا ثلاثه ايام العزاء و عقبها اختفي عند امرته الثانيه .

جمله باستغراب الله يهديس يا فهده صلا انتى اللى شله البيت و كل شيء على ظهرس من سبع سنين و لا ام جابر الله يرحمها لا تروح و لا تجى و بعدين ناصر وين راح اشوفس ما جبتى طاريه مع انه ساكن معكم في نفس البيت



صدق في ملحق بري الفله بس في نفس البيت يعنى وقت اللى تحتاجونه بتلقونه

فهده و هى تكرمش بوجهها قالت الله يخليس عاد الى طريتى الرجاجيل تطرين نويصر هذا ازين ما فيه اسمه و خساره فيه بعد

جمله و هى تهز راسها قالت الله يقطع عدوس ليه تتحاكين عليه كذا كنه اصغر عيالس ما كانه رجال

فهده و هى تاخذ الدله عشان تقهوى جمله قالت عشان تغير الموضوع جمله و ش اخبار عرس اخوس

جمله اللى افهمت حركت فهده قالت لها و هى تبتسم باستهزاء يا دفع البلاء يا فهده انتى الى ذا الحين شاله عليه في قلبس



هو صدق غلط بس بعد خذ جزائه و جابر و ابوه الله يرحمهم ما قصروا فيه و لا تنسين انه كان بزر يوم سوي كذا .

اقطعتها فهده و قالت ثمان تعشر سنه ما هب بزر .



غير رجال و ش كبره



و على العموم انا ما عاد ذا السالفه تهمنى و لا هو يهمنى و اصلا طول ذا السبع سنين و حنا كلن منا في حاله صدق هو ما قصر مع حمد و لا خواته في شيء يبونه .



بس عمرنا ما كان بينا اي حكى غير في النادر و يكون شيء عن البزران بعد لان ام شيخه الله يرحمها هى اللى تتحاكا معه في كل شيء اما ذا الحين دامه مع عيال اخوه صلاح ما نبى منه شيء ثانى لكن انا عمرى ما طلبت منه شيء و لا نزلت راسى له في شيء الحمد لله تقاعد ابوى مكفينى .



الله لا يحوجنى له .

جمله قعدت عند فهده الى ان جات حزت طلعت البزران من المدارس راحت جمله تجيب عيالها من المدرسه و فهده اخذت سونيا و راحت مع الدريول تجيب ريم من المدرسه

ريم اول ما اركبت السياره .

فهده عليكم السلام اعلومس ام العلوم

ريم اللى لفت تشوف فهده علوم الخير تبين الموجز و لا الاخبار

فهده و هى تهز راسها لاذا و لاذا .



امزح معس .



انتى صدقتى انى بقعد اسمعس

ريم بعد ما اسمعت كلام فهده ابتسمت ابتسامه نصر لانه تحب تطفر بها .



و قالت عفارى متى بتج انا ما اقدر انطر ميته من الجوع

فهده قالت لها بدون ما تلف عليها مدرى تقول عندها شغل و بتتاخر تبى تروح المكتبه تجمع مراجع .



و تقول انها متفقه مع عمها يمر عليها فهده كان و دها تقول عمت عينه بس هى ما تحب تتكلم على عمهم قدامهم و تخرب صورته عندهم .



و قالت لريم بعد ما تذكرت انها تبى تشترى لها هديه ريم اسمعى بما ان اليوم الاربعاء و باكر اجازه و ش رايس نروح انا و انتى و عفارى السوق

ريم ردت بسرعه لا اليوم ما اقدر عمى مواعدنى انا و مريوم بيودينا مكان مفاجاه

قالت لها فهده بعصبيه و من بشوره بتروحن

ريم بعند بشور عمى اظن انه رجال البيت

اسكتت فهده عشان تنهى النقاش.

و لفت الصوب الثانى و هى تقول في خاطرها جعله فقيدت الرجاجيل .



و اول ما ادخلوا البيت شافوا سياره ناصر و اقفه في الاطبيله فهده خافت انه يكون نسي يجيب عفراء من الجامعه نست انها متهاوشه مع ريم لفت عليها و قالت روحى بسرعه لعمس شوفيه متى بيجيب عفارى



لا يكون نساها

ريم اللى كانت تبى تحسن الجو بينها و بين فهده انزلت من السياره و راحت سيده لملحق عمها اللى عايش فيه من عشر سنين و هو عباره عن غرفه و حمام و صاله صغيره في طرف الحوش و طقت الباب عليه و هى تشوف فهده اللى و اقفه على الباب حق الصاله تنطرها .

ناصر اللى كان توه داخل و يبدل ثيابه استغرب من الطق على الباب و راح بسرعه عشان يفتح الباب خاف ان حد من اهل البيت فيه شيء .



اول ما شاف ريم و اقفه على باب الملحق و هى بعباتها و شنطتها في يدها ابتسم لها و قال حى و الله ذا العين و سكت يوم واجهته ريم و هى ترد له الابتسامه و قالت الله يحيك و يبقيك يا زين شباب قطر كلهم و الله لمها ناصر من كتوفها و هو يقول حياس ادخلى في البراد عن ذا القوايل .



بس ريم امسكت يده و هى تشر باليد الثانيه على فهده و قالت له عمى .



خالتى تحاتى عفارى و تقول لا تنسي تجيبها .



ناصر رفع عينه يشوف مكان ما اشرت ريم شاف فهده و اقفه قدام باب الصاله و يوم شافته يشوفها ادخلت البيت بسرعه .



نزل عينه على ريم و قال لها قولى لها انا ما انسي شيء عفراء جبتها و قدها في دارها .



و كمل يوم شاف الطباخ جايب له الغدا ريمى ادخلى تغدى معى ريم قالت و هى توخر عن طريق الطباخ اللى يبى يدخل الصينيه ان شاء الله بس بروح اقول لخالتى عن عفارى و ببدل بسرعه و بجى انطرنى لا تتغدا قبل لا اجى و قالت بصوت عالى و هى راحيه للفله عندى لك اخبار عجيبه

ريم و هى قاعده مع ناصر تتغدا تدرى اليوم ادخلت علينا بنت خالك احتياط و قعدت تسولف معى و لما ما شافت عمها اهتم في الموضوع قالت له تدرى عن و يش كنا نسولف نسولف عنك و ابتسمت يوم رفع ناصر راسه و عيونه فيها نظره استغرب و قال عنى انا



ليه و ش كنتوا تقولون عنى

ريم هو ما هب سولف سولف هى كانت مستغبيتنى و تبى تاخذ منى معومات عنك بس انا لعبت في راسها عدل و خليتها تطلع من عندنا و هى تهوجس .

ناصر اللى كان يقرص عينه في ريم قال ليه هى و ش المعلومات اللى كانت تبيها و انتى و ش قلتى لها



ريموه بلا كذب .



تحاكى و قولى الصدق .

ريم و هى تلوى ثمها يمين و يسار قالت الله يطول في عمرك هى كانت تسال اذا انت تقعد معنى و تراعينا و لا حنا ما نشوفك



عاد انا ما رضيت انها تتكلم عليك فقلت لها انك ما انت بمخلى علينا قاصر و انك ما تفارقنا ليل و لا نهار .



ابتسم ناصر و قال مشكوره يا بنت جابر على دفاعس عنى و رجع يكمل غداه بس رجع يرفع راسه بسرعه لريم يسمع كلامها اللى قالته بعد ما ارتاحت من رد فعل عمها على الموضوع و قلت لها بعد انك من حبك فينا تسهر معنا الى ان تنام و يانا خاصه بعد ما سافر حمد .

قطعها ناصر بسرعه انام و ياكم وين ريموا ان متى نمت عندكم

ريم ردت بسرعه عشان تهدى عمها اقصد انا اسهر عندك و انام عندك انت فهمت الحكى بالغلط .

شافها ناصر من فوق الى تحت و هز راسه و رجع ياكل ارتاحت ريم ان عمها صدقها و سكر الموضوع و هى تقول في خاطرها اجل لو تدرى و ش قلت لها بعد و ش بتقول ما هب مهم حتى اذا دريت المهم ان رفوع الخايسه ما توصل اللى تبيه .



و اللى قطع عليها افكاره كان صوت ناصر و هو يقول لها قولى لعفارى و لخالتس ان يبرزون عشان العصر بنطلع كلنا

ريم و هى متشككه قالت بس عمى انت تدرى ان خالتى ما تطلع معنا اذا انت مودينا مكان

قال ناصر لها بحزم بس انا ما هب مخليها في البيت بالحالها و هى ما با احد معها اول تقعد مع امى عفراء ذا الحين ما لها قعده بالحالها اما تروحون كلكم و لا تقعدون كلكم .

ورفع حاجبه بتحدى لها و كمل انتى اختاري

ريم بعياره خالتى الله يخليس لا تخربين الروحه علينا .

فهده بعصبيه و ليه اخرب الروحه عليكم انتوا بنات اخوه روحوا معه انا و ش حاجتى اروح معكم



انا بقعد في البيت مثل كل مره تطلعون فيها مع عمكم .

ريم بضيق بس ذا الحين غير .



ذا الحين ما با حد يقعد معس في البيت و حنا بنتاخر .



و هو يحاتيس

اذا جلستى في البيت بالحالس و .

اقطعتها فهده و قالت و هى مستنكره يحاتينى



لا راعى و اجب و يعرف المعاريف ما في حاجه يحاتينى و لا شيء .



انا كبيره و لا انى بزر عشان يحاتينى .



روحوا انتوا معه لكن انا انسى .



و قامت من الصاله عشان تركب الدرج و تروح غرفتها .



لفت ريم على اختها عفراء اللى و اقفه جنبها بعايتها و هى شوى و تصيح و قالت ذى ما هى بحاله هو يقول يا نروح كلنا و لا ما نروح و هى معيه تروح معه و انا اللى تطيح في راسي

ابتسمت لها عفراء و فصخت عبايتها و قالت لريم اللى تشوفها بحسره و لا تطيح في راسس و لا في رجلس .



انا بقعد مع خالتى و انتى روحى مع عمى و قولى له انى انا عندى ابحاث و اجد بسويها و لا اقدر اروح معكم .



و ان خالتى بتقعد معى .

افرحت ريم بقرار عفراء و اجد و قررت هى بعد انها تستانس بذا الطلعه مع مريوم بنت عمها خالد هى صدق اكبر منها بسنتين بس و اجد متعلقين في بعض و يوم قالت لعمها عن فهده و عفراء عرف ان السبب الحقيقى هو فهده .



اكيد هى اللى عيت و عفارى فديتها هى اللى ضحت عشانها بالطلعه .



يلا ملحوقه ان شاء الله في يوم بوديها بالحالها و بخلى ام اللسانين عن خالتها

اول ما وصلوا بيت خالد دخل ناصر سيارته في الحوش و سوي هرن لمريم بنت اخوه عشان تطلع لهم بس اللى طلع كان حمد ولد خالد الكبير و راح لدريشه ناصر اللى نزلها اول ما شاف حمد جايه و قال حمد و هو يحط يده على الباب حق السياره و يفتحه يا مرحبا.

يا مرحبا حى الله ابو حمد .



اقلط .



اقلط المجلس .

ناصر و المرحب باقى غير ما هب جاى اقعد معك ابى فرقا و جهك .



طول اليوم و انا مقابلك

حمد و هو يسوى نفسه زعلان قال افا ليه كذا يا عمى

ناصر و هو يجر باب السياره عشان يسكره قال لحمد عمت عينك .



جدك انا



كل اللى بينى و بينك اربع سنين يا الجحش

اضحكت ريم على فشيلت ولد عمها و سكتت يوم قال لها حمد ريموه تلايطى قبل انزلس من السياره و اكوفنس بذا العقال .

ناصر رد عليه بسرعه كان في ابوك اللى ما ادرى وينه خير جرب اختك وين

حمد و هو يبتسم قال بتجى و بعدين انت ليه اليوم معصب ما خبر يوم طلعنا من الشركه الظهر فيك شيء مزعلك



و ذا على الشيخه ريم تري انا اضحك معها

ناصر قال و هو يشوف مريم جايه ما فينى شيء المهم انا اليوم ما هب جاى الشركه بعد المغرب انت اذا رحت مر مكتبى بتلقى الفاكس حق البضاعه اللى في الجمارك عطه فتحى خله يخلصه لا تنسي .



يلا مع السلامه

ناصر و هو يوخر عن السياره ان شاء الله .



الله يحفظكم

اركبت ريم السياره و طلع ناصر بهم و اشتغلت الحشره على راسه اول ما اجتمعوا الثنتين .

ناصر اللى كان موديهم عشان يشترى لكل و حده فيهم لابتوب عشان يفكونه من حشرتهم اللى مسوينها له من كم شهر و داهم جرير و خلاهم يختارون اللى يبونه .

ومثل العاده اخذوا نفس الجهاز ثنتينهم و بعد ما خلصوا و داهم محل كمبيوتر عشان ينزل لهم في الاجهزه البرامج اللى يبونها و لا خلصوا الا على الساعه تسع و الاخوات اصروا انه يمر يشترى لهم عشا من الكنتاكى .



و هم مخلصين من كنتاكى و رايحين لبيت خالد عشان ينزلون مريم و كانت الساعه عشر تقريبا .



رن جوال ناصر و كانت المتصله هى عفراء .

ناصر بتعب هلا و الله بالغلا عفاري

عفراء بصوت مخنوق عمي

ناصر تخرع من صوت عفراء و خاف .



قال لها عفور و ش فيس و ش يعورس

عفراء و هى تحاول تسيطر على نفسها عمى لا تخاف جعلنى قبلك ما فينى شيء .



بس انتوا بتتاخرون بعد

ناصر قال بحده عفور لا تلعبين في اعصابى و ش فيس صوتس تبكين



خالتس فيها شيء

عفراء من اسمعت عمها يسالها عن خالتها اذا فيها شيء قامت تبكى و لا قدرت تمسك نفسها اكثر قالت عمى الله يخليك تعال بسرعه لا تتاخر.

ناصر من سمع عفراء عرف ان فهده اكيد فيها شيءغير طريقه عن بيت خالد لطريق البيت و قال لها دقيقتين و انا عندكم

ناصر اول ما فتح باب الصاله حقت الفله شاف عفراء قاعده فيها تبكى بس اول ما ارفعت عينها و شفت عمها قامت تخب له و هى تقول لناصر اللى تم و اقف قدام الباب و هو ما سكه بيده بعد ما لوت عليه عمي

لمها ناصر و هو يقول بحزم فهده و ش فيها

ارفعت عفراء راسها لعمها و قالت و عيونها كلها دموع عمى حنا كنا قاعدين نتعشي .



ادخلوا علينا فجاه مرت خالك و بنتها هادين رحبنا فيهم و قلطناهم في المجلس .



بس هم كانوا معصبين ما هب عارفه ليه و خالتى يوم شافتهم معصبين قالت لى اطلع من المجلس بعد ما طلعت سمعتهم قاموا يصارخون و صوتهم كان يوصل وين .



و عقب اطلعوا و طلعت خالتى تخب رايحه لدارها يوم لحقتها لقيتها قافله دارها ناديتها بس ما ردت على بس كنت اسمعها تبكى .



انا خايفه عليها هى الى ذا الحين ما افتحت الباب و لا ترد علي

ناصر اللى كان ما هب قادر يفهم اللى صار حب انه يستوضح السالفه من عفراء و قال زين انتى ما سمعت هم و ش كانوا يقولون

عفراء لفت براسها تشوف ريم و مريم اللى و اقفين و را عمها و رجعت تشوفه اشاره انها ما تقدر تتحاكا قدامهم .



ناصر فهم الاشاره و لف بسرعه على البنات و قال لهم و هو يسويلهم طريق ريم اخذى بنت عمس و روحى شوفى خالتس فوق بسرعه

ريم اللى كانت صدق خايفه على خالتها امسكت يد مريم و ربعت للدرج .



ناصر اول ما شافهم اختفوا من الدرج لف يشوف عفراء و قال قولى و ش قالوا

عفراء و هى تبلع ريقها قالت عمى اسمحلى بس هو كلام ما ينقال .

ناصر اللى بداء يفقد السيطره على اعصابه قال و هو يصر على ضروسه عفور تحاكى و خلصيني

قالت عفراء و هى منحرجه و وجها احمر هم كانوا يقولون لخالتى انها تبى تلعب عليك و تاخذ دراهمك.

و انهاا .

ناصر قال بحده بعد ما سمع الكلام اللى قالته عفراء انها و يش

دنقت عفراء راسها في الارض و قات انهاا .



ام الرجاجيل و سوده وجه و و

قطعها ناصر و قال بس خلاص لا تكملين و لف بسرعه عنها عشان يطلع من الصاله و هو عند الباب لف عليها و قال روحى شوفى خالتس و قعدى معها و قولى لها عمى يقول ان قال له الله ما تباتين مضيومه .



و طلع و سكر الباب و راه .

ارجوكم ابى الردود بسرعه و بصراحه اختكم تحفه فنيه

تري القصه وايد وايد وايد وايد وايد حلوه لا تفوتكم

تحياتى *الحب المجروح**

  • رواية نسائم حب كامله بدون ردود
  • رواية نسائم حب تحفه فنيه
3٬045 views

نسايم حب قصة قطرية في قمة الروعة