يوم الجمعة 5:13 صباحًا 6 ديسمبر 2019

وكابرت بفراقك مع اني تالمت بقلمي كاملة


وكابرت بفراقك مع اني تالمت بقلمي كاملة

ۈگابرت ب فراقگ مع اني تالمت

روايتي الاولى خياليه جريئه

قصه خياليه احداثها واقعيه

تتحدث عن اربع فتيات جمعتهم الظروف ليكونوا

هم اصدقاء الى الابد مع اختلاف طبقاتهم

الا ان ارادة الله شاءت ان تجمعهم رغم الظروف

كل من هؤلاء الفتيات قصه وشخصيه

فهم ابطال قصتي الاول واتمنى ان تحوز

على رضاكم وقبل ان ابدا بقصتي

احببت ان اعطيكم نبذه عن شخصية

كل فتاه منهم وعن ماضيها وحياتها

..

البارت الاول :-

*الجوري *

من طبقه لها مكانتها بالمجتمع اهلها صحيح انهم اغنياء بس

اهم شي عندهم الاعتماد على النفس وسمعتهم وحريصين

على عيالهم ويتمنون انهم مايعتمدون على مركز عايلتهم .

نعومه فيها من الغرور البسيط مع الثقه بالنفس عيونها وساع خشمها طويل ودقيق شفايفها الصغيره المليانه شوي شعرها سايح يوصل لنص ظهرهاجسمها المرسوم وغيربياضها اللي يجذب تعلقت في ولد خالتها وهو اكثر من صغرهم وهو مايرضى عليهايحبها حب جنوني لدرجة ان اخوانها يخافون يجيسونها والسبب هو كبرت البنت وصار لازم تتغطى عنه تغطت عنه وهو انجبر ان يبتعد عنها وصارت بينهم حواجز كبر هو وهي كبرت وصار لكل واحد طريق واشغال الى ماصار عمرها 18

وهو عمره 24 بس السؤال هل مازال حبهم موجود ولا حب طفوله وبيعدي .؟!

.. …..

*افنان *

من طبقه فقيره ولاكن عندها كرامتها بالدنيا امها وابوها انفصلو

حنطيه شعرها طويل يوصل نهاية ظهرها تكره الدلع وماتحب تعتني بنفسها وفوق كل هذا جمالها الغريب اللي يميل للملامح

البدويه الحاده الانف الحاد والحواجب المرسومه وكل شي على طبيعته هي اكبر اخوانها بعدها ولد وبنت صغار عمر الولد 7 سنوات والبنت 9سنوات يعتمدون عليها بكل شي مرحه وتحب الوناسه والضحك دمها خفيف بختصار ضحكتها ماتفارق شفاتها مرجوجه وبعض المواقف تكون عن مئة رجال يوم تشوفونها جايه المدرسه بجزمه وجزمه < من هباليها ^_^

طبعا اعمارهم كلهم نفس بعض لانهم كلهم بنفس السنه السؤال هل بتظهر لها شخصيه ملفته وراح تدخل بقصة حب او وجودها تكمالة عدد بالضحك والوناسه ؟!

..

*لجين*

بنت همها الدراسه والعلم ابوها مات وامها تزوجت رجال ثاني

ملامح هاديه مليئه بالجد بياضها يعكس شخصيتها الهاديه

والنظيفه شعرها اسود قصير الى اكتافها تكره الشعر الطويل

لانها كل ماطولت شعرها ذكروها بامها وهي متعقده

من هذا الجانب ابوها قبل لايموت رك لها ورث هي مالكته الوحيده بس طبعاحياتها كل مشاكل والسبب عمامعا وعيالهم عايشه عن جدتها اللي هي ام ابوها وساكنه معاها عندها مستقبلها بالدنيا حلمهاتكون دكتوره او مهندسه بالمدرسه الكل يسولف ويضحك وهي مندمجه مع المعلمه يعني نقول هي اثقل صديقه بينهم السؤال هل بتحقق حلمها ولا بيجي شي يعيق حلمها

وراح تتحطم كل حياتها ؟!

.. …

*ساره*

نفس طبقة افنان فقيره بس امها وابوها موجودين

بس كبار بالسن لونها قمحي لاهي الحنطيه ولا البيضا

عيونها سودا طويله ومليانه شوي هي الشخصيه الاثقل بعد لجين عايشه ببيئه احسن من افنان لاكن تظل فقيره

حساسه وحنونه وعندها عقده وهي الرجال

بسبب يوم كان عمرها 15 اختطفوها اولاد وهي طالعه من المدرسه واعتدو عليها ورموها بعد ماحرقو قلبها وقلب اهلها

والسبب في اعتداء الاولاد عليها راح تعرفونه من احداث القصه

تحب افلام الذبح والقتل والرعب واجدد الافلام تقول لهم عنها

السؤال تتوقعون مين السبب في اعتداء الاولاد عليها وهي راح

تنسى هذي الحادثه الصعبه اللي مرت عليها ولا عقدتها هالحادثه وصديقاتها يعرفون بقصتها ولا لاء .

البارت الاول (1)

الجوري قومي الساعه 5 ونص كل يوم تتاخرين عن المدرسه

قومي مالي خلق يتصلون علي المدرسه وبنتك وبنتك

الجوري : يماا والله بقوم بس دقايق وتشوفيني

خلصت لبس وكل شي بس تكفين لاتصارخين

احس اذوني بتنصمخ

الام : مافيك الا طوالت لسانك ماشوف هالسان يطلع

بالدراسه شاطره تردين على الاكبر منك

قومي اشوف لاوالله انادي لك اخوك فهد وانتي تعرفي…

الجوري : لا يما كل شي ولا هو والله اقوم

صحصحت الجوري من طاري اخوها اللي مايحب دلعها

الجوري بثالث ثانوي واخر سنه لها وكانها توها باول سنه مطنشه تطنيش بعد الشاور لبست مريولها وع السريع سوت شعرها

كيرلي وتعطرت ولبست ساعتها السبورت ورسمت علينها بالكحل وشفايفها بالقلوس والشنطه

طبعا على ترتيب امس ماتغيرت .!!

وهم جالسين على الفطور نزلت وسلمت على ابوها

وباست راسه ابوها على ان له شخصيه ومكانه الا انه مايرضى

بالغلط ويتمنى النجاح لعياله حتى لو كان مستقبلهم

مضمون يحب يكون كل شي من تعبهم

بعد ماباست راسه

ابو فهد : الجوري ليه هالتاخير عن المدرسه

الجوري : يبا تو الناس مايرحون المدرسه بكير

الا الدافورات و المتفوقات هم اللي يجون قبل المستخدم

فهد بعصبيه : وليه انتي وش ناقصك ماتصيرين نفسهم

كل اللي هامك الموضه والوناسه والاجازه وين تسافرين

لو فيك خير قبل لاتفكرين بالسفر فكري باللي راح تاخذينه

قبل السفر شهادتك نفسي اشوفها من العشر الاوائل

الجوري وهي متضايقه وبنفس الوقت ماتقدر ترد على اخوها :

ان شاءالله السنه هذي غير

فهد: كل سنه نسمع هالكلمه غير وغير

وانتي تصيرين ازفت من السنه اللي قبلها

وانسمع صوت سيارة السايق :طاط طااط

الجوري وهي خلاص ودها تكفخه : جىا السايق

اشوفكم على خير سلام

ابو فهد : فهد انت وش فيك على البنت كل صباح

هالاسطوانه كفايه انا كلمتها وانت تزيد عليها

فهد: يبا بنتك مدلعه ويبغى لها تتادب كفايه دلع

ام فهد: بس ولو وانا امك ماتسوي فيها كذا

شوف شكلها وهي طالعه متضايقه ومتكدره

فهد : خليها تتعلم لمتى وهي كذا يمكن يفيد

وبعدين لاتحاتين كلها دقايق وتصير احسن اعرفها

ماتهتم للكلام اللي كذا يما بنتك اهم شي وناستها

*فهد*

لحظه لحظه ماعرفتكم علي ولا طايرين على الجوري

مالت عليها انا فهد اخوها الكبير اكره دلع البنات الماصخ

عمري 26 داخل على 27 جدي كثيير ابوي يعتمد

علي بالشغل يعني ايده اليمنى امم ايش بعد

ايو يقولون اني حلو ومزيون بس هذا مايهمني

الرجال رجال بافعاله امي تزن علي تزوج وانا مافكر

فيه بلا زواج بلا هم وبطيخ وو ايش كمان بس

.. …..

نزل تركي وهو توه صاحي من النوم وشكله مبهذل

والنوم فعيونه واللي يشوفه يشك انه حتى غسل وجهه

تركي : صباح الخير وسحب له كرسي وجلس

ابو فهد: انت ماتقولي متى راح تشتغل وتمسك لك

وظيفه بالشركه او تدخل جامعه مو حلوه قعدتك بالبيت

وجودك بالبيت من غير شغله مو عدله بحقك

تركي: يبا البركه فيك انا بوسع صدري وبعدين الشغل مافكر فيه والجامعه هنا الاقسام ماتعجبني ابغى ادرس برى

واحد من اخوياي بيدرس برى وانا ابغى اروح معه ادرس

فهد :لاوالله تصدق تنفع لك الدراسه برى تكفى لاتروح

اخاف اذا رحت هناك تصير دكتور او مهندس كبير بالسعوديه

تركي : لو سمحت خل نصايحك و مسخرتك لك

ام فهد :عيب ياولدي احترم اخوك الكبير

ابو فهد : لاالدراسه برى انسى احنا مانقدر

عليك وانت معانا بنقدر عليك هناك لا لا فكر بغيرها

تركي وهو معصب : انا قايل هالبيت معقد مافيه حد سنع

ابو فهد : مو مسالة عقد مسالة انت راح تدرس هناك ..؟!

والله لو اني متاكد لو واحد بالمئه انك بتدرس او بتفتح الكتاب

كان انا بنفسي سفرتك وعلى اي دوله تبغى بس مافيه

امل تحفظ سطر ياتروح بجد وتدرس يالديره احسن لك

حول نظره الى فهد وقال

ابو فهد : وانت يلا تاخرنا على الشركه

قام الكل من على الطاوله

ونادت ام مشعل الخدامه تشيل اللي على الطاوله والكل راح يشوف شغله وابوفهد توكل على الشركه

هو وولده فهد معه اما تركي راح فوق وهو معصب من كلام اهله ومسخرته عليهم وكمل نوم وهذي حالته

*تركي*

قبل لاانام ياعسولات انا اموت بشي اسمه بنات يعني من اللحين اقول انكم عجبتوني واللي يساعد البنات ينعجبون فيني عيوني وشعري وغمازاتي فيني خبث الكون يعني جمال بخبث

احب اتلاعب بمشاعر البنات ههه

اخليهم لعبه بيدي وو ايش ايوه عمري 23 ومااحب الشغل

واني اتعب عمري اهلي ازعجوني ادرس اشتغل

وانتو شفتو ابغى ادرس برى لاتفكرون اني بدرس ه

لا بس اخوياي مادحين البنات هناك شقر ووناسه

وو ايش ايه بس

بالمدرسه دخلت عليهم وكلعاده الحصه الاولى باديه

من نص ساعه دخلت ومسكتها معلمة الكيمياء

انتي وبعدين لمتى هاتاخير باقي شهر على الاختبارات

النهائيه على الاقل فهمي لك شي قبل الاختبارات

الجوري: يالله صباح خير اصبحانا واصبح الملك لله

اسفه ان شاءالله ماراح اتاخر زيين كذا

معلمة الكيمياء: كل مره انتي تقولين هالكلمه

ولانشوف فعل ماقول الا الله يهديك

افنان صديقة الجوري الروح بالروح : ماعليك منها جوجو

تعالي بس فاتك وش صار بسالفة امس اللي قلت لك

معلمة الكيمياء : وش رايك انتي وهي برى

ساره صديقتها الثانيه : افى والله ان طلعو انا وراهم

حمدي ربك متحمله الحصه والسبب فنو اذا طلعت

والله انا وراها

الجوري : ايش والله لانتي ولاهي ولاحتى انا

اسفين خلاص بنجلس

جلست الجوري جنب افنان والمعلمة مكمله الشرح

وهي الود ودها تطرد هالشله كلها

افنان بجانب الجوري وساره بجانب لجين

الشي الوحيد اللي خلاهم يدخلون علمي احلامهم

وفوق كل ذا فهد اخو الجوري هو اللي قال لها اذا مادخلتي علمي بتشوفين شي عمرك ماشفتيه وفوق كل هذا

انسي ان فيه مدرسه هي عاندت بس بعدها وافقت

خوفا منه وبعد علشان لجين كانت تبغى تصير دكتوره

وهم حريصين ان يكونون صديقات وخوات مدى الحياه

مرت الحصه الثانيه والثالثه ثقيله على القلب

وجى وقت البريك وطلعو كل البنات وصارت الساحه

زحمه بالبنات اللي يصارخون واللي يسولوفون بهدوء

واللي يتهاوشون بمزح يعني انواع الازعاج الا من مكان

كل الهداوه فيه هذا مكان ورى المدرسه مكان جمعتهم الدايم

وفيه اسرارهم وسوالفهم وبعيد عن ازعاج البنات وسخافتهم

وتعرفون البنات ملاقيف الا يتسمعون على كلامهم لان الكل مستغرب من ارتباطهم القوي على اختلاف طبقاتهم

ومافيه الا افنان هي اللي تعرف لهم

تحب تتهاوش معاهم وتطردهم جلسو وبدت تقص لهم الجوري قصتها مع اخوها فهد افنان من تسمع طاريه تخق وتتذرب وتتغير ملامحها على قولتها شخصيته تعجبها واذا استحت او ارتبكت او تضايقت يبان من ملامحها لانها نادر ماتستحي

افنان : احسن تستاهلين ولا ليه تردين عليه لو انا منك اسمع له

وبس ولو يطلب مني اصير الاولى انفذ كلامه

ساره : ياهووه نحن هنا لا البنت في خبر كان ههه

الجوري: وش فيك لاتقولين من طاري فهد متخققه والله

انه يجيب الهم ويحب الهواش والتدخل في الامور اللي ماتعنيه

لجين : لانه يبغى مصلتك الجوري اخوك خايف عليك

لو انه مو مهتم لك كان ماسمعك هالكلام

افنان : اووب اووب لو سمحتي الا هالانسان لاتتكلمون عنه

حتى انتي اخته لاتتكلمين وااه انا بس لو اشوفه اذوب

تصدقون هالايام بس احلم فيه اتخيل اني زوجته

وانه يضربني ويصفعني وانا اضحك له واقول له عسل

الجوري + ساره + لجين : هه

الجوري : لابالله انك مجنونه وش فيك هذا بالله حلم

الناس تحلم بضمه بكلمه حلوه ببوسه وانتي ب ….

افنان: واع وش هالتفكير بالعكس حلو الاكشن بالحياه الزوجيه

لجين : وش هالقلة الادب عيب عليكم تركو هالسوالف

الجوري : لجوون ووجع احنا كبرنا يعني بكرى وحده فينا بتتزوج

ضروري انا اعلم فيكم لاتفشلونا

ساره من طاري الزواج ارتبكت وكان ودها تقوم وماتجلس جنبهم

افنان : الموهيم انا فهد حجزته وان جستوه ياويلكم

الجوري تكفين تكفين طلبتك قولي له اني احبه

الجوري وهي متفاجاه : من صدق تتكلمين وش احبه مجنونه انتي اصلا انا مااتجرا اجلس معه واسولف بعد اقوله تحبك …؟!

تركيه بعيد عنك قال ايش احبه والله لو على جثتي ماتكلمت

افنان: لايكون صديقتي هههه انا احب ومين اخوك المريض نفسيا هههه لو بحب بحب اخو ساره

ساره وهي تكره اخوها موت : ايش اخوي لالالا اخو الجوري ازين

افنان : مالت عليكم انتو واخوانكم انا قلت بفكم منهم وبكذب عليهم بس شكلكم ماتنعطون وجه ولد الجيران احسن لي

ساره: خلاص سكرو هالسالفه لانها خيال ومستحيل

افنان : جد سكرو هالسالفه شكل البريك صار له منتهي ربع ساعه واحنا خذتنا السوالف يلا يلا قومو

..

دخلو الفصل وخذو لهم كم تهزيئه

ومر اليوم بطيء عليهم ورن جرس المدرسه يعلن

عن نهاية اليوم المدرسي الملل والمتعب

وهم يلبسون عباياتهم

الجوري: الحمد لله اليوم الاربعاء يعني مافيه مدرسه ياحبي

ليوم الاربعاء والله حتى لو مزاجي متكدر يتغير مزاجي ويصير عال العال لو بس اتذكر هذا اليوم

افنان: صادقه متى بس هالبزارين يعطلون ابغى افضى لدراستي

ساره : انا بسهر على فلم نيوو يجنن

افنان : انتي كل افلامك نيو وتحطيم وقتل وذبح هذا مات وهذا الثاني دم ينزل منه والثالث مات مابقى بالفلم الا المخرج

والنهايه يمووت هو هه

لجين : نبغاك تغيرين لنا حطي فلم وثائقي فيه معلومات تفيد

مو هالذبح والمووت

افنان : شوفو وش تفكر فيه ه

والله انتي اخرتك اخره انا لو منك انتحر كفايه هنا معلومات

انتي ماينفجر مخك

لجين : صلي على النبي وذكري الله

افنان : عليه الصلاة والسلام والف من ذكر الله

بس مو كذا والله ملل

الجوري : شاريكم تجون عندي يوم الخميس قبل الاختبارات تسهرون عندي اعرف وحده من النت تشوف مسلسلات كوريا تجنن عرفتني عليهم فيها اناقه وقصه واشخاص روعه وتعجب جميع الاذواق ههه ولا كيم هيونغ جون عليه شعر روعه واتسدح عليه

ساره : فيه قتل بجيك مافيه مو جايه

لجين : امم اوكي موافقه

افنان: اهم شي يضحكون مو كل دموع

الجوري: حلفو عاد خلاص موعدنا يوم الخميس عندي

لا تنسون يلا جى سايقنا اشوفكم على خير فمان الله

لجين + ساره + افنان : فمان الكريم

.. ..

ركبت السياره الرنج روفر الحبري

وهي متاففه على تاخير السايق

الجوري : وينك فيه ساعه على ماتوصل

كريم : سوري مااماا

الجوري : ماما في عينك قولي برنسيسه كم مره اعلمك

كريم : برنزيزه ايس ياني

الجوري: مالك دخل قول وبس

شوي وحست بشي ووقفت السياره

قالت شصاير بعد اكيد رايح هنا ولا هنا تتكشخ بسياره

عند اخوياك المقرفين ومسوي روحك انها لك ومن حواستك

ماعبيتها بنزين وقفت علينا على الاقل لو انك ذكي

عبيتها قبل لاتجيني ياربي وش اسوي وجوالي مافيه

بطاريه اف

كريم : انا في معلوم مافيه بنزين بس انتا جنجال جنجال

مافي يسكت انا مافي معلوم قول وانا مافي فلوس

الجوري وهي شوي وتذبحه : حسبي الله عليك من سايق

بقره وحمار ومفهي و .!! كل حيوانات العالم قالتها له

نزل كريم ومو عارف وش يسوي وقفت له سياره

مليانه شباب قالو له وش المشكله هو ماقصر

قال السالفه كلها ان هزا ماما الجوري اووه

لا برنزيزه الجوري قول لانا ليه تاخير

قال الحوار اللي دار بينها وبينه والجوري تسمع وتحط يدها مره

على راسها ومره على فمها وهي منصدمه

قربو من السياره وصار يضرب النافذه وهي ترجف ومافتحت

الباب ولا النافذه وقفلت ابواب السياره كلها

سلمان : وش فيه القمر مو راضي يفتح

ناصر: فتحي لنا وراح نخليك تمشين في طريقك

طيب خذي الرقم والله اذا خذتيه لاعبي لك السياره

فل بعد

باقي الاولاد : ههه

وهي شوي وتنزل دمعتها وماتت رعبه

شوي شافت سياره ثانيه توقف بجنب سيارة الشباب

وهي تعرف السياره ومو غريبه عليها وخافت اكثر يوم عرفت

صاحبها

انتهى البارت الاول

توقعاتكم

1 مين صاحب السياره اللي وقفت بجنب سيارة الشباب؟

2 تتوقعون افنان صدق معجبه بشخصية فهد ولا كلام

3 وش بيصير في كل من لجين + ساره + تركي

4 شخصيات كثيره راح تظهر انتظروني

وسامحوني على التقصير

وداعة الرحمن (:

  • رواية فقيره تتزوج غني كامله
  • رواية فقيره تتزوج غني
  • كابرت بفراقك مع اني تالمت


1٬747 views