رواية الحب الصادق , الحب لا ياتينا الا مرة واحدة فاحرص ان لا تخسره

روايه الحب الصادق , الحب لا ياتينا الا مره واحده فاحرص ان لا تخسره

الحب الصادق

الحلقه الاولي

اشرف طالب ف رابعه علوم الاول عالدفعه يحب صديقته مروه الثانيه ع الدفعه ولكنها لا
تطيقه

حتي عندما تحدثها صديقتها

مها:يابنتي حرام عليكي حني عليه الواد متيم بيكي

مروه:ماتتكلميش ف الموضوع ده انا لا بطيقه ولا بطيق تسبيلته دي ياااه مابطقش اقعد معاه
ف مكان واحد مش عارفه هتعين معاه ف مكان واحد ازاي ويفضل ف وشي  دا
انا بفكر ماطلعش من الاوائل عشان ماتعينش معاه ف الكليه

مها:الله بتستهبلي دا واد محترم وابن ناس انتي مالكيش ف الطيب نصيب

مروه:دا مابيزهقش كل شويه يكلمني وارفضه واقوله مش هجوز مش عاوز يفهم تعبت واتخنقت منه

هذا الحوار فقط لمعرفه شعورها نحوه فهيلا تطيقه حقا فسبحان الله القلوب جنود مؤلفه ليس
لاحد سلطان عليها

وانتهت السنه وتعينو فالجامعه ولم يياس اشرف من طلبه الزواج بمروه

حتي علم انها اتخطبت فاحس بغصه في قلبه فقد كان لديه داءما امل انها ستشعر
به يوماما

ولكنه مع ذلك احضر لها هديه

اشرف:الف مبروك يامروه ربنا يتمم لك بخير

مروه:متشكره جدا عن اذنك خطيبي منتظرني

وهكذا فقد الامل في حبه الوحيد ولكنه يغلق باب قلبه علي هذا الحب ولن يفنحه
ابدا لاي احد ايا كان

واستمرو كزمايل ف عمل واحد

حتي عملت حادثه ودخلت في غيبوبه

وما من خطيبها الا انه فسخ الخطبه

ومروه ليس لها احد الا والدتها

فاصبح اشرف يساعد والده مها

اشرف :خدي رقمي واي حاجه عوزاها اتصلي بيا ولما تحبي تروحي لمروه اتصلي واوصلك

واصبح  يخرج كل يوم من شغله علي مروه مع انها بغيبوبه واعطي رقمه للممرضه حتي
تطمنه علي مروه واذا استفاقت تطمنه

واصبح يوميا ياتي يحكي لها ماحدث معه ومايحدث بالكليه وكانها تسمع وتعي ماتقول

وفي يوم وهو يتحدث معها فيقول تخيلي ان الدكتور مصطفي بيكلمني علي عروسه مش عارف
انك عروستي من ساعه اما شوفتك

فهو حقا يعشقها استمر هكذا قرابه السنه وهي بغيبوبه ويوميا يرجع من عمله عليها وياتي
بامها احيانا لزيارتها

الحلقه التانيه

ظل هكذا قرابه العام يخرج من العمل عليها الي انتهاء موعد الزياره حتي عرفه جميع
العاملين والممرضات بالمستشفي

فهي ياتي يضحك معها ويتكلم معها وكانها ترد عليه

حتي انه اعطي رقمه للمرضات لو استفاقت يخبرونه علي الفور

وفعلا تتحقق امله بعد قرابه العام اذ بها تتحرك وتفوق من غيبوبتها وعندما رات الممرضه
هذا اتت بالدكتور واتصلت به علي الفور

الممرضه:استاذ اشرف مريضتك  فاقت

اشرف بقرح:ياوش السعد ابوسك منين

واغلق معها واتصل بوالده مروه واخبرها ان تجهز ليمر عليها لان ابنتها استفاقت من غيبوبتها

فكاد قلب امها يقف

………

في المشفي

الدكتور :تمام الوظاءف الحيويه اشتغلت تمام

وتركها مع الممرضه

مروه:هو ايه اللي حصل انا هنا من امتي

الممرضه:انتي جيتي من سنه تقريبا ودخلتي ف غيبوبه

ومن يومها في شاب يوميا يطلع من شغله يجي عليكي لحد انتهاء الزياره ويقعد يرغي
معاكي لدرجه مسمينه المجنون ماهو اللي اتصلت بيه اول اما فوقتي

مدينا رقمه اول اماتفوقي نبلغه

مروه:اكيد خطيبي

ممرضه:والله ماعرف ماشوفتش ف ايده دبله

ثم دخل اشرف وامها

مروه:انت ايه اللي جابك

الممرضه ماهو ده المجنون يووه اقصدبتاع كل يوم اللي قلتلك عليك

ودخلت امها تحتضنها بشوق

دا اشرف كتر خيره ماسبنيش لحظه ربنا يباركه كان يجبني ليكي ويرجعني

مروه:وخطيبي فين

امها:ربنا يراضيكي بالاحسن منه فسخ بعد الحادثه الخطوبه

وانقطعت اخباره وسمعت انه احوز

اشرف:حمد الله علي سلامتك

مروه الله يسلمك

اشرف :هروح اجيب الدكتور يطمنا

لم تعي الي الان حجم الكارثه التي المت بها فهي لم تفق جيدا وتدرك حواسها

وجاء الدكتور

مروه:بس انا مش قادره احرك رجلي

الدكتور:مع الاسف العمود الفقري تضرر ومحتاجه مجموعه عمليات وعلاج  طبيعي ممكن يوصل لسنتين او تلاته

فصدمت صدمه عمرها هو انتي ماشاء الله كل اجهزتك بتعمل تمام بس لو هتخرجي لازم
تيجي تتابعي عشان مواعيد العمليات والعلاج الطبيعي

مروه:لا يادكتور انا راضيه بنصيبي ومش هعمل عمليات انا ماليش الا امي ست كبيره ومش
هتبهدل انا وهي ف المستشفيات

اشرف:ياريت لو هتخرج اخلص الاجراءات وان شاء الله هنيجي نتابع ونحدد العمليلت والعلاج الطبيعي

نظرت مروه بتعجب وكانها تقول بتكلم وتقرر علي اساس انك مين وبتتحكم ف حياتي

وفعلا خلص الاجراءات واخذ كرسي متحرك من المشفي ونادي الممرضات لمساعدتها واخذها ووالدتها الي الاسانسير
وانزلهه ثم حملها وادخلها السياره قبل ان تعترض

واخذ الكرسي للمشفي ورجعه ثم انزلها امام بيتها وحملها بين زراعيه الي الشقه ووضعها علي
سريرها وهي في حاله ذهول من امرها فهو اخر من تتوقع ان تكون بين ذراعيه

امها:اقعد يابني اتغدي معانا

اشرف:انا نازل وحاي علي طول

ونزل اشتري كرسي متحرك  ورجع به اليها كانت امها ابدلت لها ملابسها

اشرف:انا جبتلك ده عشان تتحركي ف البيت براحتك

انا كنت عاملك اجازه لو حابه اقطعها وتروحي الشغل اخلصهالك

مروه:اروح ازاي انا ف حالتي دي

اشرف:وايه المشكله انا هوديكي وارجعك

مروه:لا متشكره مش  عاوزه

انت  بتعمل كده ليه انت كده مفكر هجوزك

اشرف:ومين قالك اني عاوز اجوزك

امال بتعمل كده ليه

اشرف:بعمل كده عشان كده

وتركها في حيرتها ورحل

اشرف:لو عاوزه ايحاجه ياطنط اتصلي فورا انا ابنك وانا هتابع مع الدكاتره عشان العمليات  والعلاح
الطبيعي

الحلقه الثالثه

حجز لها اشرف في مركز للعلاج الطبيعي واتصل بامها

اشرف:الو طنط جهزي مروه ولبسيها علي مااجي اخدها للمركز

امها حاضر يابني

وفعلا حاولت معها دون جدي لا تريد الذهاب لاي مكان ولا العلاج

فجاء اشرف:هااا جاهزه

امها:والله يابني مش عارفه اقولك ايه تعبناك معانا بس هي مش راضيه

اشرف طب ممكن  ادخلها

امها :اكيد يابني انت بقيت واحد مننا

فخبط علي الباب ودخل وتركه مفتوح

اشرف:مالبستيش ليه

مروه:وانت مالك ايه اللي حشرك ف اموري وبتتدخل ف كل حاجه وبتاخد قررات بدالي

انا مش عاوزه مساعده ولا شفقه من حد سيبوني ف حالي

اشرف ولا اكنها تتحدث ووضع يديه في جيبه وقال

لو ماما ما دخلتش تلبسك دلوقت هلبسك انا غصب عنك وماتحاوليش تجربيني عشان انتي ماتعرفنيش

فاخذت غطاءها الي وجهها من الخجل من كلامه فكاد يضحك   ولكنه حاول ان يكون
جاد يلاااا بلاش دلع البنات ده

وهم بالخروج

مروه:انت بتعمل كده ليه هدفك ايه عاوز مني ايه

فاستدار مره اخري

اشرف:عاوزك تقفي علي رجلك عاوزك تمشي يامروه

ولو عاوزه تخلصي مني بسرعه حاولي تمشي بسرعه لاني مش هبعد الا اماترجعي زي الاول

في اي اساله تانيه ولا هتخلصي عليا ال80000 كلمه بتوعك (للمراه 8000 كلمه ف اليوم
والرجل 2000 ياكبد امه هي تكلم 100 وهو يرد اه او حاضر او اه وتخلصهم
علي جتته او ترغي مع ست زيها ويقولوقصصحياتهم)

ثم خرج لامها ادخلي لبسيها

امها:رضيت

اشرف:اكيد

امها ربنا يحميك ويباركلك والله انت عندي ف غلاوتها واكتر

فدخلت البستها ودخل حملها وهي محرجه منه ووضعها علي الكرسي وذهب للمركز

وبداو رحله العلاج الطبيعي

واتفقو علي ثلاث ايام ف الاسبوع والايام الاخرب تبرع ان يعرف التمرين ويذهب لها  ف
الايام الاخري وفعلا جلس وهي تعمل التمرينات وكانت تتالم كثيرا وتتاوه وكان تاوهاتها خنجر يرشق
في قلبه وتمني انه مكانها ولا تحس بهذه الالام المبرحه

وبعد انتهاء التمرين

اشرف يلا ع المستشفي هنتابع مع الدكتور ونبلغه اننا بدانا علاج طبيعي وحملها كعادته للسياره
وذهب للدكتور وابلغه عما حدث

الدكتور:كويس اوي هو شهر هنتابع ونحدد موعد العمليه

اشرف:انا عملت اوراء التامين عشان العمليه مكلفه تبقي  تبع شغلها ف الجامعه باقي تخلص من
المستشفي لمايتحدد الدخول وموعد العمليه

الدوك:انت جاهز اوي

اشرف:طبعا انا مابسيبش حاجه للظروف

وهي تنظر لمايحدث وكانه ملكها واصبح المتحكم في تلابيب حياتها ولكن الي متي هل سيكل
ويمل هل سيياس منها ام ماذا ياتري

الحلقه الرابعه

رجع بها بعد يوم شاق الي المنزل تعبت منه كثيرا فهو اول يوم علاج طبيعه
وادخلها سريرها

اشرف :هسيبك.ترتاحي انتي تعبتي اوي اليوم وجاي بكره بعد الشغل تجهزي نفسك للتمارين معايا

وتركها وف الطريق امها استوقفته

لازم تجي ع الغدا انا كل مااقولك تتهرب

اشرف:ماتشغليش بالك انا بقضيها باي حاجه

امها :يابني انت اهلك كلهم ف البحيره ومالكش حد هنا عشان خاطري هستناك بكره ع
الغدا

اشرف:حاضر ياست الحبايب تؤمريني بشيء

امها:تسلم ياحبيبي

…………..

وذهب لعمله

وانهاه وفي طريق العوده استوقفته د.نهي خريجه حديثه بعدهم بدفعه

نهي:انت مروح يادكتور تاخدني ف طريقك

اشرف:انا اسف والله يادكتوره عندي مشوارمهم تتعوض مره تانيه اعذريني

نهي:طب خلاص سلام

وذهب اشرف لمروه ليبدان معا رحله الكفاح المرير

وبدا معها يحاول ان ينفذ التمرين الذي قالت عليه دكتوره العلاج الطبيعي

وهي تبكي بين يديه لعدم مقدرتها والالام التي تشعر بها فانهارت

انساني وسيبني ف حالي ماتربطش نفسك بيا وشوف حياتك

فقام بغضب وضرب الحيطه بقوه واستدار لها

انتي حياتي ليه مش قادره تفهمي ثم استدرك حدته عليها وكاد ان يمسح دموعها ويحتضنها
ولكن يجب ان يكون قوي داءما امامها حتي لا تنهار

اشرف:ودلوقت يلاا اعملي التمرين ولوحدك مش هساعدك ساعدي نفسك

فحاولت جاهده فهي خافت من عصبيته وغضبه

ثم توقفت انت ليه ماتجوزتش

اشرف:ماليش نفس

مروه :هههه هو انا بقولك مابتاكلش ليه عشان تقول كده

فاحضر الكرسي امامها ظهره لها وجلس عليه كانه يمتطي حصانا

واسند راسه علي مسند الكرسي

شوفي اصل الجواز ده زي الاكل في ناس عندهم شهوه الاكل الكتير وتلاقيهم مكلبظين كده
اهم دول اللي بيقبلو علي الزواج مشرابين كده

وفي ناس بعيد عنك مسدود نفسهم عن الاكل ومسلوعين كده اهو دول بقي اللي مالهمش
نفس للجواز

اهو انا من المسلوعين دول

مروه:بس انت مش من دول دا انت كنت بتطلب ايدي قبل الاكل وبعده

اشرف:كان زمان سديني نفسي الهي يسد نفسك

مروه:ما هو تلاقيك كنت بتدعي عليا هو اللي حصلي شويه

اشرب:وانتي تعرفي ان ممكن ادعي عليكي حد يدعي علي نفسه دا انا اتمني الي فيكي
يبقي فيا ولا اشوفكيش بتتالمي كده

فاحرجت من كلامه وانزلت وجهها ف الارض

فاحس باحراجها

اشرف :يلا بقي نكمل يارغايه اه من رغي الحريم ده مابتصدقو تتفتحو ماحدش بيعرف يلمكو

مروه:هههه دا احنا بردو اللي كده وبنصدعكو وانتو ملايكه

وانتهي الوقت المحدد للتمرين وهكذا استمرو قرابه الشهرحتي تحدد موعد اول عمليه

………..

اشرف جهزي مروه وشنطتها عشان اجي اخدها

وفعلا ذهب اخذها ووالدتها للمشفي ودخلت حجره وتجهزت لحين وقت العمليه

والدتها :انا داخله الحمام

فجلس اشرف علي الكرسي بجانبها

مالك خايفه

مروه:ودموعها تنزل خايفه اوي يااشرف

فامسك يدها وقبلها ان شاء الله خير وتبقي اول خطوه ف طريق مشيك

مروه :يارب

وفعلا اخذها الممرضات للعمليه وهو ينتظر بين دعاء وقراءه القران

الي ان خرج الطبيب

اشرف جري عليه خير يادكتور

الدوك:الحمد لله تمت بنجاح وهتفضل تحت الملاحظه 24 ساعه واسبوع كده وممكن تخرج تكمل علاجها
ونستمر ف العلاج الطبيعي لمده 6 شهور  ونعمل العمليه الجايه ان شاء الله وانا ملاحظ
انها بدات تستجيب للعلاج والنفسيه اهم شيء

اشرف:ان شاء الله

خرجت من العمليات واستمرت تحت الملاحظه ثم دخلت حجرتها

وذهب اليها بدات تستفيق

اشرف:الجميل عامل ايه

مروه:الحمد لله

اشرف :طب انا هروح اجبلك ماما واروح اغير لحسن من امبارح وانا بهدومي كده هروح
المحاضره هيجرو مني الطلبه وابقي اجيلك بعد الشغل

مروه:ماتتعبش نفسك ارتاح انهارده انت مانمتش

اشرف:تفتكري هعرف انام وانتي هنا لوحدك انا راحتي وانا جمبك يلا سلام يارغايه هتاخريني ع
الكليه

الحلقه الخامسه

ذهبت امها اليها اوصلها اشرف وذهب الي جامعته

فقابلته نهي التي ترمي شباكها عليه كنت عاوزه منك حاجه بعد السكشن هجيلك المكتب اوعي
تمشي

اشرف:بس ماتتاخريش عشان همشي بعد السكاشن علي طول

وبعد انتهاءه وجدها قادمه

كنت عاوزه محاضرات ماده الكوانتم عشان  بدرسها ف السكاشن وانت درستها السنه اللي فاتت

اشرف:اوي اوي هصورهالك اجبها بعد اذنك

نهي:طب انت رايح فين

اشرف :نعم

مروح في حاجه

نهي:لو ماشي خدني ف سكتك انا مروحه

اشرف :معلش اصلي رايح المستشفي

نهي:خير

اشرف:اصل مروه صاحبتنا عامله عمليه وهعدي عليها

نهي :هو انت ايه عرفك

اقصد لك صله بيها دي اختفت من زمان

اشرف:اكيد طبعا اعرفها دي دفعتي وزميله معانا

نهي :والله طب ماتاخدني معاك ازورها

فاحرج اشرف لمطلبها وقال اتفضلي

وفعلا ذهب اشرف ونهي الي المشفي

ودخلت نهي:حمد الله ع السلامه يامروه والله لسه عارفه من اشرف حالا

مروه:الله يسلمك حبيبتي ماكانش في داعي تتعبي نفسك

وبعد قليل

نهي:ايه يااشرف مش ماشي توصلني

اشرف:معلش انا اسف بس لسه ورايا حاجات هنا

نهي :وراك ايه

اشرف ينظر اليها بمعني انتي مالك

نهي:طب سلام انا بقي

مروه:ماروحتش توصلها ليه وراك ايه هنا مش قلتلك ارتاح وماتجيش ونام عشان مانمتش امبارح

اشرف:وانا قلتلك مش هرتاح غير هنا ثم لسه هشوف الدكاتره والخروج امتي واوصل ماما

مروه:حبيبي انت كده بتجهد نفسك اوي وهتقع مننا

اشرف:ايه ايه

مروه:في ايه انا قلت حاجه غلط

اشرف:في كلمه خاطفه هادفه وا….اتقالت كده

مروه:لاااااا مايروحش فكرك لبعيد دي كلمه عفويه بتطلع ماتفكرش

اشرف :وانا فكرت

هو انا اللي قولت ولا انتي

مروه:طب روح شوف هتعمل ايه

وفعلا ذهب الي الدكتور  يعرف متي ستخرج وقال لو ممكن تكمل علاج ف البيت عشان
والدته كبيره وبتتعب من المرواح والمجي

ولو في اي حاجه بنجي علي طول

الدكتور  :هنكمل بس الاسبوع وتخرج  عشان كورس الانتي بايوتك والعلاج يخلص وبتاخدها البيت

وفعلا استمر الاسبوع علي هذه الحال الي ان كتب الخروج اخذها للبيت لترتاح ويبداون رحله
العلاج الطبيعي مره اخري ولكن هذه المره ستاتي ممرضه يومان ف الاسبوع وهو يعمل معها
التمارين ف الايام الياقيه

واستمر قرابه الشهر هكذا حتي اتي لها يوما وقال

الحلقه السادسه

اشرف:علي فكره انا قطعت الاجازه بتاعتك

مروه:وازاي تعمل كده هو انا مابقاش ليا راي ف حباتي خالص وانت اللي بتتحكم فيها
 باي حق تدي لنفسك الحق ده واروح ازاي انا كده مش شايف حالتي عامله ازاي
هفرج الناس عليا

اشرف:اولا انا مابعملش خطوه الا ابقي درستها من جميع الجهات

اولارجوعك الشغل هيخلي حالتك النفسيه افضل ودا جزء من العلاج

ثانيا المرواح والمجي ده انا هاخدك واجيبك ماتحمليش همه

ثالثا انا كلمت الدكاتره ورحبو برجوعك ومش هنحملك جدول كبير يوم او اتنين هتلمي فيه
السكاشن واحنا قسم رياضيات  مش عملي ومحتاجه تروحي كل يوم

رابعا في حالات كتير اكتر منك وبيروحو اشغالهم عادي

لازم تواجهي المجتمع ماينفعش تفضلي قافلهعلي نفسك

وانا خليت جدولك ف ايام مافيهاش علاج طبيعي عشان ماترهفيش نفسك زياده

مروه:دا انت مظبط ومخطط لكل شيء كانها حياتك انت مش حياتي انا وانا ماليش حتي
حريه الاعتراض

دا انت مابتخططش لحياتك زي مابتخطط لحياتي

اشرف:اعمل ايه اشتقت لمنافستي الشرشه

انتي ناسيه انك كنتي بتنافسيني ع الاول وخدتي المركز مني مره كده بمزاجي سيبتهولك

مروه:نعم

انا خدته بمجهودي واستحقيته بجداره

اشرف:ماشي ياعم الذكي

وانتي اتاخرتي ف رسالتك اوي بسبب اللي حصل ولازم ترجعي لها اظن انتي هنا قاعده
كتير وممكن تاخدي لابك وتطلعي ابحاثك وتكملي لحسن هسبقك ومش هستناكي واي ابحاث مش لقياها
قوليلي اصورهالك واجبها او نزليها من النت علي فلاشه وهاتيها اطبعهالك المهم تبداي شغلك بقي

مروه:حاضر خلاص اقتنعت

اشرف:بكره هعدي عليكي نروح سوا

مروه:بسرعه كده

اشرف:حلاوتها ف حموتها مش بيقولو خير البر عاجله

مروه:ههههه هو احنا رايحين نجوز دا رايحين الشغل يعني نقدم رجل وناخر رجل

اشرف:لا كفايه تاخير لحد كده

مروه:خلاص اوك بكره هستناك

……………..

فعلا استيقظت ف الصباح  وارتدت لبسها وانتظرت بشوق ان تذهب لعملها مره اخري

وجاء لياخذها وجدها تنتظره علي كرسيها وتبدو بها حيويتها المعهوده زمان قبل الحادثه وجمالها الصافي
وبراءتها

اشرف:ايه القمر ده هي الكليه بتحلي كده ياريتني فكرت فيها من زمان

مروه:مش للدرجه دي

اشرف :بلا بينا

مش عاوزه حاجه ياطنط

امها :تعيش يابني وتتهني ويسلم طريقكو

اشرف:اهو دعوتين زي دول ع الصبح يفتحو كل الابواب المغلقه

مروه:بصراحه بدات اغير منك وبقيت احس ان ماما بتحبك اكتر مني

اشرف:ربنا يحفظها ويخليها وانا بعتبرها زي والدتي تمام

…………

ذهب بها الي الجامعه

واستلمت عملها واشفقو عليها فاصبح لها يوم واحد به 3 سكاشن حتي لا تاتي  كثيرا

وظلت هكذا تاتي معه يتركها طوال اليوم تنهي عملها ثم يصطحبها

ولكن نهي  كانت تغتاظ كلما راتهم سويا

فدخلت المكتب المشترك لها ولاشرف

نهي:هو اشرف مش هنا كنت عوزاه ضروري

مروه:هتلاقي عنده سكشن عاوزه تستنيه او تيجي تاني براحتك

نهي:ابن حلال اشرف ده وبيعطف ع الناس اوي

وبيصعب عليه الناس اوي وبيحاول يساعدهم

مروه:هو فعلاانسان خدوم جدا

نهي:اكيد انتي ادري مش شايفه اللي بيعمله معاكي ياحرام صعبتي عليه وبيعمل ايه

مروه:اه فعلا كتر خيره اوي

نهي:طب انا هقوم بقي  لما يجي ابقي اجيله

وتركت مروه تبكي وترثو حالها الهذه الدرجه اصبحت محط شفقه وعطف الجميع

وجاء اشرف بعد انتهاءها من البكاء واحس بحزنها وعينها الدامعه

اشرف:مالك يامروه في حاجه تعبانه اروحك انا خلصتلو مش قادره تكملي اروحك

مروه:لا باقي سكشن هخلصه وامشي

اشرف :طب مستنيكي ف المكتب وهي خارجه

قابلتها نهي قبل ان تخرج

نهي:ايه با اشرف مش خلصت مش مروح

اشرف:لا مستني مروه في حاجه

نهي:لا ابدا انا فكرتك مروح بس عن اذنك

ثم انهت عملها  وذهبت معه ف السياره

مروه:انت ليه مابتجوزش نهي اموره وصغيره ومعانا  معيده

اشرف:هو انتي هتغيري نشاطك وتشتغلي خاطبه اليومين دول

مروه:لا ايدا بس حساها  ….

وقاطعا:قولتلك مره انا مش عاوز اجوز انا ماحبتش غير واحده ف حياتي بس وقلبي بابه
اتقفل عليها وخلاص كلام تاني ف الموضوع ده مش عاوز مفهوم

عشان الكلام فيه بيعصبني

مروه:خلاص ماتشختش وانا مالي انت حر

انا مش عاوزه تفضل مربوط جمبي كده وانا مش عارفه همشي وله لاء وبتضيع احلي
سنين عمرك

اشرف:هو انا قلتلك مستنيكي تمشي عشان نجوز

اعملك ايه يعني اسيبلك البلد وامشي حاضر عنيا امشي بس علي رجلك وانا هسافر ومش
هتشوفي خلقتي

ثم اوصلها الي منزلها واستمر الحال بين شغل وعلاج طبيعي وعمليات وبدات تتحرر من كرسيها
واستعملت العكازين

الحلقه السابعه والاخيره

اخذ هو الماجستير وتلته هي بسته اشهر وقد اصبحت تسير بعكاز واحد زكه خيفيفه مع
باقي العلاج تكون تمام وتمشي كسابق عهدها

وفي احد الايام كانت تسير فاستوقفها خطيبها السابق هو ف قسم حيوان ولكنه اتي لزياره
صديقه ولمحها فجاء يسلم عليها

فسلمت عليه واعتذر لها ان كل شيء نصيب ولمحها اشرف الذي جاء علي اخره عندما
شاهده

وكان قد سلم عليها ومشي فجاءها اشرف

مش ده الواد الفرفور بتاع حيوان

مروه:الدكتور بقي واد فرفور

اشرف:بحسه طري كده وني

مروه:طب يلا ياجامد

فامسكها من ذراعها قبل ان تسير

يلا فين كان عاوز ايه منك ده تاني

مروه:ايه في ايه

هيعوز ايه يعني واحد واجوز خلاص ثم انت مالك بيه شاغل نفسك بيه ليه

فاغتاظ اكتر ماشي يا مروه يلا اوصلك

انا قدمت علي السفر لالمانيا عشان الدكتوره

مروه لا تعرف لماذا احست هذا الاحساس ولكنها قالت له الف مبروك ربنا يوفقك

وعندما ذهبت الي البيت  اندفعت الي سريرها تبكي لا تعلم لماذا الفراقه ام لانها تعودت
عليه بحياتها

…………..

وف اليوم التالي

ذهبت للمكتب المشترك بينهم وكان يجهز كتبه ليذهب للسكشن وقال لها انا سفري كمان شهر

وهم بالخروج فتمسكت ذراعه

بالسهوله دي ماشي وهتسبني

تدخل حياتي بدون استاذان وتخرج بدون استاذان

اشرف:مروه انا عمري ماهوافق اجوزك رد للجميل

او ان تبقي مساله تعود اللي حساه اكيد مش حب

مجرد ماسافر هتنسيني وتعيشي حياتك

مروه:باسلام بسهوله كده وبزرار انسي 3 سنين عدو علينا

ماشي يا اشرف انا فعلا مش عوزاك وذهبت الي بيتها

ومرت قرابه الاسبوعين لا تحدثه ولا حتي تنظر اليه وتتجنبه تماما وهو قد احس ان
قلبه توقف الا عندما تمر بجانبه كانها تعطيه قبله الحياه لينبض مره اخري

وفي يوم دق جرس الباب ففتحت لتجده امامها فدخلت ودخل وراءها

مروه :جاي تودعني قبل ماتسافر

اشرف:ياتي من خلفها ليهمس في اذنها ماقدرتش ابعد حاولت مش قادر

انا اجلت سفري شهر وقدمتلك تسافري معايا وجاي نكتب الكتاب انهارده عشان الحق اخلص سفرك
وناخد الدكتوراه سوا من هناك

فالتفتت اليه واحاطت ذراعيها حول رقبته واحتضنته

وكاد ان يحتضنها ولكن سرعان ماخرجت امها من المطبخ

فاذا بامها تقول بنت احترمي نفسك واحده حد يجي يخطبها تحضنه

قلبلها ياطنط بنات اخر زمن

فاحرجت مما فعلت

انت ناسي ان بقالك 8 سنين ورايا لماحفبت جاي تكلم دلوقت

اشرف:انا نازل اجيب الماذون جري والخميس الجاي جوازنا  وبعد كتب الكتاب هاخدك واعرفك ع الاهل
ف البحيره

وفعلا اتي بالماذون وكتب الكتاب

وبعدها قال لها دوختي امي وجننتيني 8سنين لو كنا اجوزنا كان زمان عندنا قبيله دلوقت

مروه:امال انت فاكر هتجوزني كده بسهوله

اشرف:وانا راضي  لو هتستناكي العمر كله

وذهب بها الي اهله ورحبو بها وتم الفرح بسيط بين الاهل بسبب ضيق الوقت والسفر

واخيرا دخل العروس شقته بعروسه التي طالما تمناها زوجه وحبيبه فقد صدق في حبه حقا
فصدقه الله وعده فقد كانت ثقته بالله لا حدود لها فسبحان من يبدل الاحوال

اشرف:واخيرا حلمي اتحقق اينعم كنتي محجره حبتين بس انا لا اقاوم وجبتك علي ملي وشك

مروه:ههههههه جبتني علي ملي وشي بعد 8 سنين دا انا لو سحلفه كان زماني جيت

اشرف:انتي ناسيه انك ريحتي منهم اربع سنين سنه غيبوبه و3 طلعتي فيهم البلا الازرق علي
جتتي

مروه:متشكره اوي ياحبيبي علي كل حاجه عملتها ليا كنت سندي وظهري وعكازي من غيرك ماكنتش
وصلت اني امشي تاني واتحملت عصبيتي وزهقي وخناقي مهما عملت مقدرش اوفيك حقك

اشرف:احنا هنقضيها شكر ولا ايه عاوزين نخلص ورانا سفر كمان 3 اسابيع

مروه:وانت هتفضل تخلص 3 اسابيع بحالهم ههههه

اشرف:دا لو كفو اصلا

مروه:ههههههه

(ومن اياتيه ان خلق لكم من انفسكم ازواجا لتسكنوا اليها وجعل بينكم موده ورحمه)

فالزواج ليس باختيار الشاب الروش او الفتاه الجميله اختار واختاري من يكون معك ف الضراء
قبل السراء

تمت

• قصص حب صادق
• رواية الحب الصادق
• مشكلة انا الحب يا ريت لو م الحب
• قصص حب صأدق وأوجأع
• صور یاریت عرفک من زمان حبيبي
• روايةحب صادق الجزو الرابع
• رواية حبي الصادق
• رواية الحب
• روايات حب صادق
• الحب الصادق