رواية تلاشت قواي بين يديك 2024 رواية تلاشت قواي بين يديك الارشيف 2024

رواية تلاشت قواي بين يديك 2024 , رواية تلاشت قواي بين يديك الارشيف 2024 Novel
faded away my powers between hands in 2024, the novel faded away my powers between
your hands Archive 2024

عند حنان

كانت رايحه لسوق هي وشجون عشان جهازهاكان موديهم خالد شجون كانت كارهه الروحه بس حنان
اصرت عليها

دخلوا محل العطور وماخلت عطرجديد ماشرته وبعدها راحو لمحل القمصان واشرت شجون لخالد مايدخل بس
هو طنش ودخل وحنان حست بالفشيله

خالد احب اعاندها اتلذذ وانا اشوفها معصبه

شجون طنشته وخذت حنان وراحن يشوفون الي يعجبهن

حنان بخجل :ياربي احس بالفشله من خالد

شجون بقهر:اخوج هاذا فاصخ الحيا طرته وحقرني

حنان بتلطف الجو:يمكن بياخذ لج شي لبعد ماتولدين

شجون بغصه لانها تذكرت موقف خالد اول ماجت واشلون هددها:يحلم خل ياخذ لامرته الجديده

خالد سمع اخر جمله وقال بقهر:انا بخليكم على راحتكم اول ماتخلصون دقوا علي

كان يتكلم وهو يحرق شجون بنظراته بس

شافها حاقرته ولاخافت منه راح وطلع عند الباب وقف يتامل شجون وهي تختار لحنان

فقدتك يا اعز الناس فقدت الحب و الطيبه

وانا من لي في هالدنيا سواك ان طالت الغيبة

رحلت ومن بقى وياي يحس بضحكتي وبكاي

وحتى الجرح في بعدك يغزيني واهليبه

تصدق قد ما حنيت اشوفك في زوايا البيت

واسولف معك عن حزني واحس ان انت تدري به

شسوي بالالم والاه ولكن البقى لله

يصبرني على بعادك وذا حضي و****به

خالد: هين ياشجون دواك عندي خل نرجع بس للبيت وعلمك اشلون تستهزيين فيني قدام اختي

في بيت علي

الساعه خمس العصر

سحبت نفسها من يدين علي بشويش وراحت للحمام

دخلت تحت الدش وفتحت الماي وختلط الماي بدموعها

ضي بشهاق ليش ياربي ليش ماحس بالراحه مع علي مع انه

ماقصر معي بشي ليش احس بالخوف من اني احبه وبعدين افقده

مايموت الشوق لو قل الوصل!!

ومايهز(الحب) زلزال الظروف!!

وانت داري معزتك فيني اصل!!

ولو يطول الصمت لايلحقك خوف؟؟

والغلا بالقلب والله متصل

ثابت مثل الاصابع بالكفوف

بعدساعه

اطلعت بالروب بعد مافضت كل الي بقلبها

وقفت تنشف شعرها وهي تشوف صورة علي المعكوسه بالمنظره

كان غاط بنومه واللحاف مرفوع عن صدره العاري امسحت دمعه خانتها

ضي بشهاق سامحني ياعلي على كل شي سويته فيك والله اني احبك واموت فيك بس
ماقدر اقول

قطع عليها صوت التيلفون وراحت ترد بسرعه قبل يزعج علي

بس علي صحى عليه

ضي برود:الو

كانت تحاول تثقل عشان علي مايكشف صياحها بس علي كاشف هالشي من حمرار عيونها

شجون باهتمام:هلا ضي اشلونج

ضي بتنهدوهي تكتم غصتها:هلافيج وانا بخيرالحمدالله

شجون والله ان قلبي قارصني منج ياضي احس انج تكابرين وتمثلين عليناالسعاده قالت بشك:اقول اقدر
اشوفج اليوم بروح لجدتي

واحتمال انام عندها بعد

ضي بضيق:مادري بشوف علي ورد عليج كانت تطالع بعلي الي قام ودخل الحمام

عند خالد

في جناحه

كان مقرر يلحقها اول ماينزلها من السوق لجناحهم ويقهرها مثل ماقهرته بس جيت ابوه وقعدته
معاه اخرته عنها واول ماتركه ابوه طلع

ركض يمها

دورها بالغرفه مالقاها وشافها طالعه من الحمام وتنشف شعرها بالفوطه

شجون كانت لابسه لها بجامه حمرا انصدمت من دخلته عليها وهو بهالشكل خاصة اعيونه الي
يطلع منها شرار من العصبيه

قالت برود:خير في شي

خالدبقهر:شقصدك بالكلام الي قلتيه لحنان يامدام

شجون عدلت شعرها ولفت عنه بتروح للمنظره قالت برود:ماقصدت شي وبعدين من سمح لك تدخل
غرفتي بدون اذن

خالد فار من حركتها حس انها تقلل من قدره راح لها بسرعه وشدها من يدها
بقوه قال بصراخ:انا مواصغر عيالك تطنشيني فاهمه وبعدين حركات الهبال الي طالعه لي فيها اتركيها
احسن لك

شجون بنرفزه:هدني احسن لك

وحركاتي مراح اتركها لين تطلقني وتفكني منك

خالدبغضب:طلاق احلمي اطلق وبتمين على ذمتي طول مانا حي

وحركاتك انا الي بوقفها باسلوبي ترك يدها

شجون بصراخ:بنشوف ياخالد من الي بيطفش ان ماسودت عيشتك ماكون شجون

خالدبنرفزه:اكثر من هالسواد ماضنتي عندك بس تدرين وبعدين كمل ببتسامه سخريه:علاقل خليني اتنوع بحياتي يوم
ابيض عند ريم ويوم اسود عندك عشان ماامل

جرحتني ودموعي على خدي

طوابير

كانك تحس بضيقتي ارجوك ترحمني

شجون حست بخنجر يغرس قلبها من وصفه لهاقالت بغضب:عمري ماشفت احقر منك

خالد طنشها وطلع بعد ماحس انه برد قلبه بقهرها

في بيت علي

طلع من الحمام وشافها البست وجهزت

كانت لابسه تنوره جنز طويله وفيها فتحه لي الركبه وبدي اصفر بنقش بني

كان حاسس بانها صايحه بس مل من كثر مانصح فيها كل مره يخلق لها اعذار

بالاخيرقرر يطنشها وياخذ حقوقه كامله من غير نقاش

مع انه يحس بالضيق وقت ماهو حاضنها بين ضلوعه ويسمع شهاقها ويحس بدموعها الي غرقت
صدره والمخده

يحس انه يقتلها بهالطريقه

مو يعشقها

علي اه ياقلبي الي تعذب من صد الحبايب اخ ياربي ينعصر قلبي لي شفت دموعها
وينك ياعليا تجين تشوفين دموعها الي تقولين ان صياحها من سابع المستحيلات ابشرك انها صارت
ماتبطل طول اليوم

وللاسف اني مااعرف شنو السبب هل هو كره لي او شنو لو صج كارهتني كان
قالت لي لما سالتها اذا تبي اطلقها اذا مو ****ه بالعيشه معي

تنهد وعدل روبه وهو يجلس على السرير قال ببرود:جهزي لي ملابس

ضي تحس انه كاشف حزنها راحت وجهزت له وقالت وهي تمدها له:علي تقدر توصلني لبيت
جدتي

علي وهو يفصخ الروب بعد مالبس البنطلون قال:خلاص تجهزي وبوصلك على دربي

ضي ياعمري مادري اشلون اشكرك

راحت وجابت له بوكه وتيلفونه قالت بتنهدوهي تجلس يمه:زين اقدر انام عندها بعد

علي استغرب هدوئها وذرابتها بالطلب كان هاذا شي غريب على ضي قال بخبث:وانا اشلون بنام
وانتي بعيده عني

ضي غصت من كلامه وقالت بنرفزه:علي ترا من زمان مانمت بيت جدتي من صار الي
صار وانت حارمني

علي بخباثه:وشنو الي صار

ضي انقهرت ودزته وقالت بغضب: انت الكلام معك فاضي انا بجهز لي ملابس وبنام سوا
رضيت او رفضت

علي مات ضحك عليها قال ببتسامه:خلاص برضى انك تنامين عل وعسى تشتاقين لي وغمزلها وطلع
ينطرها تخلص

ابيك .. تحب

ابيك .. تحن

‏ابي .. توله

ابي .. تشتااق

‏ابي .. عينك تناظرني

وتترقب جياتي

وابي هالحرف(a) لي شفته

تضيع بروعة انغامه

ابيك تحس .. ابيك ترد

وابيه البعد مايطول

ابيك تشوف حبي لك

مع قلبي وفي ذاتي‏

ابيك تلومني لو غبت

ابيك تثوور

وابيك تزعل

وابي ارضيك بخضوعي

معك وبكل غاياتي

تعال اسقني من حبك

ترى جسمي بدا يذبل

تعال وشوف كثر الهم

بدا يظهر بنظراتي

تعال وقول :

انا احبك

ابي عروقي

بها

تبتل

ابيك تكون لي الدرب

ابيك اقرب مسافاتي

ابيك النوور

ابيك الشمس

وابيك الظل

وابيك انت

لي

الدنيا

تكون

اخر

محطاتي‏

واذا ابطيت ما جيتك ..

ابي تهتم ..

وابي تسال

ومهما غبت عن عينك ..

ابيك تخاف وتنشد

عن

اخباري

ضي ببتسامه من كلامه: ياربي يجنن هالعلي الله لايحرمني منه

وراحت تجهز للروحه

عند عزام في جناحه

دخل له ساعه ومن دخل وهو جالس على التيلفزيون يفرفر بهالقنوات

حس بالجوع ونادها:غلا

جت وهي حاقده عليه بقوه عقب الي سواه فيها وتقطيعه لملابسها

كانت لابسه برموده وبدي موف بكموم طوال هذا استر مالقت

كانت لافه يدها بشاش مكان ماجرحها عزام قالت بنرفزه:نعم

عزام لف لها انصدم من جمالها بهاللبس حتى وهو ساتر كان بيقول لها تجهز له
اكل بس انطرم لما شاف الشاش بيدها

قام لها مسرع مسك يدها وقال :شنو هذا شمنه

غلادزت يده قالت بقهر:منك بعد من منو

عزام بغضب:مني متى واشلون

غلابغضب:اسال نفسك وجت بتمشي بس مسكها بقوه وقال بقهر:تكلمي من الي جرحك واذا انا فمتى

غلابغضب:وقت مااعدمت لبسي بمقصك

عزام حس بقهراشلون ماانتبهت وجرحت يدها مسك يدها وفتح الشاش انصدم منه قال بضيق:جرحك عميق
يحتاج خياط البسي خل اوديك الطبيب

غلابنرفزه:مابي اروح لطبيب ابيك بس اترجعني للمزرعه عند ابوي

كان يحس بالحزن لشكلها بس في شي يعلقه فيها غصب قال باصرار:لا بتروحين وبالغصب بعد

غلا رضت تروح عشانها خايفه الجرح يتلوث

عند شجون

في بيت جدتها استاذنت من عمها وراحت هي وحنان

كانوا قاعدين سوالف وضحك الجده ببتسامه:بعدي بنتي خلج على رايج ولا ياثر عليج احد

كانت تقصد قرار شجون في انها تخبي عنهم جنس الطفل

خالد الي دخل على هالكلام انصدم في جدته توقع انها تقصده وقال :

شجون والكل:وعليكم السلام

شجون حست ان خالد فهم غلط من طريقة سلامه وفي نفس الوقت قاهرها ليش جاي
هي تبي تغير جو عنه ولحقها

خالد جلس جنب شجون وحوطها بكتفها عشان يقهرها قال بضيق وهو يشدها يمه:افا ياجده تشيشينها
علي هذا وانا جاي ابيك تساعديني على عناد بنت بنتك

جدته بصدمه:انا شقلت والله ماشيشتها بس انت فاهم غلط كل الي قلته كان عن سالفة
السونار

وكملت بغضب:وبعدين لاتضن اني ****ه بفعايلك السنعه مع شجون ترا كل شي وله حد

شجون وهي تبعد عنه قالت بهمس:سمعت كل شي وله حد بعد عني احسن لك

خالد تفشل وقال يرقع فعله:خلاص انا اسف يالغاليه وباس خدها وكمل بخبث:وهاذي رضوتك بعد

الجده وحنان استحن وفي نفس الوقت فرحانات ودهم بتحسن الامور بينهم

شجون وخرت عنه وقامت وتركتهم مفتشله من خالد والي سواه قدامهم

عند ضي

وقف السياره عند بيت جدتها وقال ببتسامه:يالله سلمي على الاهل

ضي بهدوء:مراح تنزل تسلم على امي

علي مسك يدهاوباسها قال بخبث:لا اخاف انزل واجلس بعدين اهون اني اخليك تنامين خاصة اني
لمحت انك لابسه تنوره بفتحه لي ركبتك

ضي بغصه وهي تسحب يدها:خل انزل ابرك لي

في السياره

عند عزام

كانوا راجعين من الطبيب بعد ما خيطوا لها الجرح بغرزتين وعطوها ابره

كان الصمت بينهم مافي احد تكلم

غلا عاجزه تفهم هالانسان عليه اطباع تقهر مع انها تحس بتغيره وانه ماقام يرجع لخرابيطه
ودماره

حست بضغط على يدها طالعت وشافته عزام استغربت ليش ماسكها بهالشكل كان هذي اول مره

عزام حاس بتانيب الضمير على عواره لها قال بهمس:اسف

غلا انصدمت عزام يعتذر اول مره قالت بنرفزه: اول مره اسمعك تعتذر على العموم اعتذارك
مرفوض لين توديني للابوي

عزام بقهر لانها تحقره:خلاص بوديك تشوفينه وبس لكن قعده اهناك احلمي واخذ طريقه للمزرعه

غلا استغربت موافقته بهالسرعه وفي نفسها افرحت انهابتشوف ابوها

في بيت الجده

بعد الموقف الي صار وهي متضايقه اشلون يتجرا جذي قدام جدتي وحنان

قطع عليها سرحانها ضي الي قالت باهتمام:شجون اشفيج من جيت وانتي مسرحه وساكته

شجون ببتسامه:ابد مافيني شي بس شايله هم امتحاناتي

تعرفين بعد ولادتي باسبوعين تبدا

ضي بتنهد:خلي عنج هالافكار وقولي لي شاخبار خالد معاج

بعده يضايقج

شجون اه ياضي خالد كرهني حتى بسماع اسمه تنهدت وقالت بضيق:مثل ماحنا الواحد يدور الزله
على الثاني

عشان نشعل الحرب بينا

سكتت فتره وكملت:الا انتي شخبارج عقب ماصرتي حرمه

ابتسمت على ضي الي صبغ وجهها

ضي بنرفزه:ماعندي اخبار وقامت عنها بتنحاش عن الاجوبه الي هي بنفسها تجهلها

البارت الرابع عشر

في بيت جدة ضي

ضي الي مالتقت بجدتها بعد هواشهم

واول ما شافت حنان وشجون اتركو المكان قامت وحضنتها

الجده وهي حاضنه ضي وتشم ريحة حنان فيهاقالت بحزن: سامحيني يمه تسرعت ومديت يدي عليج
كان لازم افهم

السالفه

تنهدوكملت:الله يجزا علي خير الي فهمني الموضوع

ضي بصدمه بعدت عن جدتها وقالت:علي اي موضوع يمه

جدتها:سالفة هواشج مع ذياب بس تدرين زفيته زف وهو ندمان قد شعر راسه

وده يعتذر

ضي علي شدراه عن هالسالفه اصلا قالت بغضب: مابيه يعتذر لان اعتذاره مرفوض اصلا

وكملت بحنان وهي ترد تحضن جدتها:خلج من السوالف هذي الي ابيه الحين حضنج وبس

في الليل الساعه وحده

عندالبنات بغرفة ضي

كانوا سهرانات سوالف وضحك

شجون بضحكه وهي تخزضي: علينا ضي والله ان حبه باين بوجهج شكل حلفه جاب نتيجه
وغمزت لها

حنان لفت على ضي وقالت بتعجب:اي حلف

شجون بضحكه:قولي لها عن الحلف

ضي حست بمغص من هالطاري قالت بنرفزه:شجون وجع شكلج فصختي الحيا

شجون ماتت ضحك وحنان انقهرت قالت:والله شكل الاسرار قايمه بينجن وانا الاطرش بالزفه

شجون باهتمام:لاوالله بس شي حصل مع ضي بلليلة الدخله وهي مستحيه تقوله

ولفت عليها:صح ضي

ضي وجههاالوان كانت بترد بس دق تيلفونها

وزاد مغصها

وحطت يدهاعلى بطنها قالت بغضب:ذكرناالقط جاناينط شبح

شجون بضحك:روحي ردي عليه لايهون ويرد ياخذج ترا يسويها

ضي خافت وطلعت ترد عليه بره

حنان بحب:الله يهنيهم ان شالله

شجون برجا:امين ياربي

سمعوا تيلفون شجون دق وكان خالد شجون بقهر ونست وجود حنان:شبح شيبي داق هذا علي
بهالوقت

حنان بضيق:ردي يمكن مايدري انج نايمه هني

شجون بفشليه:هاه اي صج وردت بجفاف:الو

خالد بلهفه:هلا شجون وينك

شجون بنرفزه:انا بيت جدتي اعتقد انك جايبني لها

خالد اوف هذي والله الي ماعندها اسلوب

خالدبقهر:حسني اسلوبك ادري بيت جدتي بس اسال اي غرفه

شجون بقهر من اسلوبه:وانت شكو طالعت بحنان الي تركت المكان من اول ماشتدت المشاجره بينهم

خالدبصراخ:انتي الكلام معك فاضي انا بغرفة جمال بيت جدتي تعالي لي بسرعه وعن الفضايح لااجرك
جر وسكر

بسرعه

شجون وهي مصدومه مو مستوعبه شيقول:معقوله بينام هني ياقردي

في مكان ثاني قريب منهم

بعد السلام والسوال عن الاخبار

صارلهم فتره بس يسمعون انفاس بعض من غيرلاينطق واحد منهم بحرف

علي بخبث:تدرين بفقدك الليله

وبفقد صياحك الي من كثر ماسمعته صار بالنسبه لي موسيقى كلاسك وضحك

ضي بغضب:علي

علي بحب:لبيه

ضي لبيت بمنى ياقلبي ياربي صدقت شجون انا احب علي قالت بنرفزه:بلا كلام فاضي وش
عندك داق بغيت شي

علي امحق اسلوب صج تقهر بس هين انا وراك لين تعدلين قال بقهر:ابد سلامتك انا
الي غلطان ادق عليك وكمل بفخر:

وسمعك صوتي العذب

ضي بنرفزه:عشتوا مصدق نفسك انت وصوتك

علي بلعانه:اخ لومنتي بعيده بس كان عرفت اسنعك باسلوبي الي تعشقينه

ضي بغصه:شكلك مطول وانا بروح اسهر مع البنات

علي بضحكه:خلاص روحي اليوم لهم بس باجر لي وضحك

في المزرعه

كان جالس وعينه بعينها كانه خايف انها تهرب مع ابوها بعيد عنه

دق تيلفونه وراح يرد بره

حمد بخوف بعدماتاكد من طلعته:ها يبه بشري عسى مو معذبك هالمتخلف

غلا براحه عشان تطمن ابوها: لاتخاف يبه بنتك محد يقدر لها تربيتك والمتخلف الي تقول
مايتجرا يضايقني

حمدباهتمام: الحمدالله بس ابشرك انا وصيت جارنا ابوعادل الكويتي يسال عن امك عشان اوديك لها
واتحدى هالحقير

يوصل لك

غلا على كثرماتمنت تشوف امها وتعيش معها مافرحت للخبر قالت بضيق:يبه انا بتم هني عشانك
وبس

حمدبضيق:يابنتي انا رجال مريض ومااضمن حياتي وروحتك لامك احسن لك عشان يدافعون عنك اخوانها

غلا راحت وحضنته قالت بحزن:بعد عمرا طويل يالغالي

انتبهوا لدخوله وقف بغرور قال: امشي برد لبيتنا

غلا استسلمت ومشت

في غرفة جمال

عندشجون

ادخلت وهي مومصدقه كلامه انصدمت

حمدربه انها ماعاندت وجت كان متخدر من لبسها كانت لابسه برموده وبلوزه طويله لي الركبه
لونهن ابيض مشجر

بوورود بنفسجيه وفتحة الصدر واسعه وكمها جبنيز

كان معطيها اصغرمن عمرها بكثير جت ووقفت وقالت بقهر: نعم شبغيت

خالد ياربي شكلي من كثر الحرمان بنفجر عليهاالليله قلت وانا عيني تحرق جسمها وخاصة ****
الي برز من

الحمل: بغيتك

شجون ببلاهه:نعم مافهمت

خالد وقف وراح يم الباب وقفله قال بخبث وهو يفصخ قميص بجامته:الحين افهمك

شجون تو استوعبت قصده وخجل كاسيها قالت بنرفزه: خالد افضل انك لاتقرب مني لاني كارهه
هالقرب

خالد طنشهاوقرب لها وجلس وسحب يدها وجلسهامعاه على السرير قال وهو يحضنها و*******: ماعليه انا

بخليك تحبين قربي الحين

شجون وهي تحاول تبعده بس ماقدرت قالت بصياح:واخر احسن لك لا الم عليك الي فالبيت
كلهم

وغرست اظافرها بصدره العاري

خالد انصدم وتركها بس بعد ماقطع *

قال بقهربعد ماتركها:انتي فيك شي صاحيه ناويه تفضحينا

شجون وهي تمسح اثار**** قالت بغضب: اي فيني اني مابيك ولااحبك وانت ماتفهم

خالد انقهر ومد يده بيطقها بس وقف قال بغضب:والله لو منتي بيت جدتي كان عرفت
اشلون اسنعك انت بتجيبين العذاب

لنفسك اصلا

شجون وقفت بتطلع قالت بقهر:اصلا من اخذتك وانا متعذبه وطلعت

خالد رمى نفسه على السرير وقعد يتنفس بسرعه من كثر ماهو ثاير

في غرفة ضي

الساعه ثلاث

شجون دخلت وهي بقمة العصبيه من الي صار شغلت الليت قالت :نمتوا

ضي وحنان كانوا على وشك النوم توقعوا انها بتنام عند خالد استغربوا جيتها قالو:لا

كملت حنان:بس توقعنا بتنامين عند خالد

شجون مشت صوبهن وقالت بدون نفس:لا بنام هني

ضي وحنان انتبهولاثار خالد الي علمت على شجون برقبتها و****

حنان استحت وفي نفس الوقت فرحانه لان هذا يدل على تعلق خالد فيها ماقدرت تكلم

ضي بخبث:غريبه اشلون هدج

شجون بستغراب:شقصدج

ضي وهي تلف عنها :شوفي ****والاثار الي فيه وتعرفين

قصدي

شجون تمنت الارض تنشق وتبلعها من الفشيله راحت صوب المنظره وقالت بقهر:اشوف فيج يوم ياضي

حنان ماتت ضحك وضي قالت بنرفزه:لا تعبين نفسك الي عندي يسوي اكثر من هالاشياء

وماتن ضحك على كلامها

اليوم الثاني

في جناح عزام

قعد الساعه سبع لاول مره يقعد هالوقت

دخل الحمام غسل وفرش اسنانه وطلع كان لابس بس شورت

اشتهى قهوه وراح يقعدها تسوي له

دخل غرفة المجلس الي دايم تنام فيها

شافها نايمه وسحرته ببرائتها وشعرها المحتاس وطريقة نومتها كانها ربيانه0

حس انها بطريقة نومها تحاول تدور الامان قرب لها وجلس

امتدت يده من غيرشعور لشعرها مسح عليه بخفه

بس مسرع مافزت وبعدت عنه قالت بقهر:خير

عزام انقهر وقال وهو يقوم ويلف عنها:قومي جهزي لي قهوه بروح الشركه

غلا وهي برجفتهامن قربه ونظرته وقفت وراحت تسوي له قهوه

الساعه سبع

في بيت الجده

قايمه من وقت جهزت الفطور عشان دوام خالد

البنات تدري انهم في اجازه امتحانات بس خالد مدرس مايعطل

استحت تطق عليه لانها شافت شجون داخله عنده وفرحت لهم حيل

فجاه شافت شجون نازله من الدرج

شجون الي عطشت ونزلت تشرب ماي انصدمت من قعدة جدتها هالوقت

الجده ببتسامه :صباح الخير

شجون بفرح:هلا صباح النور

وكملت وهي تجلس وتاخذ كاس ماي:شعنده الحلو قايم هالوقت ومجهز هالفطور الحلو

الجده وهي تبتسم:قايمه ومجهزه كل هذا للاستاذ خالد الي اتوقع ماهب مداوم عقب البارح وغمزت
لها

شجون بتردد:ليش خالد ماراح لدوام للحين

جدتها:لا والله ماقام وياليت تشوفينه لايتاخر اكثر من جذي

شجون بخجل:ان شالله وقامت تشوفه عشان خاطر جدتها

اصعدت ودخلت الغرفه وهي يتكرر عليها الي صار امس وقفت قدام السرير تاملت وجهه وهو
نايم كان غاط

بسبات والحاف منكشف عن صدره

حست بمغص وهي تشوف اثار اظافرها على صدره

قالت بهمس:خالد خالد

خالد بنعاس وهو مستغرب تقويمها له:نعم

شجون بخوف:قوم ما عندك دوام

خالدوهو يتعدل ويجلس وينكشف صدره كله قال بنرفزه: لا ماخذ اجازه اليوم وكمل بستهزاء:

توقعت اني بصلح الامورالي بينا بهاليوم

بس للاسف ماينفع معك شي

وقام وراح للحمام

وتركها منخرسه من كلامه لها

بعدشهر

شجون داخله شهرها وخالد عرسه اليوم على ريم

حنان مابقى على عرسهاالا اسبوع وشايله هم

ضي صارت قليل ماتروح لبيت جدتها بسبة علي

غلاردت تعيش مع ابوها بالمزرعه وحاسه براحه ولو ان عزام يجي مرات يشفي غليله بزفها
وهواشها وهو منشغل بشركه

ابوه الحين

عرس خالد

محد راح الا اهله لان الكل معترض عليه

ريم كانت حلوه بثوبها اوف وايت ومكياجها الفخم

اعلنوا الزفه وحست برجفه بقلبها

خالد موحاس بالفرح مع انه ماحس بالفرح حتى بعرسه الاول بس شوفته لشجون ذاك الوقت
اسعدته حيل

عند ضي

كانت تفتر بغرفتها وتدعي على خالد دخل علي وسمع كلامها

قال بقهر:استغفري لاترجع الدعوه عليك

ضي بغضب:اي هذا انتم يارياجيل بس تلقون لكم عذر رحتوا تزوجتوا الثانيه

ارفعت بتدعي بس علي سد فمها بسرعه وقال بقهر:والله الي مفروض يتزوج انا موخالد الي
سبب زواجه سخيف

تفحصها بنظرات تخوفها

وسحبها لسريروقال :مو مثلي الي سببي يقهر

ضي اخرسهاكلامه هي فعلا مقصره بحقه من كل الجوانب ماتقوم

بامور بيتها مثل اي زوجه وماتحسسه برغبتها في قربه

كانت تنفس بصعوبه هذا حالها كل ماقرب لها تمت ساكته وهي تحس بانفاس علي الحاره
تحرقها من كل جهه

عند شجون

حابسه نفسها بغرفتها تصيح ليش ياربي حظي جذي ليش خالد ماحبني

من بغى الفرقى لقاله عذر واسباب ودليل

خل عنك العذر والاسباب دام الحب ضاع

كان ودك بالفراق ابشر عسى عمرك طويل

لاتردد وانت لك كلمة ولك امر مطاع

لي عليك انك تبت بكلمة تشفي الغليل

ولك علي لوقف وقفة الرجل الشجاع

لاتجاملني مخافة قال مدري خوف قيل

عمر هرج الناس ماسمن ولايغني جياع

كان قصدك سر حبك اوعدك لاصبح بخيل

واحمل اسرارك معي للموت قدر المستطاع

بس قلها قل ما احبك وابشر بصبر جميل

لاتحسبني مثل من طبعهم لوي الذراع

صاحبك ماهو كذا ياصاحب القد النحيل

صاحبك طبعه غريب وغربته غربة طباع

في الهوى مايقبل الحل الوسط والا القليل

مثل ماهو لاشرى يشري ليا من باع باع

ثابت لو هي تميل الارض حدره مايميل

يدري ان الفقر ماهو عيب والدنيا متاع

ماعشق لذة حياته كثر عشق المستحيل

ولاكره حتى مماته كثر كره الانصياع

كم تعلم من شديد البدو وش معنى الرحيل

وكم تعلم من غروب الشمس وش معنى الوداع

وكم تعلم من سحاب الصيف وش معنى الحصيل

وكم تعلم من ليالي البرد وش معنى الضياع

ايه انا هذا طريقي موحش وصعب وطويل

وانت لامنك تعبت العالم فجوجه وساع

اعتبرني في بداية سكتك عابر سبيل

ورح وانا قلبي معك من وين وجهة الشراع

يكفي اني لاذكرت في سالفة عشاق قيل

عاشر احبابه شجاع وفارق احبابه شجاع

الساعه ثنعش بالليل

وخالد دخل مع ريم الفندق

خالدبرود: روحي بدلي وتعالي اكلي

فصخ بشته وشماغه وجلس ينطرها

وهوسرحان بشجون برغم من عنادها الا انه يموت فيها بشكل غريب

انتبه لجية ريم وتنهد وعدل جلسته

عند غلا

كانت جالسه بغرفتها القديمه ماتدخل جناحها الي بالفيلا الا اذا جا عزام

كانت تفكر بحياتها مع عزام تحس ان اهله واخواته طيبين حيل من طريقة ترحيبهم فيها

بالاول كانت خايفه من ردة فعل اهله بس اكتشفت انهم ****ن بهالزواج

تنهدت بحزن:اي ياغلا رحبوا بالزواج لانهم عارفين ان محد بيرضى في ولدهم0

سمعت صوت ابوها وراحت له

عزام جا وقال لابو غلا يناديها

انسدح على الكنبه وتوسد يدينه بعد فتره دخلت

كانت لابسه لبس ساتر متعمده عشان ماتلفت نظره

عزام انتبه لدخولها ابتسم هالبنت رغم بساطتها في اللبس الا ان لها سحروجاذبيه خاصه

قال ببتسامه:وين تيلفونك ليش ماتردين عليه

غلا ماتفهم بالتيلفونات اصلا قالت:مااعرف بهالاشياء

عزام اندهش وبطها ضحك

غلا انقهرت وطلعت الجهاز ونزلته قباله على الطاوله وقالت بسخريه:عمر جهلي بهالاشياء ماكان عار عندي
العار انك

تعرف الغلط وتستمر فيه

جت بتروح بس مسكها من ايدها بقوه وشدشعرها قال بغضب:والله وطلع لك السان يابنت الفقر

غلا وهي تحاول تبعد عنه قالت:اتركني يافاشل

عزام فارغضبه:فاشل هاه والله لاعلمك اشلون تكلمين اسيادك

غلاوهي تالم من شده لشعرها بس ماانزلت لهادمعه كانت صامده بوجهه وتطالع باستحقار

عزام شاف جمودهاوعدم خوفها قال بخبث وهويمرر نظراته لجسمها: شكلك يبي لك تعذيب من نوع
ثاني

غلا كلامه ارعبها ودزته بقوه وهو ترك شعرها

عدلت شعرها الي حتاس وقالت بنرفزه :مايشرفني واحد مثلك يلمس…

سكتها طراقه القوي بخدها

غلا امسكت خدها وطلعت ركض برا الفيلا

عزام الي من قمة عصبيته قام يكسر كل التحف والابجورات الي قباله

كان يتوعد بغلا نسى ثاره من ابوها وقعد يتوعد فيها هي ماتوقعها بهالقوه كان مفكر
انها صغيره وضعيفه بس خاب ضنه

لانهارغم صغر سنها الا انها بعقل يوزن بلد

اليوم الثاني

الساعه عشرالصبح

حست بالي يسحبها لحضنه ضي بنرفزه وهي نايمه:يووه ياخي فكني انت ماتشبع

توقعت يعاندها مثل العاده ويكسركلامها بس استغربت انه ماتكلم

لفت تشوفه وشافته غاط بنومه ابتسمت: حتى وانت نايم تبي قربي ياقلبي

انتبهت ياقلبي ياضي مره وحده اول مره تقولينها ولمنو لعلي

يووه انا اشفيني قمت اخربط خل اقوم قبل لايقعد علي واستحاله يفكني

قامت بشويش وغطت علي خافت لايبرد وراحت للحمام

عند خالد

صباح الخير ياعريس وغمزت له بفرح

خالدوالصدمه بعيونه من جرئة ام ريم قال برود:هلا صباح النور تفضلي حياك ودخلت بالصاله

قال:دقايق انادي لك ريم وراح

تذكر عمته لي من الحيا ماتطل بوجهه ولا تسولف معاه بميانه عقب زواجه من بنتها

وماردت لطبيعتهاالا بعدشهر من زواجهم

دخل شاف ريم لابسه وجاهزه قال ببتسامه:امك جت روحي لها بالصاله

ريم الي كاشخه بهالمكياج ولابسه ثوب علاق طويل فوشي قالت ببتسامه وهي توقف قباله:ادري والحين
بروح لها بس

ترا هي مراح اطول هي قالت لي اليوم

خالدبتعجب:اليوم متى

ريم :الفجر وانت نايم

خالد مسك نفسه لايثور امها شتبي داقه بفجرالله

تركها وراح للحمام وهي راحت لامها

عندضي

طلعت عقب حمام دافي يريح اعصابها

راحت بتاخذ لها بجامه لانها لابسه الروب شافت علي قايم وابتسم لها قال:ليش ماقعدتيني عشان
اخذ معك شاور

ضي وجههاالوان :حامض على بوزك

علي بخبث:لاتحديني ترا اخليك تردين تاخذين شاور ثاني

ضي بغضب:سخيف وراحت خذت لها ملابس وطلعت تلبس بغرفة علي الي قبل ينام فيها

علي مات ضحك عليها وقام يتروش

ضي البست بجامتها ومشطت شعرها وطلعت بعدمارشت عطر

انزلت بتفطرتذكرت ان ماعندهم خدامه قالت:ياربي الحين هذا مايعلمني ليش مودي الخدامه

علي دخل على هالكلام راح وحضنهامن ورا وقال بهمس عند اذنها:لاني مابي احد يكدر علينا
خلوتنا

ضي ابعدته ولفت صوبه قالت وهي تحاول تبعدتوترها من قربه:لاوالله واشلون بناكل ترا لاعت جبدي
من اكل المطاعم

علي ببتسامه:بعلمك الطبخ لاتخافين كلها اسبوع وتصيرين احسن طباخه

ضي بقهر:مابيك تعلمني ابيك تسوي لي شي اكله الحين حدي جوعانه

علي ضحك ومسك يدها وقال: تعالي بس شوفي اشلون اطبخ اصلا انتي ماخذه احسن شيف
بالبلد

ضي جلست بالكرسي قالت:ورني شطارتك

علي جرها وقال:تعالي لازم تساعديني يابنت خل اشوفك مره خدومه

علي يدفي التوست ويعطي ضي تحشي

وهي لاول مره تساعد بس طبعا بدون نفس

كانت تحشي بسرعه بس اهم شي تخلص

خذت مربى بملعقه بتحطه بس من ربشتها طار على وجهها

صرخت: يووه كله منك قلت مااعرف بس ماتفهم

علي مات ضحك خصوصا انها مسكره عيونها من المربى ضي بصراخ:بدال ماتضحك عطني شي بمسح
وجهي

علي اخذمنديل وقرب عندها وقعد يمسح وجهها بخفه كان خايف لاتاثر بشرتها

سرح برموشها وكثافتهن

ضي افتحت اعيونهاوشافت نظراته وتوترت وعضت شفايفها خجل

علي ماقدريقاوم جاذبيتها*****

بعدفتره

قطع عليهم صوت التيلفون

علي تركهاوراح يرد

وضي مجمده وعيونهاتذرف احساسها بالخوف مومخليها ترتاح مع علي

احمدت ربها ان علي ماانتبه لها امسحت دموعها وخذت لها توست من الي جهزه علي
مع كوب عصير وطلعب لغرفتها

ركض

علي سكرالتيلفون وكانت جدة ضي ترجاه يخلي ضي تجي عندهاهالاسبوع قال بتنهد:الله يسامحك ياخاله قطعتي
علي

اجمل لحضات حياتي

دخل المطبخ مالقاها انتبه انها ماخذه من التوست ابتسم وكمل فطوره بروحه

عند خالد

الساعه سبع المغرب

كان متجهزهووريم بيروحون يسلمون على اهله ويسافرون شهر عسل

ماكان وده بهالسفرمن الاساس بس مايدري ليش وده يقهرشجون باي شي

وده يعرف ردة فعلهااذا درت بسفرهم لان بزواجه منها ماسافر

شاف ريم طالعه وهي جاهزه قال برود:انتي ماتتركين هالاصباغ الي مخفيه ملامحك

ريم بقهر:والله عروس ويحق لي وطنشته ومشت

عند شجون

حاسه بنار بجوفها تحرقها ليش ياخالد ليش تحب تقهرني بتصرفاتك انا شسويت لك عشان تكرهني
بهالشكل كل هذا

عشان شهادتي

سمعت طق الباب حق جناحها وامسحت ادموعها بسرعه وراحت تشوف منو

في بيت فهد

كان جالس مع اهله يسولفون وفي نفسه منقهرمن ريم الي على طول طقة الميانه وقامت
تسولف

انتبه لحنان الي انبطت جبدها من مجاملة ريم تنهدوقال:بروح اطل على شجون قبل امشي

امه بضيق:خالد فهم قصد امه ان شجون ماتبي تشوفه بس طنش وطلع لانه هو لو
ماشافها بيموت

عند شجون الي

افتحت الباب وانصدمت من جيته صدت وقالت بنرفزه:نعم شعندك جاي

خالددخل وجلس قال وعيونه مانزلت عنها رغم حملها الي بارز ووجهها الي اثرعليه الحمل الا
انها احلى بالف مره من ريم

:قلت اعمل باصلي واجي اسلم عليك قبل اسافر

كمل برود:عموما انا كلهااسبوع وراد عشان ولادتك

شجون بقهر:مالك شغل بولادتي ابتسمت وكملت بسخريه:انت بس انبسط بعروستك الجديده

والي شكلها عاجبتك والدليل انك بتوديها شهرعسل

خالد حس بحقارته معها كل هذا ياخالد عشانها تخلت عنك وفضلت دراستها

شجون بقهر:سلامك وصل تفضل من غيرمطرود واشرت للباب

خالد تفهم حالتها وطلع مايبي ينفضح خاصة قدام ريم من اول يوم

البارت ال 15

بعد اسبوع

عرس حنان

ضي خلصت من الصالون ودقت على علي عشان ترد البيت تلبس وتروح لصاله

وصلت البيت وصعدت تلبس وعلي دق تيلفونه وانشغل بالرد عليه

ضي البست كانت مفصله ثوب اوف وايت بذهبي كان كات وطويل وفيه فتحه لي الركبه

قعدت تلبس اكسسوارها وقطع عليها تصفير علي

علي الي داخ من شكلهاقال بخبث: لاشكلي بكنسل العرس

ضي انحرجت منه قالت بنرفزه: علي ترا موفاضيه لسخافتك وراي عرس وعرس منو حنون اعزوحده
على قلبي بعد

علي اخ ياحظ هالحنان بحبك لها قلت بشك:يعني عندك اعزاء غير جدتك وحنان وشجون

ضي فهمت قصده اه ياعلي لو تحس بالي احسه اتجاهك عمري ماحسيت بضعف قوتي غير
عندك احس قلبي يحتم علي الصمود قدامك قلت ببتسامه:يووه لو بقعد اعددهم لك ماخلصت لما
ارجع اقول لك واخذت عباتي وسحبته بيده عشان مانتاخر

علي سحبني لحضنه بيبوسني حطيت يدي على فمه وقلت برجا:عفيه لاتعدم مكياجي لما ارجع اخذ
راحتك

ماودي اطيعهابس رجاها لي خلاني غصب ارضا لان هذي اول مره ضي ترجاني فيها قلت
بخبث: اكيد باخذ راحتي

في العرس

دخلت وهي متوسطه خالد وابوها كانت تحفه بجمالها الفتان كانت تدعي بداخلها ان الله يسعدها
مع عمر

خالد وعيونه تلفت تدور اعيون اشتاق لهن جا من السفر وراح لاهله ولقاها عند امها
كانها رافضه شوفته عقب يرجع

انتبه للي تشد يده ريم بطفاقه: خلود حبيبي لي طلع ذياب ابي اتصور معك اوكي

خالد برود:ان شالله انقهر من طريقة حجابها قال:تغطي عدل

شجون انتبهت لطريقة ريم وكلامها مع خالد لفت لجهه الثانيه تصد عن شوفته معها

كانت تحس بخنقه قطع عليها ضي الي قالت بنرفزه: حرام تكون هالاشكال اخوان حنون

شجون ابتسمت: خالد يمكن لكن ذياب ليش حبوب

ضي بقهر:حبوب طل بعينه

شجون بضحكه:خلك من ذياب قولي لي اشلونج مع علي

كانت بتطمن على ضي عقب تحسن حالتها مع علي

ضي برود:ماشي الحال

شجون:اشلون مافهمت

ضي بنرفزه:يعني الي يبيه وفرته له غير هذا ماعندي

شجون بضيق:والحب شلي يمنعج لاتحبينه دامه يحبج

ضي بقهر:شدراج انه يحبني هو بس يبي يقهرني

كملت بضيق: لو اني متاكده من حبه لي جان مانكدت على عمري وقعدت اصيح كل
مالمسني

شجون بحزن:ضي علي لو مايحبج جان ماصبر عليج هالمده

خلج من كلامه الي قاله لج قبل الزواج قطع عليهم هبه كانت تناديهم يصورون

خالد صور مع حنان ومع ريم كان وده شجون بعد تطلب منه يصور معها بس
طبعا مستحيل هالشي

وقف ينطرها تطلع وده بشوفتها وهي كاشخه قطع عليه جدته: خالد اشفيك هذا وعندك حرمتين
ماكفوك اطلع اشوف ضي ورفيقات حنان بيصورون

خالد طاح وجهه وطلع متفشل

عند المعاريس

دخلت باليمين وكان ماسك يدها

جلست على الكنبه وجا جلس يمها قال وهو ماسك يدها: احس اني احلم

حنان ابتسمت ونزلت راسها خجل

عمريارب ياحنان تسعديني وتعوضيني عن خيانة سهام

يارب اقدر انسى غدرها لي

سهام تزوجت عمر غصب عنها كانت تحب ولدخالتها وهو يحبها وبعد ماسافر يدرس جاها عمر
وخطبها وافقوا اهلها بسرعه وهي كانت رافضه هالزواج

وبعد مارجع ولدخالتها تموا على اتصال لين ماكشفها عمر وطلقها وعمربدر ولده سنتين بعدها على
طول تزوجت ولد خالتها ومازالت تكره عمر الي فضح حبها

عند خالد

وصل ريم لاهلها وقال انه بينام عند اهله انتبه لقهرها وطنشها

وصل بيتهم الساعه وحده دخل شاف امه الي قالت بخوف:خالد يمه عسى ماشر شعندك جاي
هالحزه

خالدببتسامه:افا يالغاليه ناسيه ان هذا بيتي بعد

امه:لا بس المفروض تقعد مع زوجتك

خالد اقهره كلامهاقال:وشجون موزوجتي بعد وطلع لجناحه

شجون الي خلصت من ازالة المكياج وباقي بتفصخ الثوب اسمعت فتح الباب وطلعت تشوف انصدمت
من وجوده

خالد ببتسامه:

تنهد ياربي هالبنت تسحر بدون مكياج حتى تنح من ثوبها الي عباره عنقصةتحت صدروالي تحت كسرات كله كانت فتحة صدره واسعه ومبرزه كبر صدرها مع الحمل

شجون برود:وعليكم السلام وردت تدخل الغرفه تبدل

الساعه وحده في بيت علي

عند علي

قعد وهو حاس بالقهر قال بغضب:وبعدين معك انتي متى بتعدلين ان شالله

ضي ماردت اكتفت بالشهاق بس عدلت روبها وطلعت بسرعه

كلام شجون لها لخبط موازينها ودها تصدق ان علي صج يحبها وشاكه جلست على الكنبه
تصيح

علي زفربغضب جاهل ماخذ لك جاهل ياعلي حذف المخده من العصبيه ورد بينام احسن له
من الهواش كل مره يخلق لها اعذار بس لي متى وانا بتحمل

عندشجون

انقهرت ليش جاي وش يبي مني مااشبعت ريم رغباته

طنشت دخوله وخذت بجامه ودخلت الحمام

خالد منقهر ماسلمت مثل الناس ولاكانه توه راد من سفر ولا شافها

فصخ شماغه وعلقه بالعلاق وراح انسدح على السرير

قعديمسح على راسه بشويش

اخ ياشجون متى بتحسن حياتي معج انا اكتشفت تعلقي فيك واني ماقدرت انساك حتى وانا
متزوج

بعدربع ساعه طلعت بجامتها العنابي

وقفت عند التسريحه وحطت لوشن قالت ببرود وهي تمسح الوشن:شعندك جاي لايكون المدام طارتك

خالد اقهره كلامها قال ببرود وهو يفصخ ثوبه: مو خالد الي ينطرد بس انا بقسم
بينكم من اليوم

شجون بقهر:بس انا متنازله بيومي لها فوفر على نفسك وتم عندها على طول

خالد بغضب:شكلي بتبع معك اسلوب ثاني ياشجون بس بصبر عليك لما تولدين

شجون بغضب:انت الي جايبه لنفسك طلق وفكني لاني انا لايمكن ارد لك وبتم جذي لين
ماافتك منك

خالد حاس بنار تحرقه وده يكفخها بس خايف عليهاتاذى ماحس بنفسه الا وهو يحذف الفازه
الكبيره ويكسرها

فرغ كل عصبيته فيها

شجون سدت اذونها من قوة الصوت اجمدت من الخوف

وكسرخاطرها خالد الي جلس وهو يتنفس بقوة من العصبيه

خالد حاس انه هدى شوي جلس بالارض وقعد يستغفر ربه عشان يصبره لايتهور

كان في كسرة قزاز قريب يمه حذفها بيده بعيد بس اجرحته بكفه

شجون حسيت بحقارتي ليش خليته يعصب ويثور ليش جرحته بالكلام لي متى بتم اعانده ومااستفدت
شي خالد مايجي بالعناد

قربت منه وجلست على السرير وخالد كان تحت جنب السرير كان منزل راسه ويضغط عليه
بشده

قلت بهمس وخوف:خالد

خالد بتنهدوهو يرفع راسه و يتسند على السرير:تركيني ياشجون لا يصير لك شي تندمين عليه

شجون حست بضيق وانتبهت لجرح خالد الي نزف قالت بحزن: زين بخليك بس بعد مااعقم
جرحك وقامت تجيب الباستر والمعقم

خالد قام وراح يبدل لبس له بجامته بدون لايسكر القميص

انسدح على السرير

شجون جابت الاغراض وجت اجلست عنده ومسكت يده مسحت جرحه بمهاره وحطت الباستر قالت بهدوء:سلامات
وكملت بحزن:وانا اسفه بس ا

قطع عليها اصابع خالد الي سد فيها شفايفها قال باصرار:مابي اسمع شي حتى اسفك

حست بخناجر تغرسهامن كلامه حطيت يدها على بطنها من رفسة طفلها الي اول مره تكون
بهالقوه كانه يعاقبها عن افعالها مع خالد

خالد خاف من طريقة مسكها لبطنها توقع ولاده قال بخوف:

شجون اشفيك يعورك شي

شجون سدت اذونها وقالت وهي تقوم عنه وتروح تنام بالجهه الثانيه:لا مافيني شي

وكملت بغصه من البكي:بس الجنين تحرك وعورني

خالدبلهفه:اخاف ولاده

شجون بضيق:لا تطمن

ونسدحت وغطت نفسها بالحاف تستسلم لنوم

خالد قرب لها وحط يده على بطنها قال بحنان متناسي قهره الي من ساع: حسافه
توقعت ولي العهد بيشرف بهالحضه

شجون بتوترمن لمساته لها قالت :لا بس بعد لايزيد من رفسه لي

خالدبخبث: ماراح ابعد خل علاقل ولدي ياخذ لي حقي منك وزاد من مسحه

وشجون زاد توترها وخالد ولا همه جلس كانه يسوي جلسة مساج

بعد اسبوع

حنان وعمر مسافرين شهرعسل لباريس

كانوا يتمشون بالحديقه عمر بخوف:حنان ممكن اتعلميني بكل شي عن حياتك

حنان:شنوبتعرف بالضبط حدد

عمرتوهق قال بنرفزه: كل صغيره وكبيره في حياتك

حنان استغربت غضبه وقامت تكلم عن طفولتها

عندشجون

كان عندها امتحان وقاعده تدرس بعد فتره دخل خالد هي مستغربه من خالد مايطول عند
ريم مايمريوم الا وهوعندهم

اوهمت نفسها ان كل هذا عشانها حامل وينتظرولده

خالد جلس بعد ماسلم وشاف انشغالها بالمذاكره

قال برود:متى اخر امتحان عندك

شجون :هذا اخر شي

خالد باهتمام:بتوقفين قيدك في الفصل الثاني

شجون بستغراب:ليش اوقفه

باقي على الفصل شهر واذا جا بكون عديت فتره النفاس

خالدبقهر:توقفينه يامدام عشان طفلك الي يحتاج اهتمام ورعايه باول شهوره

شجون قالت وهي واقفه بتروح:ولدي وانا اعرف اشلون اربيه بس انت خلك بعيد ومشت

خالد انقهر وده يكفخهاعلى هالاسلوب زفر وطلع وصك الباب بقوه

شجون بنرفزه:وجع صج غثيث قلت تزوج وبفتك منه طلع اعل من قبل

اه خل اجهز اغ**** عشان بكره بعد امتحاني بروح لاهلي

بيت عادل

كانوا مجتمعين بالمجلس عنده

عادل الي حاس بتغيرضي وسرحانها قال بحنان:يبه ضي فيك شي

ضي بتنهد اه يايبه ياليتك ماغصبتني على هالعلي الي تاكدت من تعلق قلبي فيه قلت:ابد
سلامتك بس حاسه بوحده عقب سفرحنان وروحة جدتي لمكه

مع خالي جمال وعياله

علي سمع الي نقال وبنفسه مو مصدقها لان هالحاله جتها عقب اخر هواش بينهم

اخ ياضي مشكلة قلبي انه مايقدر على زعلك رغم الي سويتيه لي

علي استاذن والتفت على ضي تمشي

عند شجون

كانت عند اهلها مرها سواق اهلها وراحت معه

الساعه اربع

كانت مندمجه تاكل وتطالع بالتيلفزيون انتبهت لتيلفونها

كان خالد

شجون بقهر:اووف ياربي شيبي داق

حطته سايلنت وكملت الفلم

في بيت خالد

انقهر عارف انها حاقره اتصاله شاف ريم تسكر السماعه من امها قال برود:امك ماتمل من
السوالف والاساله السخيفه

كان قاهره تدخلهاحتى بحياتهم الخاصه ووصلت فيها السخافه انها تسال بنتهايوميا اذا نام معها او
لا وقاهره خبال ريم الي تعلم بكل صغيره وكبيره

ريم بنرفزه:شفيك على امي حدك عاد

خالد اخ يالقهر حظي نحس مع هالحريم الي بايعتني عشان شهاده والي جاهله بكل حاجه

عندعمر

صحى على همس باذنه:حبيبي قوم تاخرنا

عمرباس يدها الي فوق صدره وقال:ياصباح النور باحلى وحده شفتها بحياتي

حنان بضحكه:ترا اصدق واغتر عليك

عمربثقه:وانا صاج وقرب بيحضنها بس حنان فلتت منه وقالت بضحكه:سوري حبي بس ترا مووقته وراك
صلاة وطلعت تضحك

عمر اه احبها هالبنت ساحرتني من اول ماشفتهابمحاضرتي

ابتسم وراح يتسبح

اليوم الي بعده

صحت على عوار بطنها عدلت جلستها بتروح تنادي امها بس اشتدعليها العوار وصرخت: ااه يمه
لحقيني

في المستشفى

كانت على اعصابها تنطرهم يطمنونها على شجون

بعدساعه اطلعت الدكتوره هبه قالت بخوف:ها بشري

دكتوره بضيق:والله مادري شقول بصراحه المدام تحتاج قيصريه فلازم يوقع زوجها بسرعه

هبه بخوف:قيصريه يارب تستر

وانتبهت لخالد الي دخل طاير عليهم

خالدبخوف:هاه عمه بشري شجون اشلونها

هبه بضيق:الحق ياخالد شجون تحتاج قيصريه

خالدبخوف:قيصريه ليش

الدكتوره بقلة صبر:المريضه حاشها تعسربالولاده وهذا يضر عليهاوعلى الطفل فوقعوا للعمليه بسرعه

×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ ×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×

البارت ال 16

.~ اذا شفت المطر ~.

افتح ايدك واجمع اللي تقدر عليه!!

شفت اللي جمعته؟؟

هذي غلاتي عندك!!

تبي تعرف شنو غلاك عندي؟؟

باقي

المطر

اللي

ماقدرت يدك تجمعه

خالد واقف عند باب العمليات على اعصابه ينتظر احد يطلع يطمنه عن شجون

كان يضرب برجله على الطوفه من شدة التوتر

هبه جالسه وماسكه قلبها من الخوف خايفه على ضناها الي داخل وزاد توترها خالد الي
ازعجها بحركاته المتوتره

هبه بخوف ياحسرتي لاتموت بنتي بالولادة مثل حنان اختي

لابس حنان معهاالقلب تنهدت وتعوذت من وساويس الشيطان

خالد ماهب اقل من عمته كان خايف يفقد شجون تمنى يخسر الطفل بس شجون تعيش

قطع عليه صوت عمته

هبه بضيق:خالد اهدئ اتلفت اعصابي بضربك للجدار

خالد وقف وراح يمها وجلس قال بخوف:تاخرو حيل نزل راسه

ضغط عليه بين يدينه بقوه

هبه ماردت الي فيهاكافيهاوخالد جاي يزيد خوفها تنهدت الي يسمعك يقول ميت عليها ماكانك متزوج
عليها بس صدمها خالد لما قال

خالد بخوف:عمتي شجون معها القلب

تذكرعمته حنان وخاف

هبه بعصبيه:اسم الله على بنتي مافيها شي

خالد بقهر:زين ليش تاخ..

ماكمل لان الدكتوره طلعت وراح لها ركض

خالد بخوف:ها بشري شجون اشلونها

هبه كانت وراه استغربت من لهفة خالد وشدة خوفه وسكتت

الدكتوره ببتسامه: الحمدالله العمليه نجحت والام بخير والطفل بخير

خالد بخوف:صج شجون بخير

الدكتور كسرخاطرها:اي وحمد الله على سلامتها

هبه تفشلت من خالد قالت براحه:الله يسلمج ويعطيج العافيه دكتوره ماقصرتي

الدكتوره:الله يعافيج وتقدرون تشوفون الطفل بس امه بعد ماتصحى من البنج

جت بتروح وقفتها هبه قالت بخجل:لو سمحتي ماقلتي هي شنو جابت

الدكتوره ضحكت توقعت انهم عارفين لانهم ماسالوا اصلا قالت :ولد ومشت

خالد تفشل لان مافكر يسال عن ولده كل همه كان شجون وبس

هبه ببتسامه:مبروك ياخالد

خالد باس راسها وقال بحب:الله يبارك فيك وحمدالله على سلامة شجون هذا اهم شي عندي

هبه كانت توهم نفسها بان خالد مايحب شجون بس افعاله اليوم بينت العكس

اصبر دمعي بكذبه يادمعي باكر وباكر..

يجيني من ترك فيني غلاه وصدقه الكاذب

ويقبل باكر وكنه هذاك الزاير العابر..

ويقفي تارك بعده سخاه وجوده الشاحب..

واعود اكرر الكذبه واقول ان الفرح باكر..!!

واسوي نفسي الصادق ..

وصدقي فالاصل كااذب !!!

عند غلا

الساعه ثمان بالليل بالمزرعه

ادخلت جناحهم بهدوء كانت بتنظف الي اعدمه عزام ذاك اليوم

هي من الي صار ماشافته ولا جا للمزرعه حست بالضيق لانها هي السبب

كان المفروض ماتقول له فاشل ولا تعيره بضياعه المفروض تساعده وتصلح حاله لنفسه مو لشي

صدمها شكل الجناح كان بحاله يرثى لها كل التحف مكسره والاثاث مخرب

تنهدت بضيق:يووه الله يعيني على التنظيف

وراحت بتعدل الكنب بس وقفها صوته الخشن وراها

0عزام الي دخل وسمع كلامها قال بقهر:وانتي وش شغلتك غير التنظيف

كمل بستهزاء وهو يعدل الكنبه ويجلس عليها:خدامه وابوك حارس

ضحك وقال:ونعم النسب ياعزام

كان منقهرمنها حيل من عقب الهوشه وصفهاله بالفاشل

هو صح فاشل ومستهتر بس موذنبه ذنب ابوه وامه الي ماهتموا فيه بس همهم يوفرون
له المال

غلا عشتو محد غصبك طنشته وراحت ترتب تقدر ترد بس ماتبي تشعل الحرب من جديد

عزام اقهره تطنيشها قال بصراخ: اتركي الي بيدك وروحي سوي لي عشا بسرعه

غلا بخوف:ان شالله وراحت ركض

ادخلت المطبخ وهي بقمة عصبيتها

غلا اوف متى بفتك من هالعذاب ياربي وراحت تسوي له عشا

يا عجول بالحكم دايم تمهل

كان لك قلب و لك عين بصيره

لك نزفت الحب ما القصد اتجمل

كنت صادق في القليل و في كثيره

كنت انا اسال عنك ابي لو يوم تسال

كنت ادور لك عذر حتى اقول خيره

في بيت علي

دخل بيته وهو حاس بالضيق عيشته مع ضي معاد تنطاق توقع انه بيقدر عليها بس
ماصار هالشي

ضي طلعت اقوى منه بالف مره

وقفه عن التفكير صوتها العالي

ضي كانت تكلم حنان وكانوا فرحانات بجية فهدالصغير ولد شجون

علي استغرب منها لما طلع من البيت كانت بعدها زعلانه والحين مستانسه وتضحك بعد فرح
لفرحها ودخل عندها بالصاله

ضي الي مانتبهت لدخوله وكانت تسولف وتناقزمن فرحها

اعجبه شكلها بالشورت الجنز والبدي الاحمر

كان يسمعها تقول فهود حبيبي وقلبي حس بالغيره وده يعرف من فهدهذا

جلس ينطرها تخلص

ضي انتبهت له وسكرت من حنان

جت ونقزت بخفه وجلست يمه وعلي دايخ بحركتها قالت بفرح:علي شجون ولدت وجابت ولد جابت
فهود

كانت تهز كتفه بدلع علي بسعاده:صج الف مبروك ان شالله

وكمل بضيق:عقبالنا

ضي بخجل ماتخيل نفسها ام بس حبت هالفكره خصوصا ان هالطفل بيربطها بعلي غصب قالت
بخجل:ان شالله

ابتسم ماتوقع منهاهالشي

ضي بنفس الاسلوب قالت:علي ممكن اتوديني لشجون ازورها واشوف البيبي بليز

علي وهو يضغط على خدها قال ببتسامه:الحين مو جنه الوقت متاخر و

ضي بالحاح:لا اصلا هي توها تصحى عقب العمليه وانا ودي اشوفها عفيه

علي ياناس ودي اكلها تسحر هالبنت قال بضحكه:خلاص بوديك لا تصيحين

ضي بدلع وهي توقف وتخصر:ماصحت وخمس دقايق البس وانزل لك

وراحت

علي تنهدوسند راسه على الكنبه يتخيل شكل ضي حامل ضحك والله بتهبل فيني هالضي

بعد فتره انزلت ومعها عباتها

البستها والبست الملفع وعدلته مثل عادتها نص الشعر طالع

قالت بسعاده:انا جاهزه نمشي

علي وقف وقال وهويمشي صوبها :بنمشي بس اول عدلي ملفعك وقرب لها ودخل شعرها وعدله
لها وباس خدها وقال:كذا احسن

ضي انصدمت منه وماقالت شي وطلعوا

عند شجون

الساعه تسع بالليل

صحت من البنج و قالت بتعب :يمه

هبه وخالد الي مندمجين مع الطفل انتبهوا لها هبه :هلا يمه وراحت عندها باستها وقالت
:حمدالله على سلامتج ومبروك ماجبتي

شجون بتعب :الله يبارك فيج وي

كانت بتسال عن ولدها بس صدمها خالد الي قرب لها وباس راسها وخدها وقال بفرح:حمدالله
على سلامتك ومبروك علينا حياتي

شجون استحت خصوصا ان امها هنيه قالت :الله يسلمك لفت لامها وقالت بشوق:يمه وين ولدي
بشوفه

خالد حس بجفافها بالرد

عليه

هبه بسعاده :هذا هو فديته يهبل وجت بتجيبه بس خالد سبقها وجابه

خالد شال فهود وجابه لها قال بحب:شوفي انتاجنا يهبل ما شالله

شجون ماقدرت تشيله من تعبها كان ودها تشيله وتبوسه كان شكله يهبل

صغير واحمرحيل قالت بحنان: صغير حيل

هبه اضحكت عليها قالت: لا وزنه زين بس توه ماصارله كم ساعه من ولد

خالد الي جلس جنب ارجولها على السرير ومعاه ولده يبوسه قال بسعاده:عمه مو يشبهني صح

شجون كانت بتعترض بس وجود امها وقفها

هبه بفرح:توه خل يكبر شوي ونشوف من يشبه

قطع عليهم دخول ضي المندفع بدون استاذان

في بيت اهل ريم

كانت هي وامها قاعدين وحاسين بالغيره والحسد من بعد مادرو بولادة شجون

ريم بحسره:اخ يايمه صارلي ساعه ادق ومطنشني ومايرد علي

امهابقهر:وياما بتشوفين تطنيشات دامج ماسمعتي كلامي

ريم بضيق:شنو تبيني اسوي انا من يدج هاذي الا يدج هاذي بس خالد يرد لي
ويترك شجون

امها:اول شي تشدين حيلج وتحملين

ريم بحزن:هذا بيد الله موبيدي يمه

امها اه يابنتي حظج ردي مع هالخالد الي واضح حبه لزوجته بس انا لازم اتصرف
وخلي خالد خاتم بيدج لو بطبوب ام حسين وابتسمت بمكر

قالت :خلاص لقيت الحل بس انتي نفذي كل حرف اقوله لج

ريم:زين

الساعه عشر

عند غلا

بعد ماحطت عشا عزام قامت تنظف القزاز المكسر في كل مكان

كانت تسرق النظرات له وتشوفه كان ياكل بهدوء وكانه يفكر

شالت كل القزاز وراحت لزباله ترميه

ادخلت المطبخ ورمته زفرت بعصبيه وقالت وهي تحذف المكنسه: اف طفش ودي اروح اجلس مع
ابوي بس اعرف هالزفت بيرفض

خوفها صراخه وراحت تشوف شيبي

عزام الي اكل وشبع التفت يدورها تشيل الاكل ماحصلها وصرخ يناديها

غلا جت ووقفت قباله قالت:نعم

عزام بغضب:شيلي الاكل

غلا شالته بسرعه وراحت

عزام وقف وراح لغرفته دخل فصخ ملابسه واخذ فوطته وراح ياخذ له شاور

في المستشفى

شجون بخوف:بس ياضي ذبحتي ولدي من كثرالبوس

ضي بنرفزه وهي حاضنه فهود:حاصله ولدج ان ضي تبوسه

هبه بضحكه: هذا من اول يوم بتقهرينا من خوفج عليه

ضي بقهر:عشتو كان محد حمل وجاب ولد غيرها ووقفت بتطلع بفهد اتوريه علي

شجون بنرفزه : شدي حيلج وجيبي ولد وابتسمت وكملت: ولا اقول خليها بنت عشان ازوجها
فهود

ضي حست بمغص من هالطاري وطنشتها وطلعت

شافت علي واقف ويسولف مع خالد ويضحكون قالت بسعاده: علي

التفت لها وجا صوبها

ضي بفرح:شوف شحلوه صغنون مره

علي قرب منه وباسه قال بحب: بسم الله عليه بس تدرين قهرني ولد خالك نافخ
ريشه علي بعد ماصار ابو

ضي بقهر:حتى مرته ماكان احد جاله ولد غيرها

علي بخبث:ماعليك من اليوم بنشد حيلنا عشان نجيب احسن من ولدهم

ضي بغصه من كلامه قالت :بودي فهود شكله جوعان

علي ضحك على تصريفتها قال: ودي الولد وامشي برد بيتنا ترا حدي تعبان وجوعان بعد

دخلت وهي تحس بحراره بجسمها من كلامه عطت خالتها الولد وسلمت وطلعت

يا صاحبي بهالزمن كل شي يصير

اللي ماتبيعه .. بايعك..

اللي ماتخونه..خاينك..

واخر احد تتوقعه

ترى اول من يجرحك..

صاحبي..

راس مالك عزتك..

اللي يهينها يقتلك

ولو حصل وانكسرت..

امسك دموعك

احبس جروحك

وعمرك لاتشتكي

..الا لخالقك..

اليوم الثاني

الساعه ست الصبح

عند عزام قام على صوت المنبه

سحب التيلفون وطفاه قعد بكسل اف شلي بلاني وخلاني اشتغل مع ابوي موطول عمري بطالي
واحسابي مليان

تنهد يمكن تعلقي بهالزفت غلا خلاني ابدا بصلاح حالي اخ كل مااتذكر كلمتها لي بالفاشل
ودي اقطعها باسناني

قام ودخل الحمام غسل وفرش اسنانه ولبس قميص بجامته بدون لايسكره

رش عطر ومسح على وجهه وطلع يقوم غلا تجهز فطوره

انصدم من شكل الجناح كان نظيف ويشع نظافه عكس ماكان والاثاث مرتب عدل

ماشافها بالصاله عرف انها بالمكتب وراح

غلا الي ماخلصت من الشغل الا بعد الصلاه وصلت ونامت كان منهد حيلها

وغاطه بالنوم على الكنبه

ماحست بعزام لما دخل بالعاده تفز اول مايفتح الباب

عزام بنرفزه: انتي هيه قومي جهزي فطوري

شافها ماتحركت خاف وقرب لها

عزام ياويلي لايكون ماتت جلس يمها وقرب منها يسمع تنفسها

عزام بتنهد لا الحمدالله عايشه بس من التعب نايمه ياعمري

من غيرشعور قرب لها وباس خشمها سحره صغر حجمه مسح شعرها وعدل لحافها وتركها وطلع

لبس وتجهز وراح يفطر برا قبل يروح لشركه

عند حنان

كانت فرحانه بجية فهود الصغير وازعجت عمرمن كثر ماتوصف فرحها فيه

قالت بضيق:حبيبي متى بنرجع اشتقت لاهلي حيل

كانت نايمه على كتف عمر

قدري اني ياغلاي حرت اشوف الدنيافيك

…من كثرطيبك معاي

خايف احسدني عليك

…يعني خذمني ضمان

باختصاروكلمتين

…انت حاجه بهالزمان

ماتكرر مرتين

عمر وساويس خيانة سهام ماتركه قال برود وهو يجرها لحضنه:مابعد خلصنا شهرالعسل ليش مستعجله على
الرجعه

حنان بغصه من قربه: لابس والله اشتقت لهم ولشوفت فهد لصغير بعد

عمر بنفس الاسلوب وهوشاد بحضنه لها: كل هذا الشوق عشان شوفة فهد لصغير انا الي
تارك ولدي وجاي هنيه ماسويت مثلك

حنان بعدت عنه وجلست قالت بنرفزه وهي متخصره :والله اذا انت مالك قلب ولاتحس فانا
مو مثلك انا بموت على شوفة اهلي كاني غايبه عنهم سنه مو اسبوعين بس

كان يتامل شكلها وقفتها على ركبها وتخصرها كانت تسحره خاصة بقميصها الوردي الي نص الفخذ

عمرمسك يدها وسحبها لحضنه قال بلهفه وشوق:خلي عنك اهلك الحين حنا بشهرعسل ياعسل وباسها

حنان ماقدرت ترد بكلمه واستسلمت له ولعواطفه

اخطيت يوم اني طلبتك حنانك

لا صرت فاقد شيء وشلون تعطيه !!

مهما نطق لي بالمشاعر لسانك

شيء بدون احساس ما اقتنع فيه !!

احساسك المصنوع خنته وخانك

جاملتني به وانت تجهل معانيه !!

مني نصيحة تنفعك في زمانك

الا

شعورك

لا تبيعه و تشريه !!!!

عند شجون

قامت على صياح ولدها التفت تنادي امها بس مالقتها طقت الجرس تنادي الممرضه

شجون انقهرت ولدها يصيح وهي موقادره تروح له من العمليه

انتبهت لفتح الباب توقعته الممرضه بس طلع خالد

خالد استاذن من دوامه ساعه وطلع بيشوف شجون ولدهم فهد

كان جاي وجايب لها فطور

خالدببتسامه:

شجون ياربي شيبي جاي مايكفي امس بالموت راح قالت برود:وعليكم السلام زاد صياح ولدها قالت:ماشفت
امي وين

خالد نزل الاغراض وقال: امك راحت للبيت وشوي بترد هي قالت لي اقولك لانك كنتي
نايمه وقت ماطلعت

شجون بقهر:زين تقدر تجيب الولد لي برضعه

خالد اخ تزفر علي كاني صبي لها رحت وشلت فهود وبسته ياحلوه اليوم متغيرومفتح عويناته
قربت وعطيته شجون

لفيت ورحت افتح الاكل قلت برود:امي وابوي بيجونك بعد شوي

شجون حاسه بخجل وماتبي ترضع عند خالد بس صياح ولدها منعها استغلت انشغاله وقامت ترضع

ماسمعت خالدولا انتبهت له كانت تمسح على ولدها الي سكت من حضنته

خالد لف بيسالها وش تشرب بس تنح اول ماشاف المنظر كان شكلهم يفتن نزل الصحن
الي حط فيه لشجون فطاير وراح وجلس عندها على السرير

شجون بغصه كانت منقهره من نظرات خالد:ممكن تطلع لين اخلص رضاعه

خالدبخبث:لاموممكن وقرب من فهد وباسه

شجون بقهر: خالد وخر

خالد كان بيرد بس دخول اهله سكته

شجون استحت وخرت فهد بسرعه وحطته جنبها حست انه شبع ونام

ام خالد بسعاده:حمدالله على سلامتج والف الف مبروك يمه

باستها وشالت حفيدها

بوخالد سلم وبارك لها وجلس جنب ام خالد يتاملو فهود

خالد قرب وهمس لها:حسافه راحت علي كان بودي اذوق الحنان الي ذاقه فهود

شجون مافهمت قصده وانتبهت له وين ياشر وغاصت بهدومها خجل

خالد مات ضحك من خجلها

الساعه ثمان

عند ضي

في المطبخ اول مره تحس بواجبها اتجاه علي كزوجه كانت قايمه مبجر وجهزت له توست
وجبن هذا الي قدرت عليه وجهزت الشاي

ابتسمت بفخر كانهامسويه المستحيل بهالانجاز العظيم بالنسبه لها

راحت بتقوم علي ادخلت شافته قايم وسمعت صوت الماي عرفت انه يتسبح

عدلت شكلها عند التسريحه سرحت شعرها الي طال له فتره ماقصته ودها تغير بستايلها حطت
كحل وقلوز وردي

طالعت شكلها وسرحت باحداث امس كانت تحاول قدر المستطاع ماتصيح ولا تعصب عشان خاطر علي

ابتسمت بضيق هالمره عدت مادري بعدين بقدر اعديها اوف ليش مااترك عني هالوساويس واحب علي
واخليه يعترف بحبه لي بعد

قطع عليها سرحانها مسكت علي لخصرها

علي طلعت من الحمام وصدمني وقفتها قدام المنظره كنت متوقعها نايمه مثل عادتها كل مره
بس اتركها تروح تنام بغرفتي الي قبل او بالصاله

حسيت بسعاده يعني طول الليل معي ماقامت قربت منها وحوطت خصرها قلت:الحلو شي فكرفيه على
هالصبح

ضي بخجل:ابد سلامتك بس جيت اناديك تفطر

علي تركها بعد ماباس خدها وراح يلبس

علي بستغراب:افطر لاتقولين انك مجهزه لي فطور بعد

ضي بقهرمن اسلوبه: اي انت احمدربك ان ضي تنازلت وسوت لك يكون بعلمك ترا انت
اول واحد بذوقه طبخي

علي مات ضحك:طبخ مرة وحده ماصدق

خلص لبسه وقال لهاوهو يمسك يدهاويسحبها معه:يالله خل اشوف ضي شطابخه لي وطلعوا

اول ماوقف عند الطاوله وشاف الفطور مات ضحك كان التوست محترق نصه والجبن حاطه نص
العلبه ضحك علي قهر ضي قالت:اقدر اعرف ليش تضحك

علي ولو انها بداية خير في ان ضي تغامر وتجهزلي فطور بس من شفت فطورها
ماقدرت اسكت جلست وقلت بضحكه:ابد سلامتك بس تدرين بسجل هالحدث بمذكراتي في مثل هذا اليوم
ضي بنت عادل سوت لي فطور

كمل ضحكه وضي فار دمها وزادت عصبيتها يتطنز عليها لانها فاشله بكل شي

شافته وهو يضحك وماسك بطنه كان جالس على الكرسي قربت يمه

وشدت شعره على خفيف قالت بنرفزه:انا ضي مااسمح لاحد يضحك علي ف

علي بعد يدها عن شعره وشالها وجلسها بحضنه قال وهو شاد على يدينها:ماضحكت انا فرحان
بهالانجاز العظيم الي سويتيه

علي صج كان سعيد وحاس ان الدنيا ضحكت له لان ضي ماصاحت ولاجزعت منه امس
واليوم مجهزه له فطور حس انه ملك الدنيا بهالاشياء بس

ضي قربه منها وكلامه حسسها بتوتر كانت على وشك الصياح هي صح اقدرت امس تمسك
نفسها لكن اليوم وبكره بتقدر هي كانت موهمه نفسها بان علي يحبها لانه يبي منهاعيال

حست بنفاس علي الي حرقت خدودها وشفايفها

ماقدرت تحمل خافت تنفضح قدامه ويرد يزعل بعدت عنه وقالت وهي تلف عنه وتمسح دموعها:تبي
عصير كانت واقفه عندالثلاجه

ماكان وده تبعد كان حاس بنشوة الانتصار انه قدر على ترويض ضي

قال ببتسامه:لا بذوق الشاي الي مسويته

ضي خذت لها عصير وجت وجلست

قالت بخجل ماتقدر تحط عينها بعينه: علي اليوم بتجي امي من مكه تسمح اروح لها

حست انها موضي الاوليه لانها تستاذن من علي الي كان ولا شي عندها

علي ذاب بخجلها مع شكل خدودها الي اعدمها بشفايفه قال بخبث:اوكي بوديك بس لا تنسين
كثري المكياج شوي

ضي بلاهه مافهمت قصده: مكياج ليش

علي بنفس الاسلوب قال وهو ياشر على خدودها: عشان هذولا بعدين بتذبحني جدتك تقول اكلت
بنتي

ضي بقهربعدمافهمت قصده: كلا منك بتعدم وجهي انت وقرفك

علي بضحكه:والله انا بوساتي عاديه بس انتي الي خدودك حساسه وكل لمسه تبان عليها

الساعه وحده الظهر

دخل الجناح ومعاه غدا من برا قرر يجيب لهم غدا كسرت خاطره عقب شافها نايمه
اليوم الصبح وماحب يتعبهالانها

ماكانت حاسه بشي من كثر التعب

غلا الي بعدها غاطه بنومها كانها الاميره النايمه هذا الوصف الي طرا على عزام اول
ماشافها

قرب عندها ونزل لمستواها وهمس وهو يمسح على راسها: غلا غلا

غلا فزت على صوته ولمسته

قالت بخوف وهي تبعد عنه : خير شبغيت

وقفت بعيد عنه وعدلت بجامتها الي احتاست من نومها

عزام ياقلبي احس بخناجر تغرسه بس اشوفها ترجف خوف مني قلت :لا بس شفتك تاخرتي
بالنوم قلت اخاف فيك شي

وقفت بطلع قلت برود: ترا الساعه وحده فاتك صلات الفجر والظهر وهذا مو عادتك

غلا ودي اكفخه الي يسمعه يقول مواضب بصلاواته مو كانه ساهي فيهن قلت وانا منصدمه
معقوله اني نمت كل هالوقت وماحسيت ومعقوله ماحاول يصحيني مثل العاده : اصلا مانمت الابعدالفجر
بس

حسيت بصعوبة الكلمه بيضربني اعرفه نذل:راحت علي نومه وماطبخت الغدا لك

عزام حسيت برجفتها رحمت حالها ودي اضمها واقول ولا يهمك قلت برود:كنت حاس انك مراح
تطبخين من شفت شكلك وانتي نايمه اليوم

عشان كذا جبت غدا من بره

غلا شافني متى واشلون ماحسيت بعد قلت بخوف من طريقة نظراته: زين تبي اجهزه لك
على ماتبدل

حس انها تجذبه من طريقة خجلها الي خالطه خوف قال بهدوء: زين الغدا بالصاله وانا
رايح ببدل

وطلع كانت تامل شكله طوله وعرض كتوفه كانه مصارع مع هالعضلات

تنهدت اوف مرات يكسرخاطري ومرات ودي بذبحه هالعزام عمري ماشفت مثله حيل متناقض هالانسان

مشيت بشويش وقفلت الباب عشان ببدل حسيت بخوف عقب قال شفتك وانتي نايمه

لبست بسرعه

تنوره جنز طويله وبدي اورنج

هذي استر تنوره ولو ان فيها فتحه لي الركبه بس تهون

احس بالقهر كل ماتذكر ملابسي الي اعدمهن بس حامض على بوزه البس هالملابس المفصخه قدامه

خلصت وطلعت اخذت الاكل ودخلت المطبخ

تذكرت ابوي يووه ياحسرتي اشلون نسيت غداه هو بعد ياربي بحط اكل عزام واروح لابوي
اطبخ له

جهزت اكل عزام استغربت كان كثير عليه رحت وانا ادعي ربي يهدي عزام ويرضى اروح
لابوي

عزام طلع من الحمام بعد مااخذ شاور بارد يبعد عنه التوتر

حاس بخنقه ماهو هذا الي خطط له ولا فكر فيه هو يبي يرد كرامته من
ابوها طلعت هي اقوى من ابوها بالسيطره عليه

كل ماوقف قدامها حس بالعجز

لبس له شورت مثل العاده وتيشيرت علاق رش من عطره المفضل ومشط شعره وطلع

اول مانزل شافها مجهزه السفره واقفه تنتظره تخيل انها ممكن تكون تنتظره عشان تاكل معه
بس هذا طبعا من سابع المستحيلات من شده خوفها تحرم نفسها من الاكل معه حتى

جلس وستعد بياكل وقفه صوتها المرتجف غلا كانت بتستاذن وتروح لابوها:ممكن اروح لابوي

عزام رفع راسه وطالعها قال برود:ليش

ماكان قصده شي بس يبي قعدتها معه

قالت بنفس الصوت: بجهز له غداه

حسد ابوها من كثراهتمامها فيه قال بهدوء وهو ياكل: انا حاسب حسابه بالغدا اخذي من
هالاكل ودي له

غلا انصدمت تحس انه اليوم غيرالعاده صايرحنون قالت برود: مولازم خل اكلك لك انا بسوي
لابو

قطع عليهاصراخه :انتي ماتفهمين قلت لك جايب له اكل فخذي اشرلها على صحن

غلا خافت وشالت الصحن وطلعت بتودي لابوها بس وقفها صوته

تذكر ان ابوها طالع عند جارهم بو عادل الكويتي

قال بغضب:ابوك مو في توه رايح عند بوعادل جارنا

غلا وقفت تذكرت زيارات ابوها لابوعادل وخططه في البحث عن امها بغت تضحك على عزام
الي موفاهم شي

راحت للمطبخ ترفع اكل ابوها لين يرجع

وقف عند بيت جدتها

كانوا بالسياره قال ببتسامه: هذا بيت جدتك وصلتك له يالله خليني اشوف اشلون المره السنعه
تودع زوجها

ضي حست بخجل قالت: ماعرف اشلون بس الي اقدر عليه هو ابتسمت وقالت وهي تفتح
الباب وتنزل:مع السلامه اشوف وشك بخير اي نسيت اقولك ترا بنام عند ماما

علي بقهر:احلمي تنامين الساعه عشر وانا جاي اخذك

وكمل بخبث:ذكريني اعلمك اذا ردينا فنون الوداع الي تقدمه الزوجه لزوجها

ضي سكرت الباب بقوه وراحت عنه حست بحراره من كلامه

وعلي مات ضحك عليها

عند حنان

كانوا بالسوق وحنان حايسه بمحل الاطفال تشتري لفهد ولد خالد استغلت روحت عمر وشراءه لولده
وقالت خل اخذ لفهود

حست بهتمام عمر وذوقه العالي في اختياره لولده او احد من اهله

كانت عند اطقم المواليد احتارت اي تاخذ بالاخير نادت عمر

عمر الي خلص من التسويق وراح بيحاسب وقفه صوتها وراح لها

حنان بحيره:عمر ايهم احلى

عمر بجديه:والله كلهم بس تدرين اخذيهم كلهم

حنان :لا باخذ واحد انا اخذت له كذا بدله بعد بس الطقوم احترت

عمرببتسامه:ومن قال ان الطقم الثاني لولد اخوك فهود هذا ابيه لولدنا او بنتنا الجاي بالطريق

حنان استحت ونزلت واحد من الاطقم وراحت تحاسب الي اشترتهم

عمر مات ضحك واخذ الطقم الي نزلته ولحقها

في بيت خالد

دخل الساعه حدعش طول وقته عند شجون وفهود يشوف طلباتهم

حس بالمسوؤليه انتجاهم

جلس على الكنب من التعب وزفر براحه

التفت يدور ريم هو جابها الظهر لبيتهم قال بهدوء:ريم

ريم الي قاهرها تطنيشه لها من ولدت شجون خاصة انه مرابط عندهم اربع وعشرين ساعه
سمعت صوته

زفرت وراحت اوقفت قباله قالت بنرفزه وهي متخصره: خير شبغيت

خالد اقهره اسلوبها وطنش قال برود: جهزي لي الحمام وحطي لي عشا بتعشا ونام حدي
تعبان

ريم لاوالله خدامة ابوك انا ياخويلد جاي لي بس عشان تدور راحتك قلت بغضب:ليش ست
الحسن ماعشتك دامك لاصق فيها كل الوقت ولا الكرف لي انا وهي لا

خالد اقهره كلامها لعن الساعه الي فكر يتزوج فيها تمنى لو قاعد على شجون وعنادها
افضل الف مره من ريم الي بنظره شين وقوات عين

وقف وقال بغضب: خلاص وفري على نفسك مابي منك شي وراح للغرفه وريم تركها تغلي
من القهر برودة اعصابه

• رواية تلاشت قواي بين يديك الارشيف
• بذوققساودق2022
• اعقن سدت 2021 التمل
• تلاشت قواي انفاس القطر
• رواية تلاشت قواي انفاس قطر بدون ردود
• يدي2023