رواية قلب فرح , اخلق حياتك

روايه قلب فرح , اخلق حياتك

حتي وان فاتك الكثير وظننت ان حياتك لا معني لها

اخلق انت حياه لك

ووقتها ستاتي اليك الحياه التي افتقدتها راكعه تحت قدميك

قلب فرح

الحلقه الاولي

في قريه من قري صعيد مصر

الحاج متولي:شوف ياامير يابني اناخطبتلك انهارده فرح بنت عمك واتفقنا الجواز بعد شهر

المهندس امير:ازاي يابوي تعمل كده فرح دي بت صغيره دي دبلوم صنايع ولما جابت مجموع
دخلت هندسه ولسه مخلصه تالت سنه وباقيلها سنتين

متولي:مالنا ومال العلام والبنات هيعملو ايه بالعلام هو ابوها ماكانش موافق علي علامها ف الجامعه
بس كانت صغيره جلنا نسيبها تتسلي ووجت الجواز تجعد

امير:بس انا مابحبش فرح يابوي انا بحب مهندسه ليلي معايا ف الشغل ومتواعدين ع الجواز

متولي:ايه الحديت الماسخ اللي لا له طعم ولا لون شبهك

انت عاوز ارض عمك اللي هي ارض بوي وجدودي تروح لحد غريب دا اني اطخك
عيارين احسن

اني جلتها كلمه ومش هتنيها فرحك علي بنت عمك كمان شهر تجهز حالك

……………………..

في الشركه

امير:انا مش عارف اعمل ايه ياليلي غلبت مع ابوي

افهمه اني بحبك انتي وهو منشف دماغه واتعصب عليا وكان هيتجلط

انا مجبر بس اعمل ايه ماباليد حيله بوي ولا يمكن اخالفه

ليلي:يعني بتتخلي عن حبي ياامير

امير:والله بعدك عني ياحبيبتي معناه موتي بس اعمل ايه احنا صعايده وبوي لما ينشف دماغه
لايمكن حد يقف قصاده

…………

الحاج جابر:عمك اتجدملي عشان يخطبك للمهندس امير ولده

واتفجنا بعد شهر الزواج

وكفايه علام لحد اكده

فرح:اللي تشوفه يابوي

فرح تدخل حجرتها كالفراشه التي تطير بين الغصون

لايسعها الفرح فكم تمنت امير

فهي تنتظر عودته يوميا كي تلمحه وهو عائد من العمل

هل اصبح الحلم حقيقه وساتزوج من امير

مع ان فرح في تالت سنه في هندسه وتطلع الاولي وباقي لها سنتين ولكنها لا
يهمها وستضحي بالكليه المرموقه والمنصب لو تخرجت ستصبح معيده ولكن كل ذلك لا يهم  من
اجل ان تبقي مع من تحب فهي لم تدخلها الا من اجله كي تصبح مثله

ولكن طالما سيكون هو معها فلا يهمها غيره

…………………..

في بيت متولي

امير:يابوي فكر ماتكسرش قلبي

متولي:انا جلت كلمه وهي الكلمه

عاوز ابوك يطلع صغار جدام عمك اياك

امير:يابوي

متولي:مفيش يابوي والا هتوبجي لا بني ولا اعرفك وهتبري منك ليوم الدين

اصبح امير ناقم علي فرح لولا وجودها لكنت تزوجت انا وليلي

ولكنها  هي العقبه في طريقه بلا ذنب ودون ان تدري بمايحدث وليس خطاها سوي انها
تحبه حب بجنون ولا تري ف الكون مثله فهو حبيبها وكل ما يعنيه الكون لها

……………………………

وجاء يوم الزفاف

وتزينت العروس للقاء حبيبها الذي طالما تمنت لقاءه ولطالما حلمت بهذا اللقاء

ااصبح حقيقه يكاد قلبها يرقص فرحا

ثم جاء العريس لياخذ عروسه الي شقتيهما

وهي تحلم بماسيحدث بينهما

فهل سيصدق حدثها ام ماذا تخبيء الاحداث لهذا القلب الصغير

الحلقه الثانيه

ثم انطلقا معا لغرفه نومهما تسبقها احلامها ومخيلاتها

وبعد ان جلست بفستانها الابيض وهي تبدو كالملاك الصغير جلس امير بجانبها

امير :كنت عاوز اكلمك ف موضوع

فرح:اتفضل قول يا امير

امير:انا مش عاوز ابتدي حياتي معاكي بكدبه واعشمك فيا انا عمري ماحبيتك انا بحب زميله
لياف العمل ووالدي هو اللي اجبرني ع الجوازه دي حاولت معاه كتير كان صعب التفاهم
معاه

واصبحت فرح فجاه من قمه السعاده الي اقل مستويات التعاسه كانها نزلت من سابع سما
الي سابع ارض وارتطمت بها حتي تكسرت جميع عظامها

فرح:انت ازاي اناني كده ازاي تكسر فرحتي كده مش ممكن دا امير اللي حبيته واتمنينه
من كل قلبي يجرحني ف قلبي بالشكل ده يدبحني بسكينه تلمه دون رحمه كده

انت ازاي تعمل فيه كده وتبكي بحرقه

ارض ايه وزفت ايه اللي بتفكرو فيها خدو الارض خدو كل حاجه ورجعولي قلبي تاني

اطلع بره ياامير انا بكرهك بكرهك ومش طايقه اشوفك ولا اسمع صوتك انت قتلتني

……………………

يخرج امير علي كنبه الصاله ويفكر

هل انا كنت اناني بالشكل اللي فرح متصوراه ده

هل غضبي من ابويا عماني وخلاني اصبه علي المسكينه دي ليله فرحتها هي زيي بالظبط
ضحيه لعادات وتقاليد غبيه ومالهاش ذنب اني احملها كل ده

بس مش هيفيد الندم بعد اللي قلته عمره ماهيمحو اللي قلته من ذاكرتها

وبعد فتره يدخل يجدها ناءمه ودموعها علي خدها فيبدل ثيابه في هدوء وياخذ غطاءه ومخدته
 الي كنبته التي ستلازمه طوال حياته بعدما فعل بها هذا

…………………………

وفي اليوم التالي يراها تذهب الي الحمام باسدالها

فمن الان هو ليس زوجها ولا حبيبها فهو محرم عليها والمساله وقت لا اكثر ولا
اقل لانها لا تستطيع ان تقص لاحد ماحدث وتحدث مشكله بين ابوها وعمها بسببها

فاثرت ان تتحمل هذه الفتره من الزمن وجوده الذي لا تطيق حتي سماع صوته فياذنها
فهيمن ضحت بكل شيء من اجله والاخر اصبح جلادها

…………………

وجاء المهناين ولابد من استقبالهم فلا احد يعلم بماحدث

وجاء زملاءه من العمل لتهناته ومعهم ليلي فهي جاءت لتري فرح التي تزوجها امير

وسلمت ليلي علي امير وهو ينظرلها ويمسك يدها ويسرح وفرح تحس بانها هي هذه الفتاه
التي يحبها

حتي اخرجهما من شرودهما اصوات الناس فتدارك وترك يدها

وبعد الانتهاء والتسليم دخلت فرح تجري لحجرتها وتنتحب انتحابا شديدا وبقهره وسمعها امير

فدخل اليها

امير:انتي بتعيطي ليه دلوقت انا عملتلك حاجه

فرح :هي دي ليلي اللي بتحبها

امير بتردد :ايوه

فرح:حتي مش مراعي شعوري قدام الناس اني مراتك وكلهم عارفين انك.كنت بتحبها وانا العبيطه المخدوعه
ف النص بينكو انت ازاي كده وازاي انا كنت بحبك  انا فعلا كنت عبيطه انا
بكرهك بكرهك

اطلع بره

…………………

واستمر الحال هكذا وهو لا يستطيع ان يقتربمن مملكتها فقد اصبحت حجرتها هي مملكتها التي
لا يستطيع ان يقترب منها غيرلتبديل ثيابه ا و ياخذ مخدته وغطاءه

واستمرو فتره حتي استيقظ يوما ليذهب للعمل فوجد فرح ترتدي ثياب الخروج وتهم بالخروج من
المنزل فاستوقفها صوت امير

امير:انتي راحه فين ع الصبح كده

فلم تعيره اهتماما

امير :انتي ياهانم انا مش بكلمك

انتي ناسيه اني جوزك ولا انا طرطور ف البيت

مش في راجل بيكلمك تبصيله وتردي ويمسك بذراعها بقوه

فرح:لو سمحت نزل ايدك وتنزع يده من زراعها بقوه وتقول

ياتري الي اين تذهب فرح وماهي هذه القوه التي اعادتها الي الحياه مره اخري

الحلقه الثالثه

فرح:انا رايحه الكليه

امير:ليه بقي ان شاء الله

فرح:الكليه قربت تبدا وانا قررت اكمل تعليمي وخلص السنتين الباقيين

امير :قررت ماشاء الله

دا باعتبار ان مافيش راجل انيكي ف بيته

ولا لرايه قيمه عندك شرابه خرج ف البيت انا

هو عشان سايبك ومقدر حالتك هتزيدي فيها

لا فوقي دا انا اكسرلك دماغك ويهم ان يرفع يده

فتمسكها فرح بتحدي وتنزلها

فرح :اسمع يا باشمهندس كليتي هكملها وانا مابقاش يفرق معايا حد انا حاليا مايهمنيش غير
فرح ومصلحتها بس ومصلحتي اني اخد شهادتي واشتغل

امير:اه واسيبك دايره علي حل شعرك

فرح:انا عارفه حدودي جدا ودي اقل حقوقي

واظن انا لو نزلت قلت لابويا علي قلته ليا ليله الفرح وطلبت الطلاق هتبقي قطيعه
بين الاخين بسببنا ويمكن ابوك يطردك من البلد كلها وقليل اما طخك عيارين

امير:انتي بتلوي دراعي يافرح

ماشي يابنت عمي بس اعرفي انك انتي اللي بداتي الحرب

تسير فرح وتتركه

امير :استني وانتي هتسافري لوحدك انتي ناسيه ان الشركه اللي بشتغل فيها جمب كليتك

يلا اوصلك عشان الناس اللي تحت دول

وينزلان سويا

والدته:علي فين العزم ان شاء الله

امير:هوصل فرح ف طريقي لكليتها

والدته :كليه ايه بقي

امير:بدل قاعدتها اهي بتتسلي

ويسيران وهو يضع يده علي كتفها امام والدته وعندما يبتعدان تنزعها عنه

فينظر لها مستغربا

امير:يلا اركبي

وياخذها بعربته الي كليتها  رني عليا اما تخلصي ويذهب لعمله

وتتجه فرح لكليتها كانها تحتضنها بشوق فهي ملاذها وهي التي ستخفف عنها مابها وتمسح دموعها
وتطبطب عليها وهذه السنتين يجب ان تستمر مع امير هكذا فلو تطلقت سيزوجوها اي احد
ولن يتركوها تذهب الكليه فيجب ان تبقي الامور كما هي

وتستعلم عن الاشياء التي تريدها وتتقابل مع بعض زميلاتها

عبير:فرح عاش من شافك احنا قلنا خلاص اجوزت ومش هنشوفها خلاص مش قلتي هتقعدي ف
البيت ومش هتكملي وساعتها قلنالك دا باقي سنتين بس قلتي المهم ابقي مع امير حبيبي
طظ ف الكليه

لحقتي زهقتي منه

فرح:لا ابدا اصله بيقضي وقت طويل ف الشغل وانا لوحدي فقلت اسلي نفسي طالما فاضيه

وانقضي الوقت وودعتهم وذهبت دون ان تتصل بيه

…………………

الوقت تاخر وهي لم تتصل ويتصل لاترد

ماذا حدث فذهب يتفقد الكليه فلمحته عبير فهي تعرفه فقد حضرت الفرح

عبير:امير انت بتدور علي فرح

دي روحت

امير:طيب متشكر جدا

ماشي يافرح اما وريتك

……………………

ويرجع امير ويطلع مستشيط غضبا

امير:فرح فرح

فرح:ايه في ايه داخل تزعق كده ليه

يمسكها بقوه

امير:هو انا مش قلتلك ترني لما تخلصي عشان اوصلك ف طريقي هنبتديها غباوه

فرح:اي دراعي وسع سيب ايدي

خلصت بدري ورحت

امير:ولما برن عليكي مابترديش ليه اسيب انا شغلي وانزل ادور ف الكليه لولا صحبتك تقولي
روحت

فرح:ماسمعتش كان ف الشنطه

امير:بقي كده طب مافيش مرواح تاني

فرح:قلتلك دا قرار ومش هتراجع عنه ولو حد وقف ف وشي هقتله يابن عمي

امير :ماشي يافرح انا لولا مراعي حالتك وحاسس بتانيب الضمير عشانك كان زمان ليا تصرف
تاني

فرح:تنظر اليه بتحدي وعيون واثقه

خلصت ممكن امشي وتسير ويضرب كف علي كف

امير:البت دي مجنونه ولا دماغها حصل فيها حاجه دي فرح البت الصغيره اللي كانت زي
الفراشه

رجعتله وهي تقول

فرح:الصغير بيكبر ياسي امير مافيش حاجه بتفضل علي حالها

والفراشه دوست علي جناحتها ونزلتها ارض الواقع ياتعيشه ياتموت وانا قررت اعيشه ياامير

ونظره التحدي في عينيها

امير:ماتكتريش ف الكلام يافرح وخلي ليلتك تفوت

عشان انا ماسك نفسي عنك بالعافيه

……………….

امير:بكره اهلي عاملين عزومه وعاوزنا نتغدي سوا معاهم

جهزي نفسك عشان هننزل سوا بكره

فرح:ربنا يسهل

ياتري ماذا سيحدث في هذه العزومه

الحلقه الرابعه

في العزومه يجلس كل فرد بجانب زوجته

ام امير:جرا ايه ياامير مافيش حاجه جايه ف السكه

انتو اتاخرتو  اوي كده ماتكشفو ولا حاجه

امير:احنا ماجلين شويه الموضوع ده علي مافرح تخلص دراستها ونستمتع شويه قبل مايجي بن الايه
ده يبهدلنا ويحتضن فرح بذراعيه ويقبلها من جبهتها وهي تبتسم ابتسامه باهته

ام امير : وتستنو دا كله ليه وايه لزمته الكليه

فرح تنظر لامير جاوب

امير:خلينا براحتنا وخلاص قربت تخلص السنه دي وباقي سنه هانت عشان مايلخمناش

ام امير:بس هاتو ومالكوش دعوه بيه وانا اللي هربي

امير:ان شاء الله ياامي دعواتك

ويستاذنان امير وفرح وهو يحيطها بذراعه علي كتفها فهي قصيره بعض الشيءوعندما تنظر اليه تنظر
لاعلي فهو يفوقها طولا

وعندما يبتعدان ويتجهان الي شقتيهما تنزل يديه بقوه

امير:الله انتي بتشليها كده ليه

فرح:مابحبش حد يلمسني

امير:انا جوزك ياهانم ولا موصلكيش الخبر

فرح:ثم ايه لازمتها التمسليه البايخه اللي عملتها ووتبوسني من جبهتي مالهاش لازمه خالص

امير:ليه لدعتك حيه دي ماكانتش بوسه عشان الناس ماتشكش فينا

فرح:اكتر من لدعه الحيه قول مايه نار حمض كبريتيك مركز وتجري وتغلق باب حجرتها عليها

امير:هبقي اخففهولك المره الجايه ياهانم

ماهي ظاطط مابقاش الا العيال كمان

انتي مفكره  نفسك مين عشان تكلميني كده

…………………..

استمر الحال هكذا بين شد وجذب وامير يوميا  يدخل ليلا حجرتها فيجدها ناءمه بصدر عار
وكتابها ساقط علي صدرها فياخذه ويغطيها ويغلق النور وياخذ الغطاء والمخده

وف الصباح ياخذها للكليه ويرجعها

………………في يوم ما علي الغداء

امير:ليلي اجوزت

فرح:هتظلمو واحد كمان مالوش ذنب

شايف انانيتك دمرت كام شخص

انا وانت وليلي وزوجها مع ان لو وقفت قدام ابوك ودافعت عن حبك كنت جنبتنا
اللي بيحصل ده

لو عليا كنت هزعل شويه وربنا كان هيعوضني بحد احسن منك

لكن دلوقتي شايف عايشين ازاي لا انا طايله سما ولا ارض

امير:كله مني بردو انا سبب البلاوي اللي ف دنيا كلها

اقولك انا اللي كلت الجبنه انا ماشي بدل مااصور قتيل

فتنظر اليه باستغراب وكانها تقول دا وقت تهريج المفروض مضايق لجواز حبيبته من واحد تاني

الراجل ده مابيحسش ولا جراله ايه

…………………..

ثم ياتي يتحدث معها مره اخري

امير:امي كل شويه تلح علي موضوع الخلف وانا زهقت ومش لاقي حجج تاني

فرح:ودا المطلوب لمايزهقو بعد كام سنه هيقولو  اجوز عشان تخلف وساعتها نطلق ويبقي برغبتهم وشوف
حالك  يجوزك واحده تانيه وانا اجوز واحد يحبني واحبه

امير:دا انا كنت قتلتك وقتلته قال يحبني واحبه قال

انتي مجنونه في واحده تقول قدام جوزها كده

ثم انتي رايك فيا اني عديم الشخصيه يجوزوني ويطلقوني ويجوزوني تاني

فرح:والله دا مش رايي دي افعالك اللي بتقول كده

ثم انت  لو اخر راجل ف العالم لايمكن اخلف منك اجيب طفل ابوه وامه كارهين
بعض وبينهم مطارق الحداد انا لما اخلف يبقي اخلف من واحد بيحبني لدرجه اني ملكت
حياته ودنيته كلها ومافيش ف قلبه غيري عشان ينعكس علي ولادي مش اجيب طفل عشان
بيسالو ماخلفتوش ليه وخايف الموضوع يكشف دي مشكلتك معاهم مش مشكلتي

امير:انتي مش ملاحظه انك زودتيها اوي وانا طفح بيا الكيل منك ولا عشان اتعينتي ف
الجامعه وبقت الباشمهندسه راحت والباش مهندسه جات ماحدش بقي مالي عينك

لا فوقي ياست هانم انا لو سيبك فدا بمزاجي  ولو عاوز اقعدك من الشغل من
بكره هقعدك

تنظر فرح له وتتركه وتمشي

امير:اللهم طولك ياروح

…………………

في الشركه

المدير:المنتج بتاعنا لازم يبقي علي اعلي مستوي

شدو حيلكو لحسن هيجي لجنه خبراء يشوفوه بوصايه من الشركه اللي هتشتريه شارطه لازم لجنه
الخبراء تشوفه ولو اللجنه كتبت تقرير كويس يبقي كده شركتنا ممكن توصل للعالميه

فياتري مالمفاجاه التي ستحدث

سنعرف ف الحلقه القادمه

الحلقه الخامسه

في الشركه

يدخل المدير علي المهندسين

اللجنه جت اجهزو

ثم يلمح امير فرح  في الطرقه فيذهب لها

امير:انتي ايه جابك دلوقت في حاجه حصلت انا عندي لجنه دلوقت استني بره

فرح:وانا جايه ضيفه شرف ف لجنه الخبراء المشكله من كليه الهندسه لاني مش استاذ زيهم
بس استاذ الماجستير المشرف بتاعي من ضمنهم وانا ماجستيري ف الجزء ده فدخلني كضيفه شرف
معاهم

امير:وماقولتيش ف البيت ليه بتحرجيني يقولو المدام جايه تعدل علي جوزها

فرح:اولا دا شغلي   مش ف البيت هيقولو مدام ومش مدام انا هنا المهندسه فرح
جايه اكتب تقرير عن منتج عنكو وبعد اذنك عشان الدكتور بتاعي بيشاورلي

بذهب امير خلفها وهو يكاد يخرج الدخان من اذنه والنار من فمه ويتحول تنين يحرق
ماامامه

………………….دخل الجميع اللي حيث يوجد المنتج المراد كتابه التقرير عنه

وبدا المهندسين شرح مميزاته واللجنه تستمع باستحسان ورئيس اللجنه ماشاء الله دي حاجه عظيمه ان
يتواجد منتج مثل هذا في مصر انتاج مصري ميه ف الميه

فرح :بعد اذنك دكتور في عيبين بساط ف المنتج نظرا لانه مجال دراستي لو ممكن
اعرضتهم

وبدات في شرح العيبين والحلول

وانا هرفق لحضرتك تقريري بالتوصيات اللي قلتها

الدكتور:تمام ياباش مهندسه احنا عندنا عباقره والله بس ينقصهم امكانيات

المدير:لو عاوزه تشرفي ع المهندسين وتشوفي التوصيات اللي قولتيها اتنفذت ولا لا يبقي شرف لينا
ياباشمهندسه

فرح :الشرف ليا والبركه ف المهندسين بتوع سياتك وانا هحاول افضي من وقتي وامر اساعدهم

ثم تقف فرح مع بعض الدكاتره وتتحدث وبعض اوقات تضحك وهو يراقبها ويكاد يجن جنونه
ولو استمر هكذا سيذهب وياتي بها من شعرها

وبعد الانتهاء يميل عليها  :هتيلا ياخبيره هانم ولا هنفضل ف وصله الضحك دي فتنظر اليه
ثم تستاذن والجميع يمضي وهي تذهب مع امير للمنزل وتحس

ان هناك بركان قادم لا قبل لها به فحاله امير غير مطمانه بتاتا

…………………….

في البيت يطلع امير وراءها مسرعا يطوي السلم حتي انه لم ياخذ باله من والدته
التي تقف امامه

ويدخل ويغلق الباب

امير:انتي ياهانم جايه تضريني ف شغلي وعملالي فيها ست الريسه

فرح:اولا انا لا ريسه ولا بضرك دا شغلي وبتقاضي عليه راتبي وبحاول ابذل اقصي مافي
وسعي واجتهد فيه والجزء ده بالصدفه الماجستير بتاعي فيه فدرساه من جميع الجهات مش قصداك
يعني ولا حاجه ولا اللي علي راسه بطحه بقي

امير:بطحه ايه ياهانم انا مهندس مافيش ف بلدكو زيه وشغلي لا غبار عليه

ثم تعالي هنا ايه الشاب اللي واقفه تهزري وتضحكي معاه ده ولا اكن جوزك قدامك

فرح :دا دكتور جاي قريب من بره وانا لا واقفه اهزر ولا حاجه هو حكي
موقف حصله بره فضحكت ايه المشكله ووسع بقي عشان انا تعبانه وتشير بيدهاوتجري تغلق عليها
الباب

يجري وراءها امير:انتي بتشوحيلي وتمشي وتسيبيني وانا بكلم افتحي الباب ده افتحي يافرح والا هكسره
علي نفوخك

فرح :روح نام روح نام

امير :انتي عاوزه تجننيني يعني حااااضر

فماذا سيحدث ياتري

الحلقه السادسه

زاد انفعال امير بسبب عدم اكتراث فرح به وعدم فتحها الباب وهدد بكسره ولكنها لم
تفتح فكسره بالفعل

امير :انتي مفكره تخبطي الكلمتين بتوعك وتجري تستخبي ورا الباب مش هعرف اوصلك طب اديني
كسرته هتهربي مني فين ولا الضحك يبقي مع الغرب والخناق والارف لجوزك

فرح:انت لسه عايش الدور ومصدق انك جوزي

ازداد غضب امير واستشاط انا جوزك غصب عنك والقي بها ع السرير وفعل مافعل

وبعدها

امير:انا اسف يافرح انا ماستحملتش شوفك واقفه مع حد غيري الغيره عمتني

انا بحبك يافرح قوليلي اعمل ايه وانا اعمله عشان تسامحيني

اركع قدامك عشان تنبسطي اهو ياسيتي وركز علي ركبتيه امامهاوهو يستعطفها والله بحبك يافرح

فرح:يعني انت من 3 سنين دبحتني بسكينه تلمه ف المكان ده وجاي انهارده لما لقيت
دبيحتك فيها الروح وبتفرفر تدبحها تاني بسكينه اتلم

انت ازاي كده

امير:والله ابدا ياحبيبني انا اكتشفت اني ماحبتش غيرك وان ليلي كنت مجرد معجب بيها

انما انتي حبيبتي

فرح:مع الاسف مش حساك ياامير انت لو عملت كده ليله الفرح كنت هبقي طايره بيك
طير انت كنت متربع علي عرش قلبي وفجاه جيت بسكينه وطعنته جرح غاءر مش من
السهل يندمل

انما دلوقت بقي عندي تبلد حسي من ناحيتك ثم تمسك يده لترفعه من الارض ويقف
في مقابلتها

فرح:طلقني ياامير

يثور امير ويهيج : مش هطلقك يافرح انتي بتاعتي انا بس والله لو سيبتيني لاقتلك
يافرح

انا عملت ايه لده كله كل واحد بيغلط وانا كفرت عن ذنبي 3 سنين بنفذلك
رغباتك وطلباتك وسايبك براحتك اعمل ايه تاني والله لو فكرتي تسيبيني لاقتلك يافرح ومش تهديد
انتي عرفاني

لايمكن تبقي لحد غيري

فرح:اطلع بره ياامير اخرج مش عاوزه اشوفك ولا اسمع منك حاجه

امير:لا يافرح هتسمعيني وتشوفني وانا عارف انك لسه بتحبيني ومش هستسلم يافرح

ثم خرج ورزع الباب وهي تبكي

وظلت هي قابعه في مملكتها التي اقتحمها عنوه

وهي قد شل تفكيرها لا تدري ماذا تفعل ففي قلبها غصه منه هي تعلم انها
لم ولن تحب احدا غيره ولكن قلبها الذي احترق بسببه لايستطيع ان يعود مثل ما
كان

…………….

تاني يوم

امير :مش هتروحي الكليه

فرح:لاترد ولا تريد ام تفعل شيءا وظلت هكذا قرابه الشهر حبيسه غرفتها

حتي عاد يوما فوجدها تجري مسرعه الي الحمام لتفرغ مافي جوفها

وتتاوه  وهي  شبه مغشي عليها فجري عليها وحملها بين ذراعيه ووضعها علي السرير والقي عليها
الغطاء واحضر لها شرابا ساخنا

امير:تلاقيكي خدتي برد بتنامي عريانه ومن غير غطا

تنظر اليه وكانها تقول وكيف عرفت ذلك

امير يفهم نظرتها:كل يوم اجي اخد الغطا والمخده الاقيكي عريانه والكتاب علي صدرك اشيله واغطيكي
واطفي النور واخد حاجتي واطلع

ثم تكرر هذا الموضوع

امير :ماينفعش كده لازم نشوف دكتور انتي هتتصفي كده ولا بتاكلي ولا بتشربي

انا هاخد معاد من الدكتور ونروح سوا

فاستسلمت لرغبته لانها فعلا اصبحت مريضه جدا

وفعلا ذهبا معا سويا الي الدكتور

فماذا قال الدكتور اهو مرض عضال ام ماذا

الحلقه السابعه والاخيره

ذهبا معا الي الطبيب

الدوك:ايه ياجماعه مخضوضين كده ليه المدام حامل الف مبروك  وهكتبلها علي شويه فيتامينات وياريت تاخد
محاليل تركبوهالها عشان ضعيفه جدا وتعملنا شويه تحاليل نطمن عليها

ورجع امير فرحا يطير من الفرح  ويبشر هذا وذاك ويفرح امه وهي طلعت الي شقتها
والجميغ يزرغط فرحين بهذا الطفل

اما هي  فلو كان هذا حدث في اول زواجهما قبل ان يقول لها ماقاله لكانت
ستطير الي عناء السماء وتحلق بها

اما الان ففي داخلها جزء منه لن تستطيع التخلص منه فهي لن تقتل روح لاذنب
لها

وفي نفس الوقت هي رافضه ان يربطها شيء به

فهو سيكون سبب رئيسي في فشل خطتها وهي الطلاق فاذا خلفت فما الداعي لطلاق لن
يرضي احد بهذا الطلاق ولن يساندها احد

واصبحت قابعه في غرفتها  حائره

وجاء امير وهو يطير فرحا

امير:خلاص بقي يافرح فكها بقي ياجميل عشان خاطر ابننا اللي جاي الزعل وحشن عشانه

فرح:وانت فرحان كده ليه

امير :هبقي اب

فرح:وهو مجرد وجود طفل بينا هيرجعني 3 سنين ورا ويمحيهم باستيكه

انا مش هتنازل عن قراري وانا هربي ابني لوحدي

يمسكهامن ذراعها:شوفي بقي لو كنت بسيبلك واقول انتي حره ف نفسك لكن ابني انا مش
هسمحلك ومن دلوقتي انتي مش ملك نفسك انتي ملكي انا بابني اللي ف بطنك

وف الليل القت له مخدته وغطاءه

فاخذ الغطاء والمخده وادخلهم مره اخري

فاستغربت ونظرت اليه

ثم اتي  ينام بجوارها ع السرير فنظرت اليه

امير:ايه جاي انام جمب ابني وحشني اشمعني انتي هو ابنك لوحدك

فرح:احنا هنستهبل ابنك لمايطلع بقي خده ف حضنك قوم من هنا

فاخذ يصدر شخير

فرح:انت بتستعبط يعني لحقت تنام

ماشي انا هروح انام ع الكنبه اشبع بالسرير

امير جذبها من يدها فسقطت مره اخري علي السرير

امير:شوفي بقي انا نبهتك قبل كده انك ملكي انتي واللي ف بطنك اللي هو حته
مني وانا مش هبعد عن حته مني ومش هسمحلك تنامي علي كنبه وتتعبيه

فرح :خلاص روح بعيد ع الطرف التاني

امير:حاضر يلا نامي

وبعدها بثواني

امير :ايوه ياحبيبي عاوز تنام ف حضن بابا  وغافلها واخذ حركه سريعه واحتضنها من الخلف
بقوه

فرح:وسع ياامير احسن لك وماتستهبلش

امير:نامي نامي انا مش هسيب حضن ابني وابقي قابليني لو عرفتي تفلفصي

وفعلا استسلمت لهذا الحضن دون حراك فهي تعلم انه لاجدوي من المقاومه فهي اصبحت واهنه
وليس بها مقاومه

ظل يوميا علي هذا الحال يحتضنها وولدها

واصبحت تالف هذا الدفء وهذا الحضن حتي اتي يوم الولاده وانجبت طفل جميل مثلها

واحتضنه بالفعل امير فلطالما احتضنه 9 اشهر وهو في بطن امه فالان الوهم اصبح واقعا
ثم اعطاه لامه التي  لمعت بها اعين الفراشه التي قتلت بداخلها مره اخري  واحست ان
حياتها عادت لها من جديد وجاء لها امير يقبلها ويحمد الله علي سلامتها

ورجعا سويا الي المنزل

ولكن ثلاثه بدل اتنين

ونام الثلاثه سويا ووسطهم ابنهم

فرح:احضن ابنك بقي براحتك واعتقني

امير :ودي الواد ده الناحيه التانيه بدل ماتقلب عليه افعصه ايه البرص اللي جيباه ده
قلتلك كلي تقولي ماليش نفس اديكي جبتلنا صرصار اهو انقليه وراكي وانا هحضنه من وراكي

فرح تنظر اليه هنستهبل بقي مش كنت بتتحجج بالواد

امير:يلا خلصي عاوز انام ورايا شغل

فرح:حاضر حاضر

وينام الزوجين وتبدا حياه جديده لهما معا

• رواية قلب حياة
• رواية قلب فرح