قصة الاشقاء الثلاثة الجزء الثاني , عندما تعشق فكل شيء مباح

قصه الاشقاء الثلاثه الجزء الثاني , عندما تعشق فكل شيء مباح

 الحلقه 14

حازم اخد تقوي لحجرتهم وجلس ممد ع السرير

هد حيلي الله يهد حيله

تقوي:مانت اللي مااستنتش تجيب الاسعاف

حازم:وانا كنت لسه هستناهم لما يجو يتمخترو وهو بيتالم كده

تقوي:ياعيني ع الحنيه امال عمري ماشوفتك جيت تزور باباك اللي كان مريض وبيتالم

حازم:الكائن ده انا مش عاوز حد يجيب سيرته قدامي انتي فاهمه

تقوي:ليه يعني مهما عمل دا اسمه والدك

حازم:انتي تخرسي  خالص انتي ماتعرفيش حاجه

ماتعرفيش يعني ايه تعيشي وحيده لا اب ولا ام وهم عايشين علي وش الدنيا ومش
سايبينك بس لا دا بيكرهو بعض فيكي يعني هو يكرهني عشانها وهي تكرهني عشانه

وانا ذنبي ايه ف القصه دي هو انا اللي قلتلهم يخلفوني طالما بيكرهو بعض كده
ليه خلفوني عشان يعذبوني

اسكتي اسكتي خليني ساكت قال اب قال

اللي كان يجي ياخدني يوم الرؤيه عشان يضايقها بس ويرميني لجدو ويمشي

دا اب ده حتي مستخسر يقعد مع ابنه الساعه دي

حتي ادمعت عينيه

واراد ان يخرج من هذا الحوار العقيم

تعرفي ترقصي

فنظرت له باستغراب

نعم يالذيذ يارايق ارقص

انا اصلا مابسمعش اغاني

حازم:اطبلك هاتي الكرسي

تقوي :انا دكتوره وملتزمه وعاوزني ارقص

يقترب منها ويمسكها من خصرها

وماله هم الملتزمين مالهمش نفس ينبسطو بردو

تقوي:ابعد عني ياحازم

حازم:هو ياملتزمه مش الملايكه بتفضل تلعنك لو حوزك دعاكي للفراش ورفضتي

تقوي:انت عارف انت اجوزتني ازاي بالتهديد والخداع

حازم:بس اجوزنا وحصل اللي حصل بينا

تقوي :كانت غلطه

حازم:لا ياتقوي انتي حسيتي بحبي الصادق ليكي

عشان كده ماقدرتيش تقاومي حبي

انا اول مره احب ست غير اختي هبه

مافيش ف حياتي غيركو

تقوي:ووالدتك

حازم:يووه قلتلك ماتجبيش سيرتهم هي وهو

هم السبب ف الي انا فيه

دي عمرها ماكانت ام كانت مدمنه خمر واما اطلقت  دخلناها مصحه لعلاج الادمان واتعرفت علي
ابوهبه

واجوزته وخلفت هبه ورجعت للخمر والسهر وهو سافر وساب بنته ولا نعرف حاجه عنه وهي
كمان سابتهالي

كنت 16 سنه واختي 10 ماهي ادك 24 سنه حاليا زيك

وكانت مريضه وسخنه وبتموت ولا لاقي اب ولا ام

وانا اللي اجري بيها للدكاتره واعمل كمادات

وتقوليلي ام واب انا ماليش غير اخت واخين

ويوسف مايختلفش كتير من ناحيه ابوه الا انه كان له ام بتحبه واجوزت راجل طيب
عطف عليه بس مظلوم زيي احيانا بشفق عليه

تقوي:زي ماتكون بتكلم عن واحد تاني غير اللي اعرفه كان حنين عليا مع اني مش
بنته وعلي ابنه سعيد

حازم:عشان كان بيحب والدتك وحبكو عشانها

تقوي:وهي كمان كانت بتعشقه لدرجه حذروها من مرضه وبردو ماهمهاش واتعدت منه الفيروس وماتت بنفس
المرض

حازم:تصدقي انك.بت فقر

دي مش جوازه دي جنازه

انا رايح ابص علي يوسف

…….

حازم:عامل ايه ياجو

يوسف:شمتان فيا ياحازم

حازم:انا اللي اتخضيت عليك وجريت بيك تقول شمتان والله انت واد وسخ ولا يتمر فيك

انا بس هفضل جمبكو عشان انا الكبير حتي لو الفرق بينا 3 سنين بس

لكن هفضل انا الكبير

كان سعيد موجود معهم

سعيد:عيب يايوسف تقول كده علي اخوك دا لولاه ماتعرفش كان حصلك ايه

يوسف:هيحصل ايه يعني اهو كسر واجبس

سعيد:احيانا التاخير بيسبب ضرر اكبر

حازم :انا ماشي والف سلامه ياا اخويا

سعيد:ماتزعلش من اخوك ياحازم

حازم:ولا يهمك ياسعيد انا واخد ع الدبش بتاعه المهم انت عامل ايه هانت الامتحانات قربت
عشان تمسك معانا شركتك

سعيد:ربنا يسهل وانت الخير والبركه

حازم:اما اروح لاختك دي كمان

ودخل وهي تروق الدولاب ليجذبها بسرعه خاطفه وبصوت عالي تقوي وحشتيني

لتضع يدها علي صدرها

والله انت مجنون انت رعبتني كان ممكن اموت ف الخضه دي ولا عاوز تقطع خلفي

حازم:سلامتك وسلامه خلفك ياجميل

داانا هموت واشوف خلفك ده اللي مجنني

تقوي :انت عاوز ايه دلوقت مش انا فقر واسد النفس جايلي ليه تاني

حازم:بحبك واحد غاوي فقربقي

يلا يابت بقي ماتبقيش غتته كفايه الواد يوسف ضربلنا اليوم

تقوي :والله اكيد عملت حاجه وحشه عشان ربنا يبليني بالمجنون ده اللي كل شويه بحال

فيجذبها اليه ويقبلها ويفعلها

الحلقه15

جاءت هبه باوراق  تمضيها من يوسف

هبه:الاوراق دي عوزاك تمضيها ياجو

والله كنت ناويه اعمل بارتي شماته للعمال ف الشركه كلها ونيجي كلنا نشمت فيك وحبو
الفكره اوي بس تراجعت علي اخر لحظه

يوسف:انتي ايه اللي دخلك اوضتي يابت انتي

مش قلتلك مش عاوز اشوف خلقتك بشوفك دمي بيفور وبتعفرت ويركبني 60 عفريت

هبه:معلش خليهم 61 واستحمل بقي اليومين دول

مش عشان افهمك وامضيك

يوسف:انا بفك الخط وبفهم كويس مش محتاجك

وادي الورق للداده توصله او اي كلب معدي ف الطريق ابعتيه معاه المهم ماشوفش خلقتك
ف اوضتي

هبه:خلاص امضيه وهمشي انا مستعجله عليه

وجات تقعد قعدت علي رجله

يوسف:اي ياغبيه والله قصداها

هبه:لا والله انا فكرتها السليمه كنت عاوزه اكسرها

يوسف يضربها ويزقها قومي ياتنحه انا مش عارف مستحمله نفسك ازاي

هبه:زي مانت مستحمل نفسك بالظبط يلا خلصني مش فضيالك

يوسف:هو انتي علي زمتي ماتخفي من وشي واما اخلص هبعتهملك

هبه:خلاص ماتتاخرش عشان هبعتهم فاكس اخلص

يوسف:خلصت روحك يابعيده

هبه:ان شاء الله انت

…………………

.واثناء الليل

استيقظ حازم وتقوي علي تاوهات ولكن هذه المره ليست يوسف بل سعيد فجريو علي حجرته

حازم:مالك ياسعيد

تقوي:ايه اللي بيوجعك

سعيد:بطني بتتقطع

تقوي:تكونش زايده

حازم:سيبك منها عكيت ايه بره

سعيد:كلت همبورجر

حازم:بس يبقي تسمم يلا نغسلك معدتك ف المستشفي

تقوي تنظر له هو مين الدكتور فينا بالظبط

حازم:هو انتي لسه ياحته امتياز هتفهمي الكلام ده احنا خبره وحمل سعيد ايضا

وهو خارج وجد يوسف بعكازه

يوسف:اللي جبلك يخليلك

حازم:انتم السابقون ياخويا

ماانا خلفتكو ونسيتكو اصلي

خش خش خليك ف حالك مابناخدش منك غير التريقه

وذهبو بسعيد للمشفي لعمل غسيل المعده

اما يوسف خبط علي هبه

بت يازفته الورق اهو انتي نمتي مش كنتي هتبعتيه فاكس

فدخل وجدها ناءمه وهي نومها تقيل

ياحاجه قومي فزي

اطخها بالرصاص واستريح ولا اعمل ايه

يابت فوقي بقي ويهزها

هبه:يوسف ايه اللي جابك هنا

يوسف:حظي الاسود

كله نام واللي راح المستشفي مالقتش غيري اجبلك الورق مش كنتي هتبعتيه فاكس

هبه:مانت قلت ماجيش الاوضه لك وانت اتاخرت وانا طالع عيني ف الشعل وسايبينه كله عليا
فنمت ماحستش بنفسي

يوسف:طب خدي

هبه:لطعت امضتك الكريمه اخيرا

سيبه عندك بعتلهم هجيبه بكره معايا وخلاص لما اتاخرت عليا

يوسف:وايه اللي لبساه ده وانتي نايمه في انسه محترمه تلبس كده امال لما تجوزي هتلبسي
ايه

هبه:وانت مالك ياحشري ياتنح يارذل

انت اللي دخلت عليا اوضتي وجاي تكلم كمان اما رزاله صحيح

يوسف:مانا قعدت اخبط ساعه نومك تقيل زي دمك

جاتك البلا

هبه:امشي يلا امشي يلا

ابو شكلك عيل تنح ورذل

يوسف:والله لولا اني رجلي مكسوره كنت فرجتك شغلك وانا هموت وارنك علقه

هبه:تبقي بتحلم امشي غور

ربنا يصبرنا ع الايام السوده دي

وطلع يوسف ورزع الباب

هبه:عيل رذل حرق دمي  داهيه تحرق دمه

وطير النوم من عيني اما اقوم ابعتلهم الفاكس واخلص

واقلق مناهم هم كمان اشمعنه انا

هو الواد.ده قال مين ف المستشفي

فوجدت اصوات بالخارج فطلعت

في ايه كنتو فين

حازم:انتي معانا اصلا صحيتي ازاي داانتي عاوزه ضرب نار يصحيكي

هبه:الواد اخوك الرذل صحاني يديني الاوراق فوقني فرحت بعتهم فاكس

لكن في ايه

تقوي:سعيد اكل حاجه فاسده فعملناله غسيل معده

الدكتور حازم اللي شخصله المرض

هبه :اصله خبره ياما حصل معايا فاتعود بقي

اما اروح اكمل نومي عندي شغل بكره

والف سلامه سعيد

حازم:والله شكلي هقطع الاجازه الغبره دي

معرفش كلكو تكاتفتو علي انكو تبوظو الجوازه

هبه:الا انا دوري لسه ماجاش

حازم:امشي يابت خشي نامي

وانت ياسعيد ماترمرمش وكل مسلوق اليومين دول

تقوي:لا والله اروح انا اشوفلي اي شغلانه ف ورشه بقي طالما سيادتك واخدها بالدراع

حازم:يلا يابت امشي انجري قدامي انا هفيص منكو وانتو حرين

تقوي:انت فعلا وشك اصفر اوي

حازم بيتوه اه اعملي دكتوره عليا بقي دا من الارهاق وقله النوم

………………

الحلقه 16

انتظم حازم ف عمله ويوسف فك الجبس وانتظم بعمله ايضا واوشكت الامتحانات ان تنتهي لسعيد
وساره

وكانت تقوي كعادتها مع جدها تقيس الضغط

لو سمحت ياجدو كنت عاوزه اعرف ليه حازم بيكره والده اوي كده وليه اجوز مامته
طالما بيكرهو بعض اوي كده

الجد:الغلطه غلطتي يابنتي من الاصل وابوه ضحيه زيه انا اللي غصبت علي طاهر ابني يجوز
ام حازم وكان مابيحبهاش ولا هي بتحبه بس ابوها كان صاحب شركه منافسه اللي كان
ماسكها حازم وضمها معايا حاليا بس زمان كنا ف مشاكل حبينا نزيل الخلافات ونجوز ابني
لبنته ومانقفش لبعض ولا نحارب بعض لكن اللي حصل انهم الاتنين كرهو بعض اكتر وطاهر
بقي يعاقبني باهماله لمراته اكتر وهي تعاقب ابوها انها ادمنت الخمر واطلقو وحازم كان لسه
كام سنه  وابوها دخلها مصحه تتعالج اتعرفت بواحد واجوزته وطلع وحش جدا وسابها وسافر ولا
نعرف عنه حاجه وخلفت منه هبه ورجعت لادمانها وسابت كل شيء وراها وانا اللي جريت
ورا قواضي الرؤيه عشان اجبره يشوف ابنه لكن كرهه لها ماكانش بيطيق يشوف ابنه عشان
بيفكره بيها ويجبهولي وانا اللي عرفته كل حاجه عن اخواته

هو ماكانش عنده ثقه ف اي ست وخايف يخلف يحصل لابنه زيه بس كنت دايما
اكلمه عنك واهتمامك باخوكي وكل حاجه عنكو كلكو

هو حبك قبل مايشوفك بس معرفش اتعرف عليكي ازاي ومش عاوز اعرف المهم اجوزتو زي
ماكان نفسي

نرجع لطاهر

عشان يعاقبني اجوز ام يوسف بنت متوسطه لكن هو كان عند وخلاص وطلقها وهي اجوزت
وسافرت مع جوزها وخلفت ساره ومات ورجعت من فتره واتوفت قريب

اما لما ربنا ابتلاه بالمرض وامك.كانت ممرضه ف المستشفي وبتراعيه وكانت ارمله ومعاها انتي

حبها واجوزها

تقوي:طب شرب الخمر ده جه ازاي وهو ازهر وحافظ القران

جده:ماانا قلتلك هو عارف انهم بيكرهوه

حب يعاقبهم بحاجه بيكرهوها فشرب الخمر عشان يضايق ابوه لانه كان كاره الموضوع ده ف
امه كنوع من العقاب او ان انا اهو يعرفهم انه موجود.ويضايقهم

وكمان يشرب امه من الكاس اللي شربتهوله

لكن ولا حد حس بيه

فبقي يموت نفسه ف الشغل طول النهار وبليل يشرب عشان مايفكرش ولا يحس باي حاجه

بس الحقيقه ان انا السبب مش ابوه

دخل حازم

لا هو السبب لما هو بيكرها خلف منها ليه وهي كمان مسؤله لما بتكرهه خلفتني
ليه وخلفت المسكينه اللي فوق ليه اللي كانت مولوده وانا 6 سنين ومسؤل عنها

اياكو تعفوهم من المسؤليه دول لا يستحقو يبقو اب ولا ام

وسابهم وطلع لتجري وراه

تقوي:ازاي تكلم جدك كده

فيجذبها من يدها

مش قلتلك ماتفتحيش ف حاجه  ليه ماشيه تدوري ورايا

تقوي:زي مانت عارف عننا كل كبيره وصغيره لازم اعرف مخبي عني ايه

حازم:ليه

وجاء تليفون له

ماجد:انت هتفضل تستهبل كده كتير الوقت مش ف صالحك بعد كده مش هنقدر نصلح حاجه

حازم:استني عليا بس شويه مستني خبر حلو ولما اسمعه هبقي من ايدك دي لايدك دي

ماجد:خلاص انت حر

ويفتح الدولاب لياخذ ملابسه فيجد حبوب ينظر فيها

ايه دي حبوب منع الحمل

انتي بتاخدي حبوب عشان تحرميني من الخلفه

طب ليه حرام عليكي ياشيخه داانا مستني الخبر ده بفارغ الصبر ليه عاوز تقطعي نسلي
من الدنيا

حرام عليكي  حرام

تقوي :انا فعلا ماكنتش عاوزه اخلف منك عشان غصبتني ع الجواز بس

حازم:بس ايه وزفت ايه انتي دمرتي حياتي وقضيتي عليا وخرج رزع الباب ولم يعد ثانيه

………………..

تقوي:حازم فين ياهبه

هبه:انتي عملتي فيه ايه اول مره اشوف حازم كده

رجع للشرب اكتر من الاول

وقاعد ف الفيلا ومش راضي حتي اقعد معاه

…………

ماجد:انت بتقتل نفسك كده

حازم:ماحدش له دعوه بيا انا مش عاوز اعيش

سيبوني ف حالي بقي مش عاوز حد مش عاوز حد

ورمي التليفون

كانت تقوي وصلت الفيلا لتستمع المحادثه ثم تستمع لصراخه وتاوهاته فتجري بفزع عليه

حازم مالك في اي

حازم:انتي ايه جابك امشي اطلعي بره

ااه ابعدي عني

تقوي بعياط طب فيك ايه قولي

هاتي الحبوب دي

تقوي:دي مسكنات للكبد

ثم يذهب بغيبوبه وحاله اغماء

فتتصل بسعيد

الحقني ياسعيد حازم مغمي عليه

الحلقه 17

جاء سعيد مسرعا ويحاولون افاقته

سعيد:مالك ياحازم

انقلني علي مستشفي ……

واسال علي دكتور ماجد

وفعلا اخذاه واغمي عليه مره اخري

سعيد:فين د.ماجد بسرعه

الممرضه :مكتبه اهو

دخل سعيد :انا اخو حازم هو قالي اجيبه هنا

ماجد؛ طب تعالي بسرعه

واخذوه لحجره

ماجد :قلتله انت بتقتل نفسك مافيش فايده فيه

تقوي :في ايه يادكتور انا مش فاهمه حاجه  انا د. تقوي زوجته

ماجد :طبعا انتي عارفه انه كان مدمن خمر وياما نصحته يبطل مافيش فايده وطبعا عارفه
تاثير الخمر ع الكبد بيهريه

المهم فجاه من كام شهر لقيته متحفز جدا انه يبطل وفعلا بطل ف زمن قياسي

بس كان فاضل نعالج الكبد المتضرر بزرع كبد وقلتله الضرر حاليا ابسط نعالجه ف اوله
بدل الامر مايستفحل ويدمر وحتي الزرع مش هينفع واحنا ممكن بناخد جزء من كبد انسان
ونزرعه فيه والكبد بيجدد الخلايا وبيتاقلم مع الجسم لكن لو حصل تليف له كله حتي
زرع كبد كامل مش هيصلح ممكن تحدث الوفاه قبل الزرع

تقوي تشهق وتضع يدها علي فهمها

وبعدين يادكتور

ماجد:من فتره اتصلت بيه قالي انه منتظر خبر حلو اول مايسمعه هيجي يعمل اللي انا
عاوزه

تقوي ايوه سمعت المكالمه بس مافهمتش حاجه ولا بيكلم مين

ماجد :بعدها انتكس ورجع للخمر ومش عاوز يعيش زي مايكون  كان عنده امل كبير ف
حاجه ومات الامل

تقوي😢😢😢

انا السبب انا اللي موته كان عنده امل انه يخلف لما شاف الحبوب فكر اني
باخدها عشان ماخلفش وزعق ومشي ورجع تاني للخمر

بس انا كنت باخدها بس نسيت يومين فخفت اخدها تاني يكون في حمل والجنين يحصله
حاجه فماخدتش وفعلا حصل حمل  انا كنت عاوزه اقوله بس ماادانيش فرصه ومشي ولما رحتله
كانت حالته صعبه واغمي عليه زي ماشفته

ياريته يفوق افرحه بس

سعيد:طب والزرع ده يادكتور

حلي لو ينفع اتبرعله

تقوي:انت ياسعيد

سعيد:دا اخويا ياتقوي

تقوي :لا حللي انا

ماجد:انتي ناسيه انك حامل

تقوي:انا نسيت كل حاجه ف الطب المهم يقوم بالسلامه انا مش هسامح نفسي  لو حصله
حاجه

ماجد :تعالي معايا سعيد نحللك وهنركبله اجهزه حاليا  وامرت بدخوله الانعاش لحد مانلاقي متبرع

تقوي:وانا هتصل بهبه اخته

واتصلت حكتلها ع الوضع فجاءت مسرعه

وهي تبكي

هبه:وانا كمان يادكتور حللي انا اخته وماليش غيره

ارحوك انقذه

ماجد:والله احنا بنعمل اللي علينا وبنحلل لاي حد الي ان نجد المتبرع المناسب

واخدهم يحللو

وخبو علي جدهم لانه مريض

وجاء يوسف يحدث تقوي

انتي عامله ف نفسك كده ليه وقاعده معاه ليه

مش ده اللي غصبك ع الجواز منه ومعرفش هددك بايه بالظبط

تقوي :ايه اللي بتقوله ده  دا جوزي وابو ابني وانا مش قليله الاصل عشان اسيبه
ف محنه وهو وقف مع كل واحد قبل كده

مع انه كان بيشرب الا انه افضل واحن انسان شوفته ف الوجود ماكانش بيطيق الهوا
عليكو كلكو ولا كان بيستحمل زعلي

مش فاكرلما وقعت وشالك وجري بيك ولا مع سعيد ولا رعايته لاخته ياريتك تتعلم من
اخوك الكبير وتبقي ربعه حتي وتحس مره من نفسك انه اخوك اللي لو حصلك حاجه
مايبخلش بحياته عشانك مش زيك بتتخلي عنه ف اصعب وقت له وهو بيموت

وسابته ودخلت لحازم تحدثه وهو ف الغيبوبه

انت قوي وعندك اراده فولازيه ارجوك ماتستسلمش عشاني وعشان ابنك

قوم ياحازم خلي عندك امل ف الحياه

قوم عشاني وعشان ابنك هتسيبني اربيه لوحدي مش هسمحلك تسيبني لوحدي

بدا فتح عينيه وهي تقبل يده لكي يقوم

حازم بتعب :انتي عاوزه مني ايه تاني

تقوي:عوزاك تقوم تربي ابنك معايا

حازم:ابني ازاي يعني

تقوي:انت ماادتنيش فرصه افهمك انا كنت باخدها بس نسيت اخدها يومين فخفت اكون حامل ومابقتش
اخدها وحصل الحمل

مش تخليني احمل وتسيبهولي وتمشي

حازم:عاوزك تربيه كويس

تقوي:لا مش هسمحلك تسيبني  قوم بقي

حازم:يعني انا عارف اقوم وماقمتش انا خلاص

المهم خلي بالك من نفسك ومن ابني

الحلقه18

ترك يوسف تقوي بعد ان تحدثا وهو يمر وجد هبه تجلس علي كرسي بالطرقه وتبكي

يوسف:هبه انتي بتعيطي انا عمري ماتخيلت انك تبكي او حاجه تاثر فيكي انتي دايما قويه

عمري ماشوفتك ضعيفه

هبه:😢😢😢

انا قويه بيه

هو سبب قوتي انا من غيره ولا حاجه

هو ابويا واخويا وامي 😢😢

لما كنت بتعب مافيش غيره بيبقي  جمبي

طول ماهو جمبي بحس بامان  والاطمئنان

انا من غيره ماليش حد لا سند ولا ضهر انا ماعرفش ابويا اللي طفش وسابني
هو ابويا وتبكي بحرقه

ليحتضنها مانخافبش ياهبه احنا كلنا جمبك وان شاء الله هيخف ويبقي زي الفل

هبه:ازاي بس واحنا كلنا عملنا تحاليل ماحدش متوافق معاه حتي مراته كانت عاوزه تحلل بس
طلعت حامل ماينفعش

يوسف:ماتقلقيش ربنا هيكرمنا ونلاقي المتبرع

ادعي بس وقولي يارب

هبه:يارب تشفيه وتقومه بالسلامه ليا ولمراته ولابنه

………………

ماجد:الحمد لله لقينا متبرع بس لازم تجهيزات للعمليه فتره وعلاج وبعدين نعملها

تقوي :الحمد لله

يارب تشفيه يارب

وذهبت اليه

تقوي:الحمد لله ياحبيبي لقينا متبرع بس لازم علاج فتره وبعدين العمليه

حازم:انتي بتقولي ايه

تقوي:لقو متبرع و…

حازم:سيبك من ده كله انتي قلتي حبيبي

تقوي :ياسلام هو ده اللي هامك

حازم:هو في اهم من كده

تقوي:يعني تعبان وفيك اللي فيك ودا اللي يهمك

حازم:طبعا مش اخيرا اعترفتي اني حبيبك

تقوي:اكيد طبعا جوزي وحبيبي وابو ابني ربنا يقومك لينا بالسلامه يارب

حازم:صحيح ياتقوي نفسك اقوم من رقدتي دي

تقوي :😢😢 اخس عليك ازاي تقول كده انا كان نفسي اتبرعلك بس تقوم بالسلامه لولا
اني حامل مانفعش اني اتبرع

حازم: انتي مجنونه مش كفايه انا عاوزه يبقي انا وانتي راقدين

تقوي :المهم انك تقوم بالسلامه

انا ماشفتش ولا هشوف احن منك

دايما يقولو فاقد الشيء لا يعطيه

وانت كسرت القاعده دي

انت عندك عطاء وحنان للكل ماشوفتش زيه

مع انك عمرك ماشوفت حنان من ابوك ولا امك

وتقبل يده ربنا يخليك ليا ولابنك يارب

فيقبل يدها وانتي احلي حاجه حصلت ف حياتي

انا بحبك قبل مااشوفك ياتقوي من كلام جدو عنك واهتمامك بسعيد وتدينك

كان نفسي ف حد زيك تبقي ام لاولادي وهي دي الي هسيب عيالي معاها وانا
مطمن عليهم انها هتربيهم كويس وتعوضهم عن غيابي وتبقي اب وام لهم

تقوي:ماتقولش كده انت هتربيهم معايا هي فتره هتاخد مثبطات عشان العضو الجديد مايلاقيش مقاومه ويتاقلم
بسرعه وان شاء الله مايبقاش في مشاكل

انا ماحستش بالامان والحنان الا ف حضنك انت

انا كنت مش عارفه انا استسلمت لك ازاي

بس دلوقت عرفت

حنانك الي حسيت بيه وانا ف حضنك ماحستش بيه قبل كده

ارجوك ماتسبنيش انا عارفه ان ارادتك قويه جدا واللي عاوزه بتعمله اتحدي المرض واقهره

عشاني وعشان ابني

مش هقدر اربيه من غيرك

فيقبل يدها ادعيلي

………………

ف الشركه

هبه :الورق ده عاوز يتمضي

امضيه وابعته فاكس عشان انا راحه لحازم

يوسف:في ايه ياهبه بتتعاملي معايا كده ليه

هبه:عاوزني اتعامل معاك ازاي يعني

عن اذنك

فيجري يغلق الباب

فهميني هنا في ايه

وشك مقلوب وبتتعاملي رسمي اوي كده ليه

هبه:وانا يعني كنت بخدك بالحضن ولا ايه

يوسف يرفع شعره بيديه

وبضيق

في ايه ياهبه مش هكررها

هبه:مش مكسوف من نفسك واخوك ف المستشفي وانا باجي بالعافيه واجري عليه واخوه سعيد هكذا
ومراته قاعده جمبه وانت مافكرتش تزوره انت ايه يااخي اللي بيجري ف عروقك دا مش
دم

يوسف:يعني انتي بتتكلمي وتردي علي نفسك اهو لا حازم هنا ولا انتي زي الاول وسعيد
 يادوب بيتدرب وجدو تعبان لما عرف بمرض حازم

والشركه فوق دماغي انا ومهري فيها   امال هنجيب مصاريف المستشفي والعلاج والعمليه منين

هبه:لا والله كتر خيرك وتهم يالمشي

فيجذبها بلاش تتعاملي معايا كده

تنزع يدها منه سيب ايدي وماتلمسنيش وتتركه وتمشي فيخبط بيده ع المكتب

…………..

كان سعيد يمشي بالطرقه ف الشركه ومعه ملفات ليخبط ف نهي التي تتلفت علي المكاتب

نهي:انا اسفه اوي ماخدتش بالي

سعيد :انا اللي اسف كنت باصص ف الملف وماخدتش بالي

انتي شغاله هنا

نهي:لا انا بدور علي بابا

سعيد:شغال ايه هنا

نهي:مدير الحسابات

سعيد:عم سالم والله انتي بنته

طب تعالي انا رايحله

سالم:نهي جبتي الملف

نهي: اه اهو

سالم:انتي قابلتي سعيد بيه فين

نهي:اتخبط فيه وهو اللي وصلني لك

سالم:متشكر جدا ياسعيد بيه اصلي نسيت الملف ف البيت كنت سهران عليه وبدل مارجع قلت
لنهي تجبهولي

نهي دي بنتي الوحيده مااجوزتش بعد وفاه والدتها

سعيد:ربنا يخليكو لبعض  وايه سعيد بيه دي انا زي ابنك

نهي:طب عاوز مني حاجه تاني يابابا

سالم:لا حبيبتي خدي بالك من نفسك

نهي:هاخد تاكس من قدام الشركه للبيت

سعيد :وليه تاكس وانا موجود انا رايح المستشفي لحازم اخويا   ممكن ااوصلك ف سكتي

سالم:مش عاوزين نتعبك

سعيد:لا تعب ولا حاجه

الحلقه 19

ف السياره

سعيد:وانتي ف كليه ايه وسنه كام بقي

نهي:خلصت تانيه تجاره وداخله تالته

سعيد:زميله يعني

بن الوز عوام بقي طالعه لباباكي

نهي:انا فعلا من حبي لبابا هو قدوتي ونفسي ابقي زيه عشان كده دخلت تجاره

سعيد:وناويه تشتغلي معانا بقي اما تخلصي دراسه

نهي:لو مافيش عند سيادتك مانع

سعيد:انا

دا انا اتمني

فتخجل نهي

سعيد:وايه سيادتك دي بقي

بصي يانهي انتي زي مانتي شيفاني انا انسان دغري لا ليا ف اللف ولا الدوران

بصراحه من ساعه ماشوفتك

مش عارف حاسس ان في حاجه بتجذبني ليكي

مش عارف انا اتسرعت ف الكلام ولا انتي كمان حصل معاكي كده وانا اسف لو
اتسرعت انا ماسالتش هل مخطوبه  بس اللي شجعني ماشوفتش دبله ف ايدك

نهي بلهفه:لا انا مش مخطوبه ولا حاجه

يبتسم سعيد طب الحمد لله يعني افهم من كده اني ماتسرعتش

فتنظر لاسفل بخجل

سعيد:طب ردي عليا طا

افهم انا ايه من كده

اكلم عم سالم ولا بلاش

نهي :لاا كلمه

سعيد :من عنيا

نهي :تسلم عنيك

سعيد :احنا نلف ونرجعله بقي

نهي:هههه وتكتم ضحكتها

علاء:الو ايوه يا ساره  انا هفضل علي نار كده انا عاوز اخطبك

ساره:الله وانا اعملك ايه انت اللي فقر والدنيا اتلغبطت علي حظك

علاء:اه ياجزمه واحده تقول لجوزها فقر والله لو قدامي لكنت جبت رقبتك تحت رجلي

يعني نعمل ايه دلوقت انتي خلصتي ثانويه ودخلتي حقوق اهو يعني جيتي علي حجري وابقي
اخدك المكتب تتدربي معايا

ساره:انا ادرب ف مكتبك العوجر ده

علاء:وحياه …… انا مكتبي عوجر ياكلبه

طب ابقي دوري علي مكتب يلمك

دا لو وافقت تروحي ف حته اصلا خليكي ف بيتكو

ساره:خلاص يالولو بقي انت زعلت

علاء:زعلت

دا انتي بتحدفي دبش من الصبح

دي دبشايه لسه داخله ف عيني اهي

ساره:ههه تعالي وانا انفوخهالك

علاء:والله انا اللي هنفوخك شكلي كده

المهم  انا هكلم اخوكي واخلص

حتي لو هناجل الخطوبه لما حازم يطلع بالسلامه مش مشكله بس ابقي كلمته وارتحت لاني
مضايق اني بكلمك من وراه

ساره:خلاص كلمه وربنا معاك

ولو احتجت اي مساعده اجي الزق ف ظهرك

احنا سدادين

علاء:يابت نقي الفاظك يخرب بيتك

ايه الزق دي بهدلتني

ساره:ههه انت اللي من ابو لمس

بتيجي ع السيره

علاء:اقفلي ياسافله احسن لك

………….

علاء:كنت عاوزك ف موضوع

يوسف:خير

علاء:انا عارف ان الظروف مش مناسبه بس انا عاوز اعرفك بس ولو حتي نستني بعد
خروج حازم

يوسف:في ايه ياعم قلقتني

علاء:لا خير ماتقلقش انا عاوز اخطب ساره اختك

لو حتي نتفق ونقرا فاتحه  والشبكه لما تفوقو من اللي انتو فيه

يوسف:دي بتقولك ياابيه

علاء:لا دا هزار كده ماانت قدي ومابتقولكش

يوسف:وتهزر معاك بتاع ايه يعني وانتو تعرفو بعض  قبل كده

علاء:لا ابدا

شوف بقي انا من ساعه ماشوفتها وانا عاوزها وقلت استني تخلص ثانويه عشان مانشغلهاش

واهي خلصت بس الظروف اللي حصلت خلتني ااجل اني افاتحك بس خلاص بقي مش قادر
ياصاحبي اكتر من كده وهي دخلت حقوق واخاف حد يشغلها

فقلت اقولك واحجزها من اول الخط

يوسف:بس دي لسه اولي صغيره اوي

علاء:وانا قلتلك جوزهاني حالا

انا بقولك خطوبه سنتين واجوزها وتكمل معايا الباقي واهي خطوبه وهي دخلت حقوق تبقي تحت
عيني تتدرب عندي ف المكتب واخد بالي منها اوديها اجيبها ولو عاوز كتب كتاب عشان
اما اوصلها ماتقولش حاجه مافيش مشكله

يوسف :انا مش هلاقي انسب منك لاختي انت صاحبي وزي اخويا وعشره عمري ولو اني
كنت عاوزها لسعيد عشان زيتنا يبقي ف دقيقنا

بس هو اتجاه وهي اتجاه تاني خالص

وهي ماتغلاش عليك ياصاحبي

دا انا اجهزها واوصلها لحد البيت

علاء:تسلم يارب دا عشمي فيك

يوسف:عاوزك تاخد بالك منها كويس اوي

دي اغلي حاجه عندي

علاء:اكيد ياصاحبي دي ف عنيا

وانت عارف عندي شقتي جاهزه وباقي العفش

يوسف:بس لازم اخد رايها

علاء:هي موافقه

يوسف:ياسلام داانتو مظبطين بقي من ورا ظهري

علاء:لا بس كان لازم اسالها قبل مااكلمك عشان لو رفضت ماتكلمش اصلا

يوسف :خلاص اول اما تخلص الظروف دي تبقي خطوبه وكتب كتاب

الحلقه 20

ذهب سعيد الشركه وتحدث مع سالم ف موضوع نهي الذي رحب كثيرا ولكن سبتاجل الموضوع
لحين رجوع حازم بالسلامه ليذهب معه لخطبتها فهو الكبير

………….

جاء موعد العمليه وهبه وسعيد وتقوي وجدهم هناك مع حازم يشجعونه ويحفزونه

ماجد:يلا ياجماعه واخذوه للخارج ع الترولي ليتقابل بجانب ترولي المتبرع

ليتفاجيء الجميع ب يوسف علي ترولي المتبرع

الجميع :يوسف !!!!!

يوسف:ايه ياجماعه مستغربين كده ليه هو مش اخويا بردو واللي بيجري ف عروقنا دم مش
حاجه تانيه وينظر لهبه التي تنظر لاسفل بخجل

سعيد :بس ازاي

يوسف:عملت التحاليل وطلعت متوافقه

عشان تعرفو ان انا وحازم بس اللي اخوات

العيال دي تعملها DNA

بعد ماتطلع فيحتضنه حازم متشكر اوي يايوسف

يوسف:عيب يلا احنا اخوات  مش لما اتكسرت شيلتني وودتني مع انك كنت  تعبان وبتتالم وماحدش
مننا حاسس بيك

ويوجه كلامه لماجد:ماتحفش وانت بتقطع يعني حته صغيره

حازم :مايهمكش ياماجد دوس براحتك  الخير كتير كيلو اتنين

يوسف:لا كده انا مش لاعب

ولا عشان صحبك يديك حته كبيره

ماجد:احنا هناخد حازم الاول العمليات نجهزه

وفعلا اخذ ماجد وجرت تقوي وسعيد وجده وراءه

وانتظرت هبه مع يوسف

هبه بخجل انا اسفه يايوسف ع الدبش اللي قلتهولك

يوسف:لا انا واخد عليكي كده من امتي مابتحدفيش طوب

فتخبطه ف صدره

بقي انا كده

يوسف:اي كده تضربيني ف قلبي وانا داخل عمليه مش عارف هقوم منها ولا لا

هبه :بعد الشر عليك ياحبيبي

وتداركت ماقالت لتبرق وتضع يدها علي فمها

ليمسك يدها من علي فمها

قلتي ايه

هبه:ماقولتش

يوسف:لا قلتي وسامعك بوداني

هبه:لا انت اللي بيتهيالك عشان متوتر وداخل العمليه

يوسف:لا بقي قولتي وسمعتك

هبه:مش قصدك حبيبي لا ماقلتش

يوسف:بت هتشتغليني والله قلتي

وانا كمان بحبك بس بدا امتي ده

والكلام السم اللي قلتهولي ده

هبه:قلته عشان كنت زعلانه منك

وبدا لما حضنتني اول مره احس ان حد مهتم بيا غير حازم

ثم تضربه انت هتفضل هنا والواد مستنيك عشان العمليه

يوسف:الله وانا حد جه زق التورلي ده وقلت لا ولا هنزل ازقه بنفسي اشمعنه حازم
زقوه

لو رجعو ف كلامهم خلاص وفرو

كبدي جوايا واروح بيتنا

هبه:ناعم انت هترجع ف كلامك ولا ايه

دا انا افتح كرشك بنفسي واخد كبدك

يوسف :كرشك ايه ده لو جايبك من المدبح ماهتقولي كده والله

ياسيتي هروح بس يجو  يزوقوني

وفعلا جاءو ياخذوه

يوسف ينظر لهبه خدي بالك من ساره لو حصلي حاجه علاء اتقدملها وانا وافقت جوزوهاله

هبه:ماتقولش كده هتقوم بالسلامه ان شاء الله

لا اله الا الله

يوسف:محمد رسول الله

ودخل يوسف ايضا

والجميع  في حاله ترقب والوقت يمضي بصعوبه

الدقيقه كانها سنه

………….

علاء:انا كلمت اخوكي واتفقنا

الخطوبه وكتب الكتاب بعد خروج حازم من المشفي

ساره:ماتفقناش علي كده يالولو

احنا قلنا خطوبه بس انت بتخم

علاء:وهتفرق معاكي ايه يعني

ساره:كتب كتاب هتقولي مراتي ومش مراتي وتخنوقني لكن الخطوبه هتبقي بتتمنالي الرضا ارضي

علاء:لا والله هتاكلي بالجزمه ف الحالتين سواء خطوبه او كتب كتاب

انا ماعنديش دلع ياروح امك

ساره :ايه قله الادب بتاعتك دي يالولو

ايه روح امك دي بيئه اوي

علاء:انا كده لو عجبك

ساره: خلاص عاجبني ياباي عليك

عصبي وقلبل الادب بس بموت فيك

ساره:يوسف اتاخر اوي

علاء:تلاقيه مع حازم ف العمليه

ساره:اوك  ماتيجي توديني عندهم لحسن كلهم راحو وسابوني

علاء:طب البسي  هاجي ازمرلك تنزلي جري ماتركنيش لهمشي واسيبك

ساره:حاضر يلا علي ماتيجي اكون لبست

الحلقه 21

اخذ علاء ساره معه المشفي

ووجدو الجميع في حاله ترقب ولكن ساره لم تجد يوسف

ساره:امال يوسف فين

الجميع ينظر لبعضه البعض

جوه مع حازم

ساره:ليه هو بقي دكتور

علاء:يوسف هو المتبرع ياساره

ساره:وازاي مايقوليش حاجه زي كده

وافرض جراله حاجه يسيبني لوحدي انا  ماليش حد غيره وازاي يعمل كده

وانت كنت عارف ياعلاء وماتقوليش وتضربه ف صدره كلكو خبيتو عليا اوعي ماتكلمنيش تاني

علاء يحاول احتضانها وتهداتها

حبيبتي هو اللي قالي ماقولكيش الا اما يخرج عشان ماتقلقيش

وانتي لما حبيتي تيجي قلت علي مانيجي يكونو خرجو بالسلامه

واثناء ذلك خرجت ممرضه مهروله وهرج ومرج

تقوي جذبتها في ايه

الممرضه :المريض جاله هبوط مفاجيء

وعاوزين د.رامز بسرعه

تقوي:مين فيهم فجريت الممرضه وتركتها

وجاءت مسرعه مع الدكتور رامز

ولكن تقوي جذبتها مره اخري

مين فيهم بقولك

الممرضه :المتبرع

فانهارت هبه ف البكاء

والجد وسعيد وتقوي يدعون له ان يقوم بالسلامه

ووقعت ساره علي علاء مغمي عليها الذي حملها

علاء:دكتور بسرعه

وادخلها حجره

واعطاها الدكتور حقنه لافاقتها

وبدات تستفيق وتفتح عينيها

لتجد علاء امامها

ساره:انا عاوزه اخويا عاوزه يوسف ياعلاء

يايوسف يايوسف ماتسبنيس لوحدي

ليحتضنها علاء:اهدي ياساره هيقوم ويبفي زي الفل ان شاء الله

ودلوقتي قومي نستناه بره

ساره:خايفه خايفه اوي ياعلاء انا ماليش غيره

ماليش حد بعده هيسبني لوحدي

ليه كل اللي بحبهم بيسيبوني

علاء:حبيبتي انا عمري ماسيبك مهما حصل ويوسف هيقوم بالسلامه

ساره:خايفه اوي

علاء :ان شاء الله خير

علاء:انا هطلع اطمن وارجعلك خليكي مرتاحه

وطلع وجد حازم يخرج من العمليات

وتقوي تجري وراءه تتحايل ع الدكتور تدخل معاه العنايه

الدكتور :انتي دكتوره وعارفه مريض الزرع بياخد مثبطات بتقلل مناعته عشان العضو المزروع يتاقلم بسرعه
ومايلاقيش مقاومه فاقل  فيروس ممكن يهاجمه ويسبب وفاه زي انفلوانزا  مثلا لان ماعندوش مقاومه ومناعته
قليله

فلازم ناخد بالنا ونلبس الكمامه

تقوي:عارفه يادكتور وانا الحمد لله ماعنديش حاجه وهلبس الكمامه واخد كل احتيطاتي بس اقعد جمبه
بس مش عاوزه غير كده

ماجد:بس ماترهقهوش

تقوي:حاضر والله مش هعمله اي حاجه هقعد جمبه ساكته خالص

ماجد للممرضه:دخليها عنده شويه

………

اما ف الخارج وجدو الممرضه تخرجه من العمليات والكل ملتف حولها

علاء :ايه الاخيار

الممرضه :دخل ف غيبوبه

هبه :لاا

لا يايوسف مش هسمحلك بعد ماتعلقني بيك تسبني

لا يايوسف

وجده وسعيد يدعون له وهبه منهاره وتتحايل ع الممرضه تدخل معه

الممرضه :طب هدخلك 5 دقايق بس انتي عارفه العنايه ممنوع مايرضكيش قطع عيشي

هبه:حاضر والله مش هسببلك مشاكل بس ادخل معاه شويه

ودخلت معه هبه للعنايه

مش هسمحلك تسيبني يايوسف

انت وعدتني هتخرج ليه تخلف وعدك معايا

انا ماحستش بالاحاسيس دي الا معاك ليه بعد مااتعلق بيك تسيبني كده انت قلت بتحبني

ازاي تتخلي عن حبنا

…………

وعلاء لا يعلم كيف سيخبر ساره بذلك

ودخل لساره  التي تنظر له

علاء:اهو خرج ياسيتي بالسلامه

ساره:صحيح ياعلاء بقي كويس

علاء:اه بس دخل العنايه وممنوع حد يخشها يعني مالناش لازمه كلنا  حتي الي بره هيمشو
مالهمش لازمه

ساره:لا مش همشي واسيبه

علاء:وبعدين معاكي بقي هتقعدي فين واللي رايح واللي جاي يبص عليكي

هروحك واجيبك بكره

ساره:حاضر

وخرجو كانت هبه في حاله انهيار ف حضن جدها

ساره:هو حازم جراله حاجه

علاء:لا ابدا متاثره بس عشان اخوها

علاء :انا هروح ساره حد هيجي معايا

الجد :فعلا وقفتنا مامنهاش فايده

يلا ياسعيد وصلني انا وهبه

ووجه كلامه لهبه

هبه انتي دلوقت معتمدين عليكي ف الشركه وانت ياسعيد تساعد معاها وانا هحاول اجي معاكو
شويه نمشي الشغل لحد مايخرجو بالسلامه

فرات هبه ساره فاحتضنتها وهي تبكي

فشاور لها علاء من خلف ساره انها لا تعرف

واخذ علاء ساره ليوصلها

علاء:يلا حبيبتي نامي كويس وبكره هجيلك

ساره:مش عارفه خايفه عليه اوي ياعلاء

مش عاوز عياط بقي ويمسح دموعها

وبعدين بقي انا بضعف كده قدام الدموع دي وكده هبقي خطر ع الامن العام

ساره:ه حاضر

علاء:بصراحه مش واخد عليكي مستكينه كده ودي حاجه فيها خظوره عليكي

ساره:تصبح علي خير ياعلاء

علاء:وانتي من اهله ياقلب علاء

واما الباقي فجاءو الفيلا ايضا

اما تقوي ففي المشفي تاره تتحايل عليهم يدخلوها وتاره اخري يخرجوها وهكذا

الحلقه22

علاء:الو

ايوه حبيبتي صحيتي

ساره:هو انا عرفت انام اصلا وكل مااغفل تجيني كوابيس

علاء:وبعدين ياحبيبتي بقي ماتفكريش ف حاجه وحشه وادعيله ربنا يقومه بالسلامه

ساره:يارب

علاء:طب جاهزه اجي اخدك

ساره:علي ماتيجي اكون جاهزه لان كلهم راحو الشركه

علاء:طب اجهزي وانا مسافه السكه وجايلك انا فاضي انهارده وقاعد معاكي

ساره :طب كويس عشان ماتسبنيش لوحدي

علاء:عمري مااسيبك لوحدك

يلا يابت بقي اخلصي

وفعلا ذهب لها ورنلها لتنزل وياخذها المشفي

استني هنا اكلم الممرضه تدخلك تشوفيه

علاء:بصي دي اخته مش قايلينلها انه ف غيبوبه

معلش خليها تدخل بس تشوفه ولو سالت قولي اي حاجه انه واخد مسكنات او اي
شيء

وفعلا ادخلها له

ساره:هو ليه مافاقش لحد دلوقت يعني حازم اللي مريض يفوق والمتبرع لسه

الممرضه :مش متاخد جزء منه بياخد مسكنات تنيمه عشان يتحمل الالم

ساره:ياحبيبي يايوسف

الممرضه :يلا بقي اخرجو عشان ماتاذيش

علاء:يلا ياساره مش اطمنتي وشوفتيه

يلا بقي هاخدك اغديكي بره انتي مافطرتيش اصلا

ساره:مش عاوزه ماليش نفس

علاء يقترب منها لما اقول كلمه تقولي حاضر وبس يلا

ساره:مش قادره اسيبه ياعلاء

علاء:هنتغدي ونرجع انا مافطرتش انا كمان

ولا عوزاني اقع من طولي

ساره:بعد.الشر عليك ياحبيبي

ربنا يخليك ليا مش عارفه انت لو مش جمبي كنت عملت ايه

علاء:طب يلا بقي دي مابقتش مستشفي كده

دي ملتقي العشاق

ساره:هه يلا

وجاءت هبه وجدت تقوي

حازم عامل ايه

تقوي:الحمد لله بيفوق وينام تاني بس بيدخلوني بصعوبه

هبه:ويوسف

تقوي:ربنا معاه يارب ويقومه بالسلامه

هبه:طب هحاول اتحايل ع الممرضه تدخلني

وقعلا دخلتها شويه عنده

هبه:الشركه وحشه اوي من غيرك يايوسف

كل حاجه مابقاش ليها طعم

عامله زي انسان الي مافهوش روح

انت كنت روحي انا ماعرفتش كده الا متاخر اوي

انا بحبك اوي ماتسبنيش يايوسف

انا ماصدقت لقيتك

انا حياتي قبلك كانت روتينيه شغل بس لا ليها طعم ولا لون انت اللي لونتلي
حياتي وبقي ليها طعم تاني معاك

الممرضه :ياانسه اطلعي بسرعه الدكتور بيمر فجاءت تترك يده فتعلق صابع منه بها

فالتفتت يوسف

اندهي للدكتور بسرعه يوسف حاسس بيا

وفعلا اتي الدكتور

الدكتور :كشف

مافيش اي مؤشرات غير عاديه

دي حركه عضلات عاديه

هبه:انا بقولك هو حاسس بيا واداني اشاره انه موجود معايا

الدكتور:الموضوع ده بيتكرر كتير وانا مش عاوز اديكو امل لان الحاله وضعها مفقود فيه الامل

لدرجه كنت هقولكو نشيل الاجهزه بدل ماهي تكاليف ع الفاضي

هبه:اياك تفكر  تعملها

قسما بالله اشطب اسمك من النقابه لو عملتها واقول انك قتلته كويس اني ساكته عن
الاهمال اللي حصل

داخل زي الفل يتبرع يطلع ميت كده لو حاولت تقربله هقفلكو المستشفي دي

الدكتور:خلاص براحتك انا بقولك.رايي العلمي

هبه:احتفظ بيه لنفسك ماحدش هيقرب من يوسف

وخرجت وتركته

دخلت تقوي لزوجها

حمد الله ع السلامه حبيبي

حازم:الله يسلمك بصوت خافت متعب

يوسف عامل ايه

تقوي:هاا يوسف اه كويس

حازم:في ايه ياتقوي انا مش قادر اكلم وانتي مابتعرفيش تكدبي

تقوي:يوسف جاله هبوط مفاجيء ف العمليه

ودخل ف غيبوبه

حازم ايه وعاوز يقوم انا عاوز اشوف اخويا

تقوي تمسكه وتهديه ماينفعش انت تخرج من العنايه خالص عشان الادويه اللي بتاخدها بتقلل مناعتك
وعرضه لاي فيروس يقتلك

حازم:انا لازم اشوفه ياتقوي دا اخويا هو كان بيحاول يساعدني يحصله كده

تقوي:امر ربنا ياحازم مانقدرش نعمل حاجه

هو بين ايادي الله مافيش ف ايدنا غير الدعاء لعل الله يستجيب لنا

حازم :ونعم بالله

بس لو حصله حاجه مش هقدر استحمل ان انا السبب ف اللي حصله

تقوي:ماتقولش كده ياحازم دا قدر الله ولو علي سريره هيحصله قضاء ربنا احنا اسباب بس
وامر ربنا لازم ينفذ

الحلقه 23

بعد مااتغدت ساره مع علاء رجعت

راحت للممرضه

عاوزه اشوف اخويا

يوسف فيه ايه كل شويه نايم نايم مش بيصحي

داللي تعبان فاق والسليم لسه

الممرضه :اهدي ياانسه اخوكي ف غيبوبه ادعيله

فوقعت ساره من طولها

الممرضه :ياانسه ياانسه الحقوني ياجماعه جاء علاء جري فقد كان يستفسر من الدكتور عن حاله
يوسف

علاء:حصل ايه انا سايبها كويسه

الممرضه :قعدت تزعق عشان اخوها مافاقش فقلتلها انه ف غيبوبه وقعت من طولها  خدوها لحجره
مره اخري وحاولو افاقتها

وقامت منهاره

يعني يوسف كده خلاص راح مني

مش هيكلمني تاني

علاء:اهدي ياساره ادعيله حبيبتي مافيش غير الدعاء

وظل الحال هكذا شهر

علاء:ساره انا كنت متفق مع اخوكي اخطبك واكتب الكتاب لمايخرج

كده انا سايبك مع ناس مافيش صله بينكو الا انهم اخوات اخوكي حتي جده مش
جدك انتي والبنات كمان مالهمش صله بيكي

ايه رايك نجوز اجي لجدك واكلمهم وهيتفهمو الامر انا مضايق وانتي ف بيت مش بيتك

ساره:دا بيت يوسف ياعلاء وانا مش هجوز الا وهو معايا هو قالي هيوصلني لبيت جوزي
بايده

عطلاء:اللي يريحك انا مش عاوزك تحسي انك مالكيش حد لو غيرتي رايك قوليلي وانا علي
اتم استعداد اجوزك من بكره

ساره:معلش علاء خليني براحتي

علاء:حاضر

……………

الدكتور:ياجماعه انا شايف انكو تعبينه ع الفاضي مش شايف اي تحسن  وتكاليف ع الفاضي

الجد :انا مش عاوز اخد قرار لوحدي

ايه رايك ياحازم

حازم :انا مش عارف اللي شايفينه اعملوه 😢😢

الجد:وانت ياسعيد

سعيد:مش قادر اخد قرار زي ده ياجدو دا اخويا

الجد :واحنا كده بنعذبه وبنتعذب جمبه

فخرجت هبه تجري تبكي وتتحايل ع الممرضه تدخلها

ودخلت له

هبه :مش مسمحاك يايوسف ع اللي عملته فيا

كده هتسيبني لوحدي

وحتي ماليش قرار ف الموضوع

وهم قررو يشيلو الاجهزه خلاص وحتي ماليش حق ادخل

وجاء الدكتور ليزيل الاجهزه

مين دخل دي هنا

فهمت ان تمشي وهي ممسكه بيديه لتتركها فتجده يجذبها اليه

عاوزاهم يموتوني ياحزمه

فضحكت وهي تبكي في نفس ذات الوقت

يوسف حبيبي حمد الله علي سلامتك انا كنت متاكده انك حاسس بيا

وتضربه ف صدره لما انت عايش وحاسس بيا مابتنطقش ليه وتقولي حاجه انا كنت هموت
عشانك

يوسف:يعني انا ماموتش تقومي تموتيني انتي دي ضربه تضربيها لواحد فايق من غيبوبه ثم انا
لو عارف انطق ماكنت نطقت ياغبيه ولا يمكن لساني كان ف اجازه

الواد اخوكي عامل ايه

هبه:مين

يوسف:انا مش حمل غباء دلوقت خالص انتي ليكي كام اخ

هبه:اه حازم زي الفل  وقرب يطلع

انا هروح افرحهم بقي

يوسف:استني ماتسبنيش مع الدكتور قتال القتله ده ليموتني بالمخده ويكتم نفسي طالما ماعرفش يموتني بالاجهزه

الدكتور:بقي كده يايوسف

ماشي ياعم هنستحملك عشان طالع من الغيبوبه بس

يوسف:شوفتي بيهددني ازاي

هبه:لا والله دا كيوت خالص انت بس اللي حساس عشان طالع من الغيبوبه

يوسف :نعم ياروح امك هو مين الي كيوت اطلعو بره انا ناقص حرق دم رجعوني
الغيبوبه تاني

هبه:بعد الشر عليك ياحبيبي داانا اموت وراك

يوسف:ايوه كده اتعدلي

حليكي انتي وخرجيه هو

هبه:هه حاضر

ممكن تطمنهم عليه يادكتور وياريت نعرف هيخرج امتي

الدكتور:هو مديني فرصه حتي اكشف عليه

يوسف:خلاص اكشف وخلصني

الدكتور:شوفتي قله ادبه والله لولا انه اخو حازم كنت قتلته بايدي

يوسف:شوفتي اعتراف صريح اهو سجلتي انا محامي وهبهدلك .

هبه:اهدي يايوسف بيهزر

يوسف:لا هو اللي موتني ف العمليه قلتله مايحفش قطع حته كبيره

ماجد:ولا لم نفسك عني واخرس خالص لحد لما اكشف وتغور من هنا ومااشوفش خلقتك

وكشف ووجد اجهزته الحيويه تمام

ماجد:ممكن يخرج بكره عشان نراقبه 24 ساعه

يوسف:ليه حرامي ولا هسرقكو

ماجد:لا اكيد حصله حاجه ف مخه بسبب الغيبوبه فهميه يا هبه بليز

هبه:ياحبيبي يعني تحت الملاحظه واشراف الاطباء عشان لو حاجه حصلتلك يلحقوك

يوسف :مايقول كده هو اللي غبي مابيفهمش الواحد

هبه:معلش حبيبي نعمل ايه بقي حظنا بيوقعنا ف الاغبياء

يوسف:قصدك ايه يعني انك وقعتي ف واحد غبي

يعني انا غبي

هبه :يارب صبرني

يوسف مالك حبيبي حاسس بايه

يوسف :انا زي الفل يلا نروح عشان نجوز

هبه: تنظر له لا انت اكيد حصل لمخك حاجه

انا راحه اناديهم

وذهبت لهم يوسف فاق ياجماعه انا هكلم ساره

وانتو ادخلوله انا اكتفيت بهذا القدر ومروحه

الجد :في ايه يابنتي

هبه:هتشوفو بنفسكو

واتصلت بساره التي فرحت واتصلت بعلاء اللي فرح وذهب ياخدها يوديها ليوسف

الحلقه 24

دخل الجميع ليوسف وايضا ساره وعلاء كانو قد جاءو

الجد:انت بتعمل ايه يايوسف

يوسف :هلبس وماشي

سعيد:بس الدكاتره   قالو بكره

يوسف :انا اتخنقت وماشي خلاص

الجد:يابني هي وكاله من غير بواب دي مستشفي ولازم الدكتور يسمحلك

يوسف:ليه هو انا مسجون

حازم:مش موضوع مسجون  دا خوف عليك

يوسف:انا خلاص قفلت معايا وماشي فين البت هبه

حازم:وانت مالك ومالها مشيت روحت

يوسف:مشيت من غير اذني والله لاوريها

حازم:هو في ايه

تقوي:مش عارفه

الجد:طب استني بس لبكره واخرج مع اخوك

يوسف:انا مش هقعد دقيقه واحده هنا

الجد:نادي ع الدكتور ياسعيد

وفعلا جابه سعيد

الدكتور :في ايه يابني جننتني دي ماكانتش غيبوبه دي  والله عملتله عمليه ف الكبد مش
المخ

يوسف :انت خدت حته كبيره طمعت عجبك كبدي والحته اللي خدتها حلال عليك مسامح فيها
اديها للمدام تعملك كبده اسكندراني

الدكتور:والله افتح كرشك واوريك اني خدت حته صغيره

يوسف :جايبنلي دكتور من السلخانه

انا ماشي من هنا

الدكتور:خلاص بالسلامه

سعيد:في ايه يادكتور

ماجد :والله ماعرف يابني من ساعه ماصحي وهو طايح ف الكل كده خدوه من هنا
يمكن يهدي شويه

علاء :طب يلا يايوسف اوصلك انت وساره

سعيد :وانا هوصلك ياجدو ولو حازم يطلع اليوم ناخده هو وتقوي معانا

ماجد :خدوهم انا قرفت منكو كلكو

يوسف:والله انت دكتور مؤرف اصلا

ماجد:امشي يلا من هنا وماشوفكش تقرب من جمب المستشفي حتي هجيب خبرك

يوسف:مسنشفي زباله ودكاتره زباله

ماجد :والله انا ساكت عشان خاطرك يا حازم بس لو ماخدتهوش من قدامي هقتله

حازم:طب اهدي احنا هنمشي كلنا خلاص

وفعلا مشي الجميع الي الفيلا

علاء:انا كنت قلتلك علي جوازي من ساره

واتفقنا اما تطلع اخطبها ونكتب الكتاب

يوسف:نعم ياخويا هو سلق بيض

علاء:في ايه يايوسف مش ده كان اتفاقنا

يوسف:لما افوق كده كمان سنه ولا اتنين

علاء:يانهار اسود دااحنا ناويين نجوز بعد السنه ولا السنتين

يوسف:نعم تجوز بعد ايه ليه لما تخلص دراستها تبقي تجوز

علاء:لا انت مخك ضرب خالص

وطلع فوق

بت ياهبه انتي يابت

ففزعت من صوته وطلعت في ايه يايوسف

انت ايه خرجك مش قالو بكره

يجذبها من ذراعها لداخل حجرتها ويغلق الباب انتي ايه اللي مشاكي بدون اذني

شيفاني طرطور

هبه :مالك يايوسف

ايه اللي جرالك هستاذن منك ليه هو انت جوزي

يوسف:امال مفكراها سايبه

ومش عوزاني اجي ليه انهارده عاوزه تكوشي ع الشركه انتي واخوكي

هبه تضع يدها علي جبهته

هبه:انت تعبان يايوسف

طب مش فاكر اي حاجه حصلت بينا

يوسف نعم ياختي ليه شربتك حاجه اصفره وخدتك ورا مصنع الكراسي

هبه :ايه السفاله وقله الادب بتاعتك دي

لا طبعا مش قصدي كده

يوسف امال قصدك ايه

ويقترب منها اني بحبك

و بموت فيكي

فتخبطه ف صدره

امال بتمثل علينا ياجبان خضيتني

يوسف:يعني تسبيني وتمشي ومش عوزاني اتنرفز عليكي

هبه:طب اطلع بره

يوسف:نعم ياختي

هبه:الله عيب كده ايه اللي يدخلك عندي

يوسف:بصي بقي احنا نعمل فرحنا مع فرح البت ساره

هبه:وسعيد كمان عاوز يخطب ومستني حازم يروح معاه اما يخرج

يوسف:خلاص نعمل فرح 3D

ثلاثي الابعاد

هبه:ههه والله انت مخك ضرب ف الغيبوبه دي

فيقترب منها

هبه تبعده بيدها ها وبعدين يلا بره لما نعمل 3Dابقي اقترب

يوسف:ماشي تصبحي علي خير

هبه :وانت من اهله يا مجنون

الحلقه 25

جاء حازم وزوجته الفيلا مع سعيد وجده

دخل حازم وزوجته لحجرتهم

حازم يقترب منها ويجذبها من خصرها

وحشتيني اوي  اوي اوي

تقوي:ياسلام هو انا سيبتك اصلا ف المستشفي ماانا معاك  كل يوم وكل دقيقه وكل ثانيه
هو انا بعدت عنك اصلا

حازم:انتي عارفه اليومين اللي قعدتهم ف الفيلا لوحدي من غيرك كنت حاسس اني بموت بالبطيء

اصعب احساس ان الواحد يبقي عارف انه بيموت ومستسلم مش قادر يعمل حاجه ولا له
رغبه ف الحياه

كنت زعلان منك اوي ع اللي عملتيه

تقوي :والله ياحبيبي انت ماادتنيش فرصه افهمك

انا ماكنتش متخيله اني احب حد زيك

بس معرفش ايه اللي جرالي اول اما ببقي ف حضنك ماببقاش عوزاك تسيبني تاني

اول مره حد ياخدني ف حضنه واحس الاحساس ده

احساس بالامان والاطمئنان والحنان

حازم:نعم ياختي ومين خدك ف حضنه قبلي

تخبطه ف صدره

انت هتستهبل

علي سعيد طبعا

حازم:وانتي هتجيبي سعيد ليا بردو

تقوي :لا طبعا سعيد اخويا وحبيبي لكن انا اللي بخاف عليه وبحس اني مسؤله عنه

لكن معاك احساس تاني بحس انك حبيبي وان انت اللي مسؤل عني لما بنام علي
صدرك برمي همومي كلها عليك

حازم:وانا اقول بتبقي تقيله ليه هه

تقوي :والله انت رخم

حازم:بموت فيكي

حازم:ماتيلا بقي

تقوي :يلا ايه انت تعبان

حازم:انا زي الفل ولم يمهلها

وبعدها

اخس عليك ياحازم انت لسه تعبان وانا مطلعاك علي مسؤليتي واخد بالي منك تعمل كده

حازم:ماكنتش قادر ابعد عنك اكتر من كده

اخبار الواد احمد ايه

تقوي:احمد مين

حازم :ابني

تقوي :اه كويس بيسلم عليك وبيقولك.خد بالك من نفسك يابابا

علي فكره سعيد  مستنيك عشان تروح.تخطبله نهي

حازم:وانا جاهز ياسيتي

وانا ف ديك الساعه لما اخطب لابني البكري

اصل سعيد ده بحس انه ابني الكبير

تقوي :وانا كمان والله

حازم:قومي ارقصي بقي بمناسبه الفرح ده

تقوي:هه انت ظايط ف اي حاجه

دانت طالع من عيا بدل ماتمسك مصحف تقولي ارقصي

حازم:بمناسبه القران  هقولك علي واقعه حصلت معايا

رحنا نعزي واحد صاحبنا والمقريء اتاخر معرفش مسكوه ف لجنه ولا ايه حكايته والناس هتطفش

والكل عارف صوتي حلو ف القران صاحبي قالي استرنا الله يسترك واقرا ربع علي مايجي
بن الوارمه ده لاهف الافات وماجاش

المهم بدات ولعلعت بقي والناس اعد وانسجمت

تقوي:ليه ام كلثوم اعد

حازم :المهم خلصت الربع وعاوز امشي والناس مش راضيه تسيبني والمقريء جه ومش عاوزين غيري

وانا واصحابي كان عندنا سهره بعد العزا المهم عاوزين يخلصو

جولي يقولولي الحق ابوك مات

وانا اقولهم دا ميت من 10 سنين

وهم يغمزولي ياد ابوك الاقرع اللي بيجلكو البيت

وانا مسخسخ الاقرع مش تقولو كده

وخادوني باعجوبه من هناك

تقوي:والله بتستهبلو تسيبو القران عشان سهراتكو

حازم:كان طيش شباب بقي وراح لحاله

المهم ان انت دلوقت جمبي ياجميل

ويقبلها

تقوي:لا بقي انت مش ناوي تجيها البر

انا كده هرجعك المستشفي تاني

حازم :والله انتي بت تسدي النفس المفتوحه

تقوي:ياسلام اسيبك بمزاجك وتروح مني

خف اليومين دول علي ماتخف واعمل اللي انت عاوزه بعد كده

حازم:طب خلصي وابقي ناديهم كلهم عشان نشوف موضوع سعيد والشغل وكل المواضيع المتاخره

تقوي :حاضر هاخد شاور وخد شاور وهقفل الاوضه عشان ماتخدش برد واجبهملك كلهم

وفعلا نفذت ماقالت واستدعت سعيد وهبه وساره ويوسف والجد

وجاء الجميع

حازم :اولا نطمن ع الشغل

هبه:الحمد لله ماشي كويس بس تعبنا جدو معانا اليومين دول اوي خفو عليه بقي

يوسف:انا نازل  من انهارده

هبه:وانا طبيعي بنزل

سعيد:وانا كمان الحمد لله فهمت الامور ماشيه ازاي وشغال مع عم سالم كويس

حازم :واي حاجه اعرضوها عليا علي ماقدر انزل الشغل

تمام كده نيجي للزواج

خد معاد من سالم ياسعيد ونروح نخطبلك نهي

سعيد:بس انا عاوز جواز هي قربت تخلص تالته وتقضي رابعه معايا

حازم :انت داخل حامي اوي

يوسف:وانا عاوز اجوز هبه

حازم :ماشاء الله بقو فرحين مين يزود

يوسف:وساره وعلاء خطوبه وكتب كتاب واما تخلص تانيه تدخل

حازم:وانا مش تشوفولي عروسه كده الواحد يجدد شبابه

فتخبطه تقوي والله فيجذبها اليه وانا الاقي لك بديل ياقمر تولع كل الستات اللي ف
الدنيا انت وبس اللي حبيبي

الجد:احم احم نحن هنا

خلاص ياولاد نروح نخطبلك ياسعيد ونتفق علي معاد يناسب الكل وبلغ علاء بيه يايوسف ونكون
مظبطين الشغل لان يوسف وهبه وسعيد هيبقو ف اجازه

حازم:يبقي بعد شهر اكون رجعت الشغل ومسكته بدالهم  وانتو عارفين انا بيكو كلكو

هبه:طبعا طبعا

تقدر تكلم ياجو

يوسف:وانا اقدر اكح  الحكومه تقتلني

هبه:ايوه كده

سعيد :خلاص هاخد معاد من عم سالم ع الخميس الجاي نروحله

حازم:تمام مبرووك ياولاد

وانت يايوسف لو زعلت هبه هنسي انك اخويا وحته الكبده دي هرمهالك ع الجزمه

فضحك يوسف:لا ماتخافش بس وصيها انت عليا تخف عليا شويه

حازم:ربنا يوفقكو

وانتظروا الحلقه الاخيره

• قصة غسيل الجارة
• ﻗﺼﺔ ﺍﻻﺷﻘﺎﺀ ﺍﻟﺜﻼﺛﺔ عندما تعشق فان كل شي مباح
• قصه مكالمه مع حبيبي نثيره
• قصه حازم واخواته التلاته
• قصه الاشقاء الثلاثه
• قصص نيم،نحازم
• قصص مثيره اخوات اقرا
• قصص مثيرة تهاني والبواب
• روايه الاشقاء التلاته الجزء التاني
• روايات ممحونة