قصة الحلم , عندما يصبح الحلم هاجس يؤرقك ولا تستطيع التعايش مع الواقع

قصه الحلم عندما يصبح الحلم هاجس يؤرقك

ولا تستطيع  التعايش مع الواقع ثم يتحول هذا الحلم الي واقع

الحلم

الحلقه الاولي

استفاقت عبير ف حجرتها  التي استاجرتها علي حلم عجيب وهو وجه شخص لم تره من
قبل وليس الحلم فيه غير وجه هذا الشخص يرتدي بدلته

وهذا الحلم اصبح محير لها من هذا الشخص ولماذا هذا الشخص بالذات

……………..

استفاق علي في حجرته في فيلتهم علي وجه فتاه لم يرها من قبل ولا يوجد
ف الحلم الا هذا الوجه الذي لا يعرف من هي صاحبه هذا الوجه

وقام وهو لا يعلم لماذا هذا الوجه بالذات انا حتي لم اري شبيها لها من
قبل فمن هي ياتري هذه الفتاه ولماذا يحلم بها اصلا

ولكنه لم يفكر كثيرا حيث اتصلت به خطيبته

ياسمين:هتعدي عليا ياعلي ولا امشي كده اتاخرت

علي:معلش لسه انا صاحي وتعبان روحي انتي

ياسمين:طب ماقولتش ليه من الاول بدل تاخيري

علي:معلش ياياسمين بقي سلام

…………………………

الياب خبط علي عبير

عبير:مين

محمد:انا محمد اخوكي افتحي

فتحت عبير ازيك ياحبيبي عامل ايه وماما عامله ايه

علي عيني اني سيباها ف حالتها دي بس عشان القذر جوزها ربنا يخده ع اللي
بيعمله

محمد:معلش حبيبتي والله لو بتتحرك كنت خدتها وجبتها معاكي بس هي مش عاوزه تسيب بيتها

وانا مش قادر اسيبك هناك يهجم عليكي وانا مش موجود اديها هتدبر انتي بتروحي كليتك
وبعدها شغلك ف الصيدليه وانا بشتغل عشان نقدر ندفع تمن الاوضه وناكل بالباقي ولا الحوجه
له وانا بطمن عليها وهحاول اخدك ف الوقت اللي مش هناك فيه تشوفيها انا خايف
تروحي وهو هناك يعمل فيكي حاجه او يراقبك ويعرف مكانك هنا ويجيلك والله هاين عليا
اقتله لولا خايف عليكو لو اتسجنت مين هيراعيكو

عبير:ربنا يخليك لينا ياحبيبي

محمد:يلا بقي الطعميه بردت انا فطرت امك وجيت جري نفطر سوا

عبيريخليك ليا يارب ولا يحرمناش منك بس انت بتتعب اوي انا هبقي افطر كفايه امك
عليك

ماتهونيش عليا اسيبك لوحدك

عبير:ربنا مايحرمني منك يارب

وذهبت الي كليتها فهي في تانيه تجاره ومحمد ذهب لعمله في مكتب كمبيوتر فهو خريج
حاسبات ومعلومات

وعند عودتها وقفت تنتظر الاتوبيس

واثناء وقوفها كان علي في سيارته فلمحها ولكنها ركبت الاتوبيس

ومشي وراءه لعله يعلم من هي صاحبه الحلم

ظل وراء الاتوبيس ولكن بسبب الزحام تاهت منه في الاشاره ولم يعلم من هي ولكنه
علم انها موجوده ولكن من هي لا يدري

ماصلتها به لا يدري

ولماذا هي بالذات تساؤلات تشغل تفكيره

وهي كذلك من هو صاحب الحلم لا تعلم ولماذا هذا الشخص وانا لم اره من
قبل لا تعلم

الحلقه الثانيه

بعد ان راها علي واقتنع ان صاحبه الحلم شخصيه حقيقيه وليست وهم او خيال زاد
اصراره ان يجدها ولكن كيف له ذلك ولم يعرف عنها اي شيء الا مكان الاتوبيس
وقرر ان ينتظرها يوميا في هذا المكان وفي هذا الوقت الي ان يجدها ولن يياس

وفعلا قرابه الثلاث ايام يفعل ذلك حتي كاد ان يياس الي ان ظهرت وهو منتظر
بسيارته  بجانب محطه الاتوبيس وعندما شاهدها تقف نزل مسرعا وتوجه اليها وعندما شاهدته فتحت فمها
من الدهشه وقالت انت

فاقتنع انها هي الاخري راته في حلمها فجذبها من يدها بعيدا عن الناس ليتحدث معها

واوقفها طالما عملتي كده يبقي شوفتيني انتي كمان ف الحلم

عبير:اه والله وانت عرفت ازاي انت كنت موجود بذات نفسك فيه

علي:يا متخلفه ياعبيطه هبقي موجود ازاي هو انا عفريت

عبير:بسم الله الرحمن الرحيم امال عرفت ازاي

علي:عشان انا كمان شوفتك ف نفس الوقت

عبير:دي حاجه غريبه جدا وانت طلعتلي ليه ف الحلم

علي:يارب صبرني وانا لو عارف هسالك وادوخ عليكي ليه عشان اوصلك

عبير:افرض هتاذيني وربنا بيحذرني منك

علي:وانا اعرفك اصلا عشان اذيكي طب طلعتيلي انتي ليه ولا انتي كمان هتاذيني وربنا بيحذرني
منك

اكيد في حاجه مشتركه بينا او في حاجه لازم نوصلها بس مش عارف هي ايه
ولازم اوصلها

طب ممكن نقعد ف حته نفكرعلي هدوء

عبير:لا ياخويا ماقعدش مع حد غربب

علي:طب تعالي اوصلك عشان اعرف انتي ساكنه فين وهاتي رقمك وخدي رقمي ولو حد مننا
اكتشف حاجه يبلغها للتاني ارجوكي انا هجنن من يومها ومش فاهم حاجه

عبير:بس انا مقدرش اركب مع راجل غريب

علي:وانا هخطفك ماتركبي بقي عشان اعرف مكانك افرضي الموبيل ضاع معرفش اوصلك تاني

وركبت بعد عذاب وعرفته المكان وتركته في حيرته وهي ايضا في حيرتها

وظل يراقب غرفتها حتي وجد شخص يدخل عندها فلم يتمالك نفسه لا يدري لماذا فهو
لا يعرفها حتي ولا يدري من هذا الشخص لكن الفضول سيقتله

فخبط عليها ففتحت انت !

عاوز ايه

محمد:مين ياعبير

عبير:دا دا والله ماعرف فدخل علي

علي:مين ده ياعبير

محمد:انت اللي جاي علينا انا اخوها انت اللي مين

علي:طب ممكن نقعد وانا احكيلك وافهم قصتكو ايه عشان انا دماغي هينفجر ومش قادر اركز
ف شغلي حتي خطيبتي مابقتش طايقها ومش عارف جرالي ايه

محمد:اتفضل

علي:اولا انا عمري ماشوفت اختك وفجاه شوفت وشها ف الحلم مجرد وش اول مره اشوفه
ف حياتي

وانا ماشي بالصدفه بعدها شوفتها وضاعت مني وفضلت مستنيها ايام لحد ماظهرت واكتشفت انها فن
نفس اليوم والوقت شافت وشي بردو مع انها عمرها ماشافتني

تفسر بايه ده

محمد:دي حاجه غريبه جدا ولا ف الخيال

علي هي ماكانتش بالشكل ده عشان الحجاب هستسمحك بس اتاكد من الشكل اللي شوفته واوريك
بالظبط شوفت ايه

عبير:لا طبعا افكه

علي :انا اسف والله بس لازم اتاكد عشان لو فعلا انتي لازم ادور واكتشف الموضوع

ففكته وانسدل شعرها الاسود خلف ظهرا فقام واوقفها وجاب شويه للامام ووراها لاخوها اهي هي
دي اللي شوفتها بالظبط مع شويه مكياج

محمد:غريبه جدا

وارتدت حجابها مره اخري

علي :طب ممكن تحكولي عنكو يمكن اعرف اي شيء

الحلقه الثالثه

جلس ثلاثتهم يقصوا حكايتهم

مخمد:احنا والدنا متوفي من زمان واحنا صغيرين وامي اجوزت الحيوان اللي معاها وكان بيضايق عبير
وحاول مره يتهجم عليها فجبتلها الاوضه دي وبينها وبين امي هنا شويه واروح لامي شويه

علي:وانا علي لنا مصانع غزل ونسيج انا مهندس ف مصنع والدي وعايشين ف فيلا وليا
اخت علا ووالدي موجود ووالدتي توفت

علا تقريبا اد اختك ف تانيه تجاره

عبير:دي معايا ف الكليه

علي:طب طالما كده انا هقترح اقتراح عاوزين نبقي قريبين من بعض لو حد اكتشف حاجه

فاحنا عندنا اوضتين ف جنينه الفيلا تعالي انت واختك وهتبقو ف امان وهم جاهزين هاتو
هدومكو بس وهعدي بكره اخدكو

ولو عاوز تجيب والدتك مافيش مانع

محمد:مش هينفع وامي كمان مقعده ومابتتحركش ولا بتتكلم ومش عاوزه تسيب بيتها

علي:معلش يامحمد عشان خاطري ريحني اليومين دول يمكن نعرف حاجه

محمد:ماشي يابابا اصل ابويا كان اسمه علي

علي :وانا ابويا محمد يبقي انت ببايا ه

محمد :بصره بس مقلوبه يعني انا محمد علي وانت علي محمد

علي:يبقي تسمع كلام ابوك بقي

محمد:حاضر ياوالدي

ومشي علي وسيعود غدا لياخذهم للفيلا

وفعلا عاد لهم اليوم التالي وحملهم للفيلا ووراهم الاوضتين ففرحو بهما جدا

محمد:اهو كده ابقي مطمن انه مش هيعرف طريقك ويضايقك حتي لو زرتي امك وراقبك وجيتي
هنا مش هيعرف يخشلك عشان الحراسه دي

كتر خيرك ياعلي انت انسان محترم جدا

علي:لاشكر علي واجب  مافيش واجب بين الابهات انت ناسي اني طلعت ابوك وانت ابويا

محمد:هه فكرتني

علي:وانت شغال ايه يامحمد

محمد:انا معايا حاسبات ومعلومات بس شغال ف مكتب كمبيوتر علي اد حاله

علي:طب ماتيجي تشتغل معانا فالشركه عندنا شبكه نظم ومعلومات علي اعلي مستوي هتفيدنا وتستفاد خبره

محمد:ايدي علي كتفك

علي:خلاص بكره تجيب اوراقك وتيجي معايا الشركه توديهم الاداره

محمد:والله انت نزلتلنا من السما نجده ياعلي معقول كل حاجه اتحلت كده

علي:وانتي ياعبير هبقي اعرفك ب علا واوصلك معاها هي وخطيبتي كل يوم زي مابعمل

عبير:مش عاوزه اتقل عليك هركب اي حاجه

علي:ليه يعني ماهو نفس الطريق وكليتك هي كليه علا

عبير:خلاص ماشي ان شاء الله

وفعلا تاني يوم.دخلت علا وعبير السياره وكانا يعرفان  بعضهما البعض ولكن الصله ليست قويه فتجاذبو
اطراف الحديث

وعدو علي ياسمين التي دخلت لتشاهد عبير

ياسمين مين دي بطريقه مستفزه

مما دفع عبير لقول

عبير:العجل ف بطن امه

فضحك الجميع ولكن شاطط ياسمين

فتدارك علي  دي صاحبه علا وقريبتنا وعندنا كام يوم

ياسمين:اه

عبير:اهين

علا:دا انتي مشكله ه

الحلقه الرابعه

نزلت عبير وعلا كليتهم وذهب علي يوصل ياسمين وبمجرد نزولهم

ياسمين:مين الست زفته دي بقي ان شاء الله

علي:في ايه ياياسمين ليه الغلط طيب ماقولتلك

ياسمين:مضايق عشانها اوي ياحبيبي وانا اولع اتفلق وهي بتتريق عليا

علي:البنت بتهزر معاكي عادي ثم انتي اللي سالتي باسلوب مستفز وكان رد فعلها طبيعي

ياسمين :والله يعني انا اللي غلطانه متشكره اوي ياعلي بيه

علي:يووه هو كل ماتشوفيني خناق خناق انا زهقت مش طريقه دي غيرتك الجنونيه دي

ياسمين :وعلي ايه دبلتك اهي نزلني ياعلي

علي :مايصحش كده ياياسمين

ياسمين :خلاص ياعلي خلصت قلتلك نزلني هنا وروح للست بتاعتك

وفعلا القت له بدبلتها ونزلت

…………………..

ذهب محمد لعلي ف الشركه كما وعده واحضر اوراقه اعطاها للسكرتاريه ليقومون باللازم وتعين محمد
ف الشركه

…………..

ف اليوم التالي

وصل علي عبير وعلا

علا:مش هنعدي علي ياسمين

علي:احنا فسخنا الخطوبه امبارح

عبير:ليه دي حتي كانت ظريفه اوي اوي

علي:والله ياختي حسيتي بيها ف الشويه دول

عبير:طبعا دا الظرف فط نط وجه قعد علي حجري

علا:اتاريكي ماكنتيش قاعده علي بعضك

عبير :طب وبعدين بقي مين هيستظرف عليا

اديني الظرف بسرعه ارجوك محتاجه الجرعه

واشتغلت علا معاها تغني ويطبلو علي الكتب

علي:ايه يابنات في اي انا هتقفش كده لو عديت بيكو علي لجنه خفو شويه

وانطلقو لكليتهم

………………….

ف المساء جلس علي ف الحديقه مرتخيا علي مقعده يمسك راسه من الخلف وينظرللسماء

فشاهدته عبير فذهبت اليه

مالك ياعلي تعبان

علي:دماغي هتنفجر ياعبير من التفكير

عبير:سلمتك الف سلامه بعد الشرعليك

علي:مش معقول شفتك عشان انقذك من المكان اللي انتي فيه واجيبك هنا اكيد في حاجه
اكبر بس هي ايه مش عارف ودا اللي هيجنني

فامسكت يده بين كفيها تربت عليها ماتاساش علي نفسك ياعلي اللي عاوزه ربنا هيكون مسيرنا
نعرف الحقيقه تبات نار تصبح رماد

احس علي براحه غريبه من كلامها وتعاملها معه عكس خطيبته التي كل شيء خناق وعمرها
ماوقفت جمبه وربتت عليه لتهون عليه

فشاهدتهم علا التي جاءت مسرعه خيانه

بتعملو ايه من ورايا

علي :اقعدي ياعلا وقص عليها ماحدث بالتفصيل

علا:دي حاجه غريبه جدا ولا ف الاحلام فعلا

علي:عرفتي جبت عبير ليه لحد مانعرف السبب اللي خلانا نشوف بعض ف الحلم واحنا اصلا
مانعرفش بعض

وجاء محمد:متجمعين عند النبي ان شاء الله

الجميع:يارب

محمد:تسمحولي انضم للجلسه دي

علي:اتفضل كنا لسه بنحكي ل علا ع اللي حصل

محمد:ازيك ياانسه علا عامله ايه

علا:الحمد لله وانت عامل ايه ف شغلك الجديد علي قالي انك اشتغلت ف الشركه

محمد:دي حاجه جميله خالص تفوق الوصف

علي:يعني عجبك الشغل معانا

محمد:عجبني الا عجبني وانا كنت احلم بيه

ماهو انتو تحلمو وانا احقق حلمي ه

علي:ههه احلام سيادتك اوامر يافندم هه

عبير:ربنا يخليك لنا يارب ولا يحرمناش منك

الحلقه الخامسه

عبير:ايه ياعم السرحان ونظرات من تحت لتحت لعلا

مخمد:الله يكرمك سيبيني باللي انا فيه هي فين وانا فين دا انا شغال عند ابوها
وقاعدين ف جنينه الفيلا بتاعتهم مين هيوافق بيا دا حتي علي لو قلتله هيطردنا

عبير:ياحبيبي ماتعملش ف نفسك كده العبد ف التفكير والرب ف التدبير شوف كنا فين وبقينا
فين احنا قاسينا كتير ومع ذلك عمرنا ماتكسرنا وربنا قادر يجبر بخاطرنا وينصفنا

محمد احتضن اخته ربنا يخليكي ليا يااحن واجمل اخت ف الدنيا انتي اللي بتهوني عليا
دايما

………………….

ف الجنينه عبير تجلس لياتي علي

علي :انا كنت عاوز اكلمك ف موضوع

عبير:خير ياعلي

علي:انا حاسس ان في بدايه اعجاب جوايا بيكي اول مره احس الاحساس ده حتي خطيبتي
كان زواج تقليدي ماحستش معاها باي مشاعر خالص

بس ماكدبش عليكي خايف من رده فعل بابا خايف اكلمه مايوافقش ولا يطردكو من هنا
ومش عارف ساعتها هعمل ايه

عبير:سلمها لله ياعلي الرسول عليه الصلاه والسلام قال اعقلها وتوكل

علي:عليه افضل الصلاه والسلام

خلاص انا هسلمها لله واتوكل علي الله واكلمه وربنا يستر

…………………….

جاء ابوه من الشركه

وكان علي ينتظره

علي:كنت عاوز اكلمك ف موضوع

انت عارف اني سيبت ياسمين وعاوز اخطب عبير

ابوه:عبير مين

علي:دي حكايه طويله بس هم ناس غلابه وظروفهم صعبه وجبتهم ف الاوضتين بتوع الفيلا

ابوه :انت ازاي تعمل كده وتدخل ناس من الشارع فيلتي انت اتجننت

وكمان عاوز تجوز واحده لا ليها اصل ولا فصل وتسيب ياسمين بنت الاصول عشان دي

علي:الفقر مش عيب يا ولدي

شاط ابوه وهاج وذهب لجنينه الفيلا ليجد محمد وعبير الذي سرعان ما هدا لا يعرف
لماذا ولا يعرف لما هذا الشعور الذي بداخله  ولماذا خفت ثورته

ولكنه لا يزال غاضب ان ابنه احب هذه الفتاه المعدمه

ابو علي:انتو مين وحكايتكو ايه وازاي ضحكتو علي ابني

محمد:احنا والدنا توفي من زمان وكانت عبير ف اللفه وانا  كنت سنتين وامي اجوزت بعده
انسان مش كويس

ابو علي:وامكو فين

محمد:امي مقعده لا بتتحرك ولا بتتكلم

وانا بشقر عليها من وقت للتاني عشان بخاف علي عبير تروح هناك عشان جوز امي
شخص مش محترم

ابو علي:وابوك اسمه ايه

محمد:علي المنشاوي

ابو علي:انت بتقول ايه انت محمد

محمد:اه

ابو علي:وامك اسمها ايه جمالات

محمد:ايوه

نظر الجميع لبعض في دهشه كيف لابو علي يعرف امه وابوه

ابو علي تعالو كلكو ع الفيلا ونادي اختك علا وحصلوني

الحلقه السادسه

اخذهم ابو علي للفيلا وجمعهم ليقص عليهم الماضي الاليم

ابوعلي اسمعوني كويس كلكم

زمان من 20 سنه تقريبا كانت عبير وعلا لسه شهور ف اللفه ومحمد كان سنتين
وعلي 4 تقريبا

اخويا علي حب بنت كانت جميله جدا بس مش من توبه بس حبها وصمم يجوزها
واتحدانا كلنا وماسمعش لحد ومع ذلك عشان مانخسروش حاوطنا عليه واجوزها وخلف عبير ومحمد وف
السن اللي قلت عليه لقاها بتقوله طلقني انا بحب واحد غيرك وهسيبلك الولاد طبعا اخويا
بعد مايسمع كده لا يمكن هيسبها علي زمته وطالما هتسيب العيال خلاص

المهم طلقها وقالتله هبيت الليله هنا وامشي الصبح فوافق وف الفجر خدت الولاد وطفشت هو
مااستحملش جاتله جلطه ودخل المستشفي ووصاني الاقيكو طبعا كان عندنا مصنع صغير جدا شركه وانا
معايا توكيل وهو معاه توكيل عشان اي حد يخلص الشغل لما لقيت كده واني مش
لاقيكو حولت كل شيءباسمي لحد اما الاقيكو عشان اعرف امشي الشغل والا كان هيتصفي لعدم
وجود الورثه وكل شيءيضيع المهم دورت ف كل مكان عشان الاقيكو بس طبعا كنتو صغيرين
قفلت عليكو وماعرفتش عنكو حاجه وقلت سافرت اي قريه عشان مالقيكوش واخدكو منها

وعملت وصيه ان لكو نصف كل شيء في حين لقاكو علي ولو مالقاكوش تؤل له
التركه لحين وجودكو

حتي عيالي مايعرفوش حاجه عن الموضوع ماحبتش اشغلهم لاني عارف علي هيتعب نفسه ومش هيركز
ف شيء لو عرفته

بس انا مش عارف علي عرفكو ازاي وجابكو هنا

علي :اكملك انا بقي القصه وقاله علي الحلم وماحدث بعده

ابو علي:لا اله الا الله سبحان الله حاجه عجيبه جدا

علي:اظن كده مافيش مانع اخطب بنت عمي

محمد:وانا مالي انا كمان انا عاوز بنت عمي

ابوعلي:وانا موافق نعمل حفله كده ف الفيلا بسيطه ونعلن خطوبتكو ونكتب الكتاب ولما يخلصو البنات
تعليمهم تجوزو

عبير تنظر لاخاها:مش قلتلك العبد ف التفكير  والرب ف التدبير

محمد:ونعم بالله

وتنظر لعلي مش قلتلك اعقلها وتوكل

اهو لولا كده ماكناش عرفنا سبب الحلم

علي:سبحان الله

ابوعلي:يعني مالحظتوش انك محمد علي اسمي وعلي علي اسم عمه

محمد:اه وقلتله انت ابويا وانا ابوك

ابو علي:هه دا اللي طلعت بيه ياذكي

علي:واحنا ايه عرفنا اصلا واحنا مانعرفش ان لنا عم

ابو علي :وانا هنقل الحاجه باسمكو وتديرو الشركه مع علي لاني تعبت بقي يبقي علي
ومحمد يديروها سوا

وهنعمل حفله لشرف استقبالكو نعرفكو بالناس والعملاء ونعلن الخطوبه

الحلقه السابعه والاخيره

حضر الماذون وكتب الكتاب وبعد  ذلك ستكون الخطوبه ليلا وذهب محمد لعلا وعلي لعبير

خبط علي ودخل حجره عبير:

علي :مبروك يا حبيتي واقترب يقبلها من جبهتها

انا عاوزك

عبير :عاوز ايه ده كتب كتاب ياحبيبي مش دخله ابعد عني

علي:تصدقي انتي قليله الادب عشان انا ماكانش قصدي كده خالص والله قفلتيني منك من اولها

وكاد يمشي فاحتضنته من الخلف طب عاوز ايه قول فالتفت اليها فامسكت يده وقبلتها انا
من غيرك ولا حاجه انت عملت معايا كتير وانت السبب ف اللي انا فيه

علي:طب اعمل فيكي ايه بقي انا كنت جاي مشاعري هي اللي بتتحرك كده هتحركي حاجات
انتي ف غنا عنها

مش عارف من ساعه ماشوفتك شعور غريب

واحاسيس عمري ماحستها مع اي بنت قبلك

بصي بقي انا كنت جاي اقولك عاوزك تلبسي الفستان ده عشان ده اللي شوفتك بيه
ف الحلم

عبير:احمر ومن غير كم وقصير

علي:انا ماليش دعوه انا شوفتك بيه وعاوز احقق حلمي البسهولي ف خطوبتنا

……………….

دخل محمد علي علا

محمد:مبروك ياموزتي

علا بكسوف:الله يبارك فيك يامحمد

محمد:انتي مكسوفه مني ولا ايه خلاص كتبنا الكتاب وعلينا الجواب وبقيتي موزتي رسمي

واقترب منها

علا:لا لا يا محمد ابعد عني

فجذبها محمد:ابعد داانا ماصدقت اقرب وقبلها قبله

علا:لا مش هينفع اللي بتعمله ده يلا اتفضل بقي وزقته الي الخارج في حين كانت
عبير تزق علي ايضا

فالتقو ف الخارج

علي:انت بتعمل ايه ف اوضه اختي

محمد:قصدك مراتي زي اللي بتعمله بالظبط

والاخر انطردنا شر طرده اهو وهنقعد نغني ظلموه

علي:طب يلا يافالح نستعد للخطوبه

……….

وفي الليل جاء المعازيم وكان محمد وعلي ف استقبالهم ودخل علي الفيلا ليري اجمل عروستين
فيقبل يديهما ويدخل بينهما ويتابطانه علي سلم الفيلا الداخلي

فيدخل محمد:انت هتاخد الموزتين طب سيبلي واحده طا

علي :خد ياخويا بتاعتك وسيبلي مراتي حبيبتي

علا:بقي كده ياخويا تبعني بسهوله

علي:معلش حبيبتي الحكومه جمبي بقي مقدرش

فاخذها محمد:انتي مالكيش غير جوزك حبيبك هو اللي باقيلك

علي:اهو انا شوفتك كده بالظبط

عبير:علي فكره وانا شوفتك كده بالظبط بنفس البدله دي

علي:ماتيجي نطلع بدل ماننزل وكفايه عليهم محمد وعلا

عبير:وبعدين معاك يلا يابن عمي

علي:يااه عمري ما سمعتها حلو ان الواحد يبقي له ولاد عم فجاه كده وهو كبير
يلاقيهم طلعوله

عبير:البركه فيك انت اللي لاقتهم

فقبل يدها :ربنا يخليكي ليا

عبير:ويخليك ليا يارب

واندمج الجميع ف الحفل والبس العرسان عرايسهم الشبكه ودمعت عينا ابو علي

واذ يحمع الله الشقيقين بعد ان تفرقا  وقد ظنا ان لا تلاقيا

فعندما يياس الانسان فرحمه ربه تتدخل