قصة بنت عانس لاتفوتكم روعه

آخر تحديث ب3 نوفمبر 2020 الأحد 1:19 مساء بواسطة القصصي الروائي

قصة فتاة عانس لاتفوتكم روعه

هذه القصة لوحده عانس تقول

مازال الامل موجود

قلت هالكلمه و انا اناظر خشتي بالمرايا ..مازال الامل موجود .. يعني لو تنعم ذاالشوشه و الخشم يقصر شوي و البراطم ياليت من يدخل ابره و ينسمهن و العيون تاسع و تكبر و الخدود يوردن كان اصير ملكه جمال بسم الله علي>>>وش بقى مير

وبينما انا اهوجس بخشتي تدخل على امي و تقول: قومي اكنسي الحوش

قلت: هااه

قالت: الي سمعتيه

وطلعت و تركتني احارب هم كنس الحووش ..حاولت اقنع نفسي و اشجعها للفكرة و قلت كوود يشوفن ولد الجيران و انا اكنس الحوش و يعشقن و يخطبن >> احلام عانس…

نزلت الحووش و كنسته و انا رافعتن قميصي و مطلعتن العصاقيل مير لمحت ولد الجيران فتح الطاقة و قال استخفر الله و صك الطاقه

قلت بقلبي يااي ياربي يستحي

وبعد ما قضيت من كنس الحوش طلعت حجرتي اخذت شاور ثمن نزلت الحوش مره ثانيه>>>>ناويه تجيب اجل ولد الجيران

واقعد على المرجيحه و عيوني على طاقتهم .. شوي و المحه ياربي طلع يشوفني>>>ايه هين و كان ما سك الجوال و يتكلم عاد مين يكلم مدري بس شكله يكلم احد>>>لاياشيخه..

المهم و ابدا اتمرجح و بينما انا بهذه الحالة المقرفه فاذا ب امي تطب على و ذلك الي ما عملت حسابه

اول ما لمحتها طيرت عيوني و قلت: يمااه شوفي ابن الكلب النذل الحقير ولد الجيران قاعد يوايدز علي

وامي تناظرني و تهوجس: و ش يناظر فيتس ياحسره و انا جايبتن عاهه مهب فتاة ….قومي بس ادخلي بلا فضايح

.

.

بعد هالموقف .. اقصد بعد ما صدت ولد الجيران و هو يوايدز على =يبصبص للعرابجه .. و انا ما اش مدري شجاني ..اول مره احس انني انثى و فتنه مثلي مثل كل البنات ..

ومره من المراريت كنت منسدحه افكر و ش البس

لا جوا الجيران يخطبونن لولدهم يووه اخاف ابوي يردهم و يقول بنيتي توها صغار >>> مير مب مصدق يفتك منتس

وبعد و ش اسوي لا اعرست اكمل دراستي و الا افضي نفسي لزرجي و عيالي طيب لا اعرست و عشت بعيد عن اهلي و عزموني جيراننا على عرس بنتهم و ش البس>>>>>> يبيلها تكفيخ على ذا السؤال..

وبينما انا اهوجس بمستقبلي و مستقبل عيالي الي بيجيبهم .. فاذا بي اسمع صوت امي: ملووسنه ملووسنه و ضربه …

انا: سمي يمااه و رحت لها صارووخ خبركم عاد الي يبر بوالدينه عياله يبورن بوه و انا لاخطبن ولد الجيران و اعرست عليه ابي عيالي يبورني>>>>> مصرره انه بيخطبها

قلت: سمي يمه ناديتين؟؟

قالت: ايه اخوانتس يلعبون بالحوش.. طلعي راستس من الطاقة و ناديهم يجون يتعشون

قلت: يمه انا تبيني اطلع راسي من الطاقة ثم شلون اناديهم عيب يمه ما يصير نسيتي انني فتاة و صوتي فتنه

قالت: اهاابس ناديهم و لايكثر هرجتس.. مير الي يسمع صوتس فتنه عليه مهب صوتس الي فتنه>>>>ياشين التحطيم

وناديتهم بالتاكيد تتوقعون و ش صار يوم ناديتهم…. كل الهنود الي بالبقالات تجمعوا قدام بيتنا يحسبونن شغاله و الله مب مني و ش ذنبي انني اشبه التكارنه

.مره تشجعت و ارسلت له هالرساله:

وربطت الرساله بحصاه و جدعتها على طاقتهم شوي و الا ترجعلي الرساله مشققه و مكتوب على و صله منها استخخفر الله بيني و بينكم تحطمت مشاعري و انجرحت و قلبي عورني بس قلت اقوى و ش ابي بواحد ما عنده نظر و راسب بالعربي و بالدين بعد اجل استخفر الله

رحت لحجرتي و دخلت و صكيت الباب>>>يقالي بسوي احداث.. و القى اخوي قاعد(ن يحوس باغراضي

قلت: خير و ش عندك بغرفتي

قال: كنت اسلي نفسي الين تجين

قال: اقول اسمعي عاد لا تجلسين تنافخين.. انا جايتس ابي منتس خدمه و ش قلتي؟

قلت: اخلص و ش عندك

وطلع من جيبه صورة فتاة مزيونه و قال: شفتي هالبنت

قلت: الله يلعنك منهي ذي؟

قال: و حده

قلت: احلف على بالي واحد>>>>>ياشين استخفاف الدم

قال: اسمعي بسس هذه فتاة ناس اغنيا بس ياحرام توفت قبل شهرين بحادث

قلت: توفت الله يرحمها … انا و ش دخلن؟

قال: اصبري خليني اكمل كلامي لا اعطيتس كف .. هالحين اهل البنت مرره متاثرين ياحرام و يبون و حده تشبهلها يربونها و تعيش عندهم

قلت: طيب انا و ش دخلن؟

قال: انتي هالبنت

قلت: اقول بس و خر .. هالحين انتم الي هو انتم اهلي متفشلين مني و ذاك اليوم طحت بالسوق اختي بعدت عني و قالت ما اعرفاها .. تبي الناس يخلونن بنتهم..

قال: صدقيني… به شبه كبير بينهم

قلت: لا عاد احلف .. يعني انا بمستوى جمالها>>> و دخلت بمرحلة الهواجيس ..

اعلانات

قال:لاعاد مهب لهالدرجه .. صحيح انكم تشبهون بعض .. بس هي على اجمل و انتي على اشين

قلت: و الله من زين الشرح .. دام ما عندك اسلوب و ما تعرف تجامل لا تسولف مع الناس و تجرح مشاعرهم

قال: انتي الي سالتيني

قلت: حتى لو انا الي سالتك .. ما تعرف تكذب؟؟

قال: طيب انتي روعه و تجننين الحين اهل البنت متاثرين و يبون و حده تشبه بنتهم يربونها و تعيش معهم و ش قلتي؟

قلت: و ش يربونها ؟شايفني كلب و الا بسه يربوني و اعيش معهم

قال: يعني خلاص ما تبين؟

قلت: شف من ناحيه انني اسوي عمل خير ليش لا بس و ش المقابل يعني كم بيدفعون>>>وين عمل الخير الي تتكلمين عنه

قال نتفاهم بهالمقال بكره مع الجماعه

وطلعته و صكيت الباب و بللطت قدام دولابي .. ناظرت دولابي و خنقتني العبره تصدقون ينفع اصورة و انزل الصورة بالجريده و اكتب تحتها نستقبل تبرعاتكم على العنوان الاتي)

مير كل خرقه تقول للثانية =و خخري انا اشين منتس.. و الا الجزم بس! اجمل صندل و رثته من اختي قبل تتزوج..

ثم اروح انا و شوشتي و فتاة الجيران مستلفتن السشوار مني و شابكته على 220 و منحرق لكن هيين ابطلع قيمته من عيونها

وطلعت من غرفتي باتجاه الصاله حيث تقبع عائلتي الكريمه و وقفت بالنص بحيت اقطع الارسال بينهم ..ناظرت ابوي و قلت: يبه ابي فلوس

قال: ياشين المزح هالحزه

قلت: يبااه من جد اتكلم مساله حياة او موت

قال: روحي غرفتس و لايكثر هرجتس

ناظرت امي و قلت: يمااه قولي شي

قالت: روحي غسلي الكراث و جيبيه

قلت: الشرهه مب عليكم الشرهه عاللي تصير بنتكم>>>> عسى ما تكلفتي بس

ورجعت لحجرتي و انا اجر حبال الخيبه و الخيبه تجر حبالي .. و قلت ما لي الا اعتمد على نفسي اببتل و انا تحت رحمه الي اسمه ابوي و الي اسمها امي)>>>>>جحدتهم .

وبجيب الفلوس بجيبها لو حتى اسرق! اسرق! ايه و راه ما اسرق و ابوي الفلوس على قلبه مثل الرز …. ثم السالفه لافيها تانيب ضمير و لاشي لانها بالنهاية بعد عمر طويل الله يطول بعمرك يايبه الفلوس يتصير لي يعني لايوجد فرق بين الان و بين بعد عمر(ن طويل>>>>>>يخرب بيتك ياشوشو خربت اخلاق البنت>>>>>والا يعني كانت الاخلاق تمام نسيتي ولد الجيران و العصاقيل

جبت قلم و رسمت الخطة بدفتر الرياضيات حق اخوي من و رى>>>>تسمع بالتوفير… خطة انما اييه متخرش الميه >>> اخاف انها تخر دلاخه مش ميه..

الخطة انني انتظر لمين يجي الليل و ينام المنزل كله و ابدا بالتنفيذ و ادخال اليد بجيب ثوب ابوي و اخراج المحفظه و فتحها و من بعدها اخراج مبلغ و قدره و من بعدها اعاده المحفظه بجيب الثوب و لا انسى اخراج يدي من الجيب>>>>>اخاف من الربشه انساها او يجوز لها الوضع و تبتل بوه

وجاء الليل و نام كل من فالبيت بما فيهم انا>>>>خربت الخطة …. لكن شوشو صحاني من النوم و قال يالله يالملوسنه حان وقت نتفيذ الخطه.. بيني و بينكم كنت خايفه و ضميري يدغدغن لكن شوشو شجعني >>> حتى الشيطان بيتدلع.. بيلبئلوه يؤبر البي

نفذت الخطة بحذافيرها و لطشت لي كم خمس ميه و انحشت لغرفتي و نمت و انا ضميري مستريح>>>الله يخلي شوشو يهون عليك بهالمواقف و يخليك تقدر تنام

من بكره و انا رازتن نفسي بالسوق و شريت لي اجمل بدله و اجمل صندل بالتاكيد كلوو ما ركه حتى البكله شريتها ما ركه و صرت كلي من فوق لتحت ما ركات..

ورحت للكوافير و سنعت لي خشتي و شوشتي و صرت اجمل من مذيعه صادوه 2 بعد عمليات التجميل>>>يعني ما استفدنا شي

وبعد ما رحت لهم و قابلت جدتهم

قالت الجده ملوسنه ذلك الدكتور ما يكل متخصص جراحه و ترائع نبيه يصلح خشمتس و براطمتس و كم حته كذا

قلت: و الله منزمان و انا و دي اغير خشمي

ودخلوني غرفه و خدروني و بعد كم ساعة قمت و مدري و ش جاني كيذا يوم قمت حسيت نفسي بنت>>>العاده تقوم و تحس نفسها عنز.. حسيت انني ناعمه شكلهم بعد غيروا الجلد ..

ناظرت حولي و بديت اتحكك ياربي اثره شعري لا تحركت يتحرك معي>>والا العاده تنكسر الرقبه و الشعر توه بمكانه…

صرخت باعلى صوتي: هاتوا مرايا تكفون ما فيني صبر>>>> ياربي حتى صوتي و ش هالنعمومه معقوله حتى الاحبال الصوتيه غيروها

وجابولي مرايا و ناظرت بها و قلت: انا قلت عطوني مرايا مهب صورة عارضه ازياءءءء

قالوا: هذه مرايا

قلت: لا عاد ….. و بديت احرك حواجبي و اعفط خشتي باشوف هي صدق مرايا و الا يلعبون علي

وبعد ما اقتنعت ان هذه انا حسيت بنشوه عارمه و الفرحه سيطرت على كياني و البسمه احتلت خشتي.

وقلت عرس سوير فتاة جيراننا نهاية الاسبوع… قسم لو احضره كان كل الي بالعرس يخطبوني و انا عاد اتدلل و اتنقى بلا و لدالجيران بلا بطيخ …

تذكرت ولد الجيران و التفت على الدكتور و قلت له: دختور ما يكل انتم سويتوا شي بظهري؟

قال: مير غيرنا العمود الفقري كله

قلت: اشوى لان ظهري انكسر من كثر ما اكنس الحوش عشان اشوف ولد الجيران اشوى انكم غيرتوه لان ما بي اي شي يذكرني بالماضي المرير>>>> شكلهم حتى غيروا المصطلحات الي بقاموسي اجل مرير اجل

وصرت اعيش عندهم و عطوني جناح كامل و نوعيات الدلال اول مره بحياتي اقول كلمه ما مي العاده اقوله يمه و الا يمااع.. بس تدرون و انا هالكلام اقوله عن تجربه ..كلمه ما مي غير شكل تحس انك شي و انت تقولها.. اول مره احس انني انتمي لفصيله البشر.. و ان لاصارلي شي لاسمح الله بياقفون معي حقوق الانسان صراحتن مليت و انا احتري جماعة الرفق بالحيوان ينظرون بامري ..والا يوم سمعت ان رجل اعمال تبرع بثروته للكلاب الضاله جلست احتري عند باب بيتنا احتري ياصلني شي من المساعدات..

بالتاكيد ما نسيت اهلي الصدزيين و بيتي الاولي عاد منيب قليلة خاتمه لهالدرجه.. بس كنت اتعيجز ازورهم و الا اكلمهم …

لكن مرتن من المراريت مسكت علبه كبريت و لقيت مكتوب عليها(قديمك نديمك و الله بعدها و الله انني مدري و ش معنى هالجمله و الا هل هي مثل و الا بيت =شعر لكن يوم قريتها خنقتني العبره و رحت ازور اهلي و اخذت لهم هدايا و بالتاكيد ما نسيت اميمتي جبت لها كم حزمه كراث معتبر مستورد من ايطاليا و جبت لها كبتشينو كراث و كراث سنبون و كراثييز>>(على وزن كوكيز)..

ورجعت لابوي المبلغ الي لطشته منه و فوقها بوسه.. و سددت لاخوي اقساط السيارة و عبيت له بنزين و نويت اعشيهم و قلت كل واحد يقول و ش مشتهي و الا اميمتي تقول: ابي سمك محشي بكريريث>>>>> مير ياشين القراوى لاتطوروا

وبعد فتره هدت نفسيه ام البنت و رجعت لطبيعتها و قالت خلاص ياملوسنه ارجعي لاهلتس و مشكوره على اللحظات السعيدة الي عيشتيني بها و ذلك حسابك..

عطتني شيك و صرفته و بنيت لي عماره اترزق منها

وعشت حياتي طبيعية حياة صبيه روعه و اموره صبيه سعيدة و العرسان على باب بيتنا طوابير طوابير لدرجه ان مليت من كلمه ملوسنه جاتس خطاطيب

ومره كنت طالعه اعمل شوبنق و وقفت بالحوش احتري السواق يجيب السيارة و المح ولد الجيران يواديز علي.. ناظرته و قلت استخخفر الله .. و طلعت و صكيت الباب

  • قصص محارم جيران
  • قصتي سقس بنت اوختي
  • قصص محارم بنت الجيران
  • قصص عانس شيقة
  • قصص بنت الجيران
  • قصص محارم اختي وبنت الجيران
  • يبصبص على محارمه
  • قصص بنات الجيران قصتي مع
  • قصتي مع بنت الجيران
  • سقس بنت

3٬922 views