قصه امل ومطلق حزينه وكامله

SIZE=4 "4" قصه امل ومطلق,,>>…..!

السلام عليكم…

هذي قصه امل ومطلق وربي القصه رووعه بجد تحزن ومؤثرة جدا

وقصصم اني يوم قريتها حزنت وبكيت كثيير

مابيكم تردون الموهيم تقروها وربي تحززن>>

______________

انا "امل"ابيكم تسمعون قصتي ومعاناتي من البدايه للنهايه بشرط تقرونها كلها عشان تعيشون قصتي__وابي البنات
يستفيدون من قصتي كثير..قاعده اكتب لكم قصتي ومعي ولدي ياسر عمره سنتين وقاعده اطالع عيونه
وابكي لانه يذكرني بعيون ابوه اللي ماراح انساه طول عمري..

عيشو القصه اول باول_

انا"امل"عمري 24سنه عندي اخو واحد واختين وحده اكبرمني متزوجه"هدى"وثانيه بالمتوسطه اصغر مني

بداية حياتي كان عندي مشكله لاوالله كان بالنسبه لي كابوس خطير يطاردني اسمه"مطلق"

هذا المخلوق الذي ناشب لي في حياتي

مشكلتي ماظن لها حل مشكلتي مع ولد عمي"مطلق"

حاجزيني له من يوم حنا صغار ابوي الله يسامحه عطى عمي كلمه من يوم عمري
خمس سنوات وقال:امل ل"مطلق

وطبعن"الحجز" وعاده عند بعض القبايل ان البنت يحجزونها لولد عمها لين تكبر وتتزوجه وطبعن انا
الضحيه

حيروني لها الغول"مطلق" لاياربي كل شي الا"مطلق"

ياليتكم بس تعرفونه والله حفله..وجهه كنه افلام كرتون..سبحان من كون هالانسان على بعضه والله من
يشوفه الواحد يموت ضحك مدري كن مكتوب على وجهه نكته!اول ماتشوفه تطري عليك البوكيمونات!!كله على
بعضه مسرحيه كومديه تبي تدور فيه شي حلوفيه ماتلقى مستحيل قلبتها يمين ويسار بس مافيه
فايده مسكره بوجهي بكل الطرق ..يمكن القلم اللي يحطه بجيبه الامامي حلو..صحيح يقولون(الرجال مخابر مو
مناظر)بس انا اقول(الرجال مخابر مو من اصحاب المقابر)اللهم لاشماته!

غير شكله الاسطوري .. عندك اسلوبه وطريقة كلامه مايدري وين ربي حاطه..مايفهم حيل "مفهي" مايدري
وش السالفه!! مكتوب علامة تعجب فوق راسه لونها احمر وتاشر!!

غير كذا فاشل بدراسته وسقيط ياخذ السنه بسنتين وانسان مايعرف يتكشخ الكشخه يمين وهو شمال!

المهم طولت سب بهالمسلم .المهم مايناسبني حييل اناوياه تجاه متعاكس

ماكنت اتخيل نهاية دنيتي على وجه"مطلق"ماكنت اتوقع اليوم اللي يجي فيه اهلي ويقلون لي خلاص
زواجك بكرى "بمطلق"

ماكنت اتوقع انا وياه راح نكون في بيت واحد!لا وغرفه وحده لا وسرير واحد..والخافي اعظم!!!!!

لاياربي خذ روحي ولاروحه لامستحيل..انا اجمل البنات اتزوج"مطلق"اشين الخلق

انا في كامل اناقتي وفي ثوبي الابيض وفي اسعد لحضات حياتي وجالسه في كوشتي..والتفت جنبي
مين!!!!"مطلق"

لا ويبتسم بعد ابتسامه عريضه مع اسنانه اللي كنهم صفة شطرنج! ويقرب مني ويمسك يدي!
واصرخ ..لا ..لا ..لا

~~وفجاءه تصحيني امي من النوم:امل بسم الله عليك وش فيك صحيت من النوم وانا ابكي
وتلفت يمين ويسار..واحمد ربي انه حلم

الحمد لله انه مو يوم زواجي قمت من الفراش وجلست ابوس في الارض وابوس فراشي

امي:بسم الله عليك بنتي وش فيك

طرت طيران على امي وضميتها وقلت:تكفين يمه تكفين مافيه مجال تغيرون رايكم مستحيل اخذ "مطلق"تكفين
اقنعي ابوي!

امي:اسكتي لايسمعك ابوك..والله لايذبحك..وش فيه"مطلق"على الاقل محد ضحك عليه!!

امل:محد ضحك عليه !الا انا كل ماشفته مت من الضحك

امي:يابنيتي ..بكرى زواجك على ولد عمك..لاتضايقين روحك استانسي وساعدي نفسك

امل:بكرى ! ! ! مستحيل! يمه مو كنكم اجلتوه الاسبوع الجاي

امي:خبله انتي انتي تدرين ان يوم زواجك بكرى!

امل: اه اه اه يمه اتمنى اخذ قدري من الحياة اطول وقت ممكن قبل اقابل
خشة"مطلق" من كثر مااكل حبوب منومه عشان مافكر بديت انسى!!

جلست امي تقرى قران علي والدموع على خدها لان مابيدها حيله الكلمه كلمة ابوي وابوي
مستحيل يتراجع..جلست لحالي انا والهموم

بكرى زواجي!!معقوله!! احس الموت قرب مني..بكرى زواجي وانا اتعس انسانه بدنيا شلون اهرب من الواقع
المرير!وش اسوي معقوله اسلم نفسي له وانا بكامل عقلي!!

(نجوم السماء اقرب له..هين يا مطلق انا اوريك)

قمت من فراشي وفتحت درج صغير جنب سريري وطلعت البوم صور لي لماكنت صغيره.وفيه صوره
لي انا و"مطلق"يوم كنا صغار مع بعض!!!(بس لو اعرف منهو اللي مصورنا مع بعض الله
لايعافيه)

ورجعت بذكرياتي لورى لما كان عمري خمس سنوات..

ايام الخطوبه(هههه على خمس سنين)

وكنت دايم اتهاوش معاه(سبحان الله من يومي صغيره ماادانيه)! ! !

بس هو كان يحبني ومايضربني وكان دايم يشتريلي حلويات!(يبي يكسب رضاي)

كانو بيت عمي قدامنا وبجنبهم بيت"احمد"

"احمد"حبي الاول

"احمد"الطفل المدلل بالحاره

كان عمره6سنوات..دايم يتهاوش معه"مطلق"وصراعات مستمره بينهم طبعن بسببي!!

انا بس العب مع"احمد"ونتهاوش مع"مطلق"

مطلق كان يغار من"احمد"ومره شافني طولت لعب معه..سحبني بشعري بقوه وقال لي:ادخلي ولااعلم ابوك

امل:انقلع مالك دخل

مطلق:انا زوجك لازم تسمعين كلامي.

تفشلت قدام"احمد"..ورحت للبيت مسرعه لامي وقلت لها عن كلام"مطلق"

ضحكت امي وقالت:ايه يابنتي انتي زوجته ومن تكبرون بنزوجكم.

استغربت انا وقلت:يمه بس انا ماادانيه شكله يضحك

امي:ماعليك بكرى يكبر ويزين وتساوى خشته..! ! !

~من وقتها وانا كل يوم تطلع فيه الشمس اركض لبيت عمي واشوف"مطلق" هي تساوت خشته
ولا لا ! !!

بس مافيه فايده كبر وكبرت خشته معاه

نسيت الموضوع ولا احد جاب لي طاري

——-

كبرت ودخلت المتوسطه وكنا سن المراهقه..(االمراهقه)

واتذكر يوم من الايام..كنا انا وبنات الفصل متجمعات وكان موضوعنا عن مواصفات زوج المستقبل!! كل
وحده قالت اللي عندها ويوم جاء دوري قلت ابيه زي"توم كروز"

هناء ضحكو البنات وكان معنا بنات عمي بنفس الصف وقالو:لايكون قصدك"مطلق"توم !! وجلسو يضحكون..

استغربت انا وش دخل"مطلق"

قالت وحده منهم:ليش ماتدرين ان ولد عمنا "مطلق"حاجزك له ومن تكبرون يزوجونكم…

~معقوله يكون صدق!!معقوله اصير مثل مصير اختي"هدى"اللي زوجوها اهلي لولد عمي بالغصب! ! !

طلعت من المدرسه والف سؤال في راسي..رحت للبيت بسرعه مشي لانه قريب من المدرسه

يوم قربت من البيت..الاالمح " احمد"عند باب بيتهم جالس..ياالله من زمان ماشفت هالوجه اللي يفتح
النفس..قرب مني والبسمه في وجهه

احمد:سلام اموله وينك من زمان ماشفناك!ولاعشان كبرتي وصرتي تلبسين عبايه شفتي نفسك علينا

امل:لاوالله يا احمد بس اخوي يهاوشني يقول انتي كبرتي عيب تلعبين معهم

المهم وهو اللي يسحب"احمد"من عند رقبته ويقوله :وش عندك مع بنت عمي

وانا اللي ادفه واقوله:عيب يا"مطلق" احمد ماسوى شي

مطلق:اقول هذي بعد كم سنه راح تصير زوجتي رح شف لك وحده ثانيه!

انا هناء عصبت وانا اللي اعطيه كف على وجهه..دخلت مسرعه للبيت لان كنت خايفه يجيني
الرد على طول..بس الحمد لله ستر الله

رحت لامي وسالتها:يمه وش سالفة "مطلق" وقلت لها وش صار بالمدرسه ووش قال مطلق بعد..

قلت لها:لايكون مخبين عني شي وانا ماني داريه

هنا امي فهمتني السالفه وسالفة حجزي ل"مطلق"

انا صرخت:يمه لا .. مستحيل مطلق!! لايمه اكيد تمزحين..اكيد مسويه معي صادوه!!

قعدت ابكي بكاء هستيري ضمتني امي وهي اللي تبكي معي

امي:ياحبيبتي هذا الكلام من زمان..ماتدرين لو ابوك يغير رايه فيه..وبعدين توك صغيره انسي ياحبيبتي..

امل:وشو صغيره تبون تكبروني وتزينوني وتسمنوني وتهدوني له

قولي يمه من الحين اذا الكلام جد خليني اتلاحق عمري

مابي اصير مثل مصير اختي "هدى"!!

—–مرت الايام وشهور محد جاب لي طاري الكل مسكر على الموضوع ..انا كنت اشجع نفسي
واقول مستحيل يعني من سابع المستحيلات اخذه!

جانا خبر ان اهل"احمد"انتقلو للخارج بسبب شغل ابوه ضلينا انا وياه متصلين مع بعض عبر
الايميل وكان دايم يطمني انه راح يجي ويتزوجني!

——————–

"مطلق"صار يسير علينا دايم ويجيب لي هدايا (غصب الا يحببني فيه)صحيح يحبني ويموت فيني..بس القلب
مايبيه والعين ماتطيق شوفته

—————

صحيت من تفكيري العميق على صوت امي وصورتي انا و"مطلق"بيدي

فتحت الباب لامي

قالت لي:ياالله حبيبتي استعدي الحين بتجي النقاشه وتنقشك..دخلت علي اختي"هدى"وشافت الحزن بعيوني ضمتني وطالعت فيها
وقلت: هدى كان عندك بشرى ساره لي..كني سمعت انهم افرجو عني!!سمعت ان"مطلق"اعتق رقبتي لوجه الله!!

امي و"هدى"قعدو يطالعون لبعض يحسبون اني انجنيت

مسحت اختي"هدى"على راسي وقالت:ماتدرين يمكن تكوني اسعد انسانه شوفي شلون انا سعيده مع ولد عمي
الحين مع اني كنت مابيه..

طالعت فيها وقلت:مصدقه اني باخذه نجوم السماء اقرب له!! اختي قعدت تطالع فيني بدهشه! !
!

جتنا النقاشه..ورسمت رسمه حلوه على يديني..رفعت يديني فوق وجلست اطالع فيهم تذكرت اول ماتنقشت في
الثانويه كان عندنا حفل تخرجنا في المدرسه وانا كنت مشاركه فيه..ذاك اليوم كنت مستانسه مره
بس للاسف.!رجعت للبيت وسمعت اتعس خبر بحياتي~~~^^

جيت البيت الا عندنا عمي وعياله..دخلت الا امي عندها مرة عمي واختي

قلبي عورني..دخلت غرفتي طوالي وقفلت على نفسي كاني كنت اهرب من شي!!

صحيت المغرب على صوت باب غرفتي يدق..فتحت وعيوني نوم الا امي واختي وهي اللي تخمني
امي وتبارك لي

قلت بستغراب:وشو يمه

امي:مبروك قبل شوي ملكنا لك على ولد عمك "مطلق"

! @! @! @ ! @ ! @ ! @ !

ماصحيت من صدمتي الا وانا في المستشفى

ماتتصورون وش كثر انقلبت حياتي فوق تحت..الدمعه ماجفت من عيوني مااطلع ولااروح لحد..تخيلو انتم بموقفي!!انسان
مااداني طاريه اروح واتزوجه!!!

تمر الايام واحس موتي قرب

مرت فكره في بالي قلت مالي الا ادق عليه وافهمه اني ماابيه

اخذت الرقم من جوال اخوي ودقيت عليه في يوم من الايام

وجاني ذاك الصوت الجهوري مطلق:الوو

امل: اخوي

مطلق:هلا من معي

امل: انا امل بنت عمك

مطلق بدهشه:

يؤيؤيؤيؤ زوجتي

مامداني ملكت عليك تبين تكلميني! لهدرجه ماعندك صبر وانا اقاطعه:اسمع يا"مطلق"ماني مطولتها معك انت ولد
عمي على عيني وراسي..بس وربي ماافكر فيك كزوج انت مثل اخوي..ياخيي مابيك ماحبك اموت ولا
اخذك

كنت انتظر رد قاسي منه بس الولد ساكت!!

وبعد سكوت طويل رد علي :اسمعي يا"امل"انتي ماتحبيني يمكن بس انا اموت بترابك والله يا"امل"انك
عيوني..ادري انك مستحيه من الزواج بس والله يا"امل"للحين ماعرفتني! انا خاش لك مفاجات في زواجنا!

امل:تستهبل انت وخشتك وجهك اكبر مفاجئه !!قال مفاجات قال!

ياخي خل عندك كرامه واتركني!

رد علي وصوته غير:امل اسالك بالله ليش ماتبيني لاني ماني حلو صح

مابغيت اصدمه حيل واقول ايه

قلت:غير شكلك ياخي انت فاشل في كل شي..حنا مانناسب بعض!وصدقني اذا خذيتني بنطلق طوالي

سكر السماعه بوجهي ماخلاني اكمل!!

-بعدها بايام ماصار يجينا"مطلق" حتى اخوي استغرب عن سبب انقطاعه

وحتى اهل الحاره ماصار احد يشوفه

انا هنا استانست قلت اكيد ان خطتي نجحت وكرهني وبيتركني..

المهم جاء ذاك اليوم اللي الاقي فيه رساله بجوالي من رقم "مطلق"كاتب فيها:

اوعدك يا"امل"اني راح اتغير وراح اسوي المستحيل عشان ارفع راسك..وراح تشوفيني بعينك

حبيبك المخلص:مطلق

~حبتك القراده هذا ماايس مني وش ناوي يسوي

مضت سنه كامله و"مطلق"لاحس ولاخبر حتى جاء اليوم اللي قالو فيه ان"مطلق"اخذ من العشره الاوائل
على المملكه..

الكل تفاجاء وانصدم

بعدها بشهور جانا خبر انه تم قبوله بكلية الطيران

انا هنا فطست ضحك مااتخيل شكله حسبتها مزحه بس طلع الكلام جد!

بعد شهر جتني مكالمه على جوالي منه

جاني صوته حزين حيل

مطلق:اسمعي "امل" انا مابي منك اي كلمه حبيت اقولك بكرى بسافر للخارج بكمل دراستي وراح
ارجع وانا طيار انشاء الله

كل هذا قسم بالله لعيونك يا"امل"لعيونك لانك صدمتيني حيل يوم قلتي اني فاشل!

"امل"مستحيل اعيش بدونك تكفين انتظري رجعتي

~~جيت بقاطعه بقوله لو وش ماسويت مابيك لو رجعت ملك مابيك..

قالي :مابي منك اي رد

احبك..

سكر السماعه بوجهي

——————– سافر ابوالشباب للخارج واهله يبكون على فراقه وانا ابكي على رداة حظي..وانا انتظر هالغول
متى يرجع هو وطيارته! ! !

مضت سنين وسنين وانا اكبر وهمي يكبر__طول هالفترة وانا اتخيل شكله وهو راجع قلت يمكن
يتغير وجهه هناك…مضت اربع سنوات وقربت رجعته للبلد..

انا شديت حيلي بالدراسه عشان انسى همي

——————– جاء ذاك اليوم اللي وصلت فيه طيارته للبلد عند عمي عشى بمناسبة تخرجه طيار
والكل ينتظر"مطلق"

انا هنا كلي امال اني اشوف واحد ثاني قلت يمكن اشوف قدامي"براد بيت"

ولا"توم كروز"!! بشوف كيف صار هالطيار!!

وانا اللي اطل من الدريشه بشوف خشته يمكن تساوت هناك

وقفت السياره الكشخه عند باب عمي وينزل منها ذاك المسكب بشماغ وانااللي يخفق قلبي ..ويلف
وجهه على بيتنا

الا هذي هي خشته ماتغيرت..لا وكبرانه بعد….!!

دخل وسلم على امي واهلي جتني امي تقول"مطلق"يبي يشوفك ويسلم عليك

قلتلها: يخسي..ماعندنا بنات ينشافون قبل الزفه!

امي:عيب عليك هذا زوجك امشي لاتفشلينا مع الطيار.

جت فكره في بالي¥¥

وانا اروح اتغطى وادخل عليه وامي معي وجلسنا بالمجلس وسكرت علينا الباب امي وراحت..انا خفت
ورحت انخشيت ورى الكرسي يمه شفته قربلي صرخت وقلت:تكفى انا مثل اختك تكفى يا "مطلق"
اعتق صراحي انت الف بنت تتمناك مشاء الله مزيون(من جنبها) وكشخه وطيار..حتى بنات عمي ميتين
عليك"عاليه"و"سعاد" بس انا قلت لهم بشاوره وارد لكم..تكفى ياولد عمي وش قلت

حط الهدايا على الارض وعلامات الحزن على وجهه جاء بيطلع مسرع وانا اللي اركض وراه
وانزل تحت عند رجوله ابي ابوسهم واتوسل له يتركني

كنت ابكي بحرقه وانا اقول:تكفى ياولد العم اتركني

وهو اللي يرفعني من على الارض والدموع تملى عيونه ويقول بصوت خانقته العبره:تكفين يابنت عمي
لاتبوسين رجولي..انتي "امل"مكانك فوق الراس مو تحت..لوتبين روحي اعطيك ياها بس الا هالطلب يا"امل"

وهو اللي يبوس على راسي يطلع برى مسرع..

——————– رحت لغرفتي وانا اتذكر شكل "مطلق"وهو يبكي ..معقوله كل هذا يحبني!! بصراحه انا صدمته
حيل ..بس شسوي ماابيه!!

صحيح هو تغير حيل والكل لاحظ صاير على قولتهم جنتل مان..وكشخه وكل العيال يتعلمون منه
وصاير لبق بالكلام ومثقف بزياده والكل يضرب له حساب

بس ياربي شسوي ماحبه حاولت اني احبه بس ماقدرت! (يمكن لاني ماخذه المساله عناد من
يومي صغيره! )

——————– انا حسبت انه بعد موقفي راح يكرهني ويتركني بس للاسف!!

بعدها جاني اتعس خبرسمعته!! جاني الخبر انه حدد زواجنا بعد شهر! ! !

وش قصده شكله بنتقم مني@@! لااخاف الدعوه شكلها عناد!!

قسم بالله الف فكره جت في بالي عشان انحاش من واقعي بس للاسف ماقدرت وصار
اللي صار

——————– صحيت من تفكيري على صوت امي..قربت مني ومسحت دموعي اللي على خدي..

امي: نامي حبيبتي بكرى وراك روحه للكوافيره بدري انتي عروس لازم تريحين.. ~~~عروس!! لاوالله كنكم
موديني للمقبره

حاولت انام بس ماقدرت ودموعي ماوقفت ..

جاء الصباح ودخلو علي اخواتي يبون نروح للكوافيره انا هنا كني بحلم ساكته ومااتكلم بس
دموعي تنزل..طلعت من الكوافيره وكنت في غاية الجمال..كنت اطالع نفسي واقول ياحسافتي على خشة "مطلق"

طبعن رفضت اسوي زفه انا وياه عشان محد يضحك عليه واتفشل!

**جت اللحظه الحاسمه..زفتي عليه في القفص الذهبي

مدري وش فيني جتني رجافه وام الركب وقعدت ابكي واصيح تكفون رجعوني!! امي واختي قعدو
يهدوني اخوي طلع يبكي .ابوي جاء وباس على راسي وقال:الله يوفقك

طالعت فيه وقلت:الله يسامحك طلع ابوي والحزن بوجهه

كنت ماسكه يدين امي بقوه وارجف كنت انتظر اخوف منظر بحياتي انتظر لحظة دخوله علي~~

دخل علي واول مالمحت كشرته حامت علي كبدي..قربت من امي وقلت: لاتتركيني له.

جاء وسلم على امي ومدري وش قالها وطلعت

انا بغيت انجن يوم شفتها طلعت وقعدت اصوت:وين يمه

طالع فيني وهو يضحك وقالي: امك راحت خلاص انتي لي

طالعت فيه بحقد وقلت:تنكت انت رح نادها بسرعه ابيها قعد يضحك مره ثانيه وقال:ياحلو العروس
المستحيه وانا اتلفت يمين ويسار ادور العروس المستحيه واقول بدهشه: مصدق عمرك انت . رح
ناد امي

ماطالعت الا قفل الباب وهو مبتسم سحب المفتاح وقلت الحين يبلعه

واول ماشفت الوضع كذا وانا اتلفت بدور لي شي بضربه براس قبل لايقرب…

واول ماشفته قرب وانا اصرخ:ارجع موبحسن لك اذا قربت!

واللي قاهرني انه فاطس ضحك يحسبني امزح معه!!! فجاءه شال شماغه ونزل بشته..قلت اذا نزل
ثوبه والله لصكه بالمزهريه!!

جلس على الكنبه وهو يطالع فيني وعيونه تبي تاكلني!

وانا شكلي يضحك واقفه بالزاويه وارتجف..@@

طالع فيني وقال:تعالي طيب اجلسي هنا والله ماراح اقرب لك..

رفضت وضليت جالسه بزاويه قالي وهو يضحك:الا متى وانتي كذا !

ضلينا على هالحال لمدة ساعه كامله وهو مانزل عينه عني يطالعني بنظرات كانت كلها حب!!

قام وقرب مني..واول ماقرب حطيت يدي على وجهي وطلعت ذاك الكلام اللي كنت شايلته لليلة
الزفه وانا اقول:انا ماحبك انا مابيك والله خذيتك غصبن علي والله بغيت انتحر بس عشان
مااتزوجك..مافيه كلمة سب وهجاء ماقلتها بعد ماتعبت وسكت..

طالعت فيه الا هو منزل عيونه بالارض ..رفع راسه وكانت نظراته مليانه حزن..قالي: امل …تدرين
انك اجمل انسانه بهالكون !!

قرب مني ..قلت الحين يضربني ..باس على راسي وطلع برى الغرفه

مادري حسيت اني وحش وقتها بس والله غصبن علي ماابيه..

جو امي واخواتي عندي ضمتني اختي"هدى"وقالت:انشاء الله عجبك اشوفه حيل مستانس ويقول لابوي واخوي انكم
جلستو تسولفون وتضحكون!

استغربت!! بصراحه خفت انه يعلم ابوي بكلامي بس الحمد لله ستر علي..

ضلينا على هالحال لمدة طويله مانقرب لبعض ..اذا نمت بسرير نام هو على الكنبه بصاله..واذا
شفته نايم على السرير قبلي..رحت ونمت بصاله..واتفاجاء في الصباح الا انا علي السرير وهو بصاله!

كانت الفله اللي اسكن فيها من اجمل فلل المنطقه..وعندي طباخه وخدامه وسواق بيت كامل متكامل
زي البيت اللي كنت احلم فيه__بس للاسف كان ينقصه الحب المتبادل!!

كنت اتحاشى الكلام معاه وهو حب يخليني على راحتي بس كان هو مايسكت يسولف وينكت
وقصص ماتنتهي كنت بس اسمعه من دون مااناقشه__كانت سوالفه تجذبني بس انا ابين له العكس..نظرات
عيونه كانت تضعفني شوي..بصراحه تصرفاته جدا رائعه على عكس ماتوقعته!

كل صباح اصحى فيه من النوم الاقي هديه على سريري منه..!هدايا فخمه مره ابن الحلال
ماقصر معي بشي!بس قلبي هو اللي قصر! ! !

——————– سافرنا شهر العسل للخارج"اسبانيا"من يوم انا صغيره كنت احلم فيها..مافيه مكان مارحنا له__كل اللي
في بالي شريته وهو يدفع وهو مبسوط.!! كان طول الوقت ماسكني ماحب يفارق يدي لحظه
وحده! !

ضلينا شهر هناك وبعدين رجعنا لارض الوطن..الكل يمثل قدام اهله انه سعيد وبالاخص هو!

———

جاء ذاك اليوم الغريب!!اللي دق فيه جوال"مطلق"

كنت ماره من جنب الغرفه وانا اسمعه يتكلم بصوت عالي ويصارخ!

والمفاجاءه كان يكلم بنت!واسمعه يقول:خلاص يا"نوال"انسيني!

@~@ انا هنا ماني مستوعبه!منهي المقروده اللي تكلمه !!

حسيت عيوني حمرت معقوله تكون غيره !!!

لا لا مااظن..

طلع هو قالي بيروح لصاحبه ونسى جواله واجي والاقي في جواله اكثر من خمسين مكالمه
ورسايل حب وغرام وعتب كانت من رقم غريب على مااظن من البنت نفسها!

جواله مايسكت مكالمات ماحبيت اساله لان مايهمني

في يوم من الايام كنا جالسين بصاله وكان معاه الاب توب جالس يستخدمه..دق جواله وقالي
انه العمل طالبينه فورا!!

نسى الاب توب مفتوح وانا اقوم واجلس عليه والاقي ايميله مفتوح..كان معاه بالايميل بنات كثير@@

قريت الرسايل في الوارد كانت كلها بنات يعتبون عليه وعلى غيبته

والاقي رساله من وحده اسمها "نوال"كانت رسالتها حزينه..وكاتبه فيها:يامطلق راح اسوي المستحيل عشان ترجع لي@@

انا عصبت وشفتها متصله وقتها ودخلت عليها وقلت لها اني زوجته

البنت تفاجاءت وماصدقت!طلبت رقم جوالها عشان اشوف وش سالفتها..وافقت وبدون تردد

دقيت عليها..وردت على صوت وحده مره ناعم وقالت انها"نوال"

قلت لها وش تبين ب"مطلق"

قالت لي:من زمان وانا اتمنى اكلمك__انا احب"مطلق"من يوم ماكنت ادرس بالخارج معاه

سالتها:يعني شفتيه وتحبينه !

قالت:ايه واموت بعيونه

قلتلها:متاكده شفتيه وتحبينه

قالت:صوره مليانه عندي

صحيح شكله مو حلو بس والله انه يملك شخصيه رائعه وعنده صفات تميزه عن غيره
البنات اللي كانو يدرسون معي كانو يموتون فيه@@

قلت انافي نفسي:سبحان الله محد ضايع!

قالت لي:والله اني احسدك انك زوجته قسم بالله انك طايحه في كنز ومنتي داريه عنه
ومنتي مقدرته!

قلت لها وش دراك انتي

قالت:كان يقولي وحنا بالخارج انه يحبك وحتى لماتزوج صرت اخذ اخباره من زميلنا"خالد"يقولي انه يشكي
له منك انك ماتحبينه

وكانه مو متزوج!

امانه اذا زواجكم فاشل اطلبي الطلاق منه..وانا راح احطه بعيوني!

انا هنا مت من القهر..وهالمره اظن انها"الغيره"!!

وانا اقعد اسفل فيها واحذرها انها تبعد عنه..

سكرت السماعه بوجهها وانا كلي استغراب !منهي هذي اللي تحب"مطلق"لهالدرجه ! قلت يمكن تكون شينه
بعد هي ..ورحت ادور لها صور بالايميل واخيرا لقيت لها الصدمه كانت كبيره حييل@@ لقيت
صورة وحده حلوه حيل احلى من الحلى !كنت احسب مافيه وحده اجمل مني لين شفت
صور"نوال"

قلت الاقيها فرصه وازعل بيت اهلي واطلب الطلاق

بس اكيد ابوي بيرجعني له قلت مالي الا اسكت واخليه اصلن انا مااحبه

رحت وفتحت ايميلي القديم واتفاجئ والاقي"احمد"متصل وهو بعد تفاجاء فيني لاني قطعت معاه لما تزوجت

قعدنا نسولف مع بعض..هو للحين بالخارج وقالي انه تزوج مرتين وطلق قال انه مالقى وحده
يحبها واني مافارقت باله ولا لحظه!

سالني عن اوضاعي وقلت له اني ماني سعيده

قالي اطلبي الطلاق من زوجك وانا راح اجي طوالي واتزوجك

استغربت منه..حط الفكره براسي.. احمد كان حلم حياتي قلت بدور اقرب مشكله وبزعل واطلب ا

__________________

• قصة امل ومطلق
• قصة امل ومطلق كامله
• قصة امل
• قصص امل وزوجها
• قصةأمل مع أخوهأ
• قصه امل مثيره