رواية اعترف مجنون في حبك رغم عقلي الكبير الكاتبة اوراق خريفية كاملة

اعترف مجنون في حبك رغم عقلي الكبير

روايه كويتيه رومانسيه اجتماعيه جرئيه جدا.

رجعت لكم بعد ما شفت التشجيع والاقبال القياسي على روايتي السابقه..تغريد ارواح عاشقه..واتمنى تعجبكم هالروايه(اعترف
مجنون في حبك رغم عقلي الكبير)

انتشرت رواياتي بين المنتديات الاخرى لكن

هذي اول روايه لي انشرها بهالمنتدى..وحبيت اخليها حصريه لكم..ويارب القى تشجيع وتعجبكم

واتقبل اي نقد بناءا .. واحلل نقلها لكن مع وضع اسمي..لامانه حطوا منقوول

لان وايد شفت لي روايات حاطين عليهاا حصري لهم..بليز الامانه يابناات الاماانه

والحين نبدا ب بسم الله الرحمن الرحيم

عايلة فهد ال…ابوعبدالمجيد

وطيبه ام عبدالمجيد

عبدالمجيد/٣٣سنه..نائب المدير عام بشركة ابوه..ذو بشره بيضاء وعينين بنيتين وطول فارع وجسمه عريض وحلو..وشخصيته هييبه

راكان/٣١سنه..خريج ادارة اعمال وماسك الماليه بالشركه..روحه مرحه ويمووت بالبناات..ذو بشره حنطيه وطول فارع وعينين عسليتين.

فيصل/٢٩سنه..وهذا احلى اخوانه..يمووت بالمغازل والغشمره والضحك..وماخذ الدنيا ايزي..ذو بشره بيضاء وعينين عسليتين وانفا كحدة السيف
وغمازتين تزيده جمالا..وما يبي يشتغل معنه خريج ماجستير من امريكا بعلوم سياسيه..

مساعد/ ٢٧سنه..ذو بشره سمراء شرقيه..وعينين عسليتين وشعرا اسودا كثيفا يصل بنعومته الى اقصى اذنيه..دكتور نسا
وولاده بمستشفى خاص..

ورود/ ٢٥سنه..بشرتها بيضا ونعومه حيلل وتموت بالموضه وشعرها قاصته بوي وصابغته شوكلت..وتوها متخرجه من الجامعه
تخصص ادب انجليزي

منتهى/ ٢٣سنه..وبشرتها بيضا وشعرها اسود قاصته فراوله ومخصلته بكرزي وطولها متوسط ورشيقه حيل وتدرس بالجامعه
تخصص هندسه

ريماس/ ٢٢سنه..وبشرتها بيضا وشعرها اسود طويل لركبها وناعم حيل وهاديه ونعوومه..

ريان / ١٩سنه..بشرتها حنطيه على ابوها وعيونها عسليه وشعرها قصير لعند رقبتها صابغته هاي لايت
حلوو عليها وتدرس بالجامعه تخصص علوم اجتماعيه ثاني سنه..

يارا / وهذي عاد اخر العنقود..١٧سنه..وصاروخ الجمال والكل ميت عليها..عيونها زرق بلون السما وشعرها بلاتيني
اشقر وطويل لنص ظهرها وبشرتها بيضاا وصافيه..دلووعة وكل خواتها يغارون منها..وجسمها مثل عارضات الازياء ..باختصاار
ملكة جمال..تدرس بمدرسه اخر سنه علمي..

عايلة محمد ال..ابوعبداللطيف

ومزنه ام عبداللطيف

عبداللطيف/ ٣٥سنه..ذو بشره بيضا وطولا فارعا وعينين سوداوين..ويدير معرض للسيارات بالاضافه لشغله معيد بجامعة الكويت
علوم سياسيه..

رائد / ٣٣سنه..بشرته حنطيه وهو مملوح وحلوو ويدير الشركه مع ولد عمه عبدالمجيد

عبدالله/٣٠سنه..وهو احلى اخوانه..بشرته بيضا وعيونه عسليه وعنده غمازات ويشتغل بوازرة الاوقاف..

تغريد/٢٧سنه..بشرتها برونزيه حلوه وعيونها بنيه ورموشها كثيفه وطويله..ومدرسة رياض اطفال

شوق/٢٥سنه..بشرتها بيضا وطولها متوسط وشعرها اسود قاصته بوي ومخصلته مووف

غرام/٢٣سنه..وهذي احلى خواتها..بيضا وضعيفه وتحب الاناقه وشعرها اسود لنص ظهرها وقاصته مدرجات

عايلة خالد ابومشاري و

ناديه ام مشاري

مشاري/٣٥سنه..احلى شباب العايله..بشرته بيضا وطويل وعريض المنكبين وشعره اسود كثيف وحواجبه محدده برجوله اسره وابتسامته
سحر..ويشتغل دكتور عظام مع مساعد ولد عمه بنفس المستشفى..وهم ربع الروح بالروح..

فايز/٣٣سنه..بشرته حنطيه مملوح وحلو وعيونه عسليه..ويموت بالمغازل واهو مع فيصل ورائد الروح بالروح

امثال/٢٧سنه..بشرتها سمرا صافيه وشعرها قاصته لعند جتوفها بشوي وصابغته بني ومخصلته باشقر..حلوه

روعه/٢٥سنه..بشرتها بيضا وشعرها اسود لنص ظهرها مخصل بكرزي..

ريماا/اخر العنقود كبر يارا عمرها ١٧وتدرس معاها بنفس المدرسه والصف وتوم بعض..بيضا وشعرها اسود طويل
لنهاية ظهرها وعيونها عسليه واسعه وشفايفها صغار وتوتيه..

فهد ومحمد وخالد يصيرون اخوان يعني عيالهم عيال عم

الخوال اخووان طيبه: :

زياد /٣٠ سنه..وبشرته بيضا وطويل وعيونه عسليه وعنده مكتب محاماه بس يدوام بكيفه..يموت بالطلعات ويحب
يارا اكثر وحده بالبناات ويدلعها مووت ولها مكانه خاصه عنده حتى انه حاط لها غرفه
بروحها ببيته اللي اهو قصر كبير

ساكن فيه مع اخوه

ضااري/٢٩سنه..ويشبه لاخوه زياد بالضبط جنهم توم بس الفرق انه اسمر مملوح..واهو بعد مدلع يارا

وفيه شخصيات محوريه بتطلع مع الاحداث..

واخليكم الحين مع البدايه

البارت الاول

في فيلا ابوعبدالمجيد..

الساعه وحده الفير..

وكل الانوار بالفيلا طافيه ما عدا الحديقه وصالة الدور الثاني اللي كانت الاناره فيها خافته

صعد عبدالمجيد الدري بخطوات هاديه ومتعبه..مر عالصاله وشاف التلفزيون شغال على قناة توب موفز..ويارا منسدحه
عالقنفه ونايمه ببيجامتها الحرير الوردي قميص وشورت صغير..راح لها ونزل لها ومسك ايدها: ياارا..ياارا

يارا فتحت عيونها وابتسمت لما شافته: همم عبدالمجيد؟؟

عبدالمجيد ابتسم : ئي..شمقعدج لهلوقت؟؟ وليش طالعه ببيجامتج جذي؟؟

يارا ابتسمت وهي تتعدل وترفع شعرها باهمال: كنت بنطرك وما حسيت بنفسي ونمت..

عبدالمجيد باهتمام: ليش تبين شي؟؟

يارا رجعت قعدت بتوتر: امم كنت باخذ رايك بسالفه..امم..امم

عبدالمجيد رغم تعبه يا وقعد يمها لما حس بجدية الموضوع: يارا شفيج؟؟ صاير شي ما
ادري عنه؟؟

يارا رفعت ريولها لصدرها وضمتهم: امم قالك ابوي ان عمي خالد خطبني لمشاري لما ابوي
خطب امثال لراكان!!

عبدالمجيد تنهد وهو يفرد حواجبه باصابعه وينزل غترته وعقاله ويبطل ازارير دشداشته: قالي..بصراحه ما توقعت
ان عمي يختارج انتي..معنج الصغيره..كنت حاط ببالي ورود!!

يارا بقلق: انزين عبدالمجيد انا خايفه..مشاري وايد عود علي..انت احسك ابوي اشلون اهو اكبرك منك
بسنتين

عبدالمجيد ابتسم لاخته الصغيره المدلله عنده ومسح على شعرها: خلاص قولي انج ما ارتحتي وارفضي

يارا تنهدت: ابوي موافق وقالي فكري ولا تنسين ان قرارج بياثر على خطبة اخوج..وعلى علاقتي
باخوي

عبدالمجيد ابتسم: شوفي انا مشاري اعرفه

..سالي مساعد عنه اهو يشوفه بالمستشفى على طول..الكل يمدح باخلاقه وطيبته وحنانه على خواته..انتي فكري
وقرري

يارا بتردد: ما ادري عبدالمجيد ما ادري احسه وايد عود..امم يعني تقريبا بيني وبينه ستعش
سنه

عبدالمجيد بهدوء: صح بس مشاري ما فيه اي عيب..ومثل ما قتلج الراي الاول والاخير لج

يارا تنهدت: ابوي وراكان وريماس وريان موافقين..اما امي وورود ومنتهى ما عرفت موقفهم شنو؟؟

عبدالمجيد وقف: احسن شي قومي صلي واستخيري وفكري عدل ونامي وان شاء الله..الله يكتب لج
اللي فيه فيه الخير

يارا ابتسمت..وقفت وباست خده: اوك بوون وي..

عبدالمجيد ضحك وهو يمشي لغرفته: هه بون ويي ولا تطلعين بلبسج جذي مره ثانيه اوك

يارا ضحكت ودخلت غرفتها وانسدحت بفراشهاا ونامت..

في فيلاا ابومشاري..

الساعه ثنتين الا ربع الفير..

بغرفة ريماا

كانت قاعده عالنت بين المنتديات اللي مشاركه فيهاا ومندمجه حدها..الاضاءه خافته الا من نور الابجوره
الاصفر والتكييف البارد والظلام يلف المكان

مشاري طل براسه: امم ريووم قاعده؟؟

ريما رفعت راسها: اوف مشاري بكبره يايني الدار..غريبه؟؟

مشاري ضحك وهو يدخل: ههه يمه منج يعني ولا مره ييت عندج

ريماا لفت عليه وهي تبتسم: امم امبلاا بس قولي شتبي هالمره

مشاري ابتسم: وانتي كله جذي حار بحار..

ريما ضحكت: ههه احلى شي..يلا قوول

مشاري بتردد: امم بسالج عن يارا؟؟

ريماا ابتسمت: اهاا..شوف اذا قصدك شنو مشاعرها ناحيتك..بصراحه ما ادري..صج اهي رفيجتي وجذي بس ما
احس انها كانت تهتم لهلامور..يعني ولا مره حسيت انها تهتم باحد او في حياتها واحد
مثلاا

مشاري ابتسم: امم انزين شنو تتوقعين ردة فعلها لما تعرف اني خطبتها؟؟

ريماا تفكر: امم ما ادري بس يمكن تنصدم لان فرق العمر بينكم مو شويه..امم يعني
حوالي ستعش سنه..اووف وايد..

مشاري باحباط: تتوقعين ترفض؟؟

ريما ابتسمت: لاا شووف انت من هالناحيه خلها علي..انا باجر اشوفها بالمدرسه واسالها لك..

مشاري ابتسم ووقف: اوكي عيل تصبحين على خير

ريما ابتسمت وهي ترجع للاب توب: وانت من اهله..هالله هالله بالمرضى عاد مو تنساهم وتفكر
بالحبيبه

مشاري ضحك وهو طالع: انزين ه

وثاني يوم الصبح..بوحده من مدراس الثانووي الانجليزيه

الساعه سبع ونص

وبفصل ١٢ ع ٣

يارا وهي تحط شنطتها السودا الجتف على كرسيها اللي كان ثاني واحد بالوسط: بوون جوور

ريما ابتسمت: بوون جوور..وينج فيه بيرن الجر….

وما كملت لان الجرس رن..ترن

تررن ترن

ريما ضحكت: ههه يلا امشي امشي..

يارا قعدت وحطت راسها عالطاوله: روحي انتي انا مالي خلق بروحي مو نايمه الا ثلاث
الفير

ريما وكانها حست فيها: امم انزين شلي شاغلج؟؟

يارا رفعت راسها وطالعتها بنظره: تتطنزين؟؟

ريماا قعدت يمها: يويو صدقيني ما كنت ادري انه مشاري حاطج بباله ولا ادري انه
يبيج

يارا طلعت ملقمه صغيره تحط فيها عدة الميك اب وخذت قلم الكحل: يعني؟؟

ريماا: كلنا تفاجانا لما قالنا انه بيخطبج وابوي حب يسويها سبرايز لعمي فهد لما درى
انه ياي يخطب امثال لراكان..

يارا وهي مغمضه عيونها وتحط الكحل: بليز ريووم سكري هالسالفه ترى والله تعبت منهاا من
امس وانا افكر فيهاا..وحدي مصدعه..

ريماا : افهم انج رافضه اخوي؟؟

يارا حطت الكحل وطلعت الغلوس الشفاف: نوو ريووم اصلا انا ما استخرت..خلي هالسالفه عنج الحين
وقوومي نشرب ماي قبل ما اييوننا

ريما سكتت ووقفت معاها وطلعوا للمشارب وشربوا ماي وتعطروا وعدلوا شعورهم ولما شافوا الطوابير تحركت
راحوا على صفوفهم

وسكتوا لما بدت مدرسة الاحياء بدرسها وظلت يارا تحاول تركز بالدرس..

في مستشفى ال..التخصصي

الساعه ثمان

عيادة النسا والولاده..

بمكتب د.مساعد فهد ال

رفع مساعد راسه لما حس بالباب يتبطل وابتسم : وينك من اليوم ادورك

مشاري ابتسم: توني واصل..عندك شي الحين..

مساعد طالع ساعته:امم لا عندي عالعشر..

مشاري بهدوء : عيل قوم الكافتيريا نشرب لنا كوفي..ابيك بموضوع..

مساعد ابتسم وهو يوقف: شاك اني اعرف موضوعك..

مشاري ضحك: ه فاهمني ولد عمي..

مساعد ضحك: هههه عيل اشلوون عيل..تعال بس تعال..

وراحو قعدوا بكافتيريا المستشفى..وطلبوا اثنين شاي نعناع..

مساعد وهو يتامل بخار الشاي: قوول اسمعك..

مشاري: اول شي ابي رايك فيني كشخص متقدم لاختك..ولا تجاملني عشاني ولد عمك..

مساعد ابتسم: تدري اني ما اجامل..امم شووف بالنسبه لي ما عندي اي مانع..مو شايف فيك
شي نرفضك عشانه..اما يارا لا تسالني عنها لاني بصراحه ما ادري شنو ردة فعلها للحين..

مشاري ابتسم لطاريها: انزين وعمي؟؟

مساعد: والله ما ادري شقولك بس اكيد موافق..اهو ما قالها بس ناطر رد من يارا
بالاول..

مشاري سكت وصار يفكر فيها ويتذكر ملامحهاا: …..

مساعد ابتسم: تعال انت مع ويهك من امتى حبيت اختي وانا ما ادري؟؟ شكلك حاط
عينك عليها من يومها بالمهاد

مشاري ضحك: هههه والله واثق اني احب اختك..

مساعد ابتسم: غصبا عنك حبيبي..هذي يارا مو اي وحده..

مشاري ابتسم واخذ كوبه وقام : .

مساعد رفع حاجب: هيي تعال وين رايح..مشااري..(وقام معاه)الحمدلله والشكر شفيه هذا ين

مشاري سمعه ووقف والتفت له: لا تحش فيني اسمعك

مساعد ضحك: هه صج الحمدلله والشكر اقوول امش امش زين..

انتهى البارت الاول

رايكم وانتقادتكم وتوقعاتكم..

• رواية اعترف مجنون في حبك رغم عقلي الكبير
• رواية اعترف مجنون في حبك رغم عقلي الكبير كاملة الارشيف
• رواية اعترف مجنون في حبك رغم عقلي الكبير بدون ردود
• رواية مشاري ويارا
• رواية اعترف مجنون في حبك رغم عقلي الكبير الارشيف
• رواية يارا و مشاري
• روايه (اعترف مجنون في حبك رغم عقلي الكبير)