رواية ريم وسلطان 2024 رواية ريم وسلطان الارشيف 2024

رواية ريم وسلطان 2024 , رواية ريم وسلطان الارشيف 2024 Reem Sultan novel and 2024,
the novel and Reem Sultan Archive 2024

بنت يتيمه الاب

(ريم ) رغم مرار اليتم وطعمه الا انها ماقد شكت منه

رمت الدنيا وراها وقررت تبتسم رغم المستحيل والظروف الصعبه

وتضحك بوقت ماكل الناس يبكون ,’ ارادتها قويه وعواطفها

ملك بنت شجاعه ماتهديها لارخص الناس ,’

عمرها 18 سنه باخر مرحله من الثانويه فاشله دراسيا مع( مرتبه الشرف )^_^

صغيره العمر اي نعم

الا انها كبيره باخلاقها ومبادئها ..قلبها قلب طفله واحلامها

احلاام بنت مليانه برااءه

.,’ عايشه مع امها

واخوانها الثلاثه ..

وليد الكبير بالثلاثين من عمره .. شال اهله من صغر سنه

واشتغل وتعب وعانا وحاول قد مايقدر يرفع بيت ابوه بعد مامات

هو الكبير ., وكلمته هي المسموعه بالبيت .. شخصيه حاده

وجديه لابعد درجه ممكنه ,’

ياسر بالكليه وبدر باول ثانوي اي انه اصغر من ريم

هالاثنين هماالاقرب دايما لها والاقرب لشخصيتها المرحه

او بالاصح الهبلاا ,,’

عندها اخت متزوجه اسمها مها ,’ عندها ولدين ريماس وفيصل .,’

/

/

/

/

بدايه ,’

بها الوقت قدها مدارس الرياض للبنات فتحت بيبانها والكل تسهل على بيته بوسيله النقل

اللي تتوفر له ..

ريم بالباص افتل راسها من السوالف والضحك وخلااص ماعادت تشوف شيئ غير فراشها من

التعب

تبي تاصل للبيت بسرعه لاكن مو بيدها بما انها بباص فمن الطبيعي تلف لف على
بيبان خلق الله قبل ماتاصل بيتهم .,’

هنا وصلها سواق الباص عند بيتهم البسيط الخالي من الفخامه والترف

اي انه منزل كاي منزل لطبقه الناس متوسطين الدخل

وصلت رجلينها عتبت الباب .. وقامت تضرب الباب باقوى ماعطاها الله من حيل حتى يتفتحوون
لها

شوي الا جت شغالتهم المقروده مليكه تفتح لها ..

ريم بعد مادخلت رفست الباب برجلها بتسكره واول ماشافت وجه شغالتهم بوجههم

قررت انا تحط حيرتها فيها ..

ريم بعصبيه ووجهها احمر من الحر .. هي انتي ساعه على ماتفتحين الباب

ياملا الصمخ اللي يصمخك ويففكنا منك ..

مليكه تنافض ..مدام ريم انا ايش سوي

ريم وواصلها معها عضت على اسنانها لاتستفرد فيها وتقطعها على دلاختها

ريم بوجه معصب تحاول تمسك اعصابها .., اقول تعرفين تطسين عن وجهي

ولا اعلمك

مليكه اول ماشافت وجه ريم كذا شوي وتذبحها على طول حطت رجلها وماردها الامطبخها

دخلت ريم واخلاقها قافله ويالله بالله تشوفمن تاثير الشمس على راسها

شافت قدامها امها .. حست انها للحين ماشبعت من تفريغ العصبيه اللي داخلها وودهل تكمل

.. وقفت قدام امها ورمت الشنطه من ظهرها اللي مافيها الا كتابين ودفتر

وتعبانه فيهم بعد على الارض بفوضويه وقالت ..

ريم ,:بالله موحرام عليكم كل يوم تلطعوني مع ملعون الخير شفاقه سواق الباص

يانااس انا انسانه عندي قدره تحمل ماصارت كل يوم على هالحال

اقعد الف لف بيبان بنات خلق الله كل يوم لما يطق طبلون راسي

ثلاثه عندك لاينفعون ولايشفعون ..كل واحد كنه لووح مايقدر يتكرم ويجي ياخذني بسيارته

امها وهي ماسكه راسها واذانها من صوت ريم اللي قاعد يلعلع وواصلها

وهي باخر الصاله ..

امها . قصري حسك نعنبوكي من بنت مستلجه

ريم وهي مازالت على عصبيتها .,:اسمعوا عاد كلامن ياصلكم ويتعداكم

مااني مداومه لين تلقون لي حل ويانا ياانتم .. وخذت روحها وقامت تصعد

بالدرج وتحلطم وتسب وتشتم باللي حولها حتى الدرج ماسلم من شرها وقامت تسبه

وصلت لغرفتهاالمركونه بزاويه الممر واللي مغطيها درجات اللون الازرق وتمويجاته

رفست الباب برجلها ودخلت ورجعت سكرته وبدون ماتشغل النور غيرت مريولها وكالعاده رمته

على الارض وجابت بنطلونها الجنز ولبسته وسحبت اول بلوزه قدامها تبي تلبسها

بعدها على طوول رمت نفسها على سريرها بارهاق خلااص ماتبي شيئ غير تنام

جسمها مهدوود من يوم دراسي شاق بكل معنى الكلمه.. تبي ترتاح وتنسى كل شيئ

وتركز بشيئ واحد الا وهو النووم .. تنظمت دقات قلبها بشويش

وحست النوم بدى يتسلل لاجفانها .. ونامت .

فجاه

الااخووها بدر يفتح الباب بعربجيته المعتاده ويطير النووم من عقل ريم ..

ريم فزت من الخرعه وقامت على حيلها ماتدري وش اللي صار ولا من اللي دخل
عليها بها الشكل

بدر بصوت عالي .. ريم امي تقول انزلي تغدى ..

ريم ماردت غير ان الدم ووصل لراسها وحمر وجهها من العصبيه

ماكان ناقصها الا بدر عشان يكمل معها هاليوم .. ناظرت لبدر بعين حاره

تنقط شرار وكلمته وهي شاده على اسنادنها . بدر

بدر ببلاهه ..هاه

ريم اشرت على نعله (ونتم بكرامه ) بجنب سريرها وقالت تشوفها ..

بدر يستلكع ..وينهي

ريم ..شف واللي خلقني ان ماذلفت عن وجهي يمين لاجربها على ظهرك

بدر يستقوي وريني اشوف

ريم كانت بتقووم .. وهو مسك بلوزته وهج ماشافت الاغباره براا الغرفه

هنا ريم خلاص حست فيها عرق بيطق النوم وطار

وجسمها متكسر وتحس ان حيلها منهد .. حاولت ترجع تنام ماقدرت

قامت تتنقل بسريرها مني مناك ماقدرت .. جن جنونها زوود

وقامت تحسب على اخوانها واهلها وعشيرتها والناس اجمعين

النووم وطار .. عجزت .. مالقت نفسها الاتشيل شلايلها وتنزل تحت

تبي تبل ريقها وتشرب لها شيئ على الاقل

خذت نفسها ونزلت شافتهم متجمعين حولين السفره باستثناء اخوها المرعب وليد

نادت مليكه .. مليكه تشووس اورنج بليز

ياسر كالعاده بيحارشها .: اخس يالعنقليزي ارحمينا

ريم .. وهي نازله .. لاحوول جانا الثاني ..كني مو ناقصني الا انت

ياسر :ليش منهو الاول ؟

ريم :اخوك الجاثووم بدرووه فيه غيره يعني

امها :اللحين بدال ماتناقرين مع اخوانك ليش ماتجين تاكلين

ريم :مابي منسده نفسي

امها نعنبوكي شوفي روحك بطنك لازق بظهرك من النحف

بدر هنا عجز يسكت وقام يضحك حتى شرق باكله ..

ياسر قام يضربه بقووه على ظهره .. وشفيك ؟

بدر :وهو مازال يضحك وومحد يدري وش فيه ..

لالابس تخيلتها سحليه لازق بطنها على ظهرها

ااخ يابطني ااخ ..

ريم .. هههه يعني المطلوب مني اضحك مثلا

لاكن قل امين ضحكت بدون ضروس ياحي ياقيوم قامت طنشتهم

وكلمت امها .. الاصحيح يمه شريخان وينه (تقصد اخوها وليد )

ياسر .. ماتشوفيننا ماخذين راحتنا وفالينها .. مو عشان مهو فيه سعاده المدير

امها معصبه منهم ..لاتقولون كذا عنه .. عساي ماادور شبهاه للحين ماجاء

من دوامه قرى عيني .. ياعلني مااذوق يومه ولااذووق غيابه الله يحفظه

ويجيب له بنت الحلال اللي تسعد قلبه ياررب

ريم : الله الله . كل هالدعاوي له وشمعنى .. وبعدين حنى وين رحنا ولايعني
حنى عيال البطه السوداء وحنى ماندري

امها من حنيتها دمعت عينها ..كلكم ياعلني مااذوق بس وليد غير

بدرمعترض مايصير هاذي تفرقه

ريم صرخت ياشيخ ينصر دينك اول مره تقول كلمه صح

بدر قام يغمز لها .. احم احم اعجبك

ياسر قام من الغداء الله يخلف عليكم بس .. صدق سبك

ريم سبك بعينك انت الثاني طايحين من عيونك حنى

لاحشى سلامتكم ياشنقل ومنقل .. يالله الحمد لله ..

لحضات ودق الجرس قامت نطت ريم تبي تفتحه الا ياسر خرشها خرشه من اللي يحبها
قلوبكم

وقعدها .:ياسر :وش قالولك مافي رجال يفتح . ريم قامت تلقط وجهها

سمناه طيب خلاص

فتح ياسر الباب الا واخته مها جايه وجايبه معها عيالها فيصل وريماس

على طول ريم راحت لهم وضمتهم باقوى ماعطاها الله من حيل

تمووت فيهم وتعشقهم .. حتى انها اقصى سعادتها لما تشوفهم قدامها

.. قامت تبوسهم من روسهم وخدودهم وتضمهم لقلبها يانااس وه ياحبي لكم بس

على طوول مسكت يدينهم ودخلتهم وطنشت اختها ..

مها: ريمووه ياملا العمى ونا رجل حيط ماتشوفيني

ريم :ياخي انتي شبعانه منك مقابلتك طول مسيره حياتي لاكن هذولي مااشوفهم

الا بالاسبوع مرره ورجعت طنشت اختها وقامت تبوسهم من هنا

وتلاعبهم من هنا .. يالله يالله .. قولوا النشيد الوطني تبعي

ووقفوا تحيه لي زي مادربتكم

ريماس وفيصل بقلة حيله وكالعاده بتجنيد اجباري وقفوا قدامها

وقاموا ينشدون النشيده اللي محفظتهم اياها

ياريموونا ياحبيبااتنا

ياخالتنا الحلوه الحلوه الحلوه مراا

انتي المثال ومكفخه البزراان

ومكسره راس اللي يعادوون دووم

ريم :هيي عفيه عفيه عالشطار ورجعت بوستهم

وقالت لهم .. يالله عاد روحوا فووق وافتحوا شنطتي المدرسه تلقوون فيها

كاكاو وحلاو وبطاطس كل ابوها وامها خذووا .. يالله بسررعه

مها : حسبي الله على عدوينك من بنت جننتي عيالي

ريم : وش مدريكي انتي قاعده اادبهم على اصول التربيه الحديثه

دخل ياسر بها اللحضه لهم / من اللي يبي ياديهم لاتقولين انتي تكفين

ريم : مستقل فيني هاه .. بكرا اوريكم لاجو عيالي والله لخليهم مضرب مثل

للاخلاق .

بدر : مبتسم .. ونتي الصادقه لردى الاخلاق .. والله دامك مهم لايطلعون لك جنن
هجن

تلقطينهم من السكيك .. واحد سراق سيارات والثاني قتال قتلا ..

ريم ونت الصاقد هذولا عيالك .. اص بس اص ..

وقامت طنشت بدر والتفتت لياسر . ونت ياسر وشرايك بعيالي

ياسر ومره ماكان معهم قاعد يدخن بيد وبيده الثانيه الريموت قاعد يغير

ومو مع العالم ..

ريم : اللي ماخذ عقلك يتهنا به

ياسر :وتوه ينتبه لها .. همم .. وش كنتي تقولين

ريم :وكان نطت براسها فكره .. ياسر بطلبك طلبه قل تم

ياسر : اخلصي وش عندك يالنشبه

ريم :ومغطيه عيونها ووجهها لايجيها كف حامي من ياسر

ياسر ياحيي ياحيي .. ابيي ابي اجرب ادخن ..

قسم بالله مااطول بس تجربه

ياسر طير عيوونه .. انقلعي لعن الله هالفره .. مابقى الاهي

ريم : تحاول تستدرجه والله والله ان وافقت لاخلي منال بنت خالتي

تجي اليوم لنا واخليك تروح بنا للسوق مع بعض

المصدر :

arabsbook/threads/148662/#ixzz3Ae5qb9HG

• رواية ريم وسلطان
• رواية ريم وسلطان الارشيف
• قصة ريم وسلطان
• رواية سلطان وريم
• رواية ريم وسلطان كاملة
• روايه سعوديه ريمان وسلطان كامله بورصات