رواية يا تاعبني ابي منك تريحني و تخليني انسى الكون بحضنك كاملة

كيفكم شخباركم شمسوين

((((*ياتاعبني ابي منك تريحني وتخليني انسا الكون بحضنك)))من تاليفي وتاليف صديقة عمري ميمو انجل

اتمنى تنال اعجابكم

طبعا ماراح ننزل بارت الا اذا شفنا الردود على البارت الاول

تحياتي لكم

وهذا الجزء الاول

**الفصل الاول**

سديم:يبه تكفى نبي نسافر امانه يبه

ابو ريان:لا مافي انا كم مره قلت لك مافي سفر

سديم:بس يبه

ابو ريان:اووه منك ياسدييم روحي عني تراني مو فاضي لك

الام:يلا قومي ياسديم ازعجتي ابوك

سديم:ياربييه ليش انا مو زي الناس

وطلعت وقفلت الباب

وهي تمشي رايحه غرفتها :اف اف ياربي من هذي العيشه

شافها فيصل :شوي شوي عالارض تراها ماسوت شي

سديم:انقلع عني تراها واصله عندي

فيصل:حشى لذي الدرجه وش صاير

سديم:فيصلوه قلت لك انقلع عني احسن لك

فيصل:طيب طيب لاتمتوتين

سديم شالت جزمتها وصارت تلحقه وهو يهرب

وصلوا الصاله وكانو الجوري والبندري جالسين يتفرجون التلفزيون

الجوري:هييه وخروا عن التلفزيون

البندري:وخروا بسرعه اللحظه حاسمه سديمووه فيصلووه

وقفوا فيصل وسديم ولفوا على الجوري والبندري

سديم وفيصل:نعم وش قلتي هجووم

هجموا سديم وفيصل على البندري والجوري ويدغدغونهم وهم مايتين ضحك

الجوري:خلااص ه خلاص حرام عليكم هههه

البندري :تكفوون خلااص هه

خلاص الواحد مايقدر يرتاح في غرفته بهدوء

الكل:هههه

سديم:خالد ليش معصب وش فيك؟؟

خالد:وش فيني في بعض الناس مزعجيني

فيصل يستهبل:ميين؟؟

خالد: عيال الجيران

الكل:هه

^^^^^^^^^^^^^^^^^^^^^^^^^^^^^^^^^^^^^^^^^

نبدا بالتعريف بالشخصيات

اولا بيت صالح ابو ريان وامهم ام ريان اسمها الجازي

ريان /27 سنه يدرس في بريطانيا اسمر ومملوح يجنن شعره ناعم واسود طويل وجسمه حلو
وعيونه واسعه وعسليه تجنن(من النوع اللي تفغرين(تفهين) فيه لشفتيه)

سديم/ 24 سنه رابع سنه كليه طب بنت قمر عيونها واسعه وناعسه وهي حنطيه وجسمها
جنان وشعرها

اسود وطويل الى نهايه ظهرها وحرير مره طيوبه وحبوبه وحساسه تزعل بسرعه وترضى بسرعه

فيصل/ 23 سنه طويل وقمحي حلو شخصيته ماتنفهم بس طيب ويشيل المسؤليه وخفيف دم يدرس
تمريض

خالد /21 سنه اسمراني ودبدوب شوي ومملوح يدرس هندسة في جامعة الملك فهد للبترول والمعادن…هاادي
مووت ومايتكلم كثير بس فيه نصيب من الهبال والعبط

التوؤم الجوري والبندري/ 17 سنه حلوات وملامحهم طفوليه وحلوه مره ويشبهون بعض على الاخر

ثانيا بيت عبدالعزيز ابو ابراهيم

ابراهيم/26 طويل ونحيف واسمر وخفيف دم

غاده/24 سمرا وعيونها واسعه وعسليه وشعرها بني الى نص ظهرها وناعم صديقه سديم الروح بالروح

لمار/22 مملوحه وهاديه مووت

بيت عبد الرحمن ابو مساعد

مساعد /27 ملامحه بدويه وعصبي لكن بار بامه مررة ويحبها ومايفضفض الا لفراس اخوه

اثير/25 مرجوجه وحلوعيبها انها دبه

فراس/22 حلو ووجهه بيبي فيس وملتزم

بيت عبد الله ابو عزام

مرام/18 سنه دافوره وحلوه

عزام /27 مره مؤدب وخلوق ويستحي

الريم اختهم عمة سديم مو متزوجه عمرها 25حلووه وخبله وايزي مع عيال خوانها وتعيش مع
فهد في بيت ابوهم

فهد مو متزوج عمره 32عم سديم حلوو ومره مملوح وخفييف دم ودايم هواش مع اخته
الريم

اخوان الجازي ام ريان

محمد ابو نايف

نايف/25 سنة حبوب وجريئ…ابيض وطويل وشعره بني ويفي =>اقل من الناعم بدرجه ويشتغل في شركة
اعمامه

نواف/24 سنه متوسط الطول عربجي ويضحك يجنن باسلوبه وحليوه احلى مافيه عيونه واسعه وكحيله ونكتي
على الاخر

اماني /22 سنه حلوه وسنعه وشعرها قصير ودايم تجعده ويصير شكلها مره كيوت

ليان /21 سنه عربجيه بس ديكور يعني شكل وماتعترف بشي اسمه حب ورومنسيه… وشعرها بوي
بس هي جناان حلووة مووت اوقات تسير انثى على الاخر وتطلع تجنن تجذب كل مين
يشوفها

بيان/19 سمرا ونحيفه شعرها ويفي متوسط الطول خشمها طويل وعيونها واسعه

احمد ابو ابو تركي

مها/24 سنه بيضاء وفلقه قمر جسمها خياال شعرها اسوود محبوبه بين الناس وصديقه سديم وتحبها
مووت

تركي/23 سنه طوله متوسط حنطي جسمه حلو شعره بندقي ناعم سريع البديهة عشان كذا ناجح
في شغله في الشركة ورومنسي مررة اوقات تجيه موجة من الغباء تموت من الضحك

اسراء/18 سنه تشبه مها كثير بس هي انحف منها تدرس في ثالث ثانوي علمي شخصيتها
مره حلوه لاكنها دافورة زيادة عن اللزوم باختصار حبها للدراسة يغث

اسيل/17 غامضه وماحد يفهمها بسهوله ملامحها حاده وحلوه

ايه / 16 سنه فرفوشه وعايشه حياتها وتمووت في الاستهبال

هيا ام سلطان

سلطان/ 27 سنه متهور وماعليه من احد ويحب المغامرات

اشواق/24 سنه طولها متوسط سمرا ودبدوبه شوي بس مملوحه وتعشق المقالب

هنادي/ 21 سنه لسانها طويل بس مره طيبه

^^^^^^^^^^^^^^^^^^^^^^^^^^^^^^^^^^^^^^^^^^

راحت سديم ودخلت غرفتها

سديم:افف والله طفش ليش مااتصل على غاده اومها و نشوف لنا حل مو حياه هذي

اتصلت على غاده

سديم :الوو غدو كيفك قلبي

غاده:بسم الله عليك سديمووه وش صاير لك حرارتك مرتفعه اكيد وراك شي ولاماكان سمعنا هالكلام
الحلو

سديم:ليه ياحبيبتي لازم يكون عندي شي عشان اقول كلام حلو انتي بنت عمي حبيبتي

غاده:اييوه في عيني لو كان ماعندك شي عطيني من الاخر

سديم:ياربي منك دايم كاشفتني ايه عندي شي

غاده:شفتي ماحد عارفك زيي اخلصي وش عندك

سديم:طفششانه حدي وش رايك نشوف بعض اليوم

غاده: عشاان كذاا قولي من اول

سديم: هاا قلت وش عندك اف طفشتيني

غاده:هههه طيب لاتموتين بقول لامي واحاول فيها تخليني اجيكم

سديم:من جد فديتك يااحسن بنت عم في الدنيا خلاص يلا بسرعه كلمي امك وعطيني رد

غاده:زين يلا باي

سديم:باي

^^^^^^^^^^^^^^^^^^

عند غاده راحت غاده عند امها

غاده:يما

الام:نعم

غاده:ابغى اروح بيت عمي صالح تكفيين

الام:وش عندك؟؟

غاده:ماعندي شي بس انا وسديم طفشانين ومن زمان ماشفنا بعض وابغى اروح اشوفها

الام:مافي مشكله روحي بس هاا لا تتاخرين

غاده:فدييتك يااحسن ام يلا سلام بروح ابشر سديم واتجهز

راحت غاده وارسلت لسديم مسج انها راح تجيهم

^^^^^^^^^^^^^

عند سديم وصلها المسج

سديم: وااو ياهوو يلا خليني اروح اتجهز

راحت وفتحت دولابها ووقفت تطالع ملابسها

سديم:امم وش البس ياربي

وصارت تطلع الملابس وتلبس وتغير لما لبست بنطلون برمودا ابيض مع بدي اسود فيه كتابه
بالفضي وسوت

بشعرها بف ولبست شريطه عليه ولبست اكسسورات فضيه وحطت كحل وقلوس وطلعت قمر

دخلوا عليها الجوري والبندري

الجوري:اووه وش هالكشخه وش عندك

سديم:غدو بنت عمي بتجي عندنا

البندري:ونااسه بتجي معها لمار؟؟

سديم:تصدقون مدري بس بالله وشرايكم حلو ولا اغير

الجوري:لا مشاء الله طالعه قمر

البندري:من جد مره طالعه كيووت

ساره:مشكورين عيونكم الحلوه يلا خليني اشوف المطبخ خلصوا ولا لا

راحت سديم المطبخ وهي في المطبخ رن الجرس طلعت من المطبخ ووقفت تنتظر دخلت غاده

ساره:هلاا والله ومرحباا ياحيالله من جانا

غاده:هه كنك عجوز

سديم :هذا جزاي ارحب فيك

غاده:مشكوره ماقصرتي ياقلبي بس طريقه ترحيبك تشبه العجايز ه

سديم:اقول لايكثر ادخلي بس ادخلي

دخلوا وراحوا في الصاله الي فوق جلسوا سولفوا شوي بعد فتره قالت سديم لغاده: غدو
روحي غرفتي انا بروح اجيب العصير وبجي اوكي

غاده:اوكي حبيبتي

راحت غاده الغرفه دخلت وسكرت الباب

راحت سديم المطبخ وشالت كاسات العصير توها بتمشي الا طاحوا عالارض وانكب العصير واضطرت انها
تغيرهم

جمب غرفة سديم كانت غرفة ريان ريان طفش وحب انه يروح عند سديم يطفشها ويجننها
طلع من غرفته وراح غرفة سديم دخل كانت غاده معطيته ظهرها وهو حسبها سديم

راح عندها ويدغدغها وهي تضحك: سديمووه اعقلي

هو لما سمعها تقول كذا وقف ولما وقف لفت عليه وقالت شاطره سوسو وانصدمت

هو شافها وانصدم ومن الصدمه جلسوا مده مصنمين شوي الا دخلت سديم شافتهم وقالت

اراكم توقعاتكم

بانتظار ردودكم

تحياتي لكم