عندما تشرق شمس المحبة كاملة

قصه للكاتبه ( امل الذكريات )

هذه ثالث قصة من كتاباتي لكنها الاول نشرا

حبيت ابتدي فيها هي قبل القصتين اللي كتبتهم بالاول

واتمنى ان تنال على اعجابكم وتحوز على رضاكم

وطبعا اراائكم تهمني فلا تبخلون على بتفاعلكم وارائكم

ونقدكم البناء والهادف

عندما تكون القلوب كالحجارة في قسوتها وعندما يملا الحقد قلوب البشر

عندها تشرق شمس المحبة لتعلن ظهور الخير وبزوغه في الارجاء ولتعلن السلام في الانحاء

عندما تشرق شمس المحبة…!!

الجزء الاول

افف … ياربي

ريم: خير جود وش فيك

جود:شعري ماهو راضي يلتم على بعضه ما اني عارفة كيف امسكه

ريم تعالي اضبطه لك

جود:تصدقين عاد ودي اقصه وارتاح منه

ريم:مجنونة انتي تقصينه غيرك يتمنى نصه وانتي وتقلد على صوتها ودي اقصه

ياحظ اللي شعرهم قصير ما يتعبون كثير مثلنا ولا كل مرة جايين بتسريحة جديدة ولوك
وستايل جديد

ريم طيب انتي وش دراك انهم ما يتعبون كثير مثلك يكفي

التسريحة اللي راح يختارونها ولا عاد التعب كله ما يكون الا

في عمل اللووك والستايل الجديد خاصة انهم مايبون يكررون

الحركة في كل مرة

جود:بصراحة انتي ما تشوفين ود صديقتي ماشاء الله عليها

شعرها لاكتافها وكل مرة تغير في شكله اما تفتح نصفه وترفع

جزء منه واما ترفعه خياال وكل يوم جاية بحركة جديدة مو انا

حسرة على نفس الستايل واللووك من دخلت المدرسة في اول ابتدائي الى الان اول متوسط

ريم :اتركي عنك الكلام الفاضي الا هي وش اخبارها واخبار

اريج اختها

جود:طيبين وبخير مع ان اريج في ثالث ثانوي وما اشوفها

دائما الا اخبارها توصلني من ود .

وصرت اعرف بكل كبيرة وصغيرة عنها وكاني موجودة عندهم بالبيت

ريم :ماشاء الله اريج صارت في ثالث ثانوي كنت اذكرها لما دخلت اول ثانوي كنت
انا في ثالث

وطبعا تخرجت وصرت بالجامعة وانقطعت علاقتي بالمدرسة

وطالبات المدرسة وكل شئ يذكرني فيها

انفتح باب الغرفة فجاة ودخل عليهم وبدون مقدمات

انتم هنا يابنات

جود:لا هنااك .وش تشووف انت

ريم:خير ناصر فيه شئ حاسة انه موعلى بعضه … والدليل انه مارد على جود

ناصر:اشتقت لكم وجيت اطمئن عليكم

جود: ماشاء الله امداك اشتقت لنا قبل شوي كنا مع بعض

ناصر:ابغى اسال عن اخباركم واخبار دراستكم احس نفسي اني مقصر معكم خاصة في هالفترة….

والا تدرون وش رايكم نطلع نتمشى مع بعض ونتعشى مع بعض

ريم في نفسها لا بالله اخوها ما هو صاحي فيه شئ اول مرة

تشوفه متوتر وماهو على بعضه وغير كذا انه مارد على ردود

جود لانه نادر ما يمشي التعليقات والردود ذي …

ناصر فيك شئ

ناصر:ها انا لا مافيني شئ بس ليه تسالين

ريم:احس ان فيك شئ ما انت على بعضك

ناصر:لا مافيني الا العافية بس انتي متوهمة

ريم بقلة حيلة: يمكن…..

وقف ناصر انا بنزل شوي وراجع لكم ما ابي ولا وحدة تنزل بعدي او توقف
عند باب الغرفة كلها ثواني وراجع لكم

يحذرها كل هالتحذيرات الا ان شئ صاير>>

امم صراحة اقلقتني ياناصر بكلامك يعني ليه ما تبينا

نطلع بره الغرفة

ناصر:لان لو طلعتوا انتي بتروحين يمين واختك بتروح شمال

واجلس ادور عليكم من جديد خليكم هنا استاذن من ابوي

وارجع لكم

هزت راسها يعني انها موافقة لكلام اخوها مع انها في قرارة

نفسهاما هي مقتنعة….

في الدور الارضي وتحديدا بالصالة كان ابو ناصر وام ناصر في

نقاش حاد واصواتهم كل مالها تزيد وترتفع وهذا اللي خلى ناصر

يروح يشوف اخواته ويتاكد اذا كان عندهم خبر باللبي صاير تحت

والا لا

ابو ناصر:عرفتي باللي عمله اخوك …..اشك اذا ما كنتي شريكة معه

ام ناصروصوتها بالموت يطلع وهي ترتجف:خير وشو اللي عمله

اخوي ….. وشريكة معه في ايش…..

ابو ناصر:اتركي عنك اللف والدوران والمسكنة اكيد انتي متفقة

معه انه يسرقني ويسافر ويوزع مالي وحلالي على اهلكم

وحبايبكم في ديرتكم

ام ناصر والدنيا تدور فيها وتلف ولا هي فاهمة اي شئ:اي

فلوس واي اهل واي حبايب انا من زمان ماشفت اخوي ولا

ادري عنه اصلا ولا هو يزورني واخباره مقطوعة عني .. فعلمني

ايش اللي صار الله يخليك ولا توترني زيادة…

ابو ناصر :اخوك المحترم يا محترمة سرقني حول لحسابه 3

ملايين ريال وهرب لديرته الله لا يرده

ام ناصر انصدمت وانعقد لسانها مع ان ذا الشي متوقعته انه

يصدر من اخوها في يوم من الايام.. وخاصة ان اخوها له سوابق

وحذرت ابو ناصر من التعامل معه لكن ما سمع لها وامن له

وسلمه محل من المحلات يديره وفعل فعلته وهرب…..

ابو ناصر:لا تسوين فيها شريفة مكة وانك بريئة وما عندك خبر

اكييد انتي شريكته ومتفقة معه ….

ومتى ان شاء الله راح يتم توزيع السرقة هنا والا في ديرتك

وعسى بينولك شئ له القيمة

شارايك تحصلين اخوك لديرتك على اقرب طيارة قبل ما يوزع

السرقة ويحتفظ بنصيب الاسد له وما يطولك غير

الفتافيت..ياحراام خططتي وتعبتي وراح تعبك بالفاضي ومانلتي

شئ.. له القيمة

ام ناصر:حرام عليك يارجال ياما حذرتك ونصحتك وقلت لك لا

تشغل اخوي معك ولا تسلمه حلالك ومحلاتك لكنك ما سمعت

لي ومشيت ورى هواك ….وانا مالي شغل باخوي ولا اللي هو

يعمله او عمله لك لاني ما احب تصرفاته ولا عمرها اعجبتني..

ابو ناصر:اتركي عنك الكلام الفاضي لما سالتك ليه ماتنيني

اسلمه المحل قلتي اخاف تختلفون في يوم من الايام وما قلتي

لي انه له سوابق…..بس اكييد انك مبيتة النية من قبل

وطابخين الطبخة سوى…

ام ناصر: حرام عليك يارجال تشك فيني وانا اللي تركت ديرتي

واهلي واخذتك ورضيت اني اعيش معك في ديرتك ستة

وعشرين سنة من عشنا مع بعض هانت عليك وماخلتك

تعرفني زين وبعدين مستحيل اسرقك لان هالمال في النهاية

مال وحلال عيالي فكيف اسرقك فكاني اسرق عيالي

ابو ناصر:اللي جاني من اخوك ما هو سهل لذا بطلقك وبسفرك

لديرتك ولا عندي لك شئ عيالي بيضلون عندي واللي بيطولك

من الفتافيت اللي سرقها اخوك حلال عليك اعتبريها حقوقك..

ناصر كان واقف عند الدرج وسمع النقاش اللي دار بين امه وابوه

جا مسرع لابوه قبل مايرمي يمين الطلاق على امه

يبه اسمعني تعوذ من ابليس امي مالها ذنب ولا نحملها نتيجة

اخطاء وافعال خالي هو سرق الفلوس وهرب بس ما نعرف هو

رجع لديرته والا راح لديرة ثانية وبعدين انت بنفسك قلت ان

هالفلوس اللي سرقها ما هي الا فتافيت …وامي مستحيل

توافق خالي على اللي يعمله وش ذنبي انا واخواتي تحرمنا من امي اخواتي لو ياخذون
خبر كان يجنون فلذا هد اعصابك ورووق

واوعدك اني ارجع الفلوس اللي سرقها خالي وارجع اضعاف

اضعافها بس اعطني فرصة .

ابو ناصر:بارك الله فيك ياولدي وكملك بعقلك …والفلوس اللي

راحت تراها ولا شئ قدام اللي باقي عندنا….وانا عارف ان

الفلوس تروح وتجي بس اللي كان قاهرني ان خالك اكل معنا

وشرب وعاش بينا وفي وسطنا وكانه واحد منا وفي النهاية خاننا …

والتفتت على زوجته اسمعي ياحرمة وجودك في البيت بيكون

مثل اي قطعة اثاث بالبيت ما ابي اسمع صوتك ولا اشوف رقعة

وجهك وجودك عشان عيالك بس….

ام ناصرهزت راسها موافقة لزوجها وحمدت ربها ان الامور وصلت

الى هنا

ناصرقام وحب راس ابوه وشكره على انه سمع بكلامه واخذ

برايه..وبين وبين نفسه راح يحاول يصلح العلاقة بين امه وابوه

ابو ناصر "سلمان" رجال سعودي متزوج من خديجة وهي من

دول شرق اسيا ولهم تقريبا 26سنة وهو تاجر عنده محلات للبيع الاقمشة

ناصر عمره 25سنة ويشتغل مع ابوه في التجارة ويدير واحد من

محلاتهم

ريم عمرها20سنة تدرس بثاني جامعة طب

جود اخر العنقود الدلوعة عمرها13سنة وفي اول متوسط

*******

دخل ناصر على اخواته البنات وخبرهم انه راح يخرجهم يتمشون

بعد ما استاذن من ابوه ولانه حب يبعد اخواته عن جو البيت

المشحون ولا يبي يحسسهم ان بين امهم وابوهم خلاف

والسبب خالهم .

*****

اهدئ يا ام ناصر الحمدلله ان الموضوع عدى على خير …

ام ناصر: كيف تبيني اهدى وكان بيطلقني لو ما تدخل ناصرلا

والمصيبة انه متهمني اني شريكة معه ولا راضي يصدقني

ااه لو طلقني بو ناصر كان ضعت وضاعوا عيالي لما

يسفرني ديرتي ويحرمني منهم …..

ام بندر:تبين الصدق يا خديجة انت السبب في اللي صار كله انت

لو قايلة لو بوناصر كل شئ عن اخوك ماصار اللي صار …وكان ابو ناصر اخذ
الحيطة والحذر منه

ام ناصر:تبيني افضح اخوي يعني .

ام بندر:عاد والاخو هو فضح نفسه بنفسه سحابة صيف

وبتعدي وابو ناصر بياخذ على خاطره يومين بعدين راح يرجع مثل

اول واحسن ما عنده الا انتي وعياله انتم اهله بعد ما اهله

قاطعوه بس هو وينه في

ام ناصر :راح للمحلات قبل ما اكلمك شفته طلع وكلمتك تجيني

تدبريني ما عندي بعد الله الا انتي

ام بندر:طيب ليه يروح للمحلات اللحين يتذكر اللي صار ويبرد

حرته فيك لما يرجع….

ام ناصر:طيب والعمل اذا جلس في البيت بيضايقني بنظارته

اللي تحرق وافعاله اللي تصدر منه

وانا الان مو حوله ولا يهمني اللي اعمله او اللي راح يعمله كل

اللي يهمني هالولد اللي مقطع قلبي…

قاطعاتها ام بندر:ناصر خير وش فيه .؟؟

ام ناصر:ناصر وعد ابوه انه يرجع المبلغ اللي خاله سرقه وانا

عارفة ناصر ماراح يرتاح ولا يهنى له بال الا لما يرجع المبلغ

ويعوض الخسارة .

ام بندر:ماشاء الله ناصر ما ينخاف عليه رجال وينشد الظهر فيه

وهو تاجر ولد تاجريعني ولد سوق ومتربي فيه .التفتت يمين

وشمال الا وين البنات بسلم عليهم قبل ما امشي…

ام ناصر:خذاهم ناصر وطلعهم يمشيهم ما يبي يحسسهم

بشئ ….وبعدين وين بتروحين بدري

ام بندر:بندر لحاله في البيت واخاف يتضايق عاد بروح له يله مع السلامة….

ام ناصر:الله يسلمك وييخليك يالغالية ما ادري انا بدونك ايش رااح اعمل

ام بندر:بدووني بتصيحين خ الله الشاهد اني اعزك

واحبك واعتبرك اختي اللي امي ماجابتها….

ام بندر جارة وصديقة ام ناصر وابو ناصر صديق ابو بندر وهو

متوفى وما عندهم الا بندر وعمره 18 سنة يدرس بثالث ثانوي

*****

في المطعم كانوا ثلاثتهم جالسين على الطاولة والصمت كان

سائد بينهم

ناصر:بنظل ساكتين كذا طول الوقت..؟؟

جود:عن نفسي ما احب اتكلم الى ان االف المكان واالف

الاشخاص اللي راح اتكلم معهم.

ناصر:تالفين المكان هذا شئ طبيعي لكل شخص يتواجد في

مكان اول مره يزوره لكن الاشخاص عاد اللي يسمعك يقول انك

بتلقين محاضرة على الناس اللي انتي معهم ترى ما في الا انا

وريم انا اخوك وهي اختك

اهاا او يمكن ودك تغيرين اسلوبك الاستفزازي اللي تتبعينه

في الحوار والمناقشة وتحترمين اللي اكبر منك…

جود هو معصبة وتقلد على صوته: ودك تغيرين اسلوبك

الاستفزازي اللي تتبعينه في الحوار والمناقشة اغير

اسلوبي مع كل الناس الا انت يا ناصر عناد فيك

ريم ردت بسرعة قبل ما تنقلب الجلسة الى سجال وهجاء

وجميع انواع التناحر القبلي وو

افف منكم حتى هنا بتتهاوشون ودي تمر علينا ساعة لما

نكون فيها مع بعض تكونون فيها هاديين

جود:هو دائما اللي يبدا ولا يهنا له الجو الا اذا ناقرني

ناصر:لا تكذبين انتي اوول

ريم:افف خلاص طالبتكم بس هدنة لحد ما نرجع

البيت صراحة ليت امي جات معنا

ناصر: انتي عارفة ان الوالد موجود بالبيت وهي ما تقدر تطلع

وهو موجود..

جود:ياليت كل اسبوع نجي هنا …

ناصر:هه ما طلبتي شئ ياانسة كنت مفكر فيها بس لما

طلبتيها لا تحلمين بها مرة ثانية

ريم :حرام عليك ناصر تعرف ان جلسة البيت مملة والمفروض ان

الواحد يغير الروتين اللي هو متعود عليه من فترة لفترة مو

يعيش على نفس الروتين والنمط …

جود: كلام ريم صح ياناصر يعني حنا نمل من جلسة البيت ما

عندنا احد نزوره ولا احد يزورنا والحمد لله ان في مطاعم

ومتنزهات ان الواحد يقدر يروحها.

ناصر هز راسه موافق لكلامهم.. درر كلامك ياجود عين العقل كل

اللي قلتيه بس ما كانكم نسيتم احد يزورنا ونزوره خالتي ام

بندر…

ريم :صحيح عندنا خالتي ام بندر بس انا اقصد قرايب اعمام

وعمات خوال مثلا..

هز راسه واخذته الافكار والذكريات صحيح عندهم عم واحد

وعمتين لكنهم مقاطعينهم من لما كانوا صغار او بالاصح من لما

تزوج ابوهم امهم ورفضهم لهم ولامهم الاجنبية وعدم قبولهم

لها ورفضهم انضمامها للعائلة ولا بينهم وبين اهل ابوهم

علاقات او زيارات وكذا مرة قابل ولدعمه او عمه في اماكن عامة

وحاول يسلم عليهم ويتقرب منهم لكنهم يتجاهلونه وما يعطونه

وجه ولا يرحبون فيه وغير كذا هم مغرورين ومتكبرين ورافعين

خشومهم..

ناصر…يله نمشي…

البنات:يله..

كل هذا عاجبك السقف انزله لك..؟؟

بندر:هه يمه قلتي شئ

ام بندر:اللي ما خذ عقلك يتهنى به

بندر:جيتي يمه من جابك

ام بندر:لا ماجيت هذا خيالي ايش تشوف انت

بندر:اشوفك قدامي …طيب من جابك وليه ما اتصلتي فيني اجي اخذك

ام بندر:حبة حبة على كل هذي اسئلة …وبعدين من بعدالبيت

تجي تاخذني جيت امشي لاني توقعتك تذاكر

بندر:كنت اذكر وقلت بريح لحد ما تتصلين فيني….بس ماكانك

طولتي عند خالتي ام ناصر

ام بندر:خذتنا السواليف وانت عارفنا حنا الحريم سواليفنا ما

تقضي وبعدين هي لحالها بالبيت قلت انتظر عيالها لما يرجعون

بندر:وين البنات رايحين مش بالعادة يطلعون…

ام بندر:وانت وش دراك انهم مش متعودين يطلعون وان طلعاتهم

قليلة

بندر:هه دائما اسمعك تقولين انهم كلا جالسين بالبيت ولا يزورون

حد ولا احد يزورهم

ام بندر: اه اخذهم ناصر يمشيهم

هز راسه وكمل سرحانه مما خلى امه تستغرب خير ياولدي

ايش فيك

بندر:ما فيني ولا شئ

ام بندر وهي تغمز بعينها :على امك ..

ابتسم بندر:والله مافيني شئ

ام بندر:ه الله يسعدك ويهنك ويناولك اللي في بالك

وهم يمشون كان ناصر قدامهم والبنات وراه لما وصل عند الباب

التفت يشوف اخواته وراه والا لا ما حس بنفسه الا وهو منصدم

في بنت وطاحت منها شنطتها…حس بالاحراج نوعا ما وارتباك

وما عرف كيف يتصرف البنت يقال انها لابسة عباة وغير كذا

متلثمة اخذت تناظر فيه وتتمقل وهو كان وده يمر لكنها واقفة

عرض وعايقة حركة المرور نزلت البنت للارض واخذت شنطتها

وقالت بميوعة :الذوق انك انت اللي ترفع الشنطة من الارض

وتعطيني اياها

استغرب ناصر من جراءة البنت وما اعجبه الوضع واخذ يناظرها

بقرف واشمئزاز..مرت من جنبه وعدته….

التفت ناصر ينادي اخوته .: وينكم يا بنات

رجعت البنت:هلا والله فيه شئ

ردت ريم بعد ما عرفت انهم هم مقصودات:يله ناصر حنا معك

البنت :ااه يا محلاة الاسم ويا حلاة صاحبه …

وصل الحد عند ناصر ووده ينفجر في البنت لكنه خرج قبل ما

تصير كوارث بشرية…

ركب سيارته وهو مازال مذهول من تصرفات البنت ووقاحاتها

وجراتها

معقولة في بنات كذا بها لمستوى من الانحطاط وين اهلهم

عنهم الحمدلله والشكر على نعمة الاخلاق…

$$$$$$$$$$$$$$$$$$$

عند البنت وصديقتها

رحاب:انتي مجنونة تقولين له هالكلام اللي قلتيه والحركات اللي

استعرضتيها قدامه

ايناس بلا مبالة:عادي

رحاب:اتركي عنك شكله غير الشباب اللي خبرك باين عليه ثقيل

ومحترم وولد ناس

ايناس:هه نظرة عابرة ودقيقة اللي وقفنا معه حكمتي

عليه بكذا.

رحاب:لا تنسين ان حنا شفنا الكثير من الشباب وتعاملنا مع

اصناف وانواع فعرفنا طبياعهم وحفظنا تصرفاتهم وحركاتهم

وكل هذا خلانا نحكم عليهم من اول نظرة ونعرف من خلالها اللعاب من المحترم…

ايناس:اف خلاص زهقتيني بكلامك .شاخبار بعض الناس…

رحاب وايناس فتيات عابثات لاهم لهن سوى التسكع في

الاسواق والمطاعم والجري خلف الكلام المعسول….

********

وصل ناصر واخواته البيت ودخلوا وشافوا امهم تنتظرهم سلموا

وجلسوا معها…

ام ناصر:عسى انبسطتوا يابنات.

البنات:اي الحمد لله ليتك معنا ..

ابتسمت الام:ان شاء الله مرة ثانية ..

البنات استاذنوا وراحوا غرفتهم …

ناصر:وين ابوي..

ام ناصر:توه وصل قبل شوي وراح ينام

ناصر:يمه لاتزعلين ولا تضيقين صدرك وان شاء الله ترجع المياه

لمجاريها

ام ناصر:انا ياولدي ما ابي شي بس ابي اشوفكم مبسوطين

ومرتاحين واهم شئ اكون بجنبكم وانتم جنبي وانا ما الوم ابوك

على اللي عمله اليوم لان خالك الله يهديه ماقصر في اللي

عمله في ابوك وانا السبب لما خبيت ماضي خالك عن ابوك

وكان قصدي حسن النية …

ناصر:يمه لاتزيدين على نفسك هموم واللي فيك مكفيك ولا

تقعدين تلومين نفسك واللي صار صار قدر الله وماشاء فعل

وخالي ربي يتولاه روحي نامي والحمد لله ان الامور وقفت عند

هالحد

تصبحين على خير

ام ناصر: وانت من اهله….

انقضى يوم باحزانه وهمومه على الناس وبافراحه على اخرين

وبعضهم يحمل هم بكرى ويفكر فيه وبعضهم يفكر كيف يوسع

صدره ويمتع نفسه حتى لو كانت بالطرق والوسائل المحرمة

• رواية عندما تشرق شمس المحبه
• عندما تشرق شمس المحبة
• رواية عندما تشرق شمس المحبة
• تحميل رواية عندما تشرق شمس المحبة pdf
• قصة رومانسية جريئة صغيرتي أنتي ساسكي وساكورا
• قصص رومانسية جريئة ساسكي وساكورا صغيرتي أنتي