تدري وش اقسى جرح في قلب البنت و في مفاهيم الجفى و القساوة بقلمي كاملة
يسعد لي صبااحكم عسولاات كيفكم ان شاءالله بخير…وحشتوني كثير فعشان كذا رجعت لكم بروايتي الجديده
ان شاءالله تكون بمثل مستوى روايتي يالي قبل او احسن..لانه الكل يطمح انه يصير احسن
بروايتي هذي راح تكون مختلفه شوي عن الباقيه ..يالي قراهم راح يعرف اني دايم ادخل
بالزبده بالبدايه
لكن هالمره راح يكون في تغيير..ومثل ماعودتكم ع التزامي بالمواعيد راح يكون تنزيل البارتات كل
يوم احد
واذا حصلت لي ظروف لاقدر الله صديقتي لولو راح تكملها عني لاني كل مااخلص بارت
راح اعطيها اياه
وراح احط بمدونتي روابط البارتات عشان تسهل عليكم الوصول لهم …
ولاتحرموني ردودكم وتشجيعكم وتقييمكم اذا تشوفون اني استاهله واخليكم مع البارت الاول وقراءة ممتعة
تدري وشْ اقسۓجرحْ في قلبْ البنت و العن مْفاهيمْ الجفۓ و القساوهْ
انك تحبْ انسانْ بقلْبك وتلاقي الجزاۓ {..خيانه/ واهانه
رابط تحميل الرواية
up./forums/660679/11304763197.rar
(البارت الاول)ام جيهان:قومي يابنت لاتفشليني عند الحريم بسرعه
جيهان"بتضجر..وتلعب باظافيرها":يمه قلت لك ماابغى وبعدين انا
جيهان..ادخل ع حريم وانعرض مثل البهايم اسمحي لي مامي نونو
ماراح ادخل ابدا
ام جيهان"بضيق لانها عارفه بنتها مستحيل تتراجع عن كلامها":طيب
وش السواة
جيهان"باسلوب سخريه":عندك البطه خليها تدخل …وع كل حال انا بردهم
حتى لو دخلت ..وغير كذا خليها شوي تاخذ مقلب بنفسها هه وانه في
حد يبيها او يفكر ياخذها لولده
ام جيهان "بعصبيه":بنت مهما كان هذي اختك ولا اشوفك متكلمه كذا
قدامها تسمعين
جيهان"بدون اهتمام":يعني تقنعيني انها بتحس ه يمه بنتك
هذي مدري وش تحس فيه ووين عايشه الكل يتمسخر عليها وع سمنتها
وع اهمالها بشكلها ..يعني مو كفايه انها شينه …"وتلف ع امها"وهذا
جزاي بعد اني ابي اخفف عليها واخليها تحس انها مرغوبه لو مره ع
الاقل ….
ام جيهان"بانزعاج":ولو يابنتي هذا شئ غصب عنها شفتيها انها حاولت
تخفف وماظل رجيم ماجربته ومافاد معها
جيهان:هه اي رجيم يمه بالنهار تقاوم وملتزمه
فيه وباخر الليل مايبقى شئ بالثلاجه هه تقصين ع مين يمه
ام جيهان: الحين بتقومين ولا شلون
جيهان"تحط رجل ع رجل":نو قلت يالي عندي …واذا ماتبين الفشيله
دخليها انتي عليها عليها بتتفشلين ع الاقل..ماتصيرين قدامهم انه مالك
كلمه وتنحرجين جنبهم
ام جيهان"بزعل":عشاني يابنتي
جيهان"بدلع":مامي ادري انك تبيني ادخل لاني احلى منها وحتى لو دخلت
مستحيل اوافق عليهم…انا ضد الزواج التقليدي ومستحيل اقووم
ام جيهان:اقول اتركي عنك هالافكار والخرابيط اجل وش تظنين ع بالك
بتتزوجين بغير هالطريقه هذي عاداتنا وتقاليدنا
جيهان"مطنشه":اي اي .. عن اذنك يمه بروح اتفرج ع التي في
ام جيهان: لاحول ولا قوة الا بالله
نزلت تحت تدورها ….صارت تنادي عليها ومالقت رد..عرفت وين
بتلاقيها ..تعبت وهي تدور لها حل ..تعبت وهي تحاول فيها تلتزم بشئ
لحد مافقدت الامل وسلمت امرها لله… وصلت للمطبخ ومثل ماتوقعت
كانت جالسه ع الطاوله ومطلعه كل يالي بالثلاجه…وغير يالي ينقلي
ويتسخن…وهي داخله جو بالاكل..ومستمتعه لاخر درجه….
ام جيهان"بضيق ع حالها":انتي هنا وانا تعب صوتي يوم انادي عليك
نجود"ترفع نظرها لامها..وبيدها توست":ماسمعتك يمه امري بغيتي شئ
ام جيهان: ايه قومي غيري ملابسك وتسنعي وتعالي للمقلط بسرعه
نجود"استغربت ..":ليه وش فيه
ام جيهان: قومي لاتعلين قلبي مثل اختك
نجود"بوزت ..دايما يذكروني فيها اف":طيب
قمت بصعوبه من الكرسي..ومشيت…بعدها تذكرت شئ ولفيت ع امي
":بس وش البس يمه
ام جيهان"يعني بتفرق": يالي تبين بس لاتتاخرين
نجود:ان شاءالله يمه
صعدت ع الدرج بصعوبه وانفاسي بدت تتقطع انا بالحيل امشي وشلون
مع الدرج..واخيرا وصلت وقفت لثواني اجمع فيها انفاسي…
تعريف الشخصيات .
ابو جيهان: متوفي من 3 سنين وماعنده الا بنتين نجود وجيهان
ام جيهان:ام حنونه لابعد درجه ع بناتها وخصوصا ع جيهان وماتقدر
ترد لها اي طلب.. ارمله وعايشه هي وبناتها ببيت ورثته من زوجها من
بعد ماتنازالو اخوانه عن اي حق لهم بالورث لها ولبناتها…عايشين لحالهم
جيهان: بنت جميله جدا تتميز بجسمها الرشيق وكانها عارضه ازياء
شعرها صابغته بالون البني الاشقر وقاصته لحد رقبتها وطبقات كوكتيل
عمرها 22 كثير تقدمو لها لكن هي ترفض ماتبي تتزوج زواج تقليدي
تبي يكون زواجها عن حب ويختلف عن العادات والتقاليد متحرره كثير
نجود:عمرها 21 سنه..بنت مختفيها معالمها وملامحها من السمنه الزايده
والمفرطه…بيضاء..وجهها دائري ومليان حيل.. تلبس نظارات..ومركبه
جسر ع اسنانها…دايما متهمه بكونها عديمه احساس ..والعكس صحيح
تمتاز انها تخبي كثير احساسها ومحد قدر يعرفها ع حقيقتها ومن تكون
حتى امها تجهلها …ومع باقي الروايه راح تبان شخصيتها اكثر
نجود"القيت نظرة اخيره ع نفسي…لبست جلابيه سماويه..مشطت شعري
ورفعته ولفيته…لبست نظارتي..وتعطرت…نزلت تحت لامي وانا افكاري
توديني وتجيبني .. ليه امي تبيني …اخذت وقت طويل ع مانزلت الدرج
وصلت للمقلط ودخلت وماكنت اتوقع انه عندنا ضيوف غرب توقعتهم
خالاتي ولا عماتي..بالكثير جيرانا.. رجعت ع ورى بس امي نادتني
ام جيهان:تعالي يانجود ادخلي
نجود"دخلت ولا ادري وش السالفه":السلام عليكم
الكل :وعليكم السلام
ام جيهان:تعالي اجلسي هنا"واشرت لي ع الكنبه يالي جنبها…مشيت
وجلست عليها"
ام عبدالله:الا وين العروس ياام جيهان
نجود"كلمتها شدت انتباهي ..عروس..فتحت عيوني ع الاخر ..اخيرا فهمت
قاطعني بتفكيري جواب امي وهي تاشر على":
ام جيهان:هذي هي قدامك ياام عبدالله
بشاير"تناظر بامها باستغراب":اها هذي جيهان
ام جيهان: لا هذي نجود الصغيرة
ام عبدالله"كل هذا وصغيره ..لاحول ولا قوة الا بالله وش بيفكنا من
هالمصيبه عزالله ولدي انهبل":لا ياام جيهان حنا جاين للكبيرة تدرين"
وتلف على":يابنتي انتي صغيرة وماظن انك بتعرفين لولدي هو يبي كبيرة
عشان تفهمه …وتقدر ظروفه
ام جيهان: الله يسلمك هي كبيرة الفرق بينها وبين اختها سنه بس
بشاير:هو كم عمرك يانجود
نجود"حسيت مو حسيتا لا تاكدت انهم انفجعوا يوم عرفوا اني العروس كان
ودي اضحك ع اشكالهم بس مسكت نفسي..بس احساس غريب واخيرا
عرفت وش احساس البنت يوم يجونها خطاطيب حتى لو كان مالي علم
فيه ه ":عمري 20 سنه
بشاير: العمر كله…طيب تدرسين
نجود: لا انقبلت بالجامعه ..بس طفشت منها وتعبت وجلست بالبيت
بشاير"اهلا لا شكل ولا مستقبل بعد الله يعينك يااخوي كانك تدبست
تدبيسه مابعدها شئ زين":اها
ام عبدالله:الا وين اختها
ام جيهان: والله نايمه
ام عبدالله: متى تصحى ودي اشوفها
ام جيهان: ماتصحى الا بالليل"ياربي وشلون اصرفهم باين انهم يبون
جيهان مايبون نجود يارب سامحني ع الكذب هذا":وغير كذا هي ماتفكر
بالزواج الحين
بشاير"رن جوالها ":هلا ابوي .. ايه خلصنا ..طيب احنا جايين
ام عبدالله: جا
بشاير: ايه يالله
ام عبدالله وبشاير يقومون ويلبسون عباياتهم.. ويسلمون علينا ..
ام جيهان: حياكم الله ياهلا وسهلا
ام عبدالله: الله يحيك .. يالله مع السلامه وان شاءالله بينا اتصال
ام جيهان" وعارفه الجواب": ان شاءالله
بالسيارة ابو عبدالله ينتظرهم… وبعدها وصلوا للسيارة وركبوا وسلمو
ابو عبدالله: وعليكم السلام
ام عبدالله"بخوف وضيق":يابو عبدالله ماودي اكسر بكلمتك بس البنت ابد
ماتصلح لولدك
ابو عبدالله."مكتفي بالسواقه بدون رد":
ام عبدالله:والله انها ماتصلح له ..وخوفي انها يطلقها من بعد كم يوم ونلعب
ع الام وبنتها
ابو عبدالله"بصرامه":انا عطيت الابو كلمه وبكرا التحاليل
وبالكلمه هذي نهى ايه نقاش ممكن يصير والتزمت ام عبدالله الصمت
وصارت تفكر بولدها وبمصيره ووش راح يصير
نجود" اليوم ج تامي وكلمتني وكانت طايرة من الفرح..وماهي مصدقه انا نفسي
مب مصدقه .. معقوله .. لا اكيد احلم.. صرت اقرص نفسي ..يمكن اصحى من
حلمي.. انا بكرا رايحه احلل.. وبعدها اتزوج.. لا ماني مصدقه.. بعدها صارت
الافكار توديني وتجيبني.. لا تفرحين انتي عارفه حظك .. مقرودة وين مااروح
ممكن العريس واهله وافقوا على بس ..بس ممكن التحاليل ماتظبط.. او لحظه
اهله عجبتهم .. ويمكن ماعرفوا يوصفوني له .. باقي الشوفه الشرعيه ممكن
يشوفني وينصدم ويهون..لا اعوذ بالله وش هالافكار ياهبله.. وبصعوبه قمت
لعند التسريحه.. كنت اجمع انفاسي ع انه مشوار بسيط بس يتعبني من سمنتي
انا طولي 158 ووزني 100 يعني فوق فوق الوزن الطبيعي بالنسبه لي وللي
بطولي..معالم وجهي مختفيه من خدودي..والنظارات بعد كان كثير يقولون لي
اني كنت حلوة وانا صغيرة .. بس ماضنيت.. انا عاديه جدا جدا بس مااوصل
للبشاعه.. واكيد انهم انعجبو باخلاقي اكثر شئ..ياربي التفكير جووعني بروح
ادور لي اكله…"التفكير ولا انتي تدورين لك اي عذر بس عشان تاكلين"ضحكت
بسخريه ع نفسي ..ونزلت ادور لي شئ اكله
اليوم ملكتي .. ماني مصدقه انه كل شئ يمشي بسهوله .. بس استغربت من امي
وهي تقول لي وفرحانه انه العريس ماطلب الشوفه الشرعيه .. واقنعتني
انه يثق براي اهله .. وبصراحه ارتحت كثير لاني كنت متخوفه منها .وخوفي
الاكبر انه يردني من بعد مايشوفني…
جيهان" بكامل اناقتها وزينها..":يالله ياعروس اخلصي يقول خالي تعالي تحت
نجود"بخوف":جيهان خايفه
جيهان" ع غرورها بس مهما كان تحبني وحتى لو حاولت تخبي الشئ هذا":
لاتخافين وسمي بالله وقومي يالله
نجود"وقفت …وصرت اناظر شكلي ":وش رايك
جيهان" تقرب مني وتصلح خصلات شعري..وشالت النظارة":شيلي هذي
مالها داعي
نجود"بسرعه اخذتها منها":لا تدرين اني مااقدر اشوف شئ من دونها
جيهان: طيب مب امي شرت لك اشكال وانواع من العدسات ليه ماتلبسينها ياخبله
نجود: ماابي وبعدين انتي تعرفين اني مااحب اتعبث بعيني او اي شئ يقرب منها
اخاف ومااعرف
جيهان"تتحلطم":اجل تنزلين لرجلك كذا كانك ام اربع واربعين بنظارتك هذي
نجود"تعودت ع كلامها وصار مااياثر فيني لاني اسمع اشياء اقوا من كذا":عادي
واصلا اهله شافوني كذا واكيد وصفوني له كذا يعني.. ليه اغير من حقيقتي واغشمه
من البدايه
جيهان"تكش على":وش غشه ياحظي .. يوم تزيين له وتطلعين له باحلا صورة صار
غش
نجود"وانا اصلح نظارتي":ايه غش
جيهان: بالطقاق يالي يطق راسك اخلصي يلا ننزل خالي هبل فيني كل شوي
متصل ع الجوال.."وترد عليه":هلا .. ايه هذا حنا نازلين ماله داعي الصراخ
ان شاءالله .."وقفلت منه": يلا ع المجلس
نجود" مشيت معه .. وكنت مستغربه انه مب حاسه باي خوف ولا اي ارتباك
سبقتني جيهان .. وانا بصعوبه نزلت..وصلت للمجلس وكان خالي وامي ينتظروني
مشيت ورا خالي لانه قال الشيخ بيسالني
الشيخ: هل تقبلين بعبدالله ….. زوجا لك
نجود"ببرود الكون كله ..وكاني اكلم حد من اهلي":ايه
الشيخ: مافي حد جابرك يابنتي تكلمي ولا تخافين
نجود: لا ياشيخ
الشيخ: تفضل خلها توقع"ويعطيه الدفتر"
خالي: يلا وقعي "وياشر لي ع مكان التوقيع"
نجود"وقعت وبارك لي الشيخ وخالي.. وبعدها رجعت لامي وقلت لها انه تم
وحضنتني وصارت تبكي.. حسيتها مب تصيح فرحانه لي اني بتزوج ماانكر انها
فرحانه بس فرحتها انها ماهي مصدقه اني انخطب واتملك كانت فاقده الامل ..ولا
قبل اختي جيهان الي الخطاطيب كل يوم عندها وكثير يتمنونها لعيالهم
جيهان: يمه بيدخل العريس ولا لا
ام جيهان: لا مااتوقع يقول خالك.. انه مشغول.. بكرا راح يجي مع امه وخواته
وبيلبسون الدبل والشبكه
جيهان: يوو اجل زينتك ع الفاضي يانجيد
ام جيهان: ومن يقول اليوم بعد صلاة العشاء خوالك وخالاتك وعمامك وعماتك
كلهم بيجون .. مسويه ذبيحه هذي بنتي وبسوي لها عزومه
نجود"كنت هاديه وماني خاسه حتى بالخجل ولا كاني انا يالي تزوجت ماكنت حاسه
باي احساس ": يمه ذبيحه عاد ليه ماسويتي بوفيه
ام جيهان "وفهمت على": بعرسك ان شاءالله
نجود"بغيض": وليه انا بذوقه بطس عنده والمعازيم هم يالي بيبلعونه
ام جيهان"ضحكت على وع تفكيري يالي مب هامني الا الاكل":هه
يلا روحي بس ورتبي كان في شئ يبي له ترتيب
نجود: ياسلام عروس ويوم ملكتي اروح ارتب مايصير
ام جيهان: يعني انك تسوي نشئ بيوم ملكتك ولا غيره ماوراك نفعه يالله روحي
عن وجهي انتي واختك
جيهان"يالي تلعب باظافيرها":ياربي يروحون ويجون على
نجود: امشي بس امشي
بالغرفه وجيهان للحين قبال المرايه وكل شوي تصلح بشعرها وشوي بمكياجها
وشوي باظافيرها ..":نجيد
نجود"كنت مندمجه وانا اكل سلطة تونه تصبيرة لحد مايجي وقت العشاء":هاه
جيهان:هويتي يالبطه خلاص رحمي فمك الحين المفروض تبدين تسوين رجيم
عشان مايجي وقت زواجك الا انتي نحفانه وتلاقين مقاسك
نجود"ناظرتها بدون اهتمام وكملت اكلي":والله هم يوم خطبوني يعرفون انه
هذا وزني وماطلبوا مني انحف
جيهان"ماعجبها ردي": بالطقاق بس منتي مستغربه اهله لاجابوا له صورة ولا
وصفوه لنا.. واكثر شئ مستغربه منه انه ماطلب يشوفك بعد الملكه
نجود"مااهتميت":مدري بس ع كلام خالي انه ماعليه كلام لا بالشكل ولا الاخلاق
ولا الاسلوب.. يعني لاتلمحين انه به بلا ولا شئ
جيهان: مالت مب قصدي .. بس مستغربه ليه ماطلب يشوفك ولا يجلس معك شوي
نجود: يمكن مب من عوايداهم او يمكن بينتظر لبكرا مرا وحده
جيهان" بعدم اقتناع": يمكن
مرت العزومه ع خير وطبعا الكل مستغرب اني تزوجت قبل جيهان ومستغربين
اكثر كيف وافقوا على وع معرفتهم بالمعرس واهله انها ماعليهم كلام وع ماسمعت
انه مزيون حيل… بس طنشتهم اكيد منقهرين انه بناتهم بكبودهم للحين وانا جا
نصيبي..
ام عبدالله:لازم تاكل يايمه صار لك يومين ماطب بطنك شئ
عبدالله "بضيق وقهر ":ماني مشتهي يمه ..مقهوور مقهور
ام عبدالله"جلست جنب ولدها ":ماعاش من يقهر يايمه
عبدالله: عساه بطوله العمر يالي قهرني يمه بس ..عمري ماتصورت اني انجبر
حالي حال البنات .. ومن يجبرني ابوي يالي تعودت عليه التفهم…والتفاهم..وما
يخلينا نسوي شئ الا بقتناع ورضى منا..
ام عبدالله:والله ياولدي هذا نصيبك وهذي كلمة ابوك ومالنا الا نسوي الي يبيه
عبدالله"يتنهد":
ام عبدالله"بتردد":طيب يايمه قوم ارتاح لانه بكرا راح نروح لهم عشان تشوفها
وتلبسون الدبل وتعطيها الشبكه
عبدالله"ااه يالقهر عمري ماتوصورت اني انجبر بيوم حالي حال البنت
"وقمت ": ان شاءالله يالله تامرين ع شئ يالغاليه
ام عبدالله:سلامتك يمه وتصبح ع خير
وقمت لغرفتي وانا ادعي ربي يسهل اموري ويكتب لي الخير بااختيار الوالد لي
وحاولت انام وبصعوبه غفت عيني
ام عبدالله"رايحه جايه وبتوتر تفرك ايدينها ..تفكر بولدها الي انظلم ببنت مستحيل
تعجبه او ترضيه كزوجه ..وتفكر بالبنت الي بتنظلم معه..وهي ماتدري وش السالفه
كان ودها تتصل عليهم وتقول كل شئ ..بس خافت من ردة فعلهم وخافت اكثر
انه يوصل لابو عبدالله…
ماجد"دخلت واستغربت انه امي للحين صاحيه ..واستغربت اكثر من طريقه مشيتها
باين انه في شئ مكدرها ومضايقها وهامها.. مشيت لعندها وهي ابدا مب حاسه
بوجودي اكيد الموضوع كبير .. ولا معقوله ماتنتبه لازعاجي":السلام عليكم
ام عبدالله"سرحانه ولا حاست بوجوده": .ز
ماجد"يحرك يدينه":ياهوو نحن هنا
ام عبدالله"انتبهت له":هلا هلا يمه متى جيت
ماجد"حبيت راسها وسحبتها وخليتها تجلس معي ع الكنبه":من شوي وانتي منتي
حاسه فيني .. ايه لنا الله اليم اخذ عقلك يتهنى به
ام عبدالله"تتنهد":وش مخذ عقلي غيركم يايمه ..الله يعين بس
ماجد"شكله الموضوع كبير ولا وش يخلي الهم باين ع ملامح وجهها ونبرة الحزن
بصوتها":يمه وش فيك خوفتيني تكلمي
ام عبدالله"ماتبي تكبر الموضوع":لاتشيل هم ياماجد قوم نام وارتاح عندك دوام
بكرا
ماجد"اسلوبها خلاني اصر اني اعرف وش السالفه":يمه ماني قايم لحد مااعرف
وش الموضوع
ام عبدالله"كانت محتاجه تتكلم وتقول الي بخاطرها لحد ولا بتنفجر":ياولدي خايفه
من بكرا
ماجد"وكل علامات الاستفهام انرسمت ع وجهي":شلون!!
ام عبدالله"تنهدت": انت تدري انه اخوك ماله خاطر بالزواج وابوك جابره
ماجد"متفهم الوضع":يمه ابوي مااجبره الا لانه الصراحه ومن دون زعل اخوي
مايدري وين مصلحته ع انه اكبر مني الا انه اصغر مني بالعقل وماامدح نفسي
بس الكل يشهد بالشئ هذا واكبر دليل تصرفاته ومراهقته للحين
ام عبدالله:وانا معك بس المشكله مب هنا .. مب انه انجبر ع الزواج..
ماجد: اجل؟؟
ام عبدالله:المشكله البنت الي اختارها ابوك.. له ماهي من ذوقه وماهيب مجبته
ابدا وانت تعرف اخوك عينه زايغه وتعجبه البنات يالي يهتمون بنفسهم ورواعي
موضه وحركات
ماجد"عقدت حواجبي":طيب عادي كل البنات يهتمون بالشئ هذا والي ملك عليها
اليوم ..ان شاءالله تكون ذكيه وتكسبه ..وكلها كم اسبوع شهر بالكثير تلاقينه
ناشب لها ويحب روسكم انكم زوجتوه
ام عبدالله"بضيق":مافهمت وش ابي اوضح لك
ماجد:طيب قولي
ام عبدالله: البنت الي تزوجها مهيب شينه بس مافيها حلا ابدا وفوق كذا انها سمينه
حيل والله لو انك شفتها وشلون بصعوبه تمشي وشلون تتحرك كان عذرتني ع همي
البنت ابد ماتصلح له ومب من مستواه..ومااقول كذا كغرور بولدي لا والله اقولها
من خوفي ع البنت وخوفي من ربي لانها بتنظلم معه اعرفه ولدي وتربيتي وابد ما
راح يعديها ع خير ولا راح يعيش البنت بهنا بيطين عيشتها من بعد مايشوفها
ويحط كل حرته فيها
ماجد"اقتنعت بكلام مي لاني اعرف عبيد..":طيب ليه ماقلتوا لابوي ولا له عشان
يرفض ..مااقصد انه يرفض الزواج اقصد انه يرفض البنت ويدور غيرها
ام عبدالله: ابوك معند ومهب راضي الا ببنات هالعيله
ماجد:بنات؟؟ طيب مافي غيرها ع قولك بنات يعني عندهم غيرها ليه مااخترتوا
له وحده من خواتها الباقي
ام عبدالله: كان ودي بس اختها الكبيرة كانت رافضه الزواج ومارضت ومابقى الا
الصغيره يالي قلت لك عنها
ماجد:لاحول ولا قوة الا بالله … طيب ليه ابوي مصر عليهم
ام عبدالله: لانه صديق خالهم .. وكثير خالهم يسولف له عنهم وانه شايل همهم
وخايف عليهم من بعد عينه يصير بهم شئ وهم ماعندهم رجال يعتمدون عليه
ماجد: وابوهم وينه؟
ام عبدالله: ماجد وش فيك نسيت
ماجد"حطيت يدي ع راسي": ايه صح متوفي
ام عبدالله: ايه الله يرحمه انا ماانكر انهم والنهم منهم وماسمعنا الشينه فيهم بس
مهما كان كل ام تحلم بالحرمه المثاليه لولدها .. والبنت هذي ابدا مب هي
ماجد"كنت ابي احاول اريح امي باي طريقه ":طيب واخلاق البنت كيفها
ام عبدالله: ان جينا للحق .. اخلاقها مافيه مثلها والبنت عسل بتصرفاتها واسلوبها
ومب مخربها الا سمنتها يمكن لو نحيفه ومهتمه بنفسها كان زانت كثير
ماجد: طيب ماتعرفين يمكن من حماس الزواج وكذا تهتم بنفسها وتنحف نفسها
وتتغير
ام عبدالله: الله اعلم…"وقامت": يالله قوم نام وانا بروح انام بعد
ماجد"وقفت وحبيت راسها: يالله تصبحين ع خير .. ولا تفكرين كثير
ام عبدالله: وانت من اهله.. ان شاءالله
ماجد "صعدت لغرفتي وانا افكر بالبنت المسكينه اكثر من اخوي لانها هي الوحيده
يالي ضايعه بالسالفه هي الوحيده الي بتنظلم.. اعرف اخوي مهب من النوع المتفهم
ولا النوع الصبور ويهمه المظهر اكثر منكل شئ…تعوذت من ابليس وقريت الاذكار
وحطيت راسي ونمت"
عبدالله"انسان طايش ع كبر سنه مب الطيش المعروف عند الشباب بس تفكيره فيه
شويه مراهقه بالنسبه لسنه عمره 35 سنه وكان كل تفكيره انه مستحيل يتزوج
ع الطريقه التقلديه وهو يالي راح يختار شريكه حياته بنفسه بس سمعته صارت
بين الناس بانه راعي بنات ..وسمع بها ابوه وقرر انه يزوجه عشان يهجد..
عبدالله انسان طموح كثير ويحب يهتم بشكله ويتابع الموضه وفتاة احلامه يبيها
تكون مهتمه بنفسها وتتابع الموضه وتكون مقاربه لعارضات الازياء وغير
المواصفات الباقيه يالي راح نعرفها مع باقي الاحداث…."
بشاير"انسانه طيوبه وفيها شويه غرور عمرها 33 سنه ومتزوجه وعندها بنتين
رنا وشروق رنا عمرها 15 سنه وشروق 14 جابتهم ورى بعض..وعندها ريان
عمره 6 سنين وزوجها رائد يصير ولد صديق ابوها وعايشه مرتاحه معه
ومتفاهمين بالحيل.."
ماجد"ع انه الاصغر فيهم الا انه الاكبر بلتفكير بينهم كلهم.. عمره 29 سنه يمتاز
بذكاءة وعصبي حيل عكس شكله الرايق..يهتم بشكله كثير من ناحيه الصحه
رياضي ويهتم باكله وشربه موظف بشركه ابوه مع اخوه عبدالله..
نجود" اليوم صحيت بدري.. لاني رحت المشغل انا واختي كنت متحمسه بس مابينت
لامي واختي هالشئ.. كنت انتظر وقت وصوله لاني متشوقه اشوفه واعرف كيف
شكله وكيف اسلوبه.. وكل شئ عنه..
ع الساعه 8 رن جرس البيت وعرفت وقتها انهم وصلوا نزلت امي تدخلهم
وخالي دخل الرجال بالمجلس ولحريم مع امي.. نزلت اختي معها ترحب
فيهم وتضيفهم .. وبعدها بشوي نزلت . كنت لابسه فستان اسود وفيه تموجات
اللون الاحمر… صراحه يوم شفته معروض شكله خطير بس يوم لبسته اختفى
موديله ضايقني هالشئ بس مابينت … كنت حاطه مي كاب خفيف لان هامي رافضه
اني احط ثقيل.. شعري قصيته لنص ظهري وسويته طبقات وسويت الويفي اللبناني
صبغته بلون احمر غجري..وكنت طايرة من الفرح .. دخلت عليهم وكانوا نفسهم
يالي جاوا يشوفوني.. سلمت ع الكبيرة شكلها هذي امه .. مدري ليه حسيت
انها مب راضيه ع زواجي من ولدها او مب مقتنعه بس تعوذت من ابليس وتركت
الوسوسه عني.. بعدها سلمت ع بنتها يالي عرفتني ع نفسها .. هي وبناتها ماشاءالله
عليهم يهبلون.. صراحه حسيت ا ني اقل منهم بكثير..قهرني شئ انهم كانوا يناظرون
اختي باعجاب كبير .. وانبهار وكانهم مب مصدقين انا خوات…
ام جيهان: جيهان روحي لخالك.. اتصل ع جواله مايرد قولي له يرد عليه
جيهان"تقوم": ان شاءالله مامي
جيهان" مشيت لحد ماوصلت للمجلس…وبصراحه من امر ع مرايا لازم اشوف
شكلي كثير قالوا لي اقلل من هالتصرف لانه بعدين يؤدي للوسوسه والمرض
النفسي بس مااقدر اقاوم .. وقفت عند مغاسل المجلس.. وصرت اصلح بشعري
كنت لابسه تنورة جينز سودةقصيرة..لتحت الركبه ومعها بوت اسود طويل
وبدي احمر وبوسطه كرستاله ع شكل فراشه.. ومن ورى خيوط ع شكل
ضرب متداخله ببعض..وشعري خليته مفتوح وسويت فيه ترويل خفيف ومع
الهاي لايت الي سويتها صاير شكله خيال .. صحيح انا اوصل للغرور بشكلي
بس مااسميها غرور اسميها ثقه بشكلي..انتهيت وارضيت غروري من شوفه
نفسي وتو بطق باب المجلس الا انصدم بالي كان يراقبني.. وع طول حطيت رجلي
ودخلت.. قلبي كان يدق بسرعه… صحيح اني جريئه ومااخاف من حد بس
مب لدرجه الوقاحه واخاف.. كثير ومااحب هالمواقف..ناظرت من الباب اشوف
اذا للحين موجود لاني بشوف خالي .. مو ناقصه امي تهاوش ..انتظرت وانتظرت
وماشفت احد.. طلعت راسي قبل وصرت اناظر يمين ويسار ويوم تاكدت انه مافي
احد.. مشيت للمجلس.. بس تفاجاءت وتجمدت اكثر من يالي تكلم
:لاتفهميني غلط … بس بصراحه ومن غير مجاملات.. انتي خيال وندمان
اني ماعرفت عنك قبل .. بس كل شئ يتعوض .. ماابيك تفهميني غلط هذي
الورقه وفيها رقمي.. بحطها لك.. وخذيها ..وبنتظر منك مكالمه .. وارجوك
لاتفهميني غلط انا قصدي شريف والله …
ودخل للمجلس قبل لايسمع ردي.. كنت ميته خوف وصرت اسب نفسي اني
ماتحركت ولا عطيته كم كلمه ع راسه .. الخايس ببيتنا ويتغزل ويرقم بعد
خذت الورقه وشقيتها ورميتها.. وطقيت الباب ع خالي وقلت له الي قالت
لي امي رجعت وانا معصبه بالحييل من يالي صار وودي اعرف من هو
عشان اقول لاهله عنه.. كنت متاكده انه مب المعرس.. بس مين .. يمكن اخوه
ايه اكيد اخوه بس عليه شكل الدب.. واوو..بس ليه انقهرت انا نفسي متقبله
الطريقه هذي للتعارف لاني انا ابي اختار شريك حياتي.. بس اسلوبه غلط
وطريقته غلط ووين يرقمني ببيتنا بعد …سرحت بافكاري .. وانا افكر فيه
وبشكله وباسلوبه صحيح انه كان مرتبك بس شفت الثقه بعيونه.. صراحه من
حقه الثقه ماعليه قصور ابدا..ضحكت ع نفسي مره امدح فيه ومره اسب فيها
ام جيهان :يابنت انااديك
جيهان" انتبهت لها":هاه شفيك وش فيه
ام جيهان: من زمان انادي عليك وش تسوين
جيهان: ولا شئ
ام جيهان"وتتحلطم ع بنتها": ناديتي خالك كلمتيه
جيهان: ايه قال بيتصل عليك
ام جيهان"توها بتتكلم الا الخال يتصل": هلا اخوي ….
جيهان"تنهدت ودخلت وكلي فضول ابي اعرف من هذا .وكنت متاكده انه
اخوهم وولدهم ماجد.. وحطيته ببالي لانه عجبني…":
نجود"حسيت بخوف يوم امي وجيهان طلعوا .. بس ارتحت يوم صارو يسولفون
معي ويضحكون كانوا حبوبين مره..":وانتي كم عمرك
شروق"بهبال": انا ياستي عمري 14 جايه وناشبه بقووة لاختي ست الحسن هع
نجود"ضحكت ع رجتها":هه شكلك ناشبه وبقووة لها
رنا"بقهر": بقووة وبس الا مطلعه عيوني اف بس سكتي
نجود: ليه وش تسوي لك
رنا:سوالفي معها كثير بفقع راسك فيها بس اصبري توك تعرفينا ونطلع
فضايحنا مايصير هههه
نجود:هههه
شروق: شكلك انتي الهاديه واختك الي تنشب صوح
نجود:ههه لا والله كل وحده بحالها
رنا: ياحظك
شوي الا جات امي وهي متغطيه .. وبعدها عرفت وقلبي صار يدق بسررعه
وبديت ارتبك… مشت بشاير لبرا .. وثواني الا هي راجعه ومعها اخوها ع طول
نزلت عيوني.. كنت منحرجه وخايفه ع اني كنت انتظر هاللحظه ع اني تمنيتها
ماتجي.. وشفت رجوله واقفه بوجهي بالظبط وبخجل وخوف رفعت نظري يوم
قالت لي امي اسلم عليها..وكنت مبتسمه ..وبان الجسر ..بس استغربت
من جموده.. وجهه كان خالي من اي تعبير … سلم على ببرود وع طول راح
وجلس جنب امه.. ماعرفت وش افكر فيه جلست … وانا مب مستوعبه
شئ… صار يسولف مع امي ..ويسالها عن اخبارها .. وهي ترد عليه..شوي
الا جات اختها لعندي ووقفت لانها سحبتني من يدي.. ومشيت وراها لعنده
وبعدها خلته يوقف.. حسيت انه يقاوم وماكان يبي وطول الوقت كنت منزله
وجهي ع الارض…بس من الاصوات والحركه فهمت يالي يصير..بعدها
وقف ولبسني الدبله ولبسته ولما جا وقت الشبكه تحجج انه مايعرف وقال
لبشاير تلبسني.. وهي مارفضت.. خلصنا وبعدها جلسنا .. وشوي الا الكل
قام وهو ع طول وقف معهم
بشاير: اجلس وش فيك مستعجل.. حنا رايحين غرفه ثانيه عشان نخليكم ع راحتكم
عبدالله"واخيرا نطق":لا ماله داعي انا بمشي الحين
بشاير"باين من صوتها ونبرته انها تترجاه": بس شوي ماقلنا لك نام هنا
عبدالله" جلس وبانت العصبيه من جلسته":بس ماراح اطول
بشاير:طيب
وطلعت وتركتنا لحالنا وماكان ودي ابدا تطلع مابي اجلس لحالي معه ابدا..مرت
خمس دقايق وحنا الاثنين ملتزمين بالصمت.. توترت وصرت افرك بيديني
كان ودي اقوم واطلع واتركه..بس كنت حاسه بنظراته وتفحصه لي طول الوقت
وهذا الي زاد ارتباكي
عبدالله" كنت متقرف بالحيل منها ومن شكلها.. كانت سمينه بالحيل.. الله يسامحك
يايبه ع المصيبه يالي قطيتني فيها ولا هذي تستاهل تكون حرمتي انا الكل يشهد
بزيني اخذ هالاشكال ياكثر ماكنت اتمسخر ع النوعيه هذي من الناس وبالنهايه
تصير زوجتي من اشكالهم…كنت اناظرها من فوق لتحت وتقرفي يزيد اكثر
واكثر كان الفيضان بجسمها بارز بالفستان ومخفي زينه والترهل يالي بيدينها
مقرف بالحيل.. يعني تعرفين انك مب كفو هالفساتين ليه تفشلين نفسك ..ماقدرت
اتحمل اكثر الي يصير وهالمهزله .. قررت وعزمت اني يوم اطلع من هنا
اكلم ابوي واقوله اني بطلقها حتى لو كان الي يصير مستحيل اكمل حياتي
مع هالانسانه مستحيل
نجود" بعد وقت طويل من الصمت اخيرا نطق": .
عبدالله: ممكن تشوفين لي طريق عشان اطلع
نجود" انصدمت اول كلمه ينطقها .. يقول يبي يطلع":ان شاءالله
وقفت بصعوبه وكنت منحرجه لاني عارفه انه يراقبني طلعت ونادي تامي الي
استغربت .. وقلت لها انه بيطلع… شوي الا دخلو كلهم وسلم ع امي ود يده
لي
بسرعه وطلع من غير مايقول اي كلمه امه كانت تصرف انه مستعجل بس انا
حسيت انه اكبر من كذا الموضوع..جلسوا شوي معنا وصارو يسولفون ويتكلمون
عنه وعن اطباعه عشان اعرفه واعرف كيف اتعامل معه .. وانا كنت بدوامه
بافكاري ابي اعرف وش السالفه لتصرفاته هذي يمكن ماعجبته بس اهله اكيد
قالوا له اوصافي وهوقبل فيني ووافق لا اكيد مب هذا السبب يمكن مثل ماقالت
اخته انه مستعجل.. نفضت الافكار الشينه عن بالي وصرت اسولف معهم
وتوقعاتكم وارائاكم وتقيمكم هع: (119):
- رواية تدري وش اقسى جرج
- روايه تدري ةش اقسئ جرح كامله