لا تتهمني بشرفي عرف زماني كيف يربيني كاملة
حبيت اكتب لكم روايه يارب تعجبكم اسمها
)لا تتهمني بشرفي عرف زمني كيف يربيني( روايه سعوديه/رومنسيه/حزينه/جريئه/شبه واقعيه
للكاتبه:احزاني تنمحي ببتسامتي
هاذي روايه اكثر مافيها حقيقه وحصلت فيارب تعجبكم
الشخصيات:
ماحقولها بس ببين لكم في الروايه
الجزء الاول
*المقدمه*
لاعاد ياقدر تخدعني طول عمري بنيت امالي على سراب
احلامي ماعدت ابنيها الا على اوجاع يازمن متى ترفق بي وتنتهي المعاناة لاتقول ابتسمي بعد
ابتسامتي ضياع مو كافي كسرت القلب وجمعت فيه الجروح الي مايمديها تروح تجيها يازمن بجرح
جديد مو كفايه علي الظلم والذل الي بكل يوم يزيد متى بتشرق الشمس على ارضي
الي اظلمت من سنين وكانت على وشك الضياع بمكان ماله نهايه ساعدني ناديته ساعدني روحي
كانت تدور الامان بس صدقوني كنت انسان بلا روح امشي وانا دوم منسي تعبتني الجروح
والي كان داخل الروح سببها بكيت وهومو حاس بالهموم داخلها انولدت على دنيا مالقيت فيها
غير تعبي وحزنها على الامي والغير يتمهزى فيني انا عشت مع الظلم وبيبقى معي لنهايتي
ومماتي مو هو انولد معاي بيموت وانا بقربه اناجيه يتركني متى يارب ترحمني صح اني
حساسه وبس ابكي بس وش اسوي هذا مو ذنبي ذنب غيري وتحملته ودوم ببقى المذموم
والموم على غلطه ماعرفتها ولا اقترفتها انساني يازمن انساني هذا وقت وفاتي
في بيت ابو ابراهيم ع العصر
ام ابراهيم:فرح درستي
فرح بطفش:اييه
)بنات ابغى اقولكم اشياء عن ماضي فرح فرح عمرها سبعطعش سنه حلوه مره وجهها بيبي
فيس وشعرها طويل لين نهاية ظهرها شبه ناعم اسود وعيونها عسليه وجسمها نحيف بس البنت
مسكينه طول عمرها تنجرح مره حبت ولد عمها اسمه عبدالملك وذلها وحبت ولد خالها عبدالله
وطنشها وحبت ولد خالتها مشاري ودووم كان يقرب منها وسولف معها حست انه الامان كانت
دوم تتفاخر فيه كان بس تتكلم عنه بعد ثلاث سنوات حطمها وكسرها وانكرها لانها اكتشفت
انه يدخن فسكتت بس قالت بدايتها يدخن هذا كله وعمرها 14 سنه كل هاذي الهموم
عليها فقامت وقالت لازم اعرفه ع حقيقته اعطت صديقتها رغد رقمه فطلع واحد مغازلجي غازل
صديقتها انجرحت بذاك الوقت جرح كبير الثالث طلع خاين خاين كم مره تكررت هاذي الكلمه
بنفسها حبيبي خاني حبيته ثلاث سنوات خاني كان ليش حظي كذا ليش انا ياماحبيت بس
ذلوني ولا طنشوني بس لما لقيت من يلمني خاني هو واحد مستعمل مايستاهلني والي خفف
عليها وجود خالها الي من الرضاعه اسمه احمد امه وابوه متوفيين عمره24 هاذي اخر سنه
له بالجامعه بس احمد كان هو الوحيد الي يعرف كل شي
عن فرح ودايم يخفف عنها)
فرح:ماما حمودي مو جاي اليوم
ام ابراهيم:اكيد بيجي هو عايش عندنا وبعدين عيب عليك ناديه خالي وشي ذي حمودي
فرح ببتسامه:عادي ماما هو عاجبه كيذا
ام ابراهيم:هو من خربه غيرك
فرح:حراام عليك ماندري من الي خرب الثاني
دخل خالها احمد
فرح طلعت ركض وهي لابسه برمودا جنز وبلوزه بنفسجيه وضمته بقوه مشتاقه له
فرح ببتسامه:ليش التاخير؟؟
احمد بمزح:ماتاخرت ولاشي كنت نايم مع خويتي الجديده خبرك بالشقه
)تعليق(
احمد دوم كذا تعودو عليه
فرح متعوده عليه:لاا ليش ماجبتها نتعرف عليها؟؟
احمد مبتسم:لا ياماما اخاف تاكلونها هي فلقه قمر انا ياالله بالياالله تركتها عاد انتي مشاء
الله مايحتاج وحش
فرح:بناكلها من زينها اكيد قشره مثلك_دارت حول نفاسها_ اكيد مو احلى مني
احمد قرصها مع خدها:هو فيه احلى منك
فرح:حمودي طفش بالبيت وانا طفشت من المذاكره بلييز خلنا نطلع ابي اشتري شوكلت
احمد:هو انا اقدر ارفض اي شي لدلوعتي
احمد مبتسم: اختاه نبي نطلع طيب
ام ابراهيم:طيب بس لاتتاخرون بكرى ورها مدرسه
فرح:ياذا المدرسه ورانا ورانا
ام ابراهيم:بسرعه روحي لااغير رايي
دخلت اخت فرح الصغيره لولو عمرها10
لولو:لوين ابي اروح معكم؟؟
فرح كانت بتتكلم بس سبقتها امها
ام براهيم:بتروح المستشفى عندها موعد
فرح عرفت ان امها بتقنعها فراحت تجيب عبايتها
لولو:عادي ابروح معهم
ام ابراهيم:لا يالولو
لولو بعناد:لا بروح بروح
ام ابراهيم:لا يعني لا
راحت لولو ركض تبكي
فرح رجعت وهي لابسه عبايتها
:رجعت يلا حمودي خلينا نمشي
احمد ناظر ام ابراهيم: تبين شي
ام ابراهيم:ترجعون بالسلامه
فرح:فكونا والي يعافيكم بنسافر حنا مايحتاج ماما_ناظرت احمد_وانت وش بتجيب يعني
احمد:فكينا يا فريحوه من لسانك تذكريني بستاذ عندنا بالجامعه ياطول لسانه انا شاك انك بنته
فرح:بسم الله علي انا ماني بنت غير امي والي يقول غير كذا يخسى
احمد:نعم نعم خلاص انطقي هنا من طوالت لسانك
فرح باست يد احمد:لاوش دعى خالوو اقص لساني عشانك
احمد ناظرها وهو رافع حاجبه
:توك تعقلين بس لاصار فيه روحه صدق انك مصلحجيه
فرح:حراام حمود انا دوم عاقله
احمد:وااضح يالله مشينا
فرح:باي مامي
احمد يقلدها:باي مامي
فرح:حموود لاتقلد
احمد سكر الباب:لا من وين جايبتلي حمود اناحمودي
فرح:خ دوم انت كذا امش
بس
راح احمد بسيارته مارسيدس سودا
وفرح كالعاده تسولف واحمد يضحك على حماسها
فرح:شغل لنا شي بدل ذا الطفش
احمد:لاا
فرح تذكرت:اييه حمودي متى بتشرفنا وتتزوج
احمد:انشاالله قريب من وحده اسمها نوره
فرح فتحت عيونها ع الاخير:نعم نعم وشلون تعرفها_ظربته ع كتفه وغمزت له_توني ادري ان حمودي
صاير روميو اخس فيه تطور اخس عرفني عليها
احمد وبعيونه انكسار:بنت عمتي وانا قبل كم شهر عرفت انها تحبني وماحبيت اجرحها لاني حبيت
وحده وجرحتني
فرح انتبهت ان خالها خانقته العبره فحبت تغير الموضوع:اها حمودي شف وصلنا
احمد:ايه هذا كارفور
فرح تناظر خالها ورمشت كم مره:اذا خلصنا بتغديني
احمد وهو رافع حجاب:اشوف
اخذت فرح عربيه تدور فيها وخالها يضحك عليها مو بس شكلها بيبي حتى تصرفاتها يقول
بنفسه الله يصبرني
شافها ملت العربيه شوكلت
احمد:شكلك ودك تخسريني
فرح:لاحراام لا اخسرك ولاهم يحزنون
احمد:يلا تاخرنا
فرح وهي تاخذ السنكرز و حلاو جنبه واشياء فوقه شكلها كانها اول مره تروح تشتري
او تشوف نعمه او حتى شوكلت
احمد ماقدر يسكت ضحك ضحكه عاليه وكل الموجودين لفو عليهم وضحكو اما فرح فكان وجههااحمر
من الفشيله
فرح:طيب اوريك
احمد:مو قصدي بس شكلك اول مره تروحي السوق
وفرح طول الوقت تتوعد لاحمد
وهو ناقع عليها من الضحك رجعو للبيت وباقي ع الاختبارات اسبوعين من بكره
فرح ناظرت امها وفيها خوف وترجي:ماما ممكن ادخل النت
ام ابراهيم جت تتكلم الا جاها صوت قوي تخاف منه:
لاا لا انتي لسى معاقبه وماتلمسي اللوب توب
واذا شفتك لامسته كسرت يديك
كان ابوها الي دوم قاسي معها
فرح والعبره خانقتها:بس
قاطعها ابو ابراهيم:ترادين بعد اسكتي وانثبري فاهمه
فرح:انا ماراددت
ابو ابراهيم ماسكها من يدها بقوه باقي شوي يرفعها عن الارض:هذا ايش هاا والله انا
الغلطان الي ماعرفت اربي
وقام يضربها بالعقال
دخل احمد وشاف الي يصير
احمد:ياخال تعوذ من ابليس
ابو ابراهيم وعيونه شرار:شلون مو انا قاعد اظرب بنته الوسخه القذره الي ماعرفت اربيها وقام
يضرب زياده وفرح تتلوى
فرح تعودت على الضرب والخناق والاهم الظلم والذل
احمد وعيونه عليها ياناس مظلومه انا واثق فيها :ياخال تكفى خلاص البنت بتموت
ابو ابراهيم:بس عشانك
وخر ورقى الدرج وفرح تتلوى
فرح ماستحملت الذل وقدام خالها رقت ركض لغرفتها وقامت تبكي كل هذا عشان ذاك اليوم
لانها تذكرت هذاك الي خرب عليها كل شي لماجا ابوها وشافها جالسه ع الابتوب
ابو ابراهيم:فرح وش تسوين
فرح ببتسامه:اكلم صديقتي ع المسن
ابو ابراهيم:اهاا طيب عطيني الابتوب دقيقه
فرح:تفضل
ابوابراهيم شاف الي مجود بالمستندات كانت اشياء تسم البدن
ابو ابراهيم بهدووء:فرح اي المنتديات تدخلين
فرح:هذا
فتح عليه لقاها راده ع اولاد
ابو ابراهيم شب:فرح
فرح ببراءه:نعم
ابو ابراهيم معصب داخله بركان:ولك وجه تردين بعد الي سويتيه
فرح مستغربه:ايش سويت؟؟
ابو ابراهيم يصارخ:وش ع بالك انا حمار ها ياتبن تستغبيني
تردين ع رجال وفاتحه لي مواقع تسم البدن
فرح مستغربه:اي مواقع
ابو ابراهيم مسك يدها بقوه:هذا ايش فتح لها مواقع لدرجة غمظة عيونها
ابو ابراهيم:لاا الحين تغمظين يوم خلصت وناظرتيها ياالي ماتستحين ع وجهك
اعطاها كف
فرح تبكي:والله والله مالي دخل
ابو ابراهيم:لاتكذبين
فرح وهو ماسك يدها بقوه:طيب ليش مو احد غيري
ابو ابراهيم:مين مثلا ابراهيم الي بس ينزل برامج او عبدالعزيز الي مابحياته لمسه
ابو ابراهيم اعطاها كف:يمكن هذا يصحيك
فرح ودموعها مغطيتها:والله مالي شغل
ابو ابراهيم:لاتحلفي اسم الله مفروض ماينقال من وحده مثلك
قطع عليها الذكريات لما اندق الباب
احمد:فرح افتحي الباب يله يافرح
فرح وصوتها مليان بكا:لاماحفتح
احمد:طيب ابغى اطمن عليك
فرح بحزن:خلاص احمد مو لازم ثلاث سنين مضروبه ومحرومه تعودت خلاص
احمد:بس حتى لو هذا ظلم
فرح:احمد من بيصدقني خلاص روح ابي انام
احمد راح لانه عارف ليش دخلت غرفتها لانها انظربت قدامي يعني ابوها ذلها قدامه
ذل وظلم هذا الي ذقتيه يافرح
تنهد متى بينزاح عنك الظلم
مشى وفرح تسمع خطواته
سكتت
تسمع انفاسها واهاتها
تذكرت لماسامحها ابوها وبعدها وبعدها قتلها
كان يوم جمعه جالسه جنب ابوي كنت سرحانه افكر كيف احل المشكله مع ذيك البنت
بس لقيت جوالي يرن قدام بابا واخواني اخذته فرح لقته رقم غريب ردت:الوو
__________:جوال فرح
فرح غريبه صوت ولد وش يبي :من معاي؟
_________:فهد
فرح:نعم وش تبي وش عرفك باسمي
فهد:ابي بس دقيقتين من وقتك
فرح:انا مو فاضيه
اخذ ابوابراهيم الجوال:نعم
فهد:لوسمحت انا ابي فرح
ابو ابراهيم:وتعرفها ياتبن
فهد:كيف لا؟بس بنتك تبي تتخلص مني عشان كذا عطتك الجوال
ابو ابراهيم بدى يفقد اعصابه:متى شفتها؟؟
فهد ضحك:انا بس شفتها انا حافظ كل شبر بجسمها وشكلها عيونها وساع عسليه مره حلوه
وشعرها اسود
ابو ابراهيم تناقزت الشياطين قدامه:خلااص ياتبن اسكت
وسكر وهو مايعرف راسه من رجليه
اعطى فرح كف:ياخسيسه كيف تجراتي تخوني الثقه
فرح:بابا ليش تظربني
ابو ابراهيم نزل عقاله:وتسالين بعد موهاذا خويك الي تحاولين
تتخلصين منه
فرح وعيونها دموع:والله ماعرف شي
ابو ابراهيم ضربها:وتكذبين بعد مو انا كشفتك انتي وصخه ومدنسه
فرح ودموعها غاشيتها وتشهق:لاا لاا اتهمني باي شي الا شرفي انا تربيتك اسوي ك..
قاطعهاابو ابراهيم وهو يضربها:لاا انتي لنتي تربيتي ولاا بنتي لوكنت واحد منهم ماخنتيني
فرح وهي تتلوى وتبكي:لايابابا لاا انا ماخنتك ولا بخونك
ابو ابراهيم داس عليها برجله:لك وجه ترادين لاوكذب يا خسيسه انا ما اتشرف اكون ابوك
ياوقحه
بعدكذا طول عمرها تنظرب وتنظلم تذكرت ان كل هذا كان من البنت الي تكرها اسمها
امل هي الي قالت لفهد كل شي
ناظرت يمين وشمال تذكرت كيف خالها كان دووم يحميها
قامت من سريرها متى يافرح بينزاح الظلم عنكي متى بتطلع الشمس عليك
غسلت وجهها وناظرت مكان الضربات:هه تعودت بكرى بتجيني غيرها
غيرت ملابسها وفكت شعرها يخبي مكان الضربات
راحت ركض لم خالها شافته معطيها ظهرها حطت يدها ع عيونه
احمد شاف يدها الي حمرا من كثرة الجروح:فيه احد مايعرف هاليد فروحه صح
ابتسمت فرح:صح
احمد بحنيه:كيفك الحين؟؟
فرح:ماكان ضربه كثير _هزت كتوفها ولمعت عيونها_تعودت
احمد:تعالي اجلسي بحضني ابي العب بشعرك
فرح كانت بتجلس بس تذكرت انه اكيد بيشوف ضربات ابوها
فرح بعناد:لاا لاتزوجت تامر ع زوجتك بكيفك؟؟
احمد بحزن كيف اخلي وحده ما احبهاتجلس بحضني :بذاك الوقت يحلها حلال يلا الحين اجلسي
فرح:لا لا
احمد مسك يدها تعالي
فرح انفلتت راحت تضحك
بس فيه شي سكتها شافة اخوها ع الابتوب
فرح مايمديني اتناسا اتذكر تجمعت بعيونها الدموع
رقت الدرج ركض دخلت غرفتها وسكرت الباب
بدت تبكي
حراام يازمن حرام وش سويت انا ابوي ابوي مو واثق بتربيته وظالمني هذا ابوي الي
عشت معه كيف غيره هاا ابوي يتهمني متى يظلم تتركني متى
تنهدت ومسحت دموعها تبي تتوضا توضت وصلت لماجت بتسلم دعت
ياحكيم ياغفار
اغفر لي ويسر لي امري
ياعفو يارحيم
اعفو عن ابي ورحمه واغفر له خطاياه واسكنه الفردوس
يارحمان
ازح عني همي وكشف كربتي
وابعد الظلم عني وجعل القران نور دربي ياغفار يارحمان
خلصت وسلمت نزلت من عينها دمعه يتيمه
ماكانت تدري ان فيه احد ثاني بالغرفه سمع الدعاء
لفت شافته
فرح وعيونها مليانه دموع:احمد من متى وانت هنا
احمد بحنيه:توني داخل
فرح وبدت دموعها تنزل
احمد:لا لا تبكي مافي شي يستاهل دموعك
فرح وبصوتها العبره:بس
احمد بحنان:لابس ولاشي
يلا روحي غسلي وجهك ابي اوديك مكان
فرح ابتسمت من بين دموعها:طيب
وراحت تغسل وتبدل ملابسها
احمد ياحياتي يافرح انظلمتي كثير متى متى تفرحي يا احمد انت اكثر واحد عارف قد
ايش البنت انظلمت كثير وانت ساكت فرح اي قلب عندك تطلبين لبوك الرحمه والمغفره وهو
سبب عذابك لاي درجه انتي طيبه
فرح نطت قدامه وروعته:رجعت
احمد مرتاع:بسم الله
فرح:لهدرجه اروع
احمد:لابس خوفتيني
فرح ببتسامه:اهاا طيب وين بنروح؟؟
احمد تبتسم تخبي المها :لاي مكان تبينه
فرح ببراءه:جد اي مكان ابيه!!
احمد:اييه لاي مكان
فرح بخبث:طيب ابي اروح للملاهي
احمد استغرب الطلب:لييه؟؟!
فرح بحزن:لان بابا دايم يودي اخواني وما ياخذني_ابتسمت_وانا لي ثلاث سنوات مارحت ملاهي
احمد:تامرين امر انا بنزل واركب السياره وانتي البسي عباتك وانزلي
فرح:طيب
نزل احمد تحت وقال لامها انه بياخذها الملاهي
فرح نزلت وراحت لسيارته
وركبت جنبه
فرح:حمودي اي ملاهي بنروح؟
احمد:اختاري
فرح:انا ماعرفهم
احمد:طيب انا بختار ع ذوقي
فرح مبتسمه:كيفك
لفت فرح تناظر السيارات
وتنحت ليش مافيني حيل استحمل ابوي اكيد مايبيني
اعيش ظالمني كثير بس مع ذالك بيظل ابوي الي رباني اسوي الصح مهما سوى بابيحه
واحلله هذا حقه انه يضربني بعد
الي سمع عني بس مين كان فاتح هذيك المواقع مين
انتبه احمد انها سرحانه ياحياتي يافرح متى بيتركوك بحالك مايشوفو وضعك الحزن واضح بعيونك يارب
اقدر واساعدك
احمد:فرح
فرح وهي سرحانه:امم
احمد:وصلنا
كانت مدينة الشلال
فرح فتحت عيونها:حلوه
احمد مبتسم:وش رايك بذوقي
فرح مبهوره:يجنن طالع عليك
احمد بمزح:بسم الله علي من الجنون
فرح:ياالله انزل بتخليني بس اتفرج
احمد:لا نزلنا
دخلو واخذو بطاقات
احمد:اركبي الثعبان
فرح:لاتروع ماحركبها
احمد:يالله بلا بزاره
فرح تناظرها والدوائر الي فيها
فرح:لا فيها شقلبات
احمد وقف في الطابور:اذا ماتبغي اجلسي لحالك طيب
فرح ماعندها جوال تذكرت لما راحت تجيب ذره وتجمعو الشباب حولها بس جا احمد ووخرهم
الحين مافي احمد رفعت راسها تناظر اللعبه تروع لحالي او اللعبه شرفي او لعبه
لعبه هذا قراري رفعت راسها وقشعر جسمها
احمد:هاا اخيرا جيتي
فرح مرتاعه:لاتتركني
احمد:ههه خوافه
جلسو يسولفون
لين جا دورهم
فرح:لا خلاص ابروح لا ابروح
احمد: لا اركبي
فرح مسكة ذراع احمد:الله يخليك مابي اركب
الهندي قام يخانق
الهندي:سراه فيه ناس ورى انته
احمد:اركبي بسرعه الاخو صادق فيه ناس غيرك بيلعبو
فرح وهي ميته خوف وترتجف:طيب
احمد ركب وركبت جنبه
من بدت اللعبه وفرح تصارخ
لما طلعو
فرح ماحلمت اللعبه تخلص:مابي العبها مره ثانيه ابد
احمد:هه ايش تقولين صميتي اذني بصراخك
فرح:اهاا محد قالك تركبني غصب
راحو لعبو
فرح ناظرت الساعه
:يووه تاخرنا
احمد:اييه خلينا نرجع الحين
فرح:طيب
ركبو السياره وهم باقي شوي يوصلو رفع جواله لقى سبع مكالمات لم يتم الرد عليها
احمد فتحهم من ام فرح قال مو لازم يد الحين بيدخلون
وقف السياره ودخلو
فتحت فرح الباب وطاحت الاغراض من يدها ابوها ابوها
جرها ابوها من شعرها:ياالي ماتستحين طالعه بدون ما تستاذنين وين كنت هاا ردي
فرح والدموع بعينها:بالملاهي
ابو ابراهيم:كذابه كذابه وقام يضربها:انت ماتتوبين وقام يضربها
دخل احمد بعده بفتره
تعود انها دايم تنظرب وتنظلم نفس الشي يتكرر قدامه
احمد:خالي تعوذ من ابليس اتركها
ابو ابراهيم:بعد عنها وخر
ويضربها وفرح تبكي وتتلوى
فرح وهي تشهق:يبه يبه خلاص
ابو ابراهيم:الضرب الي اضربه مايفيدك ياقليلة الادب متى تتعلمين هاا متى ياتبن
فرح بقولها يمكن يرحمني مع اني ماسويت شي وهي تبكي:يبه سامحني سامحني
احمد استغرب ليش يافرح ليش انتي ماسويتي شي
ابو ابراهيم وعيونه تتطاير منها الشرار زاد بضربها:وتعترفين ياتبن
وقف ابو ابراهيم ضرب لانه تعب:روحي لغرفتك واذا شفتك طالعه منها حشيت رجولك حش
فرح وهي تتلوى:مدرستي مدرستي
ابو ابراهيم: ماتروحي مكان واذا رحتي لها فتتك انسي شي اسمه مدرسه واذا سمعت طاريها
من اي احد لزختك فاهمه
فرح هزت راسها وركضت وسكرت ع نفسها
وبدت تبكي
ليش انا وش سويت وش سويت
عشان القى كل هذا حافظت ع شرفي وهذا جزائي تعبت تعبت
من نظرات ابوي وضربه لي والظلم الذل الي بكل يوم اذوقه
فرح ماحست الا شي فيها يرتخي لين عيونها غفت
ايش توقعاتكم بالي صار لفرح ؟؟
بتعيش بعد كل ذا الذل والالم؟؟
ايش نهاية المها موتها؟؟