روايتي الاولى و اخيرا حسيت يا مغرور كاملة

في البداية احب ارحب فيكم جميعا بلا استثناء
حبايبي هذي روايتي الاولى بين ايديكم واتمنى منكم التفاعل وبلييز بلا تجريح ..
قبل ابدا احب اوضح كم نقطة:
مافي اي مانع تنقلوا الرواية لكن بشرط انها تكون باسمي ( صاحية لهم)
تنزيل البارتات مافي وقت محدد وبحااول اني اخلص بسررعة لعيونكم
انتهينا.. والحين اترككم للقراءة
رواية ( واخيرا حسيت يا مغروور)

ام مهند عزمت اخوها عبد العزيز وعياله ( بشرى 23 سنة بنت طيوبة هادئة دلوعة
شوي كلامها قلييل تجيب النوم >>هع مؤدبة بزياادة عاقلة, سامية 19 سنة, علا 18 سنة
, محمد 8 سنين )
وعزمت اختها ريم وعيالها ( نورة 23 سنة مرجووجة اتعب وانا اقول مرجوجة فللة بشكل
غير طبيعي تجلسي معاها تموتي ضحك بيضاء شعرها يعني مليانة شوي , عبدالله 25 سنة
, تركي 21 سنة ,نهى 19 سنة )
وطبعا اخوان زوجها اللي هم :>>> ترى العائلة كبيرة شوي بتنلحسون ادري..هع, وانا ما وصفت
العيال بس مو مشكلة جاي بالرواية تلميحات خخ
العم فارس ( فهد 25 سنة, فيصل 26 سنة , فجر 18 سنة)
العمة مريم ( عبدالرحمن 26 سنة , عبدالملك23سنة>>مرجوج , دانيا 19 سنة , دلال12 سنة)

واخيرا العم ناصر( مصعب 25 سنة , يزيد23 سنة , فاطمة 22سنة اما هذي عربجية
كل شي عندها ايزي تحب المغامرات والتهور كل يوم لها مشكلة مع احد خصوصا بشرى
بنت خال لجون وشهد بنت خالها شعرها ايمو قصير وهي اسمن من لجين , خالد
21 سنة , رغد 18 سنة)
اوكي الحريم جوا البيت والرجال الشيبان بالمجلس الكبير والشباب نصهم في المجلس الصغير والنص الاخر
بالحوش..
داخل البيت عند البنات.. نورة : سلاام
لجين : اهليين يادبة وحشتيني مووت
نورة : ههه انتي اكثر وينهم لسة ماجو؟؟
لجين : انتي نمبر ون .. هذي طمطم وراك
فطوم : سلاام يا وجيه العنز
نورة باستغرااب : خيير انتي وجه العنز يا بقرة
فطوم بنبرتها المشكلجية المعروفة : نعم نعم؟؟
لجين : ياهووه بس .. عليك السلام فطوم حياك
نورة : احترمي الناس عشان يحترمونك فاهمة؟
فاطمة : مو شغلك يالعنزة.. هيه لولو خذي شنطتي لغرفتك ماودي اضيعها تدرين فيني .

لجين : خذيها الغرفة قدامك
فطوم : اوكي برب.
نورة باستهبال : توني ادري اني جالسة عالمسنجر هع
فطوم بعباطة اكبر : لانك فاهية توك تلاحظين
وراحت وطنشتها.. نورة: بنت عمك مهلوسة؟؟
لجين : ه ادري تراها طيوبة والله الحين تشوفين بتجيك تمزح لاتاخذين عليها
نورة : ادري بها ملحوسة قولتك شاربة شي؟؟
لجين : اوص لاتسمعك اوص .. خلاص لاتحشين فيها. جات فطوم تركض
فطوم : بناات هه بنات لايفوتكم هعهع طيحت العبيطة اختك لياان ههه وااه بطني هه
ه والله يا نوير فااتك شلون ه طاحت ه
نورة : احسسن تستاهل ياهي مستقعدة لي بكل حركة كرهتني بحياتي ه شلون شلون؟؟
بالمجلس الكبير الشيبان جالسين وماجد وفيصل وعبد الرحمن , دحوم وفيصل ماسكين ماجد تحقييق عن
الاشياء اللي صارت له بامريكا , وبالحوش:

مصعب : وليه يابابا؟؟ ايش سويتلك انا؟؟
فهد : وقف وقف بصوره ه شكلك نكتتة وقف
عبدالله مات ضحك ما استحمل
مصعب : اقول وينك عنا من زماان عنك ياشيخ.
عبدالله : اسال نفسك ياحمار
فهد : اقول انا عطشان وانتوا؟؟
الشباب : واحنا كمان يللا نروح المجلس

وهذي التكملة:
عالمغرب ماجد جالس بالمجلس الصغير لحاله والشباب راحوا يهجولون شوية والشيبان في المجلس الكبير
دخلت لجين تسلم على ماجد…
لجين : عموو سلاام يادب
ماجد بشووق : اهلا اهلا باللي تذكرتني المغرب
لجين : يلا عاد فديتك.. شلون بجيك وانت مسنتر مع الشباب شلوون؟؟ وتخصرت
ماجد : ههه ادري بس امزح حياتي , كيفك ياحلوو و( صفر)
لجين : انا بخير دامك بخير مجوودي
شوي دخلت فاطمة..
فطوم : سلاام ( ببحة صوتها الخشنة )
ماجد : هلا .. فطوم : حمدلله عالسلامة
ماجد : الله يسلمك , وطالعها بنظرة يتفحصها
ماجد يكمل: وع سمنتي يالشينة
فطوم بضيقة خلق : مو شغلك يالامريكي
ماجد : ماالت .. بعض ناس يحلوون (وطالع لجون).. والبعض الاخر…>> يمووت على نرفزة فطوم
خ
فاطمة : تصدق عااد مالت عليك واللي يسلم عليك بعد يا ثقييل الدم.. وطلعت معصبة
بنفس المشية الصبيانية
ماجد ولجين : ههه
ماجد : اقول لولو شعرك طاال مو؟؟
لجين : يب .. وش رايك؟
ماجد : والله يهبل بس لو تفتحينه وتسمعي كلامي يطلع خقق
لجين : ههه مشكوور لالا يعني لا ما احب وانت عاارف خلاص انتهى الموضوع
ماجد : عنييدة طول عمرك طيب ليه؟؟ جاوبي
لجين : كذا مزاج لاتزود حكي بالموضوع
دق الباب
ماجد : ميين؟
مصعب : انا ووراي الشباب ادخل؟
ماجد : لالا اصبر شوي
لجين : يللا اتركك تفتك من ازعاجي شوي
ماجد : وربي ازعاجك ولا شي قدام استجواب فيصل ودحووم هع
لجين : اوكي بااي
وطلعت لجين من المجلس وراحت للبنات
نورة : اقوول مو كانها طولت عند عمها؟؟
فاطمة بتكشيير : وعع ياشينه رفع ضغطي
بشرى باستهزاء : بسم الله عليك من ارتفاع الضغط
لجين من وراهم : ومين هذي اللي مرتفع ضغطها؟؟
فاطمة : انا
لجين : ه وليه ياحظي؟؟
فطوم : من عمك البايخ
لجين : ه حرام علييك
نورة : الظاهر لجون لقيت لها احد يعطيها وجه خخ
بشرى بصوتها الهادئ : بنات ماتسمعون الصوت؟
سكتوا كلهم..
نورة : اي صوت؟
لجين : الا صوت وشوشة (كلام بصوت خفييف)فطوم : بروح اشوف
نورة : بجي معك.. وراحوا الثنتين
وصلوا لمصدر الصوت الا وهو : الشباك
والصوت هو عبارة عن اصوات العيال وسواليفهم ولعبهم
فطوم : وش رايك نطل عليهم متحمسة ابي اشوف اشكالهم
نورة : والله ؟؟ قداام
وهم يطلون.. نورة : مين ذاك الابيض ابو غمازة اللي يضحك هناك؟؟
فطوم : قصدك اللي جالس جنبه واحد لابس كاب؟
نورة هزت راسها بالايجاب..
فطوم بتناحة : مدري.. بس اصبري شوي
نورة : وش بتسوين؟؟
فطوم طنشتها وصرخت بصووت عاالي : ليان
جاتها ليان طايرة وتخصرت وهي تطالع فطوم بحقد
فطوم : تعالي حبيبتي
ليان مصدوومة: حبيبتك؟؟
فطوم : ايه اخلصي تعالي .. مين هذاك المزيون ابو غمازة؟؟
ليان الخبيرة : قصدك اللي جالس جنب فيصل ابو كاب اسود؟
فطوم : ايه اللي جنب ابو الكاب ميين اخلصي؟
ليان : هذا عبدالرحمن ولد عمتي مريم
وتوها بتسال لييش؟؟ فطوم سبقتها : طيب انقلعي الحين.. ليان وهي معصبة : والله اردها
لك دبل
فطوم : اقول تحركي قبل لا اكسر راسك
راحت وهي تدور خطة تلعن فيها خاامس فطوم
ونورة مسسررحة مع دحوم
فاطمة : الوو يا بطة وين وصلتي؟؟
نورة : هاه , معك معك
فطوم : اعجبك دحووم؟؟
نورة بفلسفة : هو مملوح لكن مو ستايلي
فطوم : لاه.. احلفي؟؟
جات لجين ترركض : بناات
نورة بخوف: هاه وش صاير
لجين : البسوا عبايتكم ولننطلق للسووق
فطوم : ومين بيودينا؟؟
لجين : بابي انا
فطوم : طيب يا هندية..
لجين : على تبن.. وش شايفتني؟؟ يللا بس استاذنوا امهاتكم وتعالوا
نورة : ايش المناسبة؟؟
لجين : انا كنت باطلع اليوم بس صارت عزيمة عمي وتاجلت طلعتي بس الحين بنطلع
سواا ونااسة
نورة : امي ما بترضى عشان ابوك ما يصير لي ياحبي
لجين : مين قاال؟ الا يصير لك زوج خالتك ولفطوم عمها وابووي انا.
نورة : وين بشرى؟؟
لجين بضيق : رااحت
نورة : لا .. اووف ماشبعت منها عالعموم بشوف امي
رضيت ام نورة بالشددة وفطوم ماحد يقدر عليها المهم:رن جوال لجين : الوو
ابو مهند : الو حبيبتي انا اضطريت اطلع بس عمك بيوديك اوكي؟
لجين : عمي ماجد؟؟ ونااسة. اوكي بااي
فطوم: وش فيه الخايس؟
لجين : ابوي برة البيت وهو بيودينا
نورة: اووف وكملت باستهبال وعمك كمان يصير زوج خالتي؟؟
لجين : لا بس احنا معك مو مشكلة
رن جوال لجين مررة ثانية وسكرت بطفش
نورة : خير اللهم اجعله خير؟؟
لجين : عمي تعبان وقال واحد من عيال عمك بيوديك
فطوم: عز الله رحنا .. اقوول قوموني لا تاكدتوا
مين يوديكم اوكي؟
نورة : اقوول عن الاستهبال فطوم
وجلسوا ينتظرون بالصالة بملل
رن جوال فطوم..
فطوم: الوو خيير؟؟
مصعب :اعووذ بالله على طوول خيير؟؟ المهم البسوا عباياتكم ولا تتاخرون سامعة؟؟انتظركم برة
فطوم: انت بتودينا؟؟
مصعب : ايه ومعي عبدالله ولد خالة مهند وفهد ولد عمي اخلصوا بسررعة
وسكر بوجهها..
لجين : ميين ميين؟
فاطمة وهي تمطط اسمه: مصعب الزفت
لجين : ياكرهك له .. وليه مدري
فاطمة : لانه عبييط وكرييه اشين اخو عندي
نورة : بتروحون وتخلوني
فطوم : مين قاال اخوك بالسيارة معه اخلصوا ولا بيعصب علي
لجين : وانتي ام لسانين ما تقصريين
جاء مهند يركض: مصعب يخاصم ويقول انه بيروح اذا ما نزلتوا الحين الحين
فاطمة بلعت ريقها: يا وييليي بتهزا
مشوا البنات وركبوا السيارة الجمس ورى
وهم في الطريق :
مصعب واخلاقه بخشمه: انا ما قلت لك بسرعة؟؟
سنة تلبسي عباية سنة؟؟
فطوم بنرفزة: خلاص الحين احنا جينا لاتجلس تسويها سالفة اووف
مصعب : بعد تردين؟؟ اذا ما تنطمين بنزلك ساامعة؟؟
فطوم تسلك له: طيب طيب
المهم وصلوا المول والبنات يمشوا قدام العيال
نورة مشتغلة تقز بالشباب
نورة: اقول لجون
لجين: هلا؟ .. نورة : شوفي ذااك فديته
لجين : وبعديين سيبي الرجال بحالهم خلاص
نورة: هو حلو شسويله؟؟
لجين : سيبيه بحاله واخلصي شوفي وش رايك بالبلوزة؟
نورة : اووه حلو حلو. اقول ما ودك تحبين واحد مزيون؟؟
لجين : يااليل مطولك ..
نورة : لاتغيري الموضوع .. ليش دايما تغيري الموضوع لاحكينا فيه؟؟
لجين : لانو موضوع سخييف
نورة بصوت عالي: الحب موضوع سخييف؟؟
لجين :اولا وطي صووتك وانا ماقلت الحب سخيف
نورة : اجل وش قلتي؟
لجين : موضووع الشباب سخييف
نورة : والحب؟؟
لجين : ايش فيه؟
نورة : ماحسيتي انك مخققة مع واحد مثلا؟
لجين : لا
نورة : افا شلون عايشة بذمتك؟
لجين : هه نورة حبيبتي انا مؤمنة بالحب من اول نظرة لكن يهمني الاسلوب قبل
الشكل
نورة : شلون يعني؟
لجين: يعني يهمني يكون محترم وشخصيته قوية كلامه مرتب و يغار علي بقووة يهمني الاتسان
اللي يخليني اخجل من نظرة يانورة
نورة : وضحي اكثر
لجين : يا خبلة يعني اذا طالعت عيونه ابغى احس ان الوقت يوقف نواري.. انا
ابغاه اعند مني
نورة : اما بهذي مرييضة معلييش
لجين لاحظت ان فطوم ساكتة غرييب لافي شي مو طبيعي.. التفتت لها شافتها تمشي جنبها
ساكتة
لجين : توومي فيك شي؟
فطوم : تكفوون جوعاانة تكفوون بمووت ابغى اكل بمووت>>> مين يسكتها الحين؟؟
لجين : طيب خلاص طيب اووص
نورة : وجع فضحتينا انطمي
لجين : وليه ساكتة من اول؟؟
فطوم : انتظركم تخلصون سالفتكم الساامجة
لجين ونورة :هههه مشينا المطعم
وهم بالمطعم يتعشون مرت مجموعة من الشباب جنبهم واحد من هالشباب سمع صوت لجين وهو
ما جمبهم
(صوت لجين طفوولي) المهم عجبته وحب يعاكسها
جلس بالطاولة قدامهم وقام يغمز ويسوي حركات نوري انتبهت له : لجيين فيه واحد ياشر
لك
رفعت لجين راسها ووطته بسررعة وهي خاايفة
نورة : حطي عينك بعينه واستحقرييه خليه يكسر نظرته هالوقح بس انتبهي انتي تنزلين عينك

فطوم: واذا ما فاد اقوم له العن شكله
نورة : كفوو بنت رجال
فطوم : وش يدريك انتي وانتي يازفت يللا
لجين : ما اقدر ما اقدر
نورة : الا تقدريين يللا
لجين :لالالا وبدت ايديها ترجف وبردت اطرافها
نورة : يا هبلة وش فييك؟؟
الحيوان لما شافها موطية راسها قام وحطلها الرقم وفي هالاثناء مصعب وعبدالله وفهد جايين للمطعم
وشافوه
فهد : مصعب شووف يرقمهم
مصعب اشتعل نار لانه غيوور بزياادة على اهله بالذات هو وخالد اخوه وتركي اخو عبدالله

ركض مصعب ووراه الشباب
نورة بخوف: فطوم هذا اخووك جاي يركضض
فطوم التفتت بقووة : ياويلي لايكون شافه
نورة : احسن خلييه يتربى
ومسكه من بلوزته من ورى وصرخ بقووة: تعاكسها يالحقيير يالسافل يابن
المهم تطاقوا بقوة مع هالشباب وجاء امن المول وطردهم كلهم بررة والبنات لحقوهم ولما انتهت
المضاربة
فطوم :ياويلي يامصعب وش ذا لازم نروح المستشفى
مصعب : وليه المستشفى كلها كم خط عاادي
فطوم تكلم لجين : ماهانت علييه بنت العم
لجين عطتها نظرة وسكتت
نورة تكلم عبدالله : كل هذا يطلع منك ؟؟
عبدالله : انا بس فزعت وبعدين بنت خالتي يعني اختي
ولجين ساكتة ومنزلة راسها وتسمع
فاطمة تحاكي مصعب: تصدق عااد انا غرت كل هالمطاقة عشان لولو صارت
مصعب ماله خلق : اقوول خلي الدلع لاهله موو لايق عليك
فطوم : ومين اهله يالراايق؟؟
مصعب : اهله .. هم اهله ياماما
فطوم : لا انا ادري انت تقصد مين؟؟ قصدك لجوون صح؟؟
مصعب: انا ما قلت شي لاتقعدين تالفيين
لجين انقهرت وقرصت فاطمة بايدها
فطوم :اه وجع وش قلت؟؟
رفعت لجين راسها وطالعت فطوم بنظرة حاارة عشان تسكت
ومصعب يطالع فيها ويضحك على خبال اخته
التفتت لجين قدامها اي لمصعب اللي واقف قبالها وشافت عيونه اللي جات بعيونها لجين بجد
حست ان الوقت وقف .. كل هذا بثانيةونورة تراقب ولجين وطت راسها
مصعب تنرفز من نظرة لجين ومشى وقال:انتظركم بالسيارة ومشى وراه عبدالله وفهد ولجين وجها احمرر
تحت الغطاء ونورة ملاحظة وفطوم فااهية
الحين انا بجد تعبت اخليكم باذن الله ونكمل بكرة اذا الله اراد

• رواية واخيرا حسيت يا مغرور