روايه انا الشموخ ومارضيت البهاذيل كسرت خشم الوقت من قو ذاتي

(1)

صحيت من النوم…واحس الصداع بيذبحني….ناظرت لساعه جوالي وشفتها سبع الصبح…فزيت بسرعه وانا اتخبط بالظلام…لحد مابطلت
النور….وشفت غرفتي اللي تقريبا كل شيء متكسر فيها….كان صاير فيها حرب….تنهدت بضيق من طبعي الخايس…بس
اعصب اكسر كل شيء تمسكه يديني….اخذت روبي ودخلت اخذلي شور سريع وانا اتحسب على عدو
ريم….انها ماصحتني….حسيت بالماي الحار يحرق جسمي….وسالت دموعي تحت الماي بقوة….تذكرت هيجاني البارحه…وضربات الكل على بابي
يترجوني افتح الباب…وسلطان وهو يناديني…وانهرت بكل ضعف ودموعي سالت بغزاره…..بكل سهوله يبوني اقابله…ولا كان شيء
صاير….."ناصر الناصر"….اكره رجل بقاموس حياتي….ابوي الغايب الحاظر….جاي بعد 19سنه…اللي هي عمري كله….يبغى يشوفنا بكل سهوله…..طلق
امي وطلقنا معاها….ولا كاننا عياله….ناصر الناصر هامور عود….اسم لا انذكر بالسوق….التجار تتراجف….اشهر من نار على
علم….كان على معرفه بجدي وخطب امي…..اللي كانوا من عايله متوسطه رغم انهم شبعانين….بس عند عايله
الناصر مايطلعون شيء….تزوج امي وعمرها 18 سنه…وهو تقريبا بنهايه العشرين….ناصر كان طبعه حار….وعصبي من الطراز
الاول….وامي كانت صغيره وطيبه وحبته بجنون…. باختصار امي من النوع السلبي لابعد الحدود….وهذا من اكبر
اسباب المشاكل بيني وبينها…..المهم سمحتله يتمادى عليها….صار كل ماعصب مايلقى متنفس له ولغضبه الا جسم
امي….وامي بطيبة قلبها….وضعفها كانت تسامحه….من تشوفه جايها اليوم الثاني ندمان…مما خلاه يتمادى معاها….ولانه كان متاكد
ان جدي(ابو امي) راح يوقف معاه….حتى لو كان غلطان….وهي طبعا كانت تدري ان ابوها مستحيل
راح يوقف معاها اذا لجاتله….لانه باختصار كان يقدس شيء اسمه ناصر….ومن رياجيل قبل….الطلاق من المحرمات….ولو
زوجك يذبحك عادي…..وشحال لو كان هالرجال ناصر….وتمر الايام…. وتحمل امي باختي"ريم"….ورغم ان ناصر خفف الضرب
شوي….بس كان يضربها احيانا….وبعدها بسنه حملت بفرحه دنيتي "سلطان"….وحذرهم الطبيب من حمال امي….كان صعب وجسم
امي ضعيف كثير ومايتحمل .ونفسيتها المعدومه طبعا….. فرح ابوي بحمالها….وكان يتمنى ان امي تجيب له
الولد اللي طول عمره يتمناه….بس بفترة حمال امي….كان ناصر يواجه ضغوط بشغله…..كان عنده عداوة مع
تاجر عود…كان يضربه بالسوق….وخسر اكثر من مناقصه….وكلفته خساير كبيره….وكان يرجع للبيت….ويفرغ كل مافيه بامي….وتازمت حاله
امي صحيا ونفسيا….لحد ماوصلت لنهايه الثامن….وضربها ابوي الضربه القاضيه….ولما شافها اغمى عليها…. والنزيف القوي اللي
جاها….طار فيها للمستشفى….وادى ضربه لها لولاده قيصريه مبكره…..وحياه امي اللي راحت بغيبوبه الله اعلم متى
تصحى منها؟…..بعد مانجت بقدرة قادر من الموت"بسم لله عليها…"….وانولد سلطان….سلطان اللي كان ينطره ناصر بفارق
الصبر….بس حاله امي…وسلطان اللي كان ميؤس من حالته….والضرر الكبير اللي متعرض له….هدمت ناصر….وانهار تماما….وبعدها بشهر
ونص….صحت امي من الغيبوبه….ونجى سلطان….بس الخبر اللي صدم الكل….وخلا امي وناصر ينهارون….ان سلطان راح يلازمه
تخلف عقلي….امي هنا لامت ناصر….وجاها انهيار حاد …..تعذر منها ناصر مره ومرتين…. بس هي خلاص
كرهته….ولجات لابوها بعد ماكرهت العيشه مع ناصر….بس كالعاده ردها ذليله….لان المره عنده عيب تتطلق….حاول خالي
فهد بابوه….بس جدي معند….وناصر عنده ملاك مايخطي ….ردت وهي منذله….موطايقه العيشه معاه….رغم انه تغير 180درجه
بس عقب شنو؟…..كانت تبلع الغصه….كل ماتشوف سلطان….وحاله غير عن هالناس….وبعد سنتين توفى جدي….وراحت امي لبيت
خوالي….وطلبت الطلاق….هنا ثار ناصر….حاول وحاول….بس امي كانت رافضه حتى تقابله….تدري بضعفها اذا شافته…..من تشوفه يبتسم
لها….وعيونه تناظرها ندمانه….تنسى الدنيا ومافيها….ووكلت خالي فهد….اللي كان مايطيق ناصر….ناصر رفض رفضا قاطعا حتى النقاش
بموضوع الطلاق….جاء اكثر من مرة وحاول يقابل امي بس خالي رفض….وهذا خلاه ينجن….وخالي فهد رفع
عليه قضيه….وكانت القضيه شبه ربحانه….. خاصه مع تقارير الضرب المبرح اللي امي متعرضتله…..بس الصدمه الكبيره….ان
امي اكتشفت انها حامل فيني….انهارت….وحست ان الطلاق بعد عنها…..خاصه انها حست انها بطلاقها راح تغلب
ناصر….اللي عمر ماحد غلبه….الكل انصدم….وتعلقت القضيه لما تولد امي…..وعلى كثر فرحه ابوي بحمال امي على
كثر ماحزنت عليه امي…..وبعد ماولدتني نزل حكم الطلاق مباشره…..كان ناصر بالاول يجي لريم وسلطان وياخذهم….بشكل
شبه يومي….ياخذهم لعمامي….بس انا ولامرة اخذاني….لان انا كان طبعي خايس حيل….وانا صغيره….بعده باشهر خالي فهد
باع بيت جدي الكبير بالرياض….ورحنا للدمام….واشترى فلتين….هو وزوجته وعياله سكن بوحده….وحنا وخالي فيصل وجدتي سكنا
بوحده….طبعا خالي فيصل هو اللي طلب هالطلب….لان حنا بدينا نكبر…وحس ان راح تبدا مشاكل….وحب اننا
نستغل والكل يرتاح….خاصه ان ورث كل واحد منهم كبير والحمدلله ومن هذاك اليوم خالي فيصل
هو المتكفل فينا…..صارلنا الابو رغم صغر سنه…..كان تقريبا بالثانوي لما تطلقت امي…..وهو الوحيد اللي يستاهل
مننا كلمه يبه…..وطبعا ابونا الحقيقي من انتقلنا للدمام….ماشفنا وجهه…..كنا نعرف اخباره من الجرايد والمجلات…..وتجارته المزدهره…..طلعت
وانا انشف نفسي عدل…..استشورت شعري الاسود الطويل…..على شكل سريع بس تجفيف…لبست تنورة سوداء ضيقه وقميص
رسمي عسلي…. ولبست جزمتي"تكرمون"الكعب العالي…..فتحت زرايري اللي فوق….مسكت شعري بكلبسه ورفعته كله لفوق بشكل فوضوي….وتناثرت
خصل شعري الاسود على وجهي….ناظرت بملامحي الحاده….وشفت عيوني اللي وارمه….مسكت الكحل وانا ادعجه بعيوني بكثره…..عمري
ماراح اسمح لاحد يتشمت فيني…..وامس اخر دموع انزلهن علشانك ياناصر….تذكرت امي اللي تشاجرت معاها بقوة…..وغلطت
عليها بالكلام….صدمتني وهي تقول ابوك له حق عليك….. لذي الدرجه ماعندها كرامه…..وين الحق اللي له
علي؟….يخسي والله….ماله شيء عندي…..انا ملامح وجهه ماعرفها…..كثرت المسكره على رموشي…..وانا احس اني مقهورة…..حق له عندي
وهو حرم سلطان يعيش مثل باقي هالشباب…اجل حق سلطان وينه؟…بس ما قول الا حسبي….حذفت الماسكرا
وانا استغفر .ناظرت نفسي بضيق…..ماعندي له شيء…..ولاله حق علي….الا انا اللي لي عنده حقوق….وباخذها طيب
والا غصب…..ومن ورا خشمه….وحق سلطان باخذه من بين عيونه…..راح اخذه من عمرك…..وماكون الجازي اذا مابكيتك
دم…..والزمن بينا ياناصر…..حطيت قلوس وردي….وبلاشر…..ناظرت لانعكاس صورتي بالمرايه الكبيره…..ماحد بيكسرك يا ولد الناصر غيري….ابتسمت …..غرقت
نفسي بعطوراتي المفضله….لبست اكسسواراتي….اخذت عباتي وجوالي….ونظارتي الكبيره….وفايلي الوردي….وجنطتي….ونزلت وانا اسمع اصواتهم العاليه….رسمت على وجهي ابتسامه
وسيعه….باستانس قبل تجي ياناصر….ولاجيت ربك يحلها….ماله داعي اضيق على نفسي من الحين….وكل شيء بوقته حلو
يا ولد الناصر…. دخلت عليهم وهم قاعدين على طاوله الاكل وكلهم سرحانين… وبمرح: صباح الخير
لاغلى ناس بحياتي
الكل ناظرني بصدمه….وثواني وردوا عادي….لانهم عرفوا وتعودوا انهم معاي عمرهم مايرسون على بر…ويعيشون مليون الف
حاله بالدقيقه الوحده….قالت جدتي بسعاده:حي هالصباح الحلو….دامه منك….
قربت منها وبست راسها….وبست راس امي اللي عيونها مليانه دموع….. وماكلمتني….. وبست خالي اللي من
شافني فرح وقعد يهلي فيني…وصبح علي…..ناظرت سلطان اللي نايم على الطاوله…. وبسته بقوه وانا اجلس
جنبه….وهو صرخ:ياوصخه…..
ضحكت بمرح:ياوصخ انت….يالله قوم….بسك نوم يالله
قالت سعاد بهدوئها المعتاد وهي تغمز بعينها:اشوف المزاج رايق اليوم…..عساه دوم…..
قلت بروقان وانا ابتسم و اتسند على الطاوله واناظر امي:ايه الحمدلله…..
الكل جلس يكمل فطوره….وامي منزله راسها….كنت ادقق بملامحها اليوسفيه….ياحلاتك يامهاوي….امي كانت حلوة بشكل يبهر….الكل كان
يقول اني كوبي من امي….يابختي والله دامني اشبهك….كان كل اللي يشوفنا ينصدم من شدة الشبه
اللي بينا….بس انا على حجم اصغر….وانا ملامحي حاده اكثر من امي…..امي انعم ملامح بكثير مني…يمكن
هذا الشيء الوحيد اللي اخذته ريم من امي….النعومه والبراءه….على عكسي انا كل مافيني حااد….بس كنت
اشبهها كثير….على عكس ريم وسلطان اللي مايشبهونا ابد….ولاحتى يشبهون خوالي….امي وخوالي كانوا يقولون انهم يشبهون
ابوي كثير…..رديت لتاملي بوجه امي ….وتنهدت…شلون عطاه قلبه يسوي فيك اللي سواه….والله انه مايستاهل ضفرك
قطعني من سرحاني صوت ريم الناعم:جوجو صحيتي…..
ناظرتها وانا ابتسم…..ناظرتها من بيجامتها الصفرا السخيفه…..لشعرها القصير الناعم المتبعثر على وجهها البرئ….لملامح وجهها الناعمه….ووقفت
عند عيونها اللي براءة الدنيا كلها فيها….والهالات السودا منتشره حواليهم…..قلت بعتب:لا والله توك تتذكرني….ماتدرين ان
عندي دوام….الحمدلله اني صحيت بروحي…..وبخوف مصطنع….تخيلي انواروه الدبه جتني وانا مو خالصه….وربي تفضحني…..
الكل ضحك وهم يتخيلون رده فعل انوار…..قالت ريم بنعومه:سوري….واشرت على الصينيه بعيونها….وكوب قهوتي السودا عليه….وعصير
الفراوله حق سلطان…..وباعتذار….سويتلك كوفي….ولسلطان عصير ونسيت الوقت…..
قلت وانا اتلذذ بطعم الكوفي:امم…..لاخلا ولا عدم ريمو….
ناظرني سلطان بغباء وهو يشرب عصيره مثل ما اشرب الكوفي حقي:امم لا خلا ولا عدم
ريمو….لا خلا ولاعدم ريمو….
وظل يكرر الكلام بغباء….الكل تجاهله….خالي رد يقرا الجريده بسرحان…..ناظرته بحب….."ربي لايحرمني منك يابو الجود….والله انك
بمليون رجال…..مدري بشنو اجازيك؟…..كل شيء بحقك صغير….قدرك عندي كبير….كبير لدرجه ماتتصورها…..عمري ماراح انسى طيبك معانا….وعمري
ماراح اعترف بابو غيرك…..ادري وشكثر مضايقتك جية ناصر….وادري بتوترك…..رغم انك تحاول تخفيه عن الكل….بس عمرك
ماراح تخفيه عني…..انا بنتك…بس وربي…لاوريه….وضيقك هالايام من كلمك….بحاسبه عليه….واطلعه من عيونه…شوراي خل احاسبه على كل
شيء…..الا انت مابغى احد يكدرك….."
لفيت وناظرت لجدتي وهي تشرب الحليب….وابتسمت بحب"والكبر بانت مواريه فيها عسى ربي ياخذ من عمري
ويعطيك يالغاليه….ويخليك لنا يارب ياكريم…..رغم هواشها الدائم معاي ومع سلطان…..الا اني ادري ان مابه احد
بهالدنيا يساويني عندها…..رغم انها مليون مره طردتني من البيت….وياما عايرتني ان ابوي رامينا…..وتقولي روحيله….اذا عصبت
على عيال خالي فهد اذا دخلوا البيت….تقول البيت لهم….وانتي خلي ابوك بملايينه يشترلك قصر….ههه بس
ياحبني لها ثواني وتندم….وتقعد تعتذرلي وانا اتغلى عليها….ربي يخليك لي….."
ناظرت سعاد بقعدتها الهاديه….وملامحها الحلوة….وابتسمت باحترام لهالانسانه"والله انك بنت رجال يام جود….مليتي قلب خالي وعينه….وعوضتيه
عن اللي ماتتسمى…."تضايقت من تذكرت زوجه خالي الاولي…..بس نسيتها من طاحت عيوني على اعز مخلوق
عندي بهالدنيا…..ناظرته بحب وانا اشوف رجولته الواضحه….ووسامته اللي مايختلف عليها اثنين….وضخامه جسمه….وبجامته الزرقا اللي بارزته
حيل….وشعره الناعم الطويل…..سلطان كان مو حلو على كثر ماهو جذاب….كانت فيه جاذبيه لاتقاوم….كان يشبه ريم
بشكل مو طبيعي…..بس ريم كانت ناعمه كثير….على عكس سلطان اللي كان كل مافيه حاد ورجولي….لدرجه
كبيره…..وهذا اللي خلاه يتعدا ريم من ناحيه الجمال….ناظرت وجهه اللي اعشق تفاصيله….سماره البارز…عيونه الحاده رغم
صغرهم….خشمه الطويل شوي…شاربه الخفيف….فمه…شعر لحيته اللي توه طالع…..كنت اعشق جميع تفاصيل هالمخلوق الجالس جنبي….ياسبحان الله….اغليه
غلا ما اغليته لامي…..هو العز والسند والابو والاخو….والخوي ورفيق دربي….وكاتم اسراري….كان جالس جنبي رجال مكتمل
الرجوله….بس حسبي الله ونعم الوكيل…..على من كان السبب…كله منه….عمري ماراح اسامحه….هو السبب ان سلطان انحرم
من انه يعيش طبيعي…..يعني حرام ان سلطان يعيش مثله مثل كل اللي بعمره…كان الحين سلطان
هو اللي يوديني للجامعه….ويروح لجامعته….كان الحين سنة تخرج…..ويسوق سيارته….حسيت بالضيق فجاه كتم علي….نفضت هالافكار….وشفت ريم
بمكانها المعتاد قدام الtv وتناظر بكامل اندماجها….وهي فاتحه فمها باندماج….هزيت راسي بضيق من حالتها الميؤوس
منها…صحيت من سرحاني….على صوت جوالي….سكرت بوجه انوار ولبست عباتي عالسريع….بست سلطان اللي معند يبقى يروح
معاي….وبعد اخذ وعطى….ووعودات مني ومن خالي تركني….وانواروه التبن احرقتني…..قربت من امي…ولميتها بقوة وتركتها بسرعه وانا
ابوس راسها….وبهدوء:يمه سامحيني….ادري غلطت عليك البارحه….وزودت بالكلام….تنهدت بضيق وكملت بغصه…بس من حر قلبي يمه….وبهدوء…وانا اشوف
دموع امي اللي غرقت وجهها…يمه سامحني…يمكن الحين اذا طلعت ماراح ارد….وربي ياخذ امانته وانا ماتسامحت
منك….خليني اطلع وانا مرتاحه….
شهقت امي بقوة وهي تاخذني بحظنها….وتسمي علي وتذكر الله….ناظرت بخالي وسعاد وريم اللي يضحكون علي….
ولعبت لهم بحواجبي بخبث…..لانهم يدرون ان ماينقدر علي ابد….غصب خليت امي تتركني….اللي عندت….خايفه يصيرلي شيء….تلثمت
اي كلام….ونظارتي وفايلي بيدي…وطلعت وانا حالفه اني اادب انواروه التبن….صعدت السيارة بعصبيه….بدون لا انتبه للسياره
ولا حتى للسايق….ولاحتى ان انوار صاعده قدام…وبعصبيه ونرفزه:انوااروه وجع انشالله….ماتقدرين تنطرين دقايق….حرقتيني بجد نرفزتيني….كل هذا
خايفه على البنغالي….و…
بلعت كلامي بعد ماتعلقت عيوني بعيونه المبتسمه….اللي تناظرني بلهفه وشوق كانه اول مره يشوفني كعادته..ورحت
لبعييد

• رواية انا الشموخ