اجمل قصص ليبية واقعيه مضحكه 2024 قصص ليبية واقعيه مضحكه 2024

اجمل قصص ليبية واقعيه مضحكه 2024 – قصص ليبية واقعيه مضحكه 2024

عندي بعض القصص الحقيقه الطريفه ونبي اليوم اني اشاركهم معكم :.

قالك في مره وحده كبيره في السن كان عندها ابن عاق جدا ليها وكان دائما
يصرخ في وجهها ويسرق منها في الفلوس.عالعموم يوم من الايام قالت خلاص انا معاش نقدر
نتحمل اكثر من هكي، فقررت انها تبلغ عنه الشرطه.فذهبت للمركز وكلمت الضابط الموجود وقالت له
عن مشكلتها

فقال لها الضابط باهي خلاص استني شويه غير عندنا واحد لازم ياخد فلقه فبعد ما
نكملوا معاه نمشوا نمسكو ولدك، فاتت تقريبا دقيقه وبعدها يدخلو اثتنين شرطيين ومعاهم واحد شاب
ماسكينه وبعدين حطوه عالكرسي ورفعوا رجليه وبداو يعطوه في فلقه،

وهو الشاب مسكين يعيط وينادي وينك ياميي ، يا ميمتي الحقيني وو.فالام خافت على ولدها
انو يصير له مثل هذاك الشاب لكن ما عرفت شنو تعمل حتى تتراجع..وبعد ما اكملوا
الشرطه مع هذاك الشاب مشوا للام وقالوا لها هيا خلينا نحضروا ولدك هنا ونعملوا له
اللازم واخدوها معهم.فاول ما طلعت شافت امامها واحد شاب ماشي في حال سبيله فالتفتت للشرطه
وقالت لهم الحقوا عليه هذاك هو ولدي ، عالعموم الشرطه اول ما سمعوها بداو يجروا
وراه لحد ما امسكوه وبداو يضربوه ويقولوا له هذي جزاة اللي ما يحترم امه وهو
مسكين يقول لهم هذي مش امي انا ما نعرفهاش ولكن لا حياة لمن تنادي فالشرطه
ما سمعوه والام هربت وخلاته يلاقي مصيره.

هذي قصه ثانيه اقصر من الاولى : قالك في مره واحد طول الوقت يوقف في
نص الشارع ويتكلم بصوت عالي ويقول :

الدقيق غالي و ليش الدقيق غالي و و عالعموم بعد ما سمعوا به الشرطه وحتى
ما يعمل شوشره في البلد امروا بان يقبض عليه ويعاقب عقوبه مناسبه، فمسكوه الشرطه و
جابو سطل مليان دقيق وبداو يدخلوا راسه بهذاك السطل ويطلعوه وقعدوا على هذاك المنوال تقريبا
ربع ساعه وبعدها لاحظ احد الشرطيين ان الراجل قاعد يضحك فاوقف زملائه وساله :

توه بالله عليك احنا قاعدين نعاقبوا فيك وانت تضحك، شنو انت هبلت؟فرد عليه الراجل وقال:انا
قاعد نحمد في ربي اني تكلمت على الدقيق مش الفلفل الاحمر القصه الرابعهمره في واحد
مات ابوه وفي وقت العزاء الناس جايه تعزيه وهو اول مره يوضع بموقف مثل هذا
يعني انو يكون محط الاهتمام من الجميع ومن كثر ارتباكه جاه واحد قال له عظم
الله اجركم فرد عليه وقال له الله يبارك فيك.. ان شالله يكونوا عجبوكم

• روايات ليبية منوعة
• قصص ليبية
• قصص ليبية مضحكة
• روايات ليبية واقعية
• روايات ليبيه منوعة
• قصص ليبيه
• قصص ليبية واقعية
• روايات ليبيه واقعيه
• روايات ليبيه مضحكه
• روايات ليبية واقعية قصيرة